𝑲𝒐𝒎𝒊𝒍𝒍𝒊𝒌 𝒔𝒂𝒓𝒊💚

Борида қадрланг қадрдонларни,
Лаҳзада умрлар топади якун,
Бугун соғ-саломат юрган одамни,
Эртага қабрга қўйиш ҳам мумкин!
Борида, борингиз шукрим деб қўйинг,
Яхшиям борсиз деб қўйинг кунда бир!
Меҳнат керак эмас меҳр беришга,
Кира тиламайди тилингиз ахир!
Кимнингдир юзида бўлинг табассум,
Кимгадир елкангиз тутинг, суянсин.
Кимнингдир қўлларин қучоқланг бир зум,
Кўзидан шашқатор ёшлари тинсин!
Тупроқдан ташқари юрибмиз бугун,
Узатсак осмонга етар қўлимиз.
Бир куни шу тупроқ тўшак биз учун,
Бир куни бир тараф бўлар йўлимиз!
Эй, нодон дўстима, кибрланма, қўй,
Ҳаммамиз ер билан биттамиз бир кун!
Не-не устунларни қулагани бор,
Бир кун ҳаммамизга муқаррар якун!
Борида қадрланг қадрдонларни,
Лаҳзада умрлар топади якун,
Бугун соғ-саломат юрган одамни,
Эртага қабрга қўйиш ҳам мумкин!
Малика Тавфиқ
http://t.me/MTT_xodimlariga

Доим тескарисига ишлайдиган ҳаётий кузатмалар
• Автобуснинг келиши қийинлашяптими? Такси тутишга уриниб кўринг, ишонинг, ҳайдовчи билан пулини келишганингиз ҳамоно, муюлишдан автобус қайрилади.
• Ёмғирни ёқтирасизми, зонтни уйда унутиб қолдиринг. Кун кўнглингиздагидек ўтади.
• Кимнингдир эътиборини кутаяпсиз, аммо ҳеч ким сизни эсламайди, ҳеч ким сизга қўнғироқ қилмайди. Ўксинманг. Дарҳол душ қабул қилишга киришинг. Вой ишонинг, минг йил кўрмаган синфдошингиз, хизматдошингиз қўнғироқ қилади. Айнан шу пайтда эшик тақиллаб қўшни йўқлаб чиқади. Синаб кўринг.
😁
• Ёш болаларингиз бор, аммо уларга қараш қийинлашиб кетдими? Ёрдам керакми? Уйни ивирситиб ташланг, кийимлар, ўйинчоқлар, пойабзаллар... Номаълум куч онангизни ёки қайнонангизни уйингиз томон етаклаб келишни бошлайди.
🤣
• Собиқ хотинингиз ёки эрингизними, балки, бирорта душманингизними кўришни истаб қолсангиз (мобододе энди) кўчага ўзингизга қарамай, бир аҳволда чиқинг. Ооо да, улардан бирини, албатта, кўрасиз.

🌙
Ramazon oyi muborak bo’lsin!
Ro‘za tutish (saharlik, og‘iz yopish) duosi
نَوَيْتُ أَنْ أَصُومَ صَوْمَ شَهْرَ رَمَضَانَ مِنَ الْفَجْرِ إِلَى الْمَغْرِبِ، خَالِصًا لِلهِ تَعَالَى أَللهُ أَكْبَرُ
Navaytu an asuvma sovma shahri ramazona minal fajri ilal mag‘ribi, xolisan lillahi ta’aalaa Allohu akbar.
Ma’nosi: Ramazon oyining ro‘zasini subhdan to kun botguncha tutmoqni niyat qildim. Xolis Alloh uchun Alloh buyukdir.
https://t.me/farzand_tarbiyasida

Mening ismim – mening missiyam
Ki ul pok ravza guli xush-itiz, Ati erdi — Mehrnoz, o‘zi — mehr-ixiz.
(Ma’nosi: U pokiza bog‘ning xushbo‘y guli edi; ismi Mehrnoz edi, o‘zi esa mehrni uyg‘otuvchi, quyosh kabi nurli edi.)
Qilib Mehrnoz oti birla xitob, Ki, mehr o‘ldi-yu, yuz tuman oftob.
Na oftobikim, ko‘rgach ul mohni,
Yoritqay gado birla shohni.
(Ma’nosi: Uni Mehrnoz deb atadilar, u shunday quyosh ediki, yuz minglab quyoshlardan ham ortiq edi. U shunday oy yuzli ediki, uni ko‘rganda shoh ham, gado ham uning nuridan bahramand bo‘lardi.)
Alisher Navoiyning “Saddi Iskandariy” dostonidan.
Ismimni Hazrat qo’yganlarini bilarmidingiz?
😎
https://t.me/farzand_tarbiyasida

ҲАР НАРСА ҲАМ КЎРИНГАНИДЕК ЭМАС...
🥀
Рангпар либосдаги аёл ва йигирилган рўдапо костюм кийган эркак Бостонда поезддан тушиб қолишди ва Гарвард университети ректори қабулига учрашув вақтини белгиламай, журъатсизгина кириб келдилар.
Котиба бу қолоқ, қишлоқи кишиларнинг Гарвардда нима иши бор экан дея энсасини қотирди.
— Биз ректор билан кўришмоқчимиз, – деди бояги эркак мулойимлик билан.
— У кун бўйи банд бўлади, – деди котиба аччиқланиб.
— Майли, биз кутамиз, — жавоб қилди аёл.
Котиба уларни тўрт соатча ёлғиз қолдирди. У эр-хотиннинг тоқати тоқ бўлиб қайтиб кетишларини истарди. Йўқ, улар кетишмади. Котибанинг эса жаҳли чиқди. Аҳмоқона иш деб билса-да, ректорни безовта қилишга қарор қилди.
— Эҳтимол, сиз бир неча дақиқа улар билан кўришсангиз, балки қайтиб кетишар, — деди у ректорга.
Ректор чуқур хўрсинди ва рози бўлганлигининг аломати сифатида бошини қимирлатиб қўйди. Муҳим шахс бўлганлиги сабабли унда ҳар ким билан ҳам узоқ суҳбатлашиш учун вақт топилмас эди. У қабулхонасининг кўркини бузаётган рангпар либос ва йигирилган костюмдан ижирғанди.
Ректор кескин юзланди ва савлат билан эр-хотин томон қадам ташлаб, уларнинг ёнига келди.
— Бизнинг Гарвардда биринчи курсда ўқийдиган ўғлимиз бор эди. У Гарвардни севарди. Бу ерда бахтиёр эди. Лекин, бир йил олдин у оламдан ўтди. Мен ва эрим унинг хотирасига кампуснинг бирор ерида ёдгорлик барпо этмоқчимиз, - деди аёл.
- Мадам, - деди ректор қўрс оҳангда, - Биз Гарвардда ўқиб, вафот этган ҳар бир киши учун ҳайкал қўя олмаймиз. Агар шундай қилганимизда, бу ер қабристонга ўхшаб қолган бўлар эди.
- Оҳ, йўқ, - деди аёл ва тезда тушунтирди, - Биз ҳайкал қўймоқчи эмасмиз. Биз Гарвард учун янги бино қуриб бермоқчи эдик.
Ректорнинг энсаси қота бошлади. У яна ўша рангпар аёллар либоси ва афтода костюмга назар солди ва хитоб қилди:
- Бино?! Биласизми, ўзи бино қуриш учун қанча пул керак? Гарвард-даги биноларимиз етти ярим миллион доллардан ортиқроқ туради!
Аёл бир муддат сукут сақлади. Ректорнинг юзида мамнуният аломатлари балқиди. Эҳтимол, энди улардан қутулар. Шунда аёл эрига юзланди ва секингина деди:
- Университет қуриш учун бор йўғи шунча пул кифоями? Унда нега ўз университетимизни қура қолмаймиз?
Эри бошини силкитди.
Ректорнинг афти хижолатдан суллайиб қолди. Мистер (темирйўл магнати) ҳамда Миссис Жейн Стэнфорд ўринларидан туришди ва чиқиб кетишди. Улар Пало Алтога, Калифорнияга сафар уюштирдилар ва ўша ерда Гарвард қадрига етмаган ўғиллари учун ёдгорлик ўлароқ янги илм даргоҳи - Стэнфорд университетига асос солдилар. Ўшанда Лeланд хотинига: "Калифорниянинг болалари бизнинг фарзандларимиз бўлади", - дeган эди. 15 ёшида бевақт вафот этган кичик Леланд Стенфорд номига аталган ушбу илм маскани бугунги кунда дунёдаги энг нуфузли университетлардан бирига айланган. Унинг битирувчилари Hewlett-Packard, Electronic Arts, Sun Microsystems, Nvidia, Yahoo, Cisco Systems, Silicon Graphics, TSMC ва Google каби йирик компаниялар асосчиси.
https://t.me/farzand_tarbiyasida

Nega siz o‘zingizda yo‘q pulga keraksiz narsalarni sotib olasiz?
Oilalarni vayron qilayotgan Didro effekti.
Mana millionlab oilalarda takrorlanadigan ssenariy:
Siz yangi divan sotib oldingiz. Chiroyli, qimmat va qulay.
Uni mehmonxonaga qo‘ydingiz va birdan ko‘rdingizki, eski pardalar “mos kelmayapti”. Gilam “eskirib qolgan”. Oboylar “yarashmaydi”. Televizor esa “bunaqa divan uchun juda kichik”.
Siz HAMMASINI almashtira boshlaysiz. Birin-ketin. Kredit kartaga. Bo‘lib-bo‘lib to‘lashga.
“Bir oyiga atigi 500”.
Olti oydan keyin sizda yangi mehmonxona va 5 yilga yetadigan qarz bo‘ladi.
Bu irodaning sustligi emas. Bu “men tejay olmayman” degani emas.
Bu — DIDRO EFFEKTI. Marketing olamidagi hamma biladigan va foydalanadigan psixologik tuzoq.
DIDRO EFFEKTI NIMA?
18-asrda fransuz faylasufi Denis Didroga hashamatli ipak xalat sovg‘a qilishadi.
U uni kiyadi — va birdan anglaydiki, uyidagi mebellar, gilamlar, rasmlar endi “mos kelmaydi”. Ular hashamatli xalat fonida “kambag‘al” ko‘rinadi.
Didro uydagi hamma narsani almashtira boshlaydi: stol, stullar, shkaflar, gilamlar, rasmlar. Birin-ketin. Oxir-oqibat bankrot bo‘ladi.
Keyin u “Eski xalatim bilan xayrlashganimdan afsus” nomli esse yozadi va savol beradi:
“Nega men eski xalatimdan voz kechishim kerak edi?”
Bugun bu effekt siz bilan HAM XUDDI SHUNDAY ishlaydi.
BITTA XARID ORTIDAN 10 TASINI TORTIB KELADI
Yangi mashina oldingiz — eski garaj “mos emas”, ta’mir kerak.
Qimmat sumka oldingiz — eski kiyimlar “yarashmaydi”.
Mehmonxonani ta’mir qildingiz — yotoqxona “xunuk” ko‘rina boshladi.
Yangi kostyum oldingiz — endi yangi oyoq kiyim, ko‘ylak, galstuk, soat kerak.
Har bir xarid keyingilarini ishga tushiradi. Bu cheksiz jarayon.
MARKETOLOGLAR BUNI BILADI VA FOYDALANADI
“Divan oling — pardalar va gilamlarga 20% chegirma!”
“Yangi telefonmi? Sizga albatta quloqchin, g‘ilof, himoya oynasi, taglik kerak”.
“Kostyum? Ko‘ylak, galstuk va tuflisiz u yarashmaydi. Hammasini birga oling”.
Ular bitta mahsulotni emas, balki butun boshli xaridlar tizimini sotadi. Ya’ni Didro effektini ishga tushiradigan tizimni.
SIZ KERAKLI NARSANI EMAS, “MOS KELADIGAN” NARSANI SOTIB OLASIZ.
Sizga yangi parda KERAK EMAS. Eskisi yaxshi ishlayapti. Lekin u yangi divanga “mos emas”.
Sizga yangi oyoq kiyim KERAK EMAS. Eskisi hali yaxshi. Lekin yangi kostyumga “yarashmaydi”.
Siz ZARURAT sabab emas,
GARMONIYA ILLYUZIYASI sabab xarid qilasiz.
Pulni “hammasi bir-biriga mos bo‘lsin” deb sarflaysiz.
Asl uyg‘unlik esa — qarz yo‘q va moliyaviy zaxira bor bo‘lganda mavjuddir.
SIZ O‘ZINGIZDA YO‘Q PULGA XARID QILASIZ:
12 oylik bo‘lib to‘lash. Kredit karta.
“Keyin oylikdan yopaman”.
“Bir oyiga atigi 500 ming, qo‘rqinchli emas”.
Didro effekti + oson kredit = moliyaviy falokat.
Bir yil o‘tib sizda juda ko‘p “mos keladigan” buyumlar va bir necha yillik qarz bo‘ladi.
ISTE’MOLNI QANDAY TO‘XTATISH MUMKIN???
30 KUN QOIDASI:
Biror narsa sotib olmoqchimisiz? Yozib qo‘ying. 30 kun kuting.
Agar bir oydan keyin ham xohish qolsa — oling.
Impulsiv xohishlarning 90% shu vaqt ichida yo‘qoladi.
STATUSNI EMAS, FUNKSIYANI SOTIB OLING.
Xariddan oldin savol bering:
“Bu muammomni hal qiladimi yoki boshqalarga taassurot qoldirish uchunmi?”
Agar ikkinchisi bo‘lsa — olmang.
BIR NARSA KIRDI = BIR NARSA CHIQDI.
Yangi narsa oldingizmi — eskisini chiqaring.
Bu keraksiz buyumlar to‘planishini to‘xtatadi va ikki marta o‘ylashga majbur qiladi.
“SHUNCHAKI KO‘RIB CHIQISH” UCHUN DO‘KONLARGA BORMANG.
Har bir tashrif — impulsiv xarid xavfi.
Do‘konlar aynan ushbu maqsadga ko’ra shunday qurilgan.
💰
AVVAL JAMG‘ARING, KEYIN SARFLANG.
“Qolganini jamg‘araman” emas.
“Avval 20% jamg‘ardim, keyin qolganini sarflayman”.
Ba’zilar aytadi:
“Pulni o‘zim topganman — xohlagancha sarflayman. Bir marta yashaymiz. Chiroyli yashashni xohlayman”.
Boshqalar o’ylab ko’radi:
“Didro effekti — bu mening miyamga bo‘lgan manipulyatsiya. Men buyumlar va kreditlarning quli bo‘lmayman. Qarorlarni va ehtiyojlarimni o‘zim boshqaraman”.

MENING POZITSIYAM:
Men iste’mol odamni emas, odam iste’molni boshqarishi tarafdoriman.
Oldingi xaridingizga “mos kelgani” uchun emas,
HAQIQATAN KERAK BO‘LGANIni sotib oling.
Siz pulni cheksiz “mos keladigan” buyumlarga sarflash uchun topyapsizmi?
Yoki aktivlar va moliyaviy erkinlik yaratish uchunmi?
Har bir “mavzuga mos” xarid sizning erkinligingizni bir yilga kechiktiradi.
Har bir impulsdan voz kechish — sizni unga yaqinlashtiradi.
Sog’lig’ingiz va ko’ngil xotirjamligi puldan va narsalardan qimmat ekanligini unutmang.
“Mos keladigan”ni sotib olishni bas qiling.
Keraklisini sotib oling.
https://t.me/farzand_tarbiyasida

Она–бола муносабатларида double bind ҳолатлари
1-мисол.
Она боласига шундай дейди:
«Менга ҳамма нарсани очиқ айтиб юр, сир сақлама».
Лекин бола ростини айтганда, она уни уришиб ёки танқид қилади.
Натижада бола икки ўт орасида қолади:
— айтса — жазоланади,
— айтмаса — «нега очиқ эмассан?» деган айбловга учрайди.
2-мисол.
Она: «Ўзинг мустақил бўл, қарорни ўзинг қабул қил» дейди.
Бироқ бола мустақил қарор чиқарса, она:
«Нега мен билан маслаҳатлашмадинг?» деб норози бўлади.
Бу ҳолат болада ишончсизлик ва қўрқув пайдо қилади.
3-мисол.
Она меҳрибон овозда: «Мен сени яхши кўраман» дейди,
аммо юз ифодаси совуқ, ҳаракатлари эса бепарво бўлади.
Вербал (сўз билан) ва невербал (ҳаракат, овоз) хабарлар бир-бирига зид бўлгани учун бола онанинг ҳақиқий муносабатини англай олмай қолади.
4-мисол.
Она: «Йиғлама, сен катта боласан» дейди,
лекин бола йиғламаса,
«Нега ҳис-туйғуларингни кўрсатмайсан?» дея айблайди.
Бола қандай тутса ҳам, она рози бўлмайди.
https://t.me/farzand_tarbiyasida

***
Борлиқнинг ҳолати Тангрига аён.
Англайди: нима кам, нимаси зиёд...
Мукаммал бир сабаб кўйида Раҳмон
Боз янги дунёми айлади бунёд?
Сезяпман – чексизлик ҳаддидан ошди,
Йўқликка кўрсатди илоҳий қадрин –
Чунки армонларим янада тошди,
Чунки қолмаябди соғинчда сабрим.
Юрагимга эса бокира, ўктам
Бошқа дунёнинг ҳам залвори энган –
Чунки тилларимга – эрта ҳам, кеч ҳам
Жуда оғир сўзлар келгани келган.

​​
​​
#asardan_iqtiboslar
​​
Agar birovni sevsang, lekin u seni sen sevganchalik sevmasa, bilginki asl haqiqat sen tushungan narsaning mutlaqo teskarisidir.
Sevilishni istagan u, sevishni istamagan sensan...
Suruvni qidirgan choʻpondir, qoʻylar emas.
Ishq otashi avval sevilganga tushadi, undan soʻngra sevganga sachraydi...
Dil — dengiz, til qirg‘oq. Dengiz to‘lqin ko‘tarsa, qo‘ynida borini qirg‘oqqa chiqazib tashlaydi.
Tan va ruh xushxabar ila manzilga oshiqqan ot va suvoriydek ayrilmasdir. Ammo ot ozig‘i suvoriyga ovqat bo‘lmaydi. Har birining o‘z yemishi, o‘z nasibasi bor.
Suvoriy otni o‘z izmiga sololmasa, u egasini manzilga emas, oxurga eltadi.
O‘z-o‘zini bilmoqchi bo‘lgan kishi har kuni ro‘za tutishi lozim. Belkurak tuproq qatini ag‘darib, suv chiqazganidek, ochlik idrok va farosat chashmasining ko‘zini ochur. Ochlik — yo‘lchini adashmay manzilga eltuvchi ot. Lekin uni kam-kam minib, oz-ozdan o‘rgatish darkor.
Tibbiyotdan muroding - taningni parvarishlash. Ammo, sen tanho tandan iborat emassan-ku! Taning - ot, sen- suvoriysan.Aqlli suvoriy otni oxursiz qo'ymagay, lekin o'zi o'sha oxurga tushib yotmagay. Ot yemishi suvoriyga oziq bo'lmas. Sen otni o'z yo'linga emas, ot seni o'z yo'liga solmish...
Zero inson o'ziga o'xshagan insonga muhabbat qo'yish bilan o'z mohiyati, umuman insonlik mohiyatini anglab yetadi.
Ochlik - yo'lchini adashmay manzilga eltuvchi ot, lekin uni kam-kam minib, oz-ozdan o'rgatish darkor.
📖
"Jaloliddin Rumiy" Radiy Fish
📚
INTERPRETATSIYA