FCB.uz | Rasmiy Kanal

🗣
Joan Laporta: Sizlar 1/1 qoidasiga haddan tashqari berilib ketgansizlar. Xotirjam bo‘linglar: agar Deco jamoani kuchaytirish uchun qandaydir o‘zgarish qilish kerak deb hisoblasa, u buni bizga taklif qiladi. Agar men saylovda g‘alaba qozonsam, bu masalalarni to‘liq hal qilish imkoniyatiga ega bo‘lamiz.
❓
Dreo Fernandesning ketishi haqida
— Bu uning agenti tomonidan qilingan xiyonat edi. Bu juda uyatli va kutilmagan zarba bo‘ldi. Hansi Flick bundan juda ta’sirlandi, chunki u Dreoga boshqalarga qaraganda ko‘proq imkoniyat bergan edi.
❓
Hujumchi transferi?
— Dusan Vlahovichning shartnomasi yakunlanadi, ammo hozircha aniq hech narsa yo‘q.Bu masala bilan Deco shug‘ullanmoqda.
— Men Joao Canceloni juda yaxshi ko'raman, u "Barcelona"ni juda sevadi.
— Viktor Font Erling Haaland masalasida tushib qolgan mojaro menga juda uyatli ko‘rinadi. Uning agenti bilan munosabatlar juda yaxshi, va u bu gaplarni tezda rad etish uchun chiqdi.
www.FCB.uz
– “Barça” muxlislari sayti!
Instagram
|
Telegram

🎙
Joan Laporta Gerard Romero братга xam intervyu berdi...
🗣
Joan Laporta: Biz tiklanish jarayonidamiz va yangi stadion hamda raqobatbardosh jamoani qurdik. Katta ishlar qilindi.‏ A'zolar ovoz berishga borishlari kerak. Biz ko'p narsalar uchun kurashyapmiz, ular uchun ko'p ishladik va klub ularnikidir.
— Biz hozir La Ligada peshqadam bo‘lsak ham, bizga juda ko‘p zarar yetkazildi.
— Real Madrid TV tarqatayotgan “axlat” kontent ko‘p odamlarning obro‘siga putur yetkazmoqda. Hakamlar qo‘mitasida "Real Madrid" vakili Mejía Dávilaning rafiqasi ishlaydi, lekin bu haqida deyarli gapirilmaydi. Hech bo‘lmasa endi, agar xato qilishsa, uni tan olishmoqda. Tarixan qaraganda, hakamlik qarorlariga qarshi kurasha olish uchun jamoamiz juda kuchli bo‘lishi kerak. Shuning uchun ham biz yosh va o‘ziga ishongan jamoa tuzdik — ular bunga qarshi kurashadi.
— Biz 1/1 qoidasiga yetmadik, chunki buni xohlamadik. Biz Lamine Yamalni sotishni xohlamadik, CVC bilan kelishuv imzolashni ham xohlamadik va abonement narxlarini oshirishni ham istamadik. Hozir esa biz 1/1 qoidasiga juda yaqinmiz, lekin bu qoida doim o‘zgarib turadi. Transfer bozorida Deco taklif qilgan har qanday variantni amalga oshira olamiz.
— Robert Lewandowski klubga juda qiyin paytda keldi. Biz unga minnatdor bo‘lishimiz kerak. Agar u yana bir yil ma’lum bir rolni bajarishni istasa, qolishi kerak.
❓
Marcus Rashford jamoada qoladimi?
— Biz uning o‘yinidan juda mamnunmiz. Mavsum oxirida bu masalani Deco hal qiladi. Uning jamoada qolishi uchun turli variantlarni ko‘rib chiqishimiz mumkin. Rashford jamoaga juda yaxshi moslashdi. U juda ijtimoiy inson va klubning xayriya jamg‘armasi faoliyatida ham faol qatnashyapti.

🗣
Matteo Moretto: "Barcelona" Alejandro Balde uchun keladigan har qanday taklifni ko‘rib chiqishga tayyor.
— Alessandro Bastoni “Barcelona”ga o‘tish g‘oyasidan juda ham ilhomlangan va bu ehtimol uchun eshikni yopmagan.
www.FCB.uz
– “Barça” muxlislari sayti!
Instagram
|
Telegram

❓
Victor Fontning takliflaridan hech biri sizni ishontirmayaptimi?
🗣
Joan Laporta: U kompyuter ortida yashirinib ishlaydigan texnokrat va u bizni yana bankrotlikka olib keladi. Fontda aniq sport loyihasi yo‘q. Deconi u taklif qilayotgan uchlik bilan solishtirib…

🌙
13-MART, RO’ZANING 23-KUNI. Iftorlik (og’iz ochish) Toshkent va boshqa hududlar vaqti bilan.
*Iftorlik (og’iz ochish) duosi:
🤲
Allohumma laka sumtu va bika amantu va ‘alayka tavakkaltu va ‘ala rizqika aftartu, fag‘firli ya g‘offaruma qoddamtu va ma axxortu. AMIYN!
🇺🇿
Ma’nosi:  Ey Alloh, ushbu ro‘zamni Sen uchun tutdim va Senga iymon keltirdim va Senga tavakkal qildim va bergan rizqing bilan iftor qildim. Ey gunohlarni afv qiluvchi Zot, mening avvalgi va keyingi gunohlarimni mag‘firat qilgin.
P.S. Belgilangan vaqtlar yillik taqvimdan olingan va siz boshqa manbadan ko'rgan vaqt bilan farq qilishi mumkin
❗️
Yaqinlarimizga ulashib qo’yamiz!

❓
Victor Fontning takliflaridan hech biri sizni ishontirmayaptimi?
🗣
Joan Laporta: U kompyuter ortida yashirinib ishlaydigan texnokrat va u bizni yana bankrotlikka olib keladi. Fontda aniq sport loyihasi yo‘q. Deconi u taklif qilayotgan uchlik bilan solishtirib bo‘lmaydi. U boshqa bo‘limlarda bizda allaqachon mavjud bo‘lgan tizimlarni yana takrorlamoqchi. U aytyaptiki, agar saylovda g‘alaba qilsa, ayollar jamoasi loyihasini taqdim etadi. Bu esa unda hozircha umuman loyiha yo‘qligini ko‘rsatadi. Unda iqtisodiy loyiha ham yo‘q, chunki bu shunchaki biz qilgan ishlarning davomidan iborat bo‘ladi. U 2030-yilga borib klub daromadi 1,6 milliard bo‘lishini aytyapti. Bizning loyihamiz esa bundan ham ancha katta. Bu mavsumda biz 1,075 milliard daromadga yetamiz.
❓
Hansi Flick — sizning asosiy murabbiyingiz. U sizni ochiqchasiga qo‘llab-quvvatlayapti...
— Flick ishiga juda sodiq inson va uning so‘zlari uchun men undan juda minnatdorman.
Nemislar to‘g‘ridan-to‘g‘ri gapiradi. Agar ulardan biror narsa so‘ralsa, ular oddiy va tabiiy javob beradi.
❓
Murabbiy tanlashda sizda ajoyib sezgi bor...
Shunday bo‘lgan: Franck Rijkaard, Pep Guardiola, hozir esa Hansi Flick bilan ham.
— Ba’zida esa shunday murabbiylar ham bo‘ladiki, ular bilan bir haftaga ham ishlay olmasligingni sezib turasan.
❓
Ronald Koeman bilan munosabatlaringiz qanday bo‘lgan?
— Ronald Koeman bilan shaxsiy munosabatlarimiz yaxshi edi. Bu uning Cruyff bilan aloqasi va oilasi bilan ham bog‘liq. Ammo bir payt keldiki, men u davom ettirmasligi kerakligini his qildim. Yaxshiyamki, keyinchalik yana muloqotni tikladik. Men klub afsonalarini juda qadrlayman.
❓
Koeman va Xavi bilan xayrlashish eng qiyin qaror bo‘lganmi?
— Yo‘q. Prezident sifatida eng qiyin vazifa — "Barcelona"ni iqtisodiy tomondan qutqarish edi.
Shaxsiy jihatdan eng og‘ir qaror esa 2021-yilda Leo Messiga yangi shartnoma bera olmasligimizni aytish bo‘lgan. Bunga avvalgi rahbariyat qoldirib ketgan iqtisodiy muammolar sabab bo‘lgan.
❓
2023-yilda Leo Messining "Barcelona"ga qaytishini xohlaganmisiz?
— Albatta. Shuning uchun men Jorge Messiga shartnoma loyihasini yuborganman. Biz Tebasni ko‘ndira olamiz deb o‘ylagan edik. Ammo Tebas bunga ruxsat bermadi, buni o‘zi ham tasdiqlagan. Bazilarning so‘zlarida esa saylov jarayonini yomon ko‘rsatish va menga zarar yetkazish istagi seziladi.
Men yonimda Deco bo‘lishini afzal ko‘raman. Agar men ularni ko‘rsam, undan so‘rayman: nega bu ishlarga aralashding? Decoga nisbatan shunchalik nafrating bormi?
❓
Besh yil ichida klub moliyaviy fair-playdagi 1:1 qoidasiga yetmadi. Nega?
Bu muammo faqat "Barcelona"ga emas, balki La Ligadagi ko‘plab klublarga tegishli.
Shunga qaramay, biz murabbiylar so‘ragan barcha futbolchilarni ro‘yxatdan o‘tkaza oldik. Bundan tashqari, La Masia futbolchilarining asosiy jamoaga o‘tishini ham kuchaytirdik.
❓
Birinchi yildagi zararlarni COVID pandemiyasi bilan bog‘lab kamaytirish xato bo‘lmadimi?
— O‘sha yili zarar 485 million yevro edi. La Liga ma’lum bir qismiga “COVID effekti”ni qo‘llashga ruxsat bergan, ammo bu yetarli emas edi.
O‘sha yil maoshlar bo‘yicha natija minus 144 million bo‘lgan. Men shuni tasdiqlayman: biz foydamizga ishlashi mumkin bo‘lgan barcha qoidalarni ishlatganmiz.
❓
Kongo bilan tuzilgan homiylik shartnomasi atrofida ko‘p bahslar bor...
— Ba’zi homiylar "Barcelona" qadriyatlariga mos keladi.
Kongo bilan shartnoma tuzilganda mamlakat Rwanda bilan tinchlik kelishuvida edi. Shu bilan birga, biz iqtisodiy holatimizni tiklayotgan edik. Bu men eng faxrlanadigan ish emas, ammo o‘sha paytdagi vaziyat shunday edi.
❓
Alejandro Echevarria rasmiy lavozimda ishlasa, uning roli tushunarliroq bo‘larmidi?
— Alejandro bilan vaziyat Cruyff bilan bo‘lgan holatga o‘xshaydi. U menga maosh olmasdan yordam beradi. Birinchi prezidentlik davrimda Johan Cruyff ba’zan Rijkaard bilan gaplashish uchun kiyinish xonasiga tushib kelardi.
Alejandro esa men juda ishonadigan inson. U La Liga va Ispaniya federatsiyasi bilan munosabatlarda juda foydali. Men uchun u aslida prezident ofisining bir qismi.
Ammo u maosh olishi shart emas.
☑️
@FCBUZ

🚨
🗣
Javi Miguel: Lamine Yamal va Erik Garcia bugun jamoa bilan mashg‘ulot o‘tkazishdi. Ular "Sevilla"ga qarshi o‘yinga tayyor bo‘lishadi.
www.FCB.uz
– “Barça” muxlislari sayti!
Instagram
|
Telegram

❓
Kelajakda murabbiy bo‘lasizmi?
🗣
Robert Lewandowski: Bunday bo‘ladi deb o‘ylamayman. Murabbiy bo‘lish juda qiyin, ayniqsa ko‘p yillar futbolchi bo‘lib o‘ynaganingizdan keyin. Shunda futbol­dan biroz vaqt uzoqlashish kerak bo‘ladi. Murabbiy bo‘lish yana shuni anglatadiki, siz klubdan klubga o‘tishingiz, bir shahardan boshqasiga ko‘chib yurishingiz kerak bo‘ladi. Taktik jihatdan yaxshi tushunchaga egaman, chunki men ko‘plab buyuk murabbiylar bilan ishlaganman va ulardan juda ko‘p narsani o‘rganganman. Balki 15–20 yildan keyin, agar kiyinish xonasidagi muhitni sog‘insam, shunday bo‘lishi mumkin.
❓
Sizningcha, o‘tgan mavsumda Raphinhaning “Oltin to‘p”ni yutmagani adolatsizlik bo‘lganmi?
🗣
Robert Lewandowski: Men bu hissiyotni juda yaxshi bilaman va uni yaxshi tushunaman. Raphinha juda muhim o‘yinlarda gol urdi va o‘z gollari hamda o‘yini bilan bizga katta yordam berdi — Chempionlar ligasida yarim finalga chiqishimiz va La Ligani yutishimizda uning hissasi katta bo‘ldi. Lekin futbol shunaqa — u har doim ham adolatli bo‘lavermaydi. Albatta, u kamida eng yaxshi 3 futbolchi qatorida bo‘lishga, hatto sovrinni yutishga ham loyiq edi. Bu holat albatta uni qattiq ranjitdi, chunki “Oltin to‘p” kabi individual mukofotlarni berish qoidalari har doim ham tushunarli bo‘lavermaydi.
☑️
www.FCB.uz
– “Barça” muxlislari sayti!
✅
📲
Instagram
|
📲
Telegram

🗣
Robert Levandovski: La Liga bir necha yil oldingiga qaraganda o‘zgargan. Oldin hakamlar kuchli to‘qnashuvlarga ko‘proq ruxsat berardi va hujumkor o‘yinni ko‘proq qo‘llab-quvvatlashardi
— Lekin hozir menimcha, La Ligada ko‘proq jamoalar hujumdan ko‘ra himoyaga ko‘proq e’tibor qaratmoqda.
— Hozirda men o‘zimni juda yaxshi his qilyapman. Odamlar mening yoshim haqida gapirishayotganini bilaman, lekin rostini aytsam, bunga umuman e’tibor bermayman. Odamlar sodir bo‘layotgan narsalarga eng oson tushuntirishni izlaydi va har qanday muammoni yosh bilan bog‘lashadi, lekin bu to‘g‘ri emas. Masalan, mashg‘ulotlarda yoki o‘yinlardan keyin mening raqamlarim va statistikamga qarasangiz, hali ham yuqori darajada ekanligimni ko‘rasiz. Men jamoada ham, butun La Ligada ham himoyachilarga eng ko‘p bosim qiladigan hujumchiman. Shunga qaramay, ayrimlar men endi buni qila olmayman deb aytishmoqda.
— Men hali ham kelasi mavsum yuqori darajada o'ynashga qodirman deb hisoblayman.
☑️
www.FCB.uz
– “Barça” muxlislari sayti!
✅
📲
Instagram
|
📲
Telegram

❓
Camp Nou stadioni qurilishi qachon tugaydi?
🗣
Joan Laporta: Rejaga ko‘ra, 2028-yilda stadion tomi ham tayyor bo‘ladi. Qurilishda ba’zan kutilmagan muammolar bo‘lishi mumkin. Stadiondagi joylarning 80% abonement egalari uchun bo‘ladi. Yana 5000 kishi kutish ro‘yxatida turadi.
Yevropaning yirik klublari ichida eng arzon abonement bizda bo‘ladi. Hozirgi stadiondagiga o‘xshash joylashuv bo‘ladi. Abonementi bo‘lmagan klub a’zolari esa alohida chiptalarga 50% chegirma oladi.
🗣
Victor Font:
«4 kishilik bir oila "Barcelona" – "Sevilla" o‘yiniga borish uchun 636 yevro sarflashi kerak bo‘lsa, ularga nima deysiz?
🗣
Joan Laporta: Avvalo, sabr qilganlari uchun rahmat aytaman. Biz klubni katta moliyaviy inqirozdan qutqardik. Endi abonementi yo‘q klub a’zolari 50% chegirma oladi. Men faqat gapirmayman, ish ham qilaman. Biz yaxshi ish qildik. Endi klub barqarorlik bosqichiga kirdi, keyin esa o‘sish bosqichi boshlanadi.
🗣
Victor Font: Muammo shundaki, 2021-yilda ijtimoiy dastur e’lon qilingan, lekin undagi va’dalarning deyarli hech biri bajarilmagan. Masalan, Camp Nouga qaytish va’dasi ham bajarilmadi.
❓
Camp Nou da turistlar juda ko‘p emasmi?
🗣
Joan Laporta: Biz vaqtinchalik Montjuic stadionida o‘ynadik va u yerda 17 mingdan 23 minggacha abonement egalari bo‘lgan. Bu o‘tish davri edi. Klubni qutqarish kerak edi. Biz stadionimiz bilan faxrlanamiz.
🗣
Victor Font: Ko‘p klub a’zolari o‘zlarini e’tibordan chetda qolgandek his qilishmoqda. Abonement egalari qachon stadionga qaytishini ham bilmayapti.
Siz muxlislar tashkiloti bilan kelishuv imzolagansiz, lekin saylovdan keyin uni buzganingiz aytilmoqda. Shunda odamlar qanday ishonadi?
❓
Grada d'Animació (faol muxlislar tribunasi) qaytadimi?
🗣
Joan Laporta: Ha, bu kerak. Muzokaralar yaxshi ketmoqda va hatto sinov ham o‘tkazildi. Fontning takliflari mantiqsiz. Bu tribuna 1200 kishiga mo‘ljallangan, lekin butun stadion ham qo‘llab-quvvatlaydi. "Sevilla"ga qarshi o‘yinda buni ko‘rasiz. Stadionda ajoyib atmosfera bo‘ladi. Abonement narxi Yevropadagi yirik klublar orasida eng arzon bo‘ladi. Biz narxni oshirmaymiz.
🗣
Victor Font: Faqat 1000 dan sal ko‘proq muxlis bo‘lgan sektor yetarli emas.
Chunki UEFA qoidasi bo‘yicha stadionning 5% joyi mehmon muxlislarga beriladi.
🗣
Joan Laporta: Raqibning 5000 muxlisi bo‘lishi mumkin, lekin stadionda 105 ming muxlis ham bo‘ladi. Stadion kuchi aynan shunda.
☑️
www.FCB.uz
– “Barça” muxlislari sayti!
✅
📲
Instagram
|
📲
Telegram