Ingliz tili 1-fakulteti | OʻzDJTU

Talabalar bilan Mustaqillik maydoni ga tashrif buyurdik
🇺🇿
✨
Bugun talabalarimiz bilan tyutor Achildiyev J hamda A.Azimova poytaxtimizning eng muhim va ramziy maskanlaridan biri – Mustaqillik maydoniga tashrif buyurdik. Ushbu maydon yurtimiz tarixini, mustaqillik yo‘lida erishilgan yutuqlarni va milliy qadriyatlarimizni o‘zida mujassam etgan muqaddas maskan hisoblanadi.
⚡️
Tashrif davomida talabalar maydonning tarixi, undagi yodgorliklar va ularning mazmun-mohiyati bilan yaqindan tanishdilar. Ayniqsa, Mustaqillik va ezgulik monumenti, Xotira va qadrlash maskanlari haqida berilgan ma’lumotlar talabalarda katta taassurot qoldirdi.
Bunday tashriflar yoshlarning vatanparvarlik tuyg‘ularini mustahkamlash, ularni tariximizga hurmat ruhida tarbiyalashda muhim ahamiyat kasb etadi.
📍
Yoshlar qalbida Vatanga muhabbat, tarixga hurmat tuyg‘ulari yanada mustahkamlanmoqda!

📌
Talabalar Turar Joyiga Tashrif
🔺
🗓
Joriy yilning 28-aprel kuni O'zbekiston davlat jahon tillari universitetining ingliz tili birinchi fakulteti Ingliz tilini o'qitish metodikasi N1 kafedrasi oʻqituvchilari Boltayeva Durdona va Mardonova Mohinbonular 2-talabalarning turar joyiga tashrif buyurdilar.
✏️
Ushbu tashrif davomida talabalarning turar joydagi shart-sharoitlari bilan tanishishdi. Suhbat jarayonida talabalar o'z muammolari, kamchiliklari va takliflari bilan boʻlishishdi.
📌
Uchrashuvning asosiy maqsadi — talabalarning psixologik va ma'naviy holatini yaxshilash, ularga zarur yordam va qo'llab-quvvatlashni taqdim etishdan iborat.
Suhbat davomida o'qituvchilar va mutaxassislar talabalar bilan odob-ahloq, tozalik va gigiyena masalalari bo'yicha muhim fikrlar almashdilar.
Talabalarning kelajakdagi orzu-maqsadlari yoʻlida tinmasdan harakat qilishlari, katta yutuqlarga erishishlari va bu boyicha davlatimiz ajrayayotgan imkoniyatlar va mukofotlar haqida batafsil tushuncha berildi. Ularning intilishlarini qo'llab-quvvatlash, ruhlanishlari va rivojlanishlariga yordam berish barqaror rivojlanish yo'lida muhim ahamiyatga ega.

Muhammad Yusuf tavalludiga bag‘ishlangan she’riy tadbir
Ingliz tili 1-fakultetining 2517-guruh talabalari hamda fakultetning she’riyatga qiziquvchi talabalari ishtirokida O‘zbekiston xalq shoiri Muhammad Yusuf tavalludiga bag‘ishlangan she’riy tadbir tashkil etildi.
Tadbir davomida talabalar shoir ijodidan namunalar ijro etib, o‘z iste’dodlarini namoyon etdilar. Eng yaxshi she’r aytgan talabalar munosib taqdirlandi.
Mazkur tadbir Ingliz tili 1-fakulteti tyutori M. Allamova boshchiligida yuqori saviyada o‘tkazildi.
✨
She’riyat – qalb tarbiyasi va ma’naviyat manbai!

🌿
Yoshlar – kelajagimiz bunyodkorlari
5 muhim tashabbus doirasida talabalar bilan Yunusobod sport majmuasiga tyutor M.Kenjayeva hamda qiziqadigan ko’ngilli talabalar bilan birgalikda ma’naviy-ma’rifiy tashrif tashkil etildi.
Mazkur tashrifdan ko‘zlangan asosiy maqsad — yoshlarning bo‘sh vaqtini mazmunli tashkil etish, ularni sog‘lom turmush tarziga yo‘naltirish hamda jismoniy va ma’naviy barkamollikni uyg‘un rivojlantirishdan iborat bo‘ldi.
Tadbir davomida talabalar bilan sportning inson hayotidagi o‘rni, iroda, intizom va maqsad sari qat’iyat bilan intilish kabi fazilatlar haqida samimiy suhbatlar olib borildi. Yoshlar sport inshootlari faoliyati bilan yaqindan tanishib, sog‘lom hayot falsafasining ahamiyatini chuqur his etdilar.
Bunday tashriflar yosh avlod qalbida vatanparvarlik, faol hayotiy pozitsiya va yuksak ma’naviyatni shakllantirishda muhim omil bo‘lib xizmat qiladi.
✨
Ma’naviy yuksalish — sog‘lom jamiyat poydevori!

Ingliz tili birinchi fakulteti dekan muovini N.Lapasov va fakultet tyutori D.D. Xurramova tomonidan 1-kurs talabalari ishtirokida “Men sevgan asar” mavzusida kitobxonlik tadbiri tashkil etildi.
Mazkur tadbirning asosiy maqsadi talabalarda kitob o‘qishga bo‘lgan qiziqishni oshirish, ularning badiiy tafakkurini rivojlantirish hamda nutq madaniyatini yuksaltirishdan iborat bo‘ldi. Tadbir davomida talabalar o‘zlari sevib o‘qigan asarlari haqida batafsil ma’lumot berib, ularning mazmuni, g‘oyasi va tarbiyaviy ahamiyatini tahlil qildilar. Har bir ishtirokchi tanlagan asari orqali o‘z dunyoqarashi va fikrlash doirasini namoyon etishga harakat qildi.
Shuningdek, kitobxonlik jarayonida asar qahramonlari obrazlari, muallifning uslubi va asarning jamiyat hayotidagi o‘rni haqida qizg‘in munozaralar olib borildi. Bu esa talabalar o‘rtasida fikr almashish, erkin muloqot qilish hamda tanqidiy yondashuv ko‘nikmalarini shakllantirishga xizmat qildi.
Tadbir yakunida tyutor tomonidan faol ishtirok etgan talabalar rag‘batlantirilib, kitob mutolaasining inson kamolotidagi o‘rni haqida muhim tavsiyalar berildi. Bunday ma’naviy-ma’rifiy tadbirlar yoshlarning intellektual salohiyatini oshirish, ularni komil inson sifatida tarbiyalashda muhim ahamiyat kasb etadi.
Mazkur kitobxonlik tadbiri talabalar uchun nafaqat bilim manbai, balki ularning bo‘sh vaqtini mazmunli tashkil etishda ham samarali vosita bo‘ldi.

🏐
Ingliz tili 1-fakulteti – sportda ham yetakchi!
Ingliz tili 1-fakulteti voleybol jamoasi fakultet dekani boshchiligida faoliyat olib borayotgan ayollar jamoasi bilan birgalikda har kuni muntazam mashg‘ulotlar olib bormoqda.
📚
Darslar, kundalik ishlar va mas’uliyatlarga qaramasdan, jamoa a’zolari sportga alohida e’tibor qaratib, sog‘lom turmush tarzini o‘z hayotlarining ajralmas qismiga aylantirishmoqda.
💪
Bu esa nafaqat jismoniy chiniqish, balki jamoaviylik, intizom va motivatsiyaning yorqin namunasi hisoblanadi.
✨
Ingliz tili 1-fakulteti vakillari yana bir bor ko‘rsatmoqdaki, muvaffaqiyat faqat bilimda emas, balki sog‘lom hayot tarzida ham mujassam!

🟦
🟦
🟦
🟦
O‘zDJTU bitiruvchi talabalari xalqaro amaliyot sari yo‘l oldi
O‘zbekiston davlat jahon tillari universiteti bitiruvchi talabalardan iborat delegatsiya Indoneziyaning Surabaya shahridagi
Universitas Negeri Surabaya
qoshidagi Lab Schoolda pedagogik va akademik amaliyot o‘tash uchun yo‘l oldi.
Safar oldidan universitet rahbariyati talabalar bilan uchrashib, intizom, mas’uliyat, ilmiy faollik va universitet sha’nini munosib himoya qilish bo‘yicha muhim tavsiyalar berdi.
Shuningdek,
xorijiy tajribani chuqur o‘rganish, zamonaviy ta’lim metodikalari bilan tanishish va dars jarayonlarida faol ishtirok etish zarurligi
alohida ta’kidlandi.
🔹
Kutilayotgan natijalar:
—
xalqaro pedagogik tajribani o‘rganish va uni amaliyotga tatbiq etish;
—
ingliz tilini amaliy muhitda rivojlantirish;
—
O‘zbekiston va Indoneziya OTMlari o‘rtasidagi hamkorlikni mustahkamlash;
—
liderlik va global fikrlash ko‘nikmalarini shakllantirish;
—
kelgusida qo‘shma loyihalar va almashinuv dasturlariga zamin yaratish.
Mazkur tashrif universitetning xalqaro integratsiya yo‘lidagi navbatdagi muhim qadami hisoblanadi.
🌐
Biz ijtimoiy tarmoqlarda:
Telegram
| Instagram
| Facebook
| Sayt

XALQARO HAMKORLIK
Bugun, 27-aprel kuni 1-ingliz fakultetida “Yosh tilshunos” to‘garagi doirasida xalqaro amaliy dars tashkil etildi. Mazkur tadbir
O‘zbekiston davlat jahon tillari universiteti
hamda
Ozarbayjon tillar universiteti
o‘rtasida imzolangan memorandum asosida amalga oshirilib, ikki oliygoh talabalari ishtirokida o‘tkazildi.
🎓
Mavzu:
“Til kompetensiyasini shakllantirishda sun’iy intellektning o‘rni”
👨‍🏫
Tashkilotchilar:
Umumiy tilshunoslik kafedrasi o‘qituvchilari —
Xo‘jayev Dilshod G‘ayratovich
hamda katta o‘qituvchi
Nosirova Mubina Olimovna
💡
Dars jarayonida:
✔️
Individual o‘qitish yondashuvlari
✔️
Til ko‘nikmalarini rivojlantirish usullari
✔️
Sun’iy intellekt asosida tahlil va baholash
✔️
Interaktiv va motivatsion muhit
✔️
Ko‘p tillilik va madaniyatlararo kommunikatsiya
🌐
Ushbu xalqaro amaliy tadbir memorandum asosidagi hamkorlikning yorqin natijasi bo‘lib, ikki universitet o‘rtasidagi ilmiy, metodik va ta’limiy aloqalarni yanada mustahkamlashga xizmat qildi.

━━━━━━━━━━━━━━━━━━━━━━━
🧠
✨
ZAKOVAT INTELLEKTUAL O‘YINI
✨
🧠
━━━━━━━━━━━━━━━━━━━━━━━
📣
E’LON
Hurmatli o‘quvchilar va bilimdon yoshlar!
Sizlarni qiziqarli va intellektual ZAKOVAT o‘yiniga taklif etamiz!
🧠
O‘yin haqida:
Zakovat — bu nafaqat bilim, balki mantiqiy fikrlash, tezkorlik va jamoaviy hamkorlik sinovi!
👥
Jamoa talablari:
Har bir jamoa 4–6 kishidan iborat bo‘lishi kerak
Jamoa nomi bo‘lishi tavsiya etiladi
📌
O‘yin shartlari:
Savollar turli mavzularda bo‘ladi
Har bir savol uchun muayyan vaqt beriladi
Eng ko‘p to‘g‘ri javob bergan jamoa g‘olib bo‘ladi
📅
Sana va vaqt:
🗓
30-aprel
⏰
16:30
(Ishtirokchilar 16:15 gacha yetib kelishlari so‘raladi)
📍
Manzil:
🏫
1-fakultet binosi
🏆
Mukofot:
🎁
jamoalar sertifikat bilan taqdirlanadi
⚠️
Eslatma:
Ishtirokchilar soni cheklangan!
📩
Ro‘yxatdan o‘tish uchun:
👉
@S_Nurbekovna_09
ga murojaat qiling
━━━━━━━━━━━━━━━━━━━━━━━
🔥
Bilimingizni sinab ko‘ring!
🏅
G‘oliblar safidan joy oling! ━━━━━━━━━━━━━━━━━━━━━━━

🗓
O‘zDJTU Ingliz tili 1-fakulteti tyutorlari —
N.M. Masadikova, A. Azimova va Sh. Tursunova
lar tashabbusi bilan talabalar o‘rtasida atoqli shoir
Muhammad Yusuf tavalludiga bag‘ishlangan
mazmunli va badiiy ruhga boy she’riy kecha tashkil etildi.
📜
Tadbir davomida talabalar shoirning Vatanga muhabbat, insoniylik, sadoqat va sof tuyg‘ularni tarannum etuvchi mashhur she’rlaridan namunalar ijro etdilar. Har bir chiqish o‘ziga xos badiiy ifoda, his-tuyg‘u va ijodiy yondashuv bilan ajralib turdi. Ba’zi talabalar sahna ko‘rinishlari orqali shoir she’rlarining mazmunini yanada jonliroq aks ettirishga harakat qildilar.
📍
Mazkur she’riy kecha talabalarning adabiyotga bo‘lgan qiziqishini yanada oshirish, ularning nutq madaniyati va sahna mahoratini rivojlantirish, shuningdek, milliy merosimizga hurmat ruhida tarbiyalashda muhim ahamiyat kasb etdi.