Forish tumani hokimligi
HUDUDLARDA YOSHLAR MUAMMOLARI O’RGANILMOQDA
➡️
Agrosanoat majmui ustidan nazorat qilish inspeksiyasining Forish tuman bo‘limi tomonidan “Qoraabdol ota” mahallasi hududida istiqomat qiluvchi o’ziga biriktirilgan yoshlar bilan bevosita uchrashuv o‘tkazildi.
➡️
Uchrashuv davomida yoshlarning bandligini ta’minlash, kasb-hunar o‘rganish, imtiyozli kreditlardan foydalanish, ijtimoiy qo‘llab-quvvatlash hamda boshqa dolzarb masalalar yuzasidan taklif va muammolari atroflicha o‘rganilib, tegishli tartibda qayd etib olindi.
➡️
Shuningdek, inspeksiyasi rahbari tomonidan har bir yoshning muammosini manzilli o‘rganish, ularga amaliy yordam ko‘rsatish hamda zarur hollarda mutasaddi tashkilotlar bilan hamkorlikda tezkor va samarali yechim topish bo‘yicha aniq vazifalar belgilab olindi. Uchrashuv davomida yoshlarni qo‘llab-quvvatlash, ularning bandligini ta’minlash va hayotda o‘z o‘rnini topishiga ko‘maklashish masalalariga alohida e’tibor qaratildi.
Forish tuman hokimligi axborot xizmati.
Haftaning payshanba kuni – “Yoshlar kuni”
🎼
Forish tumani 30-son Madaniyat markazida haftaning payshanba kuni munosabati bilan yoshlar билан ижодий учрашув ўтказилди.
🎼
Tadbir davomida yoshlar madaniyat markazida faoliyat olib borayotgan “Dutor cholg‘u”, “Estrada vokal” hamda “Raqs” to‘garaklari bilan yaqindan tanishtirildi. Shuningdek, Forish tuman Ko‘zi ojizlar maxsus kutubxonasida faoliyat yuritayotgan “Kompyuter savodxonligi” to‘garagi hamda kutubxona faoliyati haqida ham batafsil ma’lumotlar berildi.
🎼
Tadbir jarayonida yoshlarning qiziqishlarini inobatga olgan holda, turli yo‘nalishlar bo‘yicha to‘garaklarga a’zo bo‘lish istagini bildirgan yoshlar ro‘yxatga olindi.
🎼
Mazkur tadbir yoshlarning bo‘sh vaqtini mazmunli tashkil etish, ularning qobiliyat va iste’dodlarini rivojlantirishga xizmat qilishi bilan ahamiyatli bo‘ldi.
👉
Bizni ijtimoiy tarmoqlarda kuzatib boring
.
📲
Telegram
/
Websayt
/
Facebook
/
YouTube
IJODIY KECHA: HOKIM VA YOSHLAR UCHRASHUVI
⭐️
Forish tuman hokimi Soxib Islamov hamda Davlat xavfsizlik xizmati tuman bo‘limi boshlig‘i Muxiddin Tashpulatov hamkorligida
“Payshanba – Yoshlar kuni”
munosabati bilan “Oqtepa” mahallasida joylashgan 18-son Musiqa va san’at maktabida tumandagi bir guruh ijodkor yoshlar bilan samimiy uchrashuv tashkil etildi.
⚡️
Tadbir avvalida maktabning iqtidorli va ijodkor o‘quvchilari tomonidan tayyorlangan musiqiy va badiiy chiqishlar namoyish etildi. Yosh ijodkorlarning mahorat bilan ijro etgan kuy-qo‘shiqlari, rassomchilik ko‘rgazmalari va ijodiy chiqishlari tadbir ishtirokchilariga ko‘tarinki kayfiyat bag‘ishladi.
✨
Uchrashuv davomida tuman hokimi yoshlar bilan ochiq muloqot qilib, ularning taklif va tashabbuslarini diqqat bilan tingladi. Yoshlarning ijodiy faoliyatini yanada qo‘llab-quvvatlash, ular uchun munosib shart-sharoitlar yaratish masalalari muhokama qilindi. Shuningdek, bildirilgan takliflar asosida tegishli mas’ullarga aniq vazifalar yuklatildi.
⚡️
Tadbir davomida yoshlarga e’tibor va g‘amxo‘rlik davlat siyosati darajasidagi muhim yo‘nalish ekani alohida ta’kidlandi. Samimiy va mazmunli ruhda o‘tgan uchrashuv barcha ishtirokchilarda katta taassurot qoldirdi. Bayramona muhitda o‘tgan tadbir yoshlarning ijodiy salohiyatini yanada namoyon etishga xizmat qildi.
👉
Bizni ijtimoiy tarmoqlarda kuzatib boring
.
📲
Telegram
/
Websayt
/
Facebook
/
YouTube
/
Hosildorlik 30 ming tonnaga ortadi
Jizzax viloyatida yangi qishloq xo‘jaligi mavsumi aniq reja va yuksak marralar bilan boshlandi. Bu yil viloyat paxtakorlari 2025-yil ko‘rsatkichlariga nisbatan 30 ming tonnaga ko‘proq, ya’ni 350 ming tonna paxta xomashosi yetishtirishni maqsad qilgan.
Bu reja, avvalo, agrar sohada so‘nggi yillarda amalga oshirilayotgan tub islohotlar, zamonaviy agrotexnologiyalarni joriy etish va fermer xo‘jaliklarining iqtisodiy rag‘batini kuchaytirishga qaratilgan davlat siyosati samarasi sifatida namoyon bo‘lmoqda.
Viloyatda bu yil 67,6 ming gektar maydonga chigit ekish rejalashtirilgan. Ayni paytda barcha ekin maydonlarida yerni mavsumga tayyorlash, agrotexnik tadbirlarni o‘z vaqtida amalga oshirish, mineral o‘g‘itlar bilan ta’minlash hamda suvdan oqilona foydalanishga alohida e’tibor qaratilmoqda. Fermer xo‘jaliklari va paxta-to‘qimachilik klasterlari o‘rtasidagi hamkorlikning mustahkamlanishi esa ishlab chiqarish zanjirini yanada samarali tashkil etish imkonini bermoqda.
Mutaxassislar hisob-kitoblariga ko‘ra, agrotexnologiyalarning to‘liq joriy etilishi natijasida bu yil paxta maydonlarida o‘rtacha hosildorlikni 51,5 sentnerga yetkazish rejalashtirilgan. Bu esa paxtakor xo‘jaliklariga 240 milliard so‘mdan ortiq qo‘shimcha iqtisodiy samara keltirishi kutilmoqda. Shu bilan birga, viloyatda 6,3 ming gektar yangi yerlarni o‘zlashtirish ishlari boshlangani paxtachilik imkoniyatlarini yanada kengaytirishga xizmat qilmoqda.
Mamlakatda paxtachilik tarmog‘ini modernizatsiya qilish va uni yuqori samarali agrar tarmoqqa aylantirish davlat siyosati darajasiga ko‘tarilgan. Xususan, O‘zbekiston Respublikasi Prezidentining 2020-yil 11 avgustdagi “Paxtachilik tarmog‘ini tubdan isloh qilish va klaster tizimini keng joriy etish chora-tadbirlari to‘g‘risida”gi qarori tarmoqda bozor munosabatlarini mustahkamlash, ilg‘or agrotexnologiyalarni joriy etish hamda qo‘shilgan qiymat zanjirini shakllantirishga xizmat qilmoqda.
Shuningdek, 2022-yil 1 martdagi “Qishloq xo‘jaligida suv tejovchi texnologiyalarni joriy etishni jadallashtirish chora-tadbirlari to‘g‘risida”gi qaror asosida tomchilatib va yomg‘irlatib sug‘orish kabi resurs tejamkor texnologiyalar keng joriy etilmoqda. Bugungi kunda mamlakatda yuz minglab gektar maydonlarda ana shunday texnologiyalar qo‘llanilib, suv sarfini sezilarli kamaytirish va hosildorlikni oshirishga erishilmoqda.
Agrar sohadagi ilmiy tadqiqotlar ham paxtachilik samaradorligini oshirishga xizmat qilmoqda. Yangi seleksiya navlari, mineral o‘g‘itlarni meyoriy qo‘llash, raqamli agrotexnologiyalardan foydalanish kabi omillar hosildorlikni oshirishning muhim asosi sifatida qaralmoqda. Bu borada fermer xo‘jaliklari, ilmiy muassasalar va klasterlar o‘rtasidagi hamkorlik kengayib borayotgani alohida ahamiyat kasb etadi.
Bugun Jizzax dalalarida olib borilayotgan izchil ishlar, avvalo, mehnatkash fermer va dehqonlarning sa’y-harakatlari, shuningdek davlat tomonidan yaratilayotgan iqtisodiy va tashkiliy imkoniyatlar samarasining amaliy ifodasidir. Yuqori hosildorlikka erishish, yangi yerlarni o‘zlashtirish va innovatsion agrotexnologiyalarni keng joriy etish orqali jizzaxlik paxtakorlar nafaqat viloyat, balki mamlakat agrar iqtisodiyotini mustahkamlashga munosib hissa qo‘shmoqda.
Paxtachilikda belgilangan bu yangi marra — raqamlar ortidagi katta mehnat, ilmiy yondashuv va strategik islohotlar samarasining yorqin ko‘rinishidir. Agar bu sa’y-harakatlar izchil davom etsa, Jizzax dalalarida yetishtirilayotgan “oq oltin” nafaqat sanoat tarmoqlarini barqaror xomashyo bilan ta’minlaydi, balki mamlakat eksport salohiyatini oshirish, qishloq aholisi daromadini ko‘paytirish va agrar iqtisodiyotni yanada mustahkamlashga xizmat qiladi.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
Zarbdor tumanidagi “Islohotlar shtabi” mahallalarni rivojlantirishga xizmat qilmoqda
Zarbdor tumanida aholi turmush darajasini oshirish va mahallalarni ijtimoiy-iqtisodiy rivojlantirishga qaratilgan ishlar izchil amalga oshirilmoqda.
Tumandagi 23 ta mahallada “Islohotlar shtabi” tashkil etilgan bo‘lib, unga mahalla 7ligi, tuman hokimligi hamda kommunal va ijtimoiy xizmatlar vakillari jalb qilingan. Shtab aholi murojaatlarini joyida hal etishga xizmat qilib, so‘nggi bir oyda murojaatlar soni o‘tgan yilning shu davriga nisbatan 34 foizga kamaydi.
Bandlikni ta’minlash doirasida bir oyda aniqlangan 1,5 ming ishsiz fuqaroning 600 nafari ish bilan ta’minlandi. Shuningdek, tadbirkorlik dasturlari orqali 363 nafar fuqaroga 7,3 mlrd so‘m imtiyozli kredit ajratilib, 600 ga yaqin yangi ish o‘rni yaratildi.
Qishloq xo‘jaligi, tomorqadan samarali foydalanish va issiqxona xo‘jaliklarini rivojlantirish orqali aholi daromadini oshirishga e’tibor qaratilmoqda. “Yashil makon” loyihasi doirasida obodonlashtirish va ko‘chat ekish ishlari ham olib borilmoqda.
Xususan, Oybek mahallasida xizmat ko‘rsatish sohalari rivojlangan bo‘lib, bu yerda 4 526 nafar aholi istiqomat qiladi. Mahallada aholi bandligini ta’minlash va iqtisodiy faollikni oshirish bo‘yicha ishlar davom etmoqda.
📹
Batafsil videolavhada tomosha qiling.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
"
NARVON" MAHALLASIDA YOSHLAR MUAMMOLARI O‘RGANILDI
➡️
"Payshanba - Yoshlar kuni" munosabati bilan Forish tuman Obodonlashtirish boshqarmasi boshlig‘i Xurshid Jo‘raqulov “Narvon” mahallasida o‘ziga biriktirilgan yoshlarning muammo va takliflarini tizimli ravishda o‘rganish hamda amaliy yordam ko‘rsatish maqsadida yoshlar bilan uchrashuvlar o‘tkazmoqda.
➡️
Mazkur uchrashuvlar davomida yoshlarni qiynayotgan masalalar atroflicha tinglanib, har bir murojaat yuzasidan aniq chora-tadbirlar belgilab olinmoqda. Shu bilan birga, yoshlarning tashabbus va g‘oyalari qo‘llab-quvvatlanib, ularning jamiyat hayotida faol ishtirokini ta’minlashga alohida e’tibor qaratilmoqda.
➡️
Bunday ochiq va samimiy muloqotlar yoshlarning muammolarini o‘z vaqtida hal etish, ularning ishonchini mustahkamlash hamda kelajakka bo‘lgan intilishlarini qo‘llab-quvvatlashda muhim ahamiyat kasb etmoqda.
Forish tuman hokimligi axborot xizmati.
Jizzaxda Xalq deputatlari viloyat Kengashining 26-sessiyasida dolzarb masalalar muhokama qilindi
Jizzax viloyati hokimligida xalq deputatlari Jizzax viloyati Kengashining yettinchi chaqiriq 26-sessiyasi bo‘lib o‘tdi. Unda viloyatdan saylangan O‘zbekiston Respublikasi Oliy Majlisi Senati a’zolari, deputatlar, davlat va jamoat tashkilotlari rahbarlari hamda ommaviy axborot vositalari vakillari ishtirok etdi.
Sessiyada O‘zbekiston Respublikasi Oliy Majlisi Senati Sud-huquq masalalari va korrupsiyaga qarshi kurashish qo‘mitasi raisi Abdulhakim Eshmuratov boshchiligidagi ishchi guruh ham qatnashdi.
📹
Batafsil videolavhada tomosha qiling.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
Aydar-Arnasoy ko‘llar tomonga ketadigan temiryo‘l qurilishi jadal sur’atlarda olib borilmoqda
Prezident Shavkat Mirziyoyevning 2025-yil 2 dekabr kuni Jizzax viloyatiga tashrifi chog‘ida Aydar-Arnasoy ko‘llar tizimi atrofida turizmni rivojlantirish, zamonaviy infratuzilma barpo etish va hudud iqtisodiy salohiyatini oshirishga qaratilgan qator muhim vazifalar belgilab berilgan edi. Bugun mazkur tashabbuslar izchil amaliy bosqichga o‘tmoqda.
Xususan, davlat rahbari tomonidan Aydar-Arnasoy hududining transport jihatdan qulayligini ta’minlash, sayyohlar oqimini ko‘paytirish maqsadida Do‘stlik tumanidan ko‘llar tizimi tomon yangi temiryo‘l liniyasini tortish bo‘yicha berilgan topshiriqlar ijrosi doirasida qurilish ishlari boshlandi.
Loyihaga ko‘ra, yangi temiryo‘l liniyasining umumiy uzunligi 39,1 kilometrni tashkil etadi. Qurilish ishlarining umumiy qiymati 508,4 milliard so‘m etib belgilangan. Yirik infratuzilmaviy loyiha “O‘zbekiston temir yo‘llari” aksiyadorlik jamiyati tomonidan amalga oshirilmoqda.
Ayni paytda temiryo‘l trassasining asosiy qismini tayyorlash ishlari jadal sur’atlarda olib borilmoqda. Qurilish jarayonida karyerlardan tuproq olib kelinib, temiryo‘l poydevori shakllantirilmoqda, maxsus texnikalar yordamida uni mustahkamlash ishlari amalga oshirilmoqda.
Loyihani ishlab chiqish va takomillashtirish jarayonida hududning istiqbolli rivojlanish omillari ham inobatga olindi. Xususan, Arnasoy tumani hokimi Odil Musanov “Toshtemiryo‘lloyiha” mas’uliyati cheklangan jamiyati mutaxassislari bilan uchrashib, Do‘stlik bekati hamda Aydar-Arnasoy ko‘llarini bog‘lovchi temiryo‘l loyihasi bilan atroflicha tanishdi. Uchrashuvda bildirilgan taklif va tavsiyalar asosida loyiha yanada takomillashtirilib, tasdiqlandi.
Mazkur temiryo‘l liniyasi mamlakatimizda amalga oshirilayotgan “O‘zbekiston – 2030” strategiyasi hamda kambag‘allikni qisqartirishga qaratilgan dasturlar doirasida hududlar iqtisodiy faolligini oshirishga xizmat qiladi. Eng muhimi, qurilish jarayonida va kelgusida temiryo‘l infratuzilmasi faoliyati yo‘lga qo‘yilishi orqali yangi ish o‘rinlari yaratilib, aholi bandligini ta’minlash imkoniyatlari kengayadi.
Mutaxassislar fikricha, yangi temiryo‘l liniyasi Aydar-Arnasoy ko‘llar tizimida turizmni jadal rivojlantirish, sayyohlar oqimini oshirish va hududda zamonaviy servis infratuzilmasini shakllantirishda muhim ahamiyat kasb etadi.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
SUV LIMITINI BELGILASH BO‘YICHA DOIMIY KOMISSIYA YIG‘ILISHI BO‘LIB O‘TDI
💧
O‘zbekiston Respublikasi Prezidentining 2024-yil 5-yanvardagi PQ-5-son qarori hamda Vazirlar Mahkamasining 2024-yil 19-fevraldagi 79-son qarori talablariga muvofiq suv resurslarini boshqarish tizimini takomillashtirish, suv hisobini yuritishni yaxshilash va raqamli texnologiyalarni keng joriy etish masalalari yuzasidan xalq deputatlari Forish tuman Kengashining agrar, qurilish, kommunal suv xo'jaligi va ekologiya masalalari bo‘yicha doimiy komissiyasi yig‘ilishi bo‘lib o‘tdi.
💧
Yig‘ilishda deputatlar tomonidan tumanda suv resurslaridan samarali foydalanish, suv limitlarini belgilash hamda vegetatsiya (sug‘orish mavsumi) uchun iste’molchilar kesimida ekinlarni sug‘orish maqsadida suv olish limitlarini qayta ishlab chiqish masalalari muhokama qilindi.
💧
Shuningdek, O‘zbekiston Respublikasi Soliq kodeksining 445-moddasiga muvofiq, suvdan foydalanish uchun belgilangan limitlardan ortiqcha suv olingan taqdirda, bunday ortiqcha qism bo‘yicha soliq stavkalari belgilangan stavkalarning besh baravari miqdorida qo‘llanilishi qayd etildi.
Forish tuman hokimligi axborot xizmati.
MAHALLALARDA OBODONLASHTIRISH TADBIRLARI DAVOM ETMOQDA
🌿
Forish tuman Obodonlashtirish boshqarmasi xodimlari tomonidan "Bogʻdon" va “O’zbekiston” mahallalarida aholi uchun qulay shart-sharoitlar yaratish, hududni obodonlashtirish, ko‘chalarni obod qilish maqsadida tozalash ishlari amalga oshirilmoqda.
🌿
Jumladan, markaziy koʼchalar va yoʼl yoqalarida toʼplanib qolgan chiqindilar tozalanib, atrof-muhit obod holatga keltirilmoqda.
🌿
Xodimlarning fidokorona mehnati natijasida hududlarda tozalik taʼminlanib, koʼchalarda harakat ishtirokchilari uchun yanada xavfsiz va qulay muhit yaratilmoqda.
Forish tuman hokimligi axborot xizmati.