مملكة الشعر الشعبي
حَتى لو نِگعد بشَارع
ع الرصَيف
وأنتِ يمي والله احَس
عايش بجنه
گلشي
بالدُنيا حلو انتِ
احَلى منه.
سألوني ياهَو الاعزّ
روحكٍ بوگت الحرُب
لو ماي وگت العِطش
گتلهُم عيونك .
جان ابسط فعل
منك يخلي احساسي
متطمن
اذكر شاورتني
وصوتك يجنن
ورجعت لبيتنه
وكلي عقلي اضم
بالصوت
مخلي ايدي على اذني
مثل اليأذن .
الما يشبهونچ شگلُهم ؟
هيّ حيرة كُل بَعيد
بعَيني يصغر وأنتِ
بعيُوني چبيرة .
نسَولف بيك لأخر لحظة بالليل
وترد من الصبح تشغل فكرنا
- جَبار رشيد .
ياغالي شلون ما احبك...ولا ابيك
وامك ما تحن مثلي...ولا ابيك
عساهن بيه لو عاتك...ولا ابيك
واحول كل الم منك عليه
فرق بين اليموع بساع ...والصاك
يسمونك حلو مرات...الصاك
اذا ربك على المسكين...وصاك
انه مسكين وربك موصي بيه
وحك من نام طول الليل...والحاي
بياض الشيب غطه الراس...والحاي
عليك ابروح كلمن مات...والحي
تجي وتنصب جوادر حزن بيه
وحك الي مشو للشام...يسرة
وعسى يمناي ما تحتاج...يسرة
ربك كال بعد العسر...يسرة
العسر شفتة واليسر ما مر علية
شيجي منج اتلكه
الخير والموخير
شتخلين يرهم
واطلع بكده