Hasanxon, Husaynxon Yahyo Abdulmajid

Kechagi tanlov haqidagi xabarni davom ettiramiz
«Rozilik» deb nomlangan xabarni joylaganimizdan keyin izohda koʻpchilik duolar qilishdi. Shuningdek, sahifaning admin profiliga ham xabarlar keldi. Birin-ketin ular bilan tanishtirib chiqamiz.
Kechagi tanlovda birinchi oʻrinni olgan ayol yozibdi:
«Men «Tafsiri Hilol»ni qaynonam bilan birga oʻqishni anchadan beri niyat qilib yurardim. «Rozilik» degan xabarni oʻqidim. Menga faqat shu toʻplamni berib, qolgan hadyalarimni oʻsha ikki ishtirokchiga bersangiz».
5-oʻrinni olgan ayol yozibdilar:
«Tanlovdan olayotgan foydalarim, manfaatlarim har qanday sovgʻadan ustun. Shu suhbatlar sabab oilamizga fayz kirdi, tortishuvlarimiz ketdi. Uning oʻrnini suhbatlarni eshitish, ular haqida suhbatlashish egalladi. Mana shu biz uchun haqiqiy yutuq. Men tanlovda avval gʻolib boʻlganman. Iltimos, mening barcha hadyalarimni oʻrin ololmay qolgan boshqa ishtirokchiga bersangiz».
«Rozilik» xabarini oʻqib, tanlovga «Tafsiri Hilol» hadya qilayotgan hamkorimiz biz bilan bogʻlandi va xabarda aytilgan ikki ishtirokchiga «Tafsiri Hilol» hadya qilishlarini aytdilar…
Doʻkondan ikkita toʻplamni sotib oldik, kecha oʻrin ololmagan ikki ishtirokchiga yozdik. Ulardan biri bilan yana bir qiziq holat sodir boʻldi.
Holat shunday, bu ayol tanlovning oʻtgan bosqichlaridan birida gʻolib boʻlib, aynan «Tafsiri Hilol» toʻplamini yutib olgan ekanlar. Oʻzlari buni bizga bildirib:
«Men avval bu kitobni olgandim. Hozir yana olsam, notoʻgʻri boʻlib qolmaydimi?»
deb qoldilar. Ikkinchi marta himmatlariga qoyil qoldik. «Ha, shunday, tanlov qoidasiga koʻra, sizga berolmaymiz», desak, yana avvalgidek, shu zahoti holatni toʻgʻri qabul qilib, rahmat aytdilar.
Bu ayol bilan yoʻlimiz yana tutashdi. Birinchi oʻrinni olgan ayol faqat «Tafsiri Hilol» olib, boshqa hadyalarni keyingi ishtirokchilarga berishlarini aytgandilar. Shu yodimizga tushib qoldi, u ayolning baʼzi sovgʻalari ikkinchi marta «Tafsiri Hilol» olishni xohlamagan ayolga beradigan boʻldik.
Oradan biror soat oʻtdi, ayolga yozdik. Ulardan esa quyidagi xabar keldi:
«Tafsiri Hilol»ni berayotganlaringizda, avval olganim uchun xuddi oʻgʻrilik qilayotgandek boʻldim. Shuning uchun vijdonimni tozalab olish uchun bir soʻrab qoʻyay, degandim. Allohning sinovidan oʻtdim shekilli».
Endi yana bir holat bilan tanishtirsam. Tanlov boshlangandan beri har bosqichda gʻolib boʻlganlarning roʻyxatini qilib, ularga nima kitoblar berilganini yozib boramiz. Vaqtimiz, zehnimiz tejalsin, deb bu ishni sunʼiy idrokka qildirardik. Biroz oldin bir tanishimiz yozib qoldi. Tanlovda 3-oʻrinni olgan ayolning Telegramʼda shaxsiy sahifalari bor ekan, tanishimiz unga aʼzo ekan. Sahifaning egasi tanlovda gʻolib boʻlganini bilgan obunachilaridan biri gʻoliblar eʼlonida unga «Tafsiri Hilol» yozilmay qolganini aytibdi. Tanishimiz sahifadagi shu yozishmalarni bizga joʻnatdi. Tezda roʻyxatimizni qaradik. Haqiqatan ham, 3-oʻrin egasi bundan oldin 3 marta gʻolib boʻlgan, lekin toʻplamni olmagan ekan. Sunʼiy ong sunʼiyligini qilibdi)
Yuqorida aytganimizdek, «Tafsiri Hilol» berishimiz kerak boʻlgan ikki ishtirokchidan biri avval bu toʻplamni olgani uchun ortiqcha boʻlib qolgandi. Oʻshani bugungi 3-oʻrin egasiga beradigan boʻldik.
«Oʻzlikka qaytish» tanlovi siz-u bizni mana shunday tarbiyalashga muvaffaq boʻlyapti. Oʻzi toʻgʻri yo'ldan adashtirmasin!
@hasanhusayn

🎁
«Oʻzlikka qaytish» tanlovi gʻoliblariga sovgʻalar joʻnatilyapti!
✔️
Kecha tanlovimizning
10-bosqichi
boʻlib oʻtib, natijalar
aniqlandi.
Rasmda ushbu bosqichda gʻoliblarga beriladigan hadyalar bilan tanishishingiz mumkin.
😊
📌
«Rayan abayas»
va
«Malika style»
jamoasining liboslari ushbu sovgʻalarni oldin olmagan eng yuqori oʻrin egalariga berildi.
🎉
Gʻoliblarni tabriklaymiz! Alloh taolo oʻrganayotgan ilmlarga amal qilishimizni nasib qilsin!
🤝
Hamkorlarimiz:
«Milliy books»
,
«Nasim kutub»
,
«Qamar»
,
«Moziy»
,
«Malika style»
,
«Context brand»
,
«Rayan abayas»
,
«Saffroon.uz»
Hadyalari yetib borganlar, rasmlarni shu xabar izohiga yuborishingiz mumkin
😊
@hasanhusayn

#tanlov
✨
«Oʻzlikka qaytish» tanlovining oxirgi 11-bosqichi 30-avgust kuni 11:00 da oʻtkaziladi
✔️
Ushbu bosqichda quyidagi suhbatlardan savollar beriladi:
1. Hasanxon Yahyo Abdulmajid —
«Arbaʼin Navaviyya» (11-suhbat)
2. Hasanxon Yahyo Abdulmajid —
«Qurʼon bilan tanishuv» (11-suhbat)
3. Husaynxon Yahyo Abdulmajid —
«Risalatul-Mustarshidin» (11-suhbat)
4. Husaynxon Yahyo Abdulmajid —
«Shifo» (11-suhbat)
🎧
Suhbatlarning audiosini
@hasanalmuqriy_bot
va
@husaynbuxoriybot
dan topishingiz mumkin.
Eslatib oʻtamiz, tanlovning avvalgi bosqichlarida ishtirok etmaganlar ham, ishtirok etganlar ham keyingi bosqichlarda qatnashishlari mumkin.
😊
@hasanhusayn

Rozilik
Bugun «Oʻzlikka qaytish» tanlovining 10-bosqichi boʻlib oʻtdi. Yaxshiyam birodarlar bor, javoblarni tekshirishga imkonim boʻlmagandi, ular qarashib yuborishdi.
Tanlov kuni biroz eʼtiborsizlik yoki baʼzida texnik nosozlik sabab ora-orada gʻoliblarning yakuniy roʻyxati xato eʼlon qilinadi. Masalan, bugun 10 ta gʻolib aniq boʻlgandan keyin hamma javobi toʻgʻri boʻlgan yana bir ishtirokchi qolib ketgani maʼlum boʻldi. Endi ertaga ular bilan bogʻlanib, nechanchi oʻrin olgan boʻlsalar, oʻsha oʻringa beriladigan hadyalarni ularga ham beramiz.
Shu bilan birga, gʻoliblar eʼlon qilinsa, oʻrin olmagan baʼzi ishtirokchilar, javoblarimiz toʻgʻri boʻlsa kerak, gʻoliblar qatorida boʻlishimiz kerak edi, degan mazmunda yozib, javoblarini qayta tekshirib koʻrishimizni aytishadi.
Bugun ana shunday ishtirokchilardan ikkisi yozishdi. Javoblarni tekshirsak, ikkilarida ham javoblari umumiy maʼnoga toʻgʻri keladi-yu, lekin ayni emas. Shuning uchun uzr aytdik. Shunda ushbu qaydni yozishimga sabab boʻlgan holatga yana bir bor guvoh boʻdim: ikkilari ham gapimizni toʻgʻri qabul qilib, bezovta qilganlari uchun uzr aytib, kamiga duo ham qilib qoʻyishdi.
Aslida biz bilan talashishlari, javoblari umumiy maʼnoga toʻgʻri kelishini aytib, eʼtiroz bildirishlari mumkin edi. Shuningdek, gʻoliblarga beriladigan hadyalar oddiy emas, «Tafsiri Hilol», «Hikmatlar ensiklopediyasi», abaya, libos va hokazolar. Koʻpchilik bunday hadyalar gʻolib boʻlganlarga berilishini bilsa, oxirigacha kurashgisi keladi.
Ammo tanlov sal kam bir yildan beri davom etib kelayotgan boʻlsa, ishtirokchilar bir necha marta yuqoridagi kabi holatda bizga yozishdi, holatni tushuntirsak, oʻsha zahoti toʻgʻri qabul qilib, samimiy duolar qilishdi. «Oʻzlikka qaytish» ishtirokchilarida unday holatni umuman koʻrmadik.
Bu avvalo Alloh taoloning fazli, ustozlarning barakasi, shu bilan birga, ishtirokchilarning olayotgan ilmlari hayotlariga koʻchayotgani, amallariga tatbiq etilayotganining belgisi boʻlsa kerak. Biz keltirgandek ishlar hayotimizda koʻp boʻladi, deyarli barchasida ikki tomon bir-biri bilan jiqqa-musht boʻlishini, urush-toʻpolon boʻlib ketishini koʻramiz. Ammo bu tanlovda qatnashayotgan insonlar undaylardan bir pogʻona yuqorida ekaniga shaxsan guvoh boʻlyapmiz.
Alloh taolo nafsga yoqmaydigan ishga duch kelib qolganda qadarga rozi boʻladigan bandalar qatoriga bizlarni ham qoʻshsin! Darhaqiqat, bu uncha-muncha odamning qoʻlidan kelmaydigan juda ogʻir ish.
@hasanhusayn

📣
«Oʻzlikka qaytish» tanlovining 10-bosqichi natijalari aniqlandi
✔️
Rasmda ushbu bosqichda hadyalarga ega boʻlgan
10 ta
ishtirokchi keltirilgan.
Gʻoliblarga tez orada aloqaga chiqamiz. Hadyalarni joʻnatish ertaga boshlanadi.
😊
🔥
Quyida ushbu bosqichning savol-javoblari, ularning izohi va manbasi bilan tanishishingiz mumkin:
https://telegra.ph/Oninchi-bosqich-savol-va-javoblari-07-25
Alloh taolo tanlovda ishtirok etgan barchaning olgan ilmlari amalga ham koʻchishini nasib qilsin!
@hasanhusayn

❗️
Javoblarni qabul qilish toʻxtatildi.
Natijalar tez orada eʼlon qilinadi
@hasanhusayn

📣
«Oʻzlikka qaytish» tanlovining 10-bosqich savollari
- 11:26 gacha yuborilgan javoblar qabul qilinadi;
- Faqat birinchi yuborilgan javoblar qabul qilinadi;
- Tahrirlangan, ikkinchi joʻnatilgan javoblar qabul qilinmaydi;
- Ism-familyangizni javoblar bilan birga yuboring;
❗️
Javoblarni bitta matnda yuboring;
✔️
Javoblar
@hasanhusaynadmin
ga yuboriladi.
1. Qaysi sura jon taslim qilayotgan odam oldida oʻqilsa, joni chiqishi yengil boʻladi, qabr oldida oʻqilsa, mayyitning azobi yengillashadi?
2. Kishining aybdor, xatokor ekaniga quyidagi narsalardan bittasi boʻlsa ham kifoya qiladi. Biror ayb oʻzida sodir boʻlsa, koʻrmay, boshqalarda sodir boʻlsa, koʻrishi. Oʻzi qilgan ishni birov qilsa, yomon koʻrishi. Hammajlisiga ozor berishi. Oxirgisi qaysi?
3. Rasululloh alayhissalom qaysi ayol haqida: «Kim jannatning huri iynini koʻrishni istasa, unga qarasin», deb aytganlar?
4. Ustoz «Shifo» suhbatida kishi shariatning xodimi, paygʻambarlarning merosxoʻri, Allohning yerdagi vakili boʻlish uchun nima qilishi kerakligini aytadilar?
5. Hijr surasida shayton Alloh taologa yer yuzidagi jamiki odamzodni yoʻldan adashtirishini, faqat bir toifa odamlarni adashtira olmasligini aytgan. U toifa odamlar kimlar?
6. Oisha onamizning zehnlari juda kuchli edi. Oʻsha davrdagi Labid ismli shoirning 2 mingdan ortiq baytini yoddan bilardilar. Onamiz nima uchun aynan Labidning baytlarini yodlagan edilar?
7. Hadisni toʻldiring: «Oʻzining aybi bilan shugʻullanib, boshqaning aybini koʻrishga vaqti qolmagan odamga …»
8. Kishida Alloh taoloni rozi qilishdan boshqa tashvishi yoʻqligi unda nima borligining belgisi hisoblanadi?
9. Ushbu surada tabiat hodisalarining biri Allohga tasbeh aytishi keltirilgan. Shu sababli sura ana shu hodisaning nomi bilan nomlangan. Gap nima haqida ketyapti?
10. Bidʼatchilar Oxiratdagi qaysi fazilatli ishdan mahrum qilinadi?
11. Hazrati Umar qanday odam boshqadan alamini olmasligini aytganlar?
12. «Shifo» suhbatida Allohning oyatlarini yoki sunnati nabaviyyani kishilarga bayon qilishda oʻzidan nimadir qoʻshib, mavzuni boshqa yerga burib, yashirishga urinish nima deb atalgan?
13. Madrasalar, masjidlar qurish, Qurʼon yoki hadis musobaqasi oʻtkazish kabilar mandub bidʼat hisoblanadi. Ustoz «Arbaʼin» suhbatida yana qaysi ishni mandub bidʼatlar qatoriga qoʻshganlar?
14. Alloh taoloning azobi kutilmagan tomondan keladi. Azob deganda faqat osmondan tosh yogʻishi, yer yutishi kabilarni tushunish kerakmas. Ustoz «Arbaʼin» hadisida bir ishni ham Allohning azobi ekanini aytadilar. U qaysi ish?
15. Abdulloh ibn Masʼud va boshqa baʼzi katta sahobalar koʻpchilik musulmonlar qiladigan bir ibodatni atayin qilishmasdi. U qaysi ibodat va katta sahobalar nega qilishmasligini ayting
@hasanhusayn

#tanlov
📣
Bugun 11:00 da
«Oʻzlikka qaytish»
tanlovning 10-bosqichi oʻtkaziladi.
Javoblar
@hasanhusaynadmin
ga yuboriladi;
Tanlovga chet eldan turib qatnashsa ham boʻladi (ammo agar gʻolib boʻlsangiz, hadyalarni Oʻzbekistondagi vakilingiz qabul qilib olishlari kerak);
Tanlovda ishtirok etish uchun roʻyxatdan oʻtilmaydi, erkak va ayollar qatnashishlari mumkin, yosh chegaralanmagan;
Javobni yuborish uchun 25 daqiqa vaqt beriladi;
Javobni xohlasangiz yozma, xohlasangiz qogʻozga yozib, uni rasmga olib yuborishingiz mumkin;
Javoblarni yuborishda konspektdan foydalansangiz boʻladi (ammo kompyuter yoki telefonga konspekt qilgan boʻlsangiz, «qidirish», «nusxalash» kabi xizmatlardan foydalanish mumkin emas);
Tahrirlangan javob qabul qilinmaydi;
❗️
Diqqat qiling!
Gʻoliblarni aniqlashda eng tez va toʻgʻri javob yuborgan dastlabki 10 nafar ishtirokchi gʻolib deb topiladi.
Shu sababli keyingi javoblar alohida tekshirilmaydi.
@hasanhusayn

📣
Ertaga
11:00 da
«Oʻzlikka qaytish»
tanlovining 10-bosqichi boʻlib oʻtadi
@hasanhusayn

«O‘zlikka qaytish»
tanlovining 10-bosqichiga 7 kun qoldi
@hasanhusayn