Ibnu Munewor (ኢብኑ ሙነወር)

Live stream finished (1 hour)

Live stream started

ብዙ ያልተወራለት አስገድዶ እምነት የማስለወጥ ታሪክ በኢትዮጵያ
~
“ርኩስ፣ ዲዮቆሮስን ቅዱስ ይሉታል፡፡ የኬልቄዶን ጉባኤ በኢትዮጵያ የተነቀፈ ነው፡፡ ስለዚህ አፄ ዮሃንስ የኬልቄዶንን ጉባኤ ለማጥፋት ደብረ ሊባኖስንም ለማውደም የኢትዮጵያን መኳንንትና ሊቃውንት ሰብስበው በፍየል አምባ ጉባኤ አደረጉ፡፡ ከዚህ በኋላ አዋጅ አደረጉ፡፡ እስላምና አሮሞ / ፓጋን ክርስትና እንዲነሳ ያውም በግድ፡፡ ከአሮሞ ሁሉ አስቀድሞ እስላም የሆነ የበርቱማ ነገድ ኦሮሞ ነው፡፡ ኦሮሞ ሁሉ አስቀድሞ የተጠመቀ የወሎ ኦሮሞ ሆነ፡፡ የወሎ ባላባቶች ይማሙዎች ተጠመቁ፡፡ ይማሙ አባ ዋጠው አመዴን ንጉስ ምኒልክ አባት ሁነው አስጠመቁ፡፡ ደጃች ሃይለማርያም አሰኟቸው፡፡ ይማሙ መሐመድ አሊን አፄ ዮሃንስ አባት ሁነው አስጠምቀው ራስ ሚካኤል አሰኟቸው፡፡
ከዚህ ህዝቡን በግድ ያጠምቁትና በግድ ያቆርቡት ጀመሩ፡፡ ጉልበት ያለውና በሃይማኖቱ የቆመ ወደ መተማ ከደርቡሽ ሲሆን እኩሉ ወደ ቀቤናና ወደ ጅማ ወደ ሃረርጌም ተሰደደ፡፡ በየሄዱበት ሃገር ሁሉ ሽፍታ ብቻ ሆነ፡፡ የሃበሻ አውራጃዋ ሁሉ ጦርነት ብቻ ሆነ፡፡ በየዥረቷ ሁሉ የሰው ደም ሆነ፡፡ ንጉስ ምኒልክ ወደ አፄ ዮሃንስ ቀርበው ጃንሆይ እግዚኣብሄር ይወድልናልን፣ በግድ ቁረብ እያልን ህዝባችንን ብንፈጀው? ብለው ጠየቁ፡፡ ጃንሆይም (ዮሐንስ) ሲመልሱ የኢትዮጵያን ደም እበቀልላታለሁ፡፡ ግራኝም ኢትዮጵያን ሲያሰልማት በግድ በእሳትና በሰይፍ ነው፡፡ እኛስ የማርቆስን ሃይማኖት ካላቀናነውና ካልመሰረትነው ማን ያቀናዋል? አሉ ተብሎ በጊዜው ክብር ሁኖ ይወራ ይነገር ነበረ፡፡ ከዚህ በኋላ አፄ ዮሃንስ ወሎ ላይ ከረሙ፤ ሲያቆርቡ፣ ያልቆረበውን ሲፈጁ፡፡ ቦሩ ሜዳ ቤተ ክርስቲያን እያሰሩ፡፡ ራስ አዳልም ጎዣም ተሻገሩ፣ ቅብአት የሚባለውን ሲያጠፉ፣ እስላሙንም ሲያቆርቡ፡፡ ንጉስ ምኒልክ ወደ አንኮበር ገቡ። የይፋትን እስላም፣ የአርጎባንም፣ የአብቹንና የገላንን [ኦሮሞ] መላ ቱለማን በግድ ሲያጠምቁ፣ ሲያቆርቡ ከረሙ፡፡"
[የኢትዮጵያ ታሪክ፣ ተክለ ፃዲቅ መኩሪያ ፡ ገ. 686-688]
1. አስገድዶ ማጥመቁ ላይ በዮሐንስ ፊታውራሪነት ቢጀመርም፣ ራስ አዳል ተሰማ (በኋላ ንጉሥ ተክለ ሃይማኖት) እና ምኒልክ እንደተሳተፉበት እናያለን።
2. አስገድዶ ማጥመቁ በወሎ ብቻ ሳይሆን በጎጃምም፣ በሸዋም፣ ...፣ በአማራውም፣ በኦሮሞውም፣ በአርጎባውም ላይ እንደተፈፀመ እናያለን።
እነዚህ ነጥቦች ብዙ ሰው የሚዘነጋቸው ናቸው።
ሃይማኖታቸው በዚህ መልኩ በጉልበት እንደተስፋፋ ደጋግሞ ማስታወስ ያስፈልጋል። እውነታውን ሸምጥጠው አፋቸውን ሲከፍቱ ማጉረስ ይገባል።
* አንተ ዘንድ ስሜ "ወሃቢ" እንደሆነ አውቃለሁ። አዎ ነኝ! ሳልሸማቀቅ አስረግጬ እነግርሃለሁ። ትምክህተኝነህን፣ አስመሳይነትን አጋልጣለሁ።
=
የቴሌግራም ቻናል፦
https://t.me/IbnuMunewor
https://t.me/IbnuMunewor

የሒልያ ደርስ ይኖራል ኢንሻአላህ።

ደርስ
~
•  ሒልየቱ ጧሊቢል ዒልም
•  ክፍል:- 32
•  የኪታቡ ፋይል በpdf መልኩ በዚህ ሊንክ ይገኛል:-
https://t.me/IbnuMunewor/9421
• የእለቱ ደርስ መነሻ፦ ገፅ፡ 80

Live stream finished (1 hour)