Ibrahim Gulyamov
Liderlarni lider bo'lishiga kim sababchi?
Yuqoridagi videoda shu savolga javob aytilgan.
Podkastni to'liq ko'rish.
@IbrahimGulyamov
Biznesingiz qachondan foyda berishni boshlashini bilasizmi?
Har bir biznesda bitta muhim nuqta bor.
Daromad va xarajat tenglashadigan nuqta.
Bu nuqta to‘qnashuv nuqtasi (break-even point — biznes zarar qilmaydigan, lekin foyda ham bermaydigan daraja) deyiladi.
Ko‘p tadbirkorlar yangi mahsulotni shu hisob-kitobsiz boshlaydi.
Savdo bo‘ladi, lekin foyda chiqmaydi.
Sabab oddiy: qancha sotilgandan keyin foyda boshlanishi hisoblanmagan.
Natijada biznes faqat xarajatni yopib yuradi.
Masalan, hisob-kitob shuni ko‘rsatdi:
10 000 dona sotilgandan keyin foyda boshlanadi.
Demak, 10 000 gacha bo‘lgan sotuv xarajatni yopadi.
10 000 dan keyin biznes real foyda bera boshlaydi.
Shu raqam bilgan tadbirkor qarorlarni aniq qiladi.
Narxni to‘g‘ri qo‘yadi, marketing va sotuv rejasini ishlab chiqadi
Yana bir muhim jihat: bu nuqta o‘zgarmas emas.
Xarajat oshsa yoki sotuv tushsa, foyda boshlanadigan chegaraning o‘zi ham siljiydi.
Siz hozir foydadamisiz yoki faqat xarajatni yopayapsizmi? Izohda yozib qoldiring!
@IbrahimGulyamov
📣
PCG KOMPANIYASIDA VOLONTYOR BO'LISH IMKONIYATI
✅
Perfect Consulting Group
kompaniyasi
27-mart
sanasida start beradigan 5 haftalik
"TEZ NATIJA 5"
Biznes Kouchingiga volontyorlikka vakansiya e’lon qiladi.
✔️
Biz bilan BIZNES KONSALTING olamida qimmatli bilim va tajriba orttirish imkoniyatiga ega bo‘ling.
❗️
Talablar:
- 17-23 yoshli yigit va qizlar
- Toshkent shahrida offlayn shaklda ishlay olishi
- Mas'uliyatli bo‘lishi
- Dastur bo'ladigan kunlari to'liq bandlik
😎
Volontyor qo'lga kiritadigan imkoniyatlar:
✔️
Muvaffaqiyatli biznesmenlar, tadbirkorlar va soha mutaxassislari bilan muloqot qilish va yaqindan tanishish
✔️
Biznes bo'yicha bilimlar, biznes strategiyalari, bozor tendensiyalari va tadbirkorlikka oid bilimlaringizni oshirishish
✔️
Maqsadli yangi do'stlar orttirish
✔️
PCG volontyorlari uchun maxsus kiyim
✔️
Ibrahim Gulyamovni imzosi qo'yilgan, maxsus Sertifikat
✔️
Biznes Kouching dasturini 1 oy platformada bepul ko'rish
✔️
Bepul tushlik
✔️
"Perfect Consulting Group" kompaniyasi tomonidan tavsiyanoma
💎
Volontyorlikka talabgorlar bo'lsa,
SO'ROVNOMANI TO'LDIRING!
Nega xodimlar ishlamaydi?
Yoki aniqroq aytsak:
nega ishlayotgandek ko‘rinadi, lekin natija yo‘q?
Bunga juda ham ko'p sabablar bor, ammo ulardan bittasi: reglament yo‘qligi
Vazifa yozilmagan.
Protsedura tushuntirilmagan.
Kim nima uchun javobgar - hech kim bilmaydi
Keyin nima bo‘ladi?
Rahbar o‘ylaydiki: “Axir aytgandim-ku!”
Xodim o‘ylaydi: “Bunaqa deyilmangandi-ku…”
Tanish holatmi?
Bir joyda ko‘rganman:
3 ta odam bitta vazifani qiladi.
Lekin hech kim javobgar emas.
Natija?
Xato bo‘lsa, aybdor yo‘q.
Natija bo‘lmasa, sabab yo‘q.
O‘sish bo‘lmasa, hamma hayron
Reglamentsiz biznes - bu svetoforsiz chorrahaga o‘xshaydi.
Hamma harakatda.
Hamma band.
Lekin tirbandlik.
Tartib bo‘lmagan joyda motivatsiya ishlamaydi.
Chunki odam nima qilishini aniq bilmasa - tashabbus ham qilolmaydi
Yaxshi xodim yetishmayaptimi?
Yo‘q.
Yaxshi tizim yetishmayapti.
Vazifalar yozilsa.
Jarayon nazorat qilinsa.
Javobgarlik belgilansа.
Natija o‘zi keladi.
Reglament - bu byurokratiya emas.
Bu aniqlik.
Aniqlik bo‘lmasa, biznes o‘smaydi.
Savol:
Siz korxonagizda hamma vazifalarni yozib belgilab qo'yasizmi yoki hammasi “og‘zaki kelishuv”mi? Izohda yozing!
@IbrahimGulyamov
Nega sizda mijozlar oqimi kam?
Mijozlar oqimi kamligining sabablari va unga yechim.
Avvalo, buning sabablarini tushunib olishingiz kerak
Bozorni, mijozni o‘rganmaysiz, raqobatchilarni tahlil qilmaysiz va shu tahlillardan kelib chiqib taklif tayyorlamaysiz.
Bular siz reklama qilganingizda eng kerakli omillar hisoblanadi.
Odatda xarid jarayoni 4 bosqichda ishlaydi:
odamlar sizni ko‘radi, qiziqadi, ishonadi va shundan keyin xarid qiladi.
Shuning uchun reklamaning vazifasi faqat mahsulot borligini aytish emas.
U mahsulot yoki xizmat nima uchun kerakligini,
kimga foyda berishini va qanday muammoni hal qilishini tushuntirishi kerak.
Agar sizni odamlar ko‘rmasa, oqim bo‘lmaydi.
Agar ko‘rsa-yu, qiziqmasa, keyingi bosqichga o‘tmaydi.
Agar qiziqsa-yu, ishonch shakllanmasa, murojaat qilmaydi.
Shu sababli “mijoz kam” degan fikr ko‘pincha aniq muammoni yashirib qo‘yadi.
Aslida esa siz mijoz kelish yo‘lining qayerida uzilish borligini bilmayapsiz.
Yechim:
Avvalo, mahsulot yoki xizmatingiz haqida chuqur o'rganing, mijozlarga bu nima beroladi? Ko'rib tahlil qiling.
Kimni qanday muammosini, ehtiyojini yopadi, qanday foyda beradi? Bular ham reklama qilganingizda aytilishi kerak bo'lgan narsalar hisoblanadi.
Sizning biznesingizda hozir qaysi bosqich ko‘proq e’tibor talab qiladi:
ko‘rish, qiziqish, ishonch yoki sotuv? Izohda yozib qoldiring!
@IbrahimGulyamov
Rahbar sifatida bergan va'dangizda tura olyapsizmi?
Agar rahbar bergan va'dasida turmasa, xodimlar ishonmay qo'yadi. Natijada jamoa motivatsiyasi pasayadi, natijalar ham past bo'ladi.
Sababi: keyinchalik biror ishni qilamiz, tayyor turinglar desangiz, ular buni qilishingizga ishonmay, tayyor bo'lishmaydi.
Buni oldini olish uchun rahbar har doim so'zini ustidan chiqishi kerak. Qarorlarini adolatli va izchil qilishi kerak. Xodimlar bilan ochiq muloqot va vaziyatni tushuntirish ishonchni mustahkamlaydi.
Sizning rahbarlik uslubingiz xodimlarda ishonchni oshiryaptimi yoki kamaytiryaptimi?
@IbrahimGulyamov
Xodimlar orasida nizo chiqsa, rahbar qanday yo‘l tutishi kerak?
Nizo paydo bo‘lsa, uni e’tiborsiz qoldirib bo‘lmaydi.
Kechiktirilgan muammo jamoa ichida tez kattalashadi.
Birinchi qadam - vaziyatni aniqlash.
Har ikki tomonni eshitib, nizoning asl sababini tushunishingiz kerak.
Ko‘pincha muammo odamda emas.
Noto‘g‘ri kommunikatsiya yoki noaniq vazifalarda bo‘ladi.
Ikkinchi qadam - nizoni shaxsiy mojaro sifatida emas, tizim muammosi sifatida ko‘ring.
Mas’uliyat va vazifalar aniq bo‘lmagan jamoada nizo takrorlanaveradi.
Uchinchi qadam - umumiy qoidalarni mustahkamlang.
Jamoada hurmat, ochiq gaplashish va muammoni konstruktiv hal qilish madaniyati bo‘lishi kerak.
Rahbar nizoni shunchaki bartaraf qilmaydi.
U sababni topib, tizimni tuzatadi.
Siz nizoni oldini yoki hal qilishda nimalar qilasiz? Izohda yozib qoldiring.
@IbrahimGulyamov
Reklama bilan majburlab sotmang. Odamlarning og‘rig‘ini davolang.
Ko‘pchilik reklama qilib bir marta sotishni o‘ylaydi.
Aslida esa biznesni o‘stiradigan narsa - birinchi xarid emas, qayta xarid.
Agar mahsulotingiz yoki xizmatingiz odamlarning haqiqiy muammosiga yechim bo‘lsa, mijoz albatta qaytib keladi.
Nafaqat qaytib keladi.
U sizni boshqalarga ham tavsiya qiladi.
Shunda eng kuchli reklama boshlanadi - tekin organik reklama.
Shunday biznes qurish uchun esa bitta narsani topish kerak:
Bozorning och bo‘lgan joyini.
Agar siz o‘ylagan g‘oyani kimdir allaqachon qilgan bo‘lsa - bu yomon emas.
Aksincha, bu bozorda shu yo‘nalishga haqiqiy ehtiyoj borligini bildiradi.
Eng yaxshi signal esa boshqa joyda.
Agar siz ochayotgan biznesdan o‘zingiz ham mijoz sifatida foydalanishni xohlasangiz, demak bu ko‘pchilik odamlarning ehtiyojiga ham yechim bo‘la oladi. (Lekin bu yerda o'zingiz mijozi bo‘ladigan mahsulot yoki xizmat zo‘r sotiladi deganimas).
Siz bozordagi qaysi muammoga yechim beryapsiz?
@IbrahimGulyamov
“Biznesga asoslangan do‘stlik - do‘stlikka asoslangan biznesdan yaxshiroqdir.”
©️
John Rokfeller
Agar do'stlik ustiga biznes qurilsa, ya'ni do'stlar bilan biznes boshlasangiz, boshida juda chiroyli bo'ladi. Lekin moliyaviy masalalarga kelganda, darhol hammasi o'zgaradi.
Agar biznes ustiga do'stlik qurilsa, ya'ni avval ishni boshlab, shartlarni aniq qilib keyin hamkorlik ustida do'stlik bo'lsa, bu yaxshiroq bo'ladi.
@IbrahimGulyamov