IHMA Qashqadaryo
#RASMIY_MUNOSABAT
Ijtimoiy tarmoqlar orqali Kitob tumanilik fuqaro E.G tomonidan yo'llangan murojaat yuzasidan rasmiy munosabat:
Kitob tumani "Inson" ijtimoiy xizmatlar markazi mas'ullari tomonidan "Palandara" МFYda yashovchi fuqaro E.G bilan suhbat olib borildi.
Fuqаrо murojaatida "yashil ta'mir" orqali uy-joyini ta'mirlab berilishida amaliy yordam berilishini so'radi. O'zbekiston Respublikasi Prezidentining 2026-yil 5-fevraldagi 49-sonli qarorining 13-bandida "mahalla yettiligi" xulosasiga asosan "Ijtimoiy reyestr"dagi I-guruh nogironligi bo'lgan vа mehnatga layoqatli a'zosi bo'lmagan oilalar xonadonlarining devor va tomlarini izolyatsiya qilish, energiya tejamkor deraza vа eshik hamda quyosh panellari yoki geokollektor o'rnatish ishlari amalga oshirilishi belgilab qo'yilgan.
O'rganish natijasida fuqаrо Е.Gning nogironlik guruhi II guruh ekanligi, PQ-49-sonli qаrоr talablarida esa I guruh nogironligi bo'lgan va mehnatga layoqatli oila a'zolari bo'lmagan fuqаrоlаrning uуlаri ta'mirlanib berilishi ko'zda tutilganligi sababli yordam ko'rsatish imkoni yo'qligi tushuntirildi.
Ma'lumot uchun, fuqaroga ko'mir xarajatlarini qoplash, uy-joyini ta'mirlash, oziq-ovqat mahsulotlarini xarid qilish uchun "Saxovat va ko'mak" jamg'armasi orqali doimiy yordam berilmoqda. Shuningdek, 2025-yil kuz-qish mavsumi va Muborak Ramazon oyida fuqaroga bir martalik 1 mln so'mdan moddiy yordam berilgan. Fuqaro tibbiy ko'rikdan o'tkazilib, bepul dori-darmon bilan ta'minlandi. Bundan tashqari, homiylar ham jalb qilinib, ko'mak ko'rsatib kelinmoqda.
📝
Telegram
|
💻
Instagram
📝
Facebook |
🎞
Youtube
📢
Parvarish xizmatlarini ko‘rsatuvchi shaxslar faoliyati qonuniy rasmiylashtirilishi lozim
O‘zgalar parvarishiga muhtoj shaxslarga parvarish xizmatlarini ko‘rsatish mas’uliyat va professional yondashuvni talab qiladi. Shu sababli bunday xizmatlarni ko‘rsatuvchi shaxslar bilan mehnat munosabatlarini qonunchilikda belgilangan tartibda rasmiylashtirish muhim.
🖋
Mehnat kodeksiga ko‘ra:
✅
Mehnat shartnomasi yozma shaklda, kamida ikki nusxada tuziladi va taraflar tomonidan imzolanadi. Uning bir nusxasi xodimga beriladi (
106-modda
).
✅
Tuzilgan mehnat shartnomasi ish beruvchi tomonidan
uch ish kunidan kechiktirmay Yagona milliy mehnat tizimida (YMMT) ro‘yxatdan o‘tkazilishi shart
(
109-modda
).
✅
Mehnat shartnomasi asosida ishlovchi xodimga mehnatiga haq to‘lash, dam olish, mehnatni muhofaza qilish, ijtimoiy sug‘urta va qonunchilikda belgilangan boshqa kafolatlar ta’minlanadi.
🖋
“Faol hayotga qadam” dasturi doirasida
Vazirlar Mahkamasining 2025-yil 18-iyundagi 376-son qaroriga muvofiq, dastur doirasida ijtimoiy xizmatlarni ko‘rsatuvchi shaxslar uchun
36 soatdan kam bo‘lmagan qisqa muddatli o‘quv kurslari
tashkil etiladi.
Kursni muvaffaqiyatli tamomlagan shaxslarga
3 yil muddatga amal qiluvchi sertifikat
beriladi.
2026-yil 1-iyundan boshlab
dastur doirasidagi ijtimoiy xizmatlar ushbu sertifikatga ega bo‘lgan shaxslar tomonidan ko‘rsatiladi.
Shuningdek, xizmat ko‘rsatuvchi shaxslar xizmatdan foydalanuvchilarning
shaxsiy ma’lumotlarini sir saqlashi
shart.
❗️
MUHIM!
Parvarish xizmatlarini ko‘rsatuvchi shaxsni mehnat munosabatlarini qonunchilikda belgilangan tartibda rasmiylashtirmasdan ishga jalb qilish xodimning mehnat huquqlari va qonuniy manfaatlari ta’minlanmasligiga hamda qonunchilik talablarining buzilishiga olib kelishi mumkin.
Shu munosabat bilan parvarish xizmatlarini tashkil etuvchi
jismoniy va yuridik shaxslar, shuningdek yakka tartibdagi tadbirkorlar va o‘zini o‘zi band qilgan shaxslarni
amaldagi qonunchilik talablariga rioya qilishga chaqiramiz.
🤝
Qonuniy rasmiylashtirilgan mehnat — xodimning huquqiy himoyasi va munosib mehnat sharoitlarining muhim kafolatidir.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
#shukronalik
Ijtimoiy himoyaga muhtoj oilalarga ko'rsatilayotgan e'tibor va g'amxo'rlik Klara Jo'rayeva kabi fuqarolarga katta yordam bo'lmoqda
📝
Telegram
|
💻
Instagram
📝
Facebook
|
🎞
Youtube
Bolani cheklash emas, qo‘llab-quvvatlash kerak!
Ijtimoiy himoya milliy agentligining Komplayens xizmati tomonidan Agentlik tizimidagi ayrim ta’lim tashkilotlarida o‘tkazilgan o‘rganishlar davomida 1-sinfda tahsil olayotgan ayrim bolalarni yangi ta’lim muhitiga moslashtirish hamda dars jarayonidagi ishtirokini ta’minlash maqsadida bugungi zamonaviy pedagogik yondashuvlarga mos kelmaydigan usullardan,
jumladan, bolaning sinfda harakatini cheklashdan
foydalanilgan holatlar aniqlandi.
Bunday cheklovchi usullar ayrim davlatlarda maxsus ta’lim va parvarish amaliyotlarida tarixan uchragan bo`lsa-da, bugungi kunda bunday usullar zamonaviy pedagogik yondashuvlar, bolaning huquqlari, sha’ni va qadr-qimmatini hurmat qilish hamda insonparvarlik tamoyillariga mos kelmaydi.
Mazkur holatlardan kelib chiqib, Agentlik tomonidan tizimdagi barcha ta’lim tashkilotlariga
eskirgan, zamonaviy pedagogik talablarga mos kelmaydigan va bolaga nisbatan asossiz jismoniy yoki boshqa cheklovlarni nazarda tutuvchi usullardan foydalanishga yo‘l qo‘ymaslik
, har bir bolaga uning individual ehtiyojlari va xususiyatlarini inobatga olgan holda mehr, hurmat va professional yondashuv asosida munosabatda bo‘lish yuzasidan tegishli ko‘rsatmalar berildi.
Shuningdek, 1–2-sinf o‘quvchilarining yangi ta’lim muhitiga moslashuvini qo‘llab-quvvatlash hamda dars jarayonida ularga individual yordam ko‘rsatish maqsadida yangi o‘quv yilidan boshlab
maxsus assistent-pedagog lavozimi joriy etilmoqda
.
Hurmatli ota-onalar!
Agar farzandingiz ta’lim jarayonida yuqoridagi kabi nomaqbul holatlarga duch kelsa:
— birinchi navbatda maktab ma’muriyatiga bu haqda xabar berishingiz;
— pedagog yoki maxsus assistent-pedagog bilan holatni muhokama qilishingiz;
— muammo o‘z vaqtida bartaraf etilmasa, Ijtimoiy himoya milliy agentligining
1246 ishonch telefoniga
murojaat qilishingizni so‘raymiz.
Har bir bolaning sha’ni, qadr-qimmati va xavfsizligini ta’minlash — ta’lim jarayonining ajralmas tamoyilidir.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
"Yangi kun" xizmati haqida bilasizmi?
📝
Telegram
|
💻
Instagram
📝
Facebook |
🎞
Youtube
🟦
🟦
"
Oltin voha
" radiosining "
Qadr
" eshittirishida
Qarshi shahridagi
“Imkon”
reabilitatsiya markazi faoliyati haqida so'z boradi.
📝
Telegram
|
💻
Instagram
📝
Facebook
|
🎞
Youtube
Muammo bilan idorama-idora yurish shart emas — ijtimoiy xodim mahallaning o‘zida
Bugun ijtimoiy xizmatlar aholiga yanada yaqinlashmoqda. Endi fuqaroning ehtiyoji mahallaning o‘zida o‘rganilib, unga kerakli yordam va xizmatlarni olishiga ko‘maklashilmoqda.
Bu jarayonda
ijtimoiy xodim — fuqaro va ijtimoiy xizmatlar o‘rtasidagi eng muhim bog‘lovchi.
U oilaning holatini o‘rganadi, muammoni aniqlaydi, zarur tashkilotlar bilan bog‘laydi va kerakli ijtimoiy xizmatlardan foydalanishiga amaliy yordam beradi.
Qashqadaryo viloyati Mirishkor tumani “Mirishkor” mahallasi ijtimoiy xodimi
Malika Aminova
ham 2024-yil noyabr oyidan buyon hududdagi ijtimoiy himoyaga muhtoj oilalar bilan ishlab, ularning muammolariga yechim topishda ko‘maklashib kelmoqda.
Ijtimoiy xodimning mahalladagi bir kuni qanday o‘tadi?
🎬
Batafsil — videoda.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
Murojaatlar — e’tibor va yechim markazida
🧠
2026-yilning 6 oyi davomida Agentlik va tizim tashkilotlariga jismoniy va yuridik shaxslardan
95,6 mingta murojaat
kelib tushdi.
Ularning
66 foizi ijobiy hal etildi
, yana
19 foiz murojaat bo‘yicha huquqiy maslahat va tushuntirishlar berildi.
Aholi murojaatlarida ko‘tarilayotgan masalalarni tezkor o‘rganish va hal etish maqsadida
ishchi guruhlar, sayyor qabullar va yangi mexanizmlar
joriy etildi.
Shuningdek, ijtimoiy xizmatlar bo‘yicha aholiga tezkor va aniq ma’lumot berish uchun
yagona skriptlar
ishlab chiqildi.
Natijada koll-markazga murojaat qilgan
593 ming fuqaroning 80 foizi
birinchi qo‘ng‘iroqning o‘zida zarur maslahat va tushuntirishlarni oldi.
Murojaatlarda ko‘tarilayotgan masalalar tahlil qilinib,
Ijtimoiy reyestr tizimida ham qator yengillik va o‘zgarishlar
joriy etildi.
🎬
Batafsil — videorolikda.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
“Yoshlarga hamrohlik”: Maftunaning yangi imkoniyatlari
Qashqadaryolik Maftuna Jovliyevaga davlatimiz tomonidan uning mustaqil hayotga qadam qo‘yishi va kelajagini qurishi uchun bir qator imkoniyatlar yaratildi.
Jumladan, unga uy-joy ajratildi, oliy ta’lim muassasasiga grant asosida o‘qishga qabul qilinishiga koʻmaklashildi. Ayni paytda esa Maftuna haydovchilik guvohnomasini olish uchun o‘qishga yo‘naltirildi.
Bu ishlar “Yoshlarga hamrohlik” dasturi asosida yoshlarni qo‘llab-quvvatlash, ularga ta’lim olish, kasb egallash va mustaqil hayot kechirish uchun zarur sharoitlarni yaratish maqsadida amalga oshirilmoqda.
🎬
Batafsil videoda
📝
telegram
💻
instagram
📝
facebook
🐧
xcom
🎞
youtube
🎖
ihma.uz