Innovatsion rivojlanish agentligi

#FikrLab
Bugun zo‘r olim bo‘lishning o‘zi yetarli emas...
Xizmat vazifamga ko‘ra har kuni olimlar, tadqiqotchilar va yosh innovatorlar faoliyati haqida materiallar tayyorlayman. Ular yaratayotgan ixtirolar, ilmiy yangiliklar va tadqiqot natijalarini keng jamoatchilikka sodda, tushunarli tilda yetkazishga harakat qilaman.
Shu jarayonda bir fikr haqida ko‘p o‘ylayman.
Olimlar mehnati igna bilan quduq qazishga teng. Bir ilmiy natija ortida uzoq yillik izlanish, yuzlab tajribalar yotadi. Ammo afsuski, ana shu mehnatning natijasi ko‘p hollarda laboratoriya, kafedra yoki tor ilmiy doirada qolib ketadi. Sababi esa oddiy. Aksariyat olimlarning jamoatchilik bilan ishlashga nisbatan e’tiborsizligi.
Ish jarayonida eng ko‘p uchraydigan muammolar deyarli bir xil.
Ko‘p hollarda tadqiqotga oid sifatli foto va videolar bo‘lmaydi. Bor materiallar efir yoki nashr talablari darajasida emas. Olim intervyuga taklif etilganda rad javobini beradi. Intervyu bergan taqdirda ham o‘z tadqiqotini sodda tilda izohlab berishga qiynaladi. Natijada esa tadqiqot tor doira ichida qolib ketaveradi.
Bugun dunyoning yetakchi universitetlari va ilmiy markazlarida PR tadqiqotning ajralmas qismiga aylangan. Ilmiy maqola chop etilishi bilan uning soddalashtirilgan sharhi, press-relizi, foto va videolari ham tayyorlanadi. Chunki ular yaxshi biladi: eng kuchli ilmiy natija ham odamlarga yetib bormasa, uning ijtimoiy ta’siri cheklangan bo‘lib qoladi. Aynan shuning uchun ham har bir olim o‘z ilmiy ishi bo‘yicha portfolioga ega bo‘lishi, uni sodda tilda tushuntirib bera olishi, o‘rni kelganda OAVga “labbay” deb javob berishi bugungi kun talabi. Bu nafaqat OAV uchun, balki ilmning o‘zi uchun ham muhim. Chunki siz haqingizdagi materialni ertaga bo‘lajak hamkoringiz o‘qishi mumkin. Balki uni investor ko‘rar. Grant beruvchi tashkilot e’tibor qaratishi ham ehtimoldan holi emas. Ishoning, bugun jamoatchilik bilan samarali muloqot qila olish qobiliyati muvaffaqiyatning muhim omillaridan biriga aylangan.
O‘rinli deb bilsangiz, bir nechta amaliy tavsiyalar bilan bo‘lishmoqchiman:
— Ilmiy ish jarayonidan sifatli foto va videolarni muntazam saqlab boring. Buning uchun eng qimmat texnika shart emas. Asosiysi, materiallardan foydalanish imkoniyati bo‘lsin. Agar suratga olishni bilmasangiz, YouTube’dagi bepul darslardan foydalaning.
— Ilmiy maqolangiz yoki tadqiqotingiz uchun mutaxassislar tilidagi izoh bilan birga oddiy o‘quvchi tushunadigan qisqa sharh ham tayyorlab qo‘ying. Bu jurnalistlar bilan ishlashda juda qo‘l keladi.
— Tadqiqotingizni bir daqiqa va besh daqiqa ichida tushuntirish mashqini qiling. Bu ko‘nikma intervyuda ham, konferensiyada ham, grant himoyasida ham asqotadi. Internetda notiqlik bo‘yicha minglab bepul darslar mavjud.
— Agar televideniye, radio yoki internet nashrlari izoh so‘rab murojaat qilsa, imkon qadar vaqt ajrating. Bu nafaqat sizning, balki mamlakatimiz ilm-fani nufuziga ham xizmat qiladi.
Unutmasligimiz kerak, biz axborot asrida yashayapmiz. Ilmiy natijani yaratish birinchi katta qadam. Uni jamiyatga to‘g‘ri va tushunarli yetkazish esa ikkinchi, kam bo‘lmagan ahamiyatga ega qadamdir. Chunki ilm laboratoriya devorlari ichida emas, jamiyatga yetib borganda o‘zining haqiqiy qiymatini namoyon etadi.
Biz olimlarimizning natijalarini butun jamiyat ko‘radigan, tushunadigan va faxrlanadigan darajaga olib chiqishimiz kerak. Bu vazifada olim ham, axborot xizmati ham bir jamoaning a’zolari, deb bilaman.
@muqaddas_fayazova

“HACKATHON-2026” tanloviga start berildi!
Innovatsion rivojlanish agentligining Xorazm viloyati hududiy bo‘linmasi, Urganch tumani hokimligi hamda Urganch yoshlar texnoparki hamkorligida
“Dolzarb 90 kunlik” loyihasi
doirasida yoshlarning innovatsion salohiyatini rivojlantirish, zamonaviy texnologiyalar va startap loyihalarini qo‘llab-quvvatlash maqsadida “
Hackathon-2026”
tanloviga rasman start berildi.
Tanlovda jami 16 ta jamoa ishtirok etib, o‘zlarining innovatsion g‘oyalari, texnologik yechimlari va startap loyihalarini taqdim etmoqda. Ishtirokchilar jamoaviy ishlash, muammolarga innovatsion yondashuv asosida yechim topish hamda soha ekspertlari bilan tajriba almashish imkoniyatiga ega bo‘ladilar.
Tanlov yakunida loyihalar hakamlar hayʼati tomonidan baholanib, eng yaxshi 3 ta jamoa g‘olib deb eʼtirof etiladi.
Barcha ishtirokchilarga omad, yangi g‘oyalar va munosib g‘alabalar tilaymiz!
Bizni kuzating
Web-site
|
Instagram
|
Facebook
|
YouTube
|
LinkedIn

#Inno_time
#hafta_yangiliklari
🌐
Ilm-fan va innovatsiyalar dunyosidagi eng so‘nggi yangiliklar!
00:12 –
Neuralink falajlangan insonlarga fikr orqali nogironlar aravachasini boshqarish imkonini berdi;
00:53
– Ko‘rish qobiliyatini tiklashga xizmat qiluvchi implant Yevropa bozoriga chiqmoqda;
01:39
– Xalqaro olimlar guruhi o‘pka saratoniga qarshi yangi preparatni sinovdan o‘tkazmoqda.
Bizni kuzating
Web-site
|
Instagram
|
Facebook
|
YouTube
|
LinkedIn

#ilmiy_stajirovka
O‘zbekistonlik olim saratonga qarshi istiqbolli birikmalar bo‘yicha muhim ilmiy natijalarga erishdi
O‘zbekiston Respublikasi Fanlar akademiyasi O.S. Sodiqov nomidagi Bioorganik kimyo instituti katta ilmiy xodimi Nurxo‘ja Muxamedov Vengriyaning “Debrecen” universitetida o‘tagan ilmiy stajirovka davomida saraton hujayralariga qarshi istiqbolli biofaol birikmalarni tadqiq etish bo‘yicha muhim natijalarga erishdi.
Xususan, Farmakologiya kafedrasida o‘tkazilgan tajribalarda arenobufagin va uning hosilalari MCF-7 ko‘krak bezi saratoni hujayralarida sinovdan o‘tkazildi. Tadqiqot natijalari Ar-004, Ar-008 va Ar-015 kabi ayrim hosilalar nanomolyar konsentratsiyalarda saraton hujayralarining yashovchanligini sezilarli darajada kamaytirishini ko‘rsatdi.
🌐
Batafsil
Ma’lumot o‘rnida:
mazkur ilmiy stajirovka Ilm-fanni moliyalashtirish va innovatsiyalarni qo‘llab-quvvatlash jamg‘armasi tomonidan moliyalashtirilgan.
Bizni kuzating
Web-site
|
Instagram
|
Facebook
|
YouTube
|
LinkedIn

#Akademik_harakatchanlik
Buxoro viloyatida “Akademik harakatchanlik” (2026-2) tanlovining suhbat bosqichi bo‘lib o‘tdi.
Nomzodlar uchun qulay sharoit yaratish maqsadida suhbat o‘tkazilgan xonalar zamonaviy kompyuter hamda uzluksiz internet tarmog‘i bilan ta’minlandi.
✔️
Tanlovning birinchi bosqichidan muvaffaqiyatli o‘tgan 8 nafar nomzoddan 6 nafari suhbat jarayonida ishtirok etdi. Qolgan 2 nafar nomzod esa boshqa hududdan qatnashishini bildirgan.
Ma’lumot uchun, joriy yildan “Akademik harakatchanlik” tanlovining suhbat bosqichi ochiqlik, shaffoflik va xolislikni ta’minlash maqsadida sun’iy intellekt texnologiyalari asosida tashkil etilmoqda.
📢
Suhbat jarayonlari respublika bo‘ylab 7-avgustga qadar
davom etadi.
Bizni kuzating
Web-site
|
Instagram
|
Facebook
|
YouTube
|
LinkedIn

#InnoWeek_2026
InnoWeek-2026: O‘zbekiston va Sloveniya o‘rtasida “Innovatsion loyihalar birinchi forumi” bo‘lib o‘tadi
Joriy yilning 27-oktabr kuni Toshkent shahrida o‘tkaziladigan InnoWeek-2026 – xalqaro innovatsion g‘oyalar haftaligi doirasida ilk marotaba O‘zbekiston–Sloveniya innovatsion loyihalar forumi tashkil etiladi.
Tadbir Innovatsion rivojlanish agentligi hamda Sloveniyaning SPIRIT Slovenia tashkiloti hamkorligida o‘tkaziladi.
Forum O‘zbekiston va Sloveniya o‘rtasida ilm-fan, texnologiyalar va innovatsiyalar sohasidagi amaliy hamkorlikni kengaytirish, ikki mamlakatning universitetlari, texnoparklari, innovatsion markazlari hamda tadbirkorlik subyektlari o‘rtasida to‘g‘ridan-to‘g‘ri aloqalarni yo‘lga qo‘yishga qaratilgan.
🌐
Batafsil
Bizni kuzating
Web-site
|
Instagram
|
Facebook
|
YouTube
|
LinkedIn

#Reportaj
#startap
Yosh olim Asadbek Mahmudov tomonidan “EcoLab UZ” startap loyihasi doirasida fotobioreaktor qurilmasi yaratildi. Mazkur texnologiya orqali yuqori oqsilga boy Spirulinani toza va samarali sharoitda yetishtirish yo‘lga qo‘yildi.
Avval ham mamlakatimizda spirulina yetishtirish tajribasi mavjud edi. Biroq taqdim etilayotgan ushbu innovatsion usul qo‘llanilayotgan texnologiyasi va yetishtirish jarayoni bilan avvalgi amaliyotlardan sezilarli darajada farq qiladi.
📼
Reportaj orqali loyiha va uning afzalliklari haqida batafsil ma’lumot olishingiz mumkin.
Bizni kuzating
Web-site
|
Instagram
|
Facebook
|
YouTube
|
LinkedIn

#Akademik_harakatchanlik “Akademik harakatchanlik” dasturining birinchi bosqich natijalari e’lon qilindi! Joriy yilning 4-iyunidan 4-iyuliga qadar davom etgan “Akademik harakatchanlik” dasturi doirasida kelib tushgan arizalarni saralashning birinchi bosqichi…

#InnoWeek_2026
‼️
‼️
‼️
✅
InnoWeek–2026'da ishtirok etishni rejalashtiryapsizmi?
Siz uchun
InnoWeek–2026
xalqaro innovatsion g‘oyalar haftaligiga ro‘yxatdan o‘tish bo‘yicha qisqa videoqo‘llanma tayyorlandi.
➡️
27–29-oktabr
kunlari bo‘lib o‘tadigan
InnoWeek–2026
xalqaro innovatsion g‘oyalar haftaligida ishtirok etish uchun ro‘yxatdan o‘ting.
🖥
Rasmiy sayt:
innoweek.uz
Bizni kuzating
Web-site
|
Instagram
|
Facebook
|
YouTube
|
LinkedIn

#diqqat_tanlov
Jizzaxda “Startap loyihalar” tanlovi
“Dolzarb 90 kun” loyihasi doirasida Jizzax Yoshlar Texnoparki yoshlar o‘rtasida “Startap loyihalar” tanlovini e’lon qiladi.
Yo‘nalishlar:
EduTech | GreenTech | IT | HealthTech | AgriTech | Engineering
Yosh chegarasi:
14–30 yosh;
Har bir ishtirokchi faqat 1 ta loyiha topshirishi mumkin.
Imkoniyatlar va mukofotlar:
- G‘oliblar qimmatbaho sovg‘alar bilan taqdirlanadi;
- Taqdim etilgan g‘oyalarni amaliyotga tatbiq etish va rivojlantirish imkoniyati beriladi.
Arizalarni qabul qilish:
29-iyulga qadar;
Tanlov o‘tkazilish vaqti va joyi:
30-iyul | soat 10:00 | O‘zbekiston Milliy universiteti Jizzax filiali.
Ro‘yxatdan o‘tish uchun
:
havola
Bog‘lanish uchun telefon
: +998 94 196 17 01
Bizni kuzating
Web-site
|
Instagram
|
Facebook
|
YouTube
|
LinkedIn