Isloh.uz

⏰
Намоз вақтлари
📆
1447 ҳ.й ЗУЛҚАЪДА 6 КУНИ
✅
Улашинг |
@MuslimShosh

Eng oliy maqomda
Alloh taolo bandam deydi
.
«Hazrati Ali» jome' masjidi imom-xatibi, ustoz Salohiddin domla Sharipov
@islohuz

⏰
Намоз вақтлари
📆
1447 ҳ.й ЗУЛҚАЪДА 5 КУНИ
✅
Улашинг |
@MuslimShosh

⏰
Намоз вақтлари
📆
1447 ҳ.й ЗУЛҚАЪДА 3 КУНИ
✅
Улашинг |
@MuslimShosh

#xushxabar
#muftiy
#orden
🏅
Муфтий ҳазратлари “АЛ-ИЛМ” ордени билан тақдирландилар
⏺
Москва сафари давомида
Ўзбекистон мусулмонлари идораси раиси,
муфтий Шайх Нуриддин Холиқназар
ҳазратлари Имом Муҳаммад ал-Бухорий номидаги мусулмонлар диний ташкилоти раиси ва мадраса директори
Умидбек Мамталиев
билан учрашув ўтказдилар.
🌙
Мулоқот чоғида Муфтий ҳазратларининг диний-маърифий илмларни тарқатиш, жамиятда соғлом маънавий-ахлоқий муҳитни шакллантириш, ислом маданиятини кенг ёйиш ҳамда мусулмонлар ҳамжиҳатлигини мустаҳкамлаш борасидаги кўп йиллик самарали фаолияти алоҳида эътироф этилди.
📕
Шунингдек, Шайх Нуриддин Холиқназар ҳазратларининг ёш авлодга диний ва дунёвий билимларни уйғун ҳолда етказиш, халқаро майдонда динлараро мулоқотни ривожлантириш ва тинчликпарвар ташаббусларни илгари суришдаги салмоқли ҳиссаси юқори баҳоланди.
🏅
Мулоқот якунида мўмин-мусулмонлар бирлиги ва маърифати йўлидаги мазкур эзгу ишлари ва халқаро миқёсдаги самарали фаолиятларининг эътирофи сифатида
Шайх Нуриддин Холиқназар ҳазратлари
га
Москва шаҳридаги Имом Муҳаммад ал-Бухорий номидаги мусулмонлар диний ташкилотининг “АЛ-ИЛМ” ордени тантанали равишда топширилди.
🟢
Маълумот ўрнида:
“АЛ-ИЛМ” ордени Москвадаги Имом Муҳаммад ал-Бухорий номидаги мусулмонлар диний ташкилоти томонидан таъсис этилган бўлиб, маънавий-маърифий соҳани ривожлантириш ва ислом маданиятига хизмат қилишда алоҳида жонбозлик кўрсатган дин пешволарига топширилади.
🤲
Аллоҳ таоло ушбу юксак эътирофни муборак айласин!
✅
Ўзбекистон мусулмонлари идораси
Матбуот хизмати
📱
ISHONCHLI VA RASMIY MANBA
📲
OBUNA BO'LING
▶️
YouTube
|
📷
Instagram
|
🔵
Facebook

#xabar
#muftiy
💬
Шайх Равиль Гайнутдин:
Ўзбекистондаги Ислом цивилизацияси маркази мусулмон оламининг фахридир
🤝
Москва сафари мобайнида Ўзбекистон мусулмонлари идораси раиси,
муфтий Шайх Нуриддин Холиқназар
ҳазратлари Россия Федерацияси мусулмонлари диний идораси раиси,
муфтий Шайх Равиль Гайнутдин
билан мулоқот қилдилар.
🌙
Муфтий ҳазратлари юртимиздаги
диний-маърифий соҳадаги ўзгаришларни баён этиш баробарида икки давлат диний идоралари ўртасида давомли алоқалар ривожланиб бораётганига урғу қаратдилар.
⏺
Россия муфтийси бугунги кунда Ўзбекистон Президенти ташаббуси билан оламшумул ислоҳотлар амалга оширилаётгани ва қисқа фурсатда бундай ишлар жаҳон ҳамжамияти эътиборини қозонганини таъкидлади. Айниқса, Ислом цивилизацияси маркази ва Имом Бухорий мажмуаси бутун ислом оламига донг таратгани, уларнинг архитектураси, мазмун-моҳияти, мақсад ва вазифалари халқаро жамоатчиликни ҳайратлантираётганини эътироф этди.
✅
Шайх Равиль Гайнуддин Ўзбекистон Президенти ташаббуси билан дунёда ягона бўлган мега лойиҳа – Ислом цивилизацияси маркази бунёд этилгани, Давлат Раҳбарининг шахсан таклифи асосида ушбу муҳташам марказ биносида Ўзбекистон мусулмонлари идораси учун алоҳида жой ажратилгани ва унда фаолият юритиши юксак эътибор намунаси эканини таъкидлади.
🤲
Шунингдек, Президент Ўзбекистон муфтийсининг хонасига кириб дуо қилгани эса мамлакатда дин уламоларига эҳтиром нақадар юқори эканини, бундай хайрли ишлар туфайли юртга қут-барака келишини қўшимча қилди.
💬
Самимий мулоқотда
кўплаб дин уламоларига мадраса бўлган, дунёга машҳур Бухорои шарифдаги Мир Араб мадрасасининг нуфузини баён этиб, у ернинг битирувчилари орасидан турли давлатлар муфтийлари, таниқли уламолари, дин ва давлат арбоблари етишиб чиққанини мисоллар билан изоҳлади. Шунингдек, 500 йиллик тарихга эга бўлган Мир Араб мадрасаси Янги Ўзбекистондаги янгиланишлар натижасида аввалги олий мақомини яна тикланаётганини мамнуният билан қайд этди.
🟢
Учрашувда
Ўзбекистон ва Россия диний идоралари ўртасида ҳамкорлик меморандуми имзолангани тилга олиниб, ушбу муҳим ҳужжат асосида диний-маърифий, илмий-маданий ва бошқа соҳалардаги ҳамкорлик янада мустаҳкамланиб бораётганига эътибор қаратилди.
🌙
Ўзбекистондаги олий ва ўрта махсус диний таълим муассасаларига хорижлик талабаларни ҳам ўқишга қабул қилиш йўлга қўйилгани, келгусида заминимизда таълим олишни истаган россиялик ёшлар учун ҳам таълим муассасаларимиз эшиклари очиқ экани билдирилди.
🤝
Мулоқот дўстона ва самимий руҳда ўтди.
✅
Ўзбекистон мусулмонлари идораси
Матбуот хизмати
📱
ISHONCHLI VA RASMIY MANBA
📲
OBUNA BO'LING
▶️
YouTube
|
📷
Instagram
|
🔵
Facebook

⏰
Намоз вақтлари
📆
1447 ҳ.й ЗУЛҚАЪДА 2 КУНИ
✅
Улашинг |
@MuslimShosh

⏰
Намоз вақтлари
📆
1447 ҳ.й ЗУЛҚАЪДА 1 КУНИ
✅
Улашинг |
@MuslimShosh

#xabar
#muftiy
☪️
МОСКВА БОШ МАСЖИДИГА КЕЛГАН ЎН МИНГДАН ЗИЁД НАМОЗХОН МУФТИЙ ҲАЗРАТ МАЪРУЗАЛАРИДАН БАҲРАМАНД БЎЛДИ
✅
Бугун, 17 апрель куни Ўзбекистон мусулмонлари идораси раиси,
муфтий Шайх Нуриддин Холиқназар ҳазратлари
хориж сафари мобайнида Москва жоме масжидида жума намозидан аввал жамоатга
“Ҳалол меҳнат – мўминнинг зийнати”
мавзусида гўзал суҳбат қилиб бердилар.
🗣
Маърузада таъкидланганидек, Ислом ҳалол меҳнат қилиш, касб-ҳунар эгаллашга тарғиб этади.
Муборак динимиз инсон ва жамиятни фаровон яшашга, вақтдан унумли фойдаланишга, ўзига ва ўзгаларга яxшилик қилишга чақиради. Ҳалол меҳнат билан ҳаёт кечириш нафақат ҳаловатли ризқ воситаси, балки бандани Роббига яқин қилувчи амал ҳисобланади. Шундай экан, мўмин киши қаерда бўлмасин, ҳар ишда ҳалоллик мезонига амал қилишини Муфтий ҳазратлари изоҳладилар.
💬
Шайх Нуриддин Холиқназар ҳазратларининг қуйидаги ҳадиси шарифни шарҳлаб берганлари жамоатни жуда ҳам тўлқинлантирди. Набий соллаллоҳу алайҳи васаллам жамоат билан турганларида саҳобалар бир кишининг шижоатини кўриб: “Ё Расулуллоҳ! Қани энди унинг мана шу ғайрати Аллоҳ йўлида бўлса”, дейишди. Шунда Пайғамбар алайҳиссалом: “Агар фарзандларига ризқ топиш мақсадида чиққан бўлса, у Аллоҳ йўлида. Кекса ота-онаси (таъминоти) учун чиққан бўлса ҳам у Аллоҳ йўлида. Агар ўз нафсини (бировдан сўрашдан) тийиш (иффатли бўлиш) учун чиққан бўлса ҳам у Аллоҳ йўлида. Магарам, риё ва мақтаниш учун чиққан бўлса, у шайтоннинг йўлида”, дедилар» (Имом Табароний ривояти).
💬
– Мана шу муборак ҳадис сизларнинг ҳалол ва машаққатли меҳнатингиз ҳам улуғ ибодат эканига далилдир, – дея Муфтий ҳазратлари сўзларида давом этдилар. – Оилангиздан олисда, фарзандларим, ота-онам кам бўлмасин, деб тер тўкаётган экансиз, ҳар бир босган қадамингиз, меҳнатингиз Аллоҳ таолонинг йўлида эканини ҳеч қачон эсдан чиқарманг!
⏺
Шунингдек,
мавъизада ота-онани эъзозлаш, оила муқаддас қўрғон эканини унутмаслик, фарзанд тарбиясига эътиборли бўлиш, юрт шаънига доғ туширадиган ишлардан эҳтиёт бўлиш ва турли фитналардан сақланиш кабиларга алоҳида урғу қаратилди.
🤲
Муфтий ҳазратлари жума намози сўнггида Аллоҳ таолодан бутун дунёга тинчлик, барча меҳнат қилиб юрганларнинг ризқига барака, бало-офатлардан омонлик тилаб дуо қилдилар.
✅
Ўзбекистон мусулмонлари идораси
Матбуот хизмати
📱
ISHONCHLI VA RASMIY MANBA
📲
OBUNA BO'LING
▶️
YouTube
|
📷
Instagram
|
🔵
Facebook

⏰
Намоз вақтлари
📆
1447 ҳ.й ШАВВОЛ 29 КУНИ
✅
Улашинг |
@MuslimShosh