Ixtiyor Margʻiloniy
Tajriba shuni koʻrsatadiki, farzandning ilmli boʻlishi asosan otaga bogʻliq. Ona ta’lim-tarbiyaga qattiq harakat qilsa ham, otada bu yo‘nalishda faollik bo‘lmasa, koʻp hollarda farzand yetuk kadr bo‘lishi qiyin.
Siz qanday fikrdasiz?
Bot orqali
|
Anonim tarzda
Bugun “zoʻr” tarjima qildim deb oʻylagan jumlani bir haftadan keyin oʻqisam, oʻzimga yoqmaydi va xatolarim koʻrinadi. Shuning uchun shoshmaslik kerak…
#tajriba
"Odam" (آدم) soʻzining arab tilida ismi tafzil siygʻasiga ekanligini bilarmidingiz? Qoidaga koʻra, ketma-ket ikki hamza kelsa, ikkinchisi madga aylanadi. Demak, ushbu soʻz arabiydir.
Tadqiqotchilar fikriga koʻra, arab tili tarixi insonning yaratilish tarixi bilan teng hisoblanadi.
#arabtili
Endi kanalga turli rasmlar joylay olmayman. Toʻgʻri tushunasizlar)
Ogʻriqlar boʻlmasa, baxt nima ekanini sira anglamaymiz!
#baxt
Ba’zan qalbni og‘rituvchi suhbatdan ko‘ra, yolgʻizlik afzalroq boʻladi.
#suhbat
Bir donishmanddan so'rashdi:
"Tavakkulning ma’nosi nima?"
U shunday javob berdi:
"Go'yoki barcha narsa sabablarga bog'liqdek harakat qilmog'ing, so'ngra esa sabablar hech narsani hal qilmaydigandek Allohga ishonmog'ingdir”.
#tavakkul
Bir faqir kishi donishmanddan so'radi:
“Nima uchun boylar hamma narsaga ega-yu, bizda hech narsa yo'q?”
Donishmand jilmayib, shunday javob berdi:
“Ularda to'shak boʻlsa, senda uyqu bor. Ularda taom boʻlsa, senda ishtaha bor. Ularda shifokorlar boʻlsa, senda sog'lik bor!”
#shukr
#kambagal
Ali ibn Abu Tolib roziyallohu anhudan so‘rashdi:
“
Nega aqlli kishilar ko‘pincha kambag‘al bo‘ladilar?”
U zot shunday javob berdilar:
“
Chunki insonning aqli ham uning rizqidan hisoblangan”.
Imom Gʻazzoliy. Ihyo ulum ad-din.
#aql
#rizq
✍️
Surxondaryoda otinoyilar uchun seminar-trening o‘tkazildi
📆
Joriy yilning 7–8-sentabr kunlari Termiz shahridagi Imom Termiziy xalqaro ilmiy-tadqiqot markazida
“Mafkuraviy xatarlarga qarshi kurashda otinoyilarning o‘rni hamda mas’uliyati”
mavzusida seminar-trening tashkil etildi.
➡️
Tadbir Din ishlari bo‘yicha qo‘mita, Surxondaryo viloyati hokimligi, Malaka oshirish markazining hududiy bo‘linmasi, Imom Moturidiy xalqaro ilmiy-tadqiqot markazi hamda O‘zbekiston musulmonlari idorasi hamkorligida o‘tkazildi.
🧊
Unda viloyatning shahar va tumanlaridan tashrif buyurgan 120 nafarga yaqin otinoyi ishtirok etdi.
🫥
Seminar doirasida ishtirokchilar uchun mahorat darslari, psixologik treninglar va savol-javob mashg‘ulotlari tashkil etildi. Xususan, Imom Moturidiy xalqaro ilmiy-tadqiqot markazi bo‘lim boshlig‘i
Sh.Jo‘rayev
, yetakchi ilmiy xodim
I.Abduraxmonov
hamda O‘zbekiston xalqaro islomshunoslik akademiyasi dotsenti
D.Turdiyeva
ma’ruza qildi.
📌
Tadbirning asosiy maqsadi— otinoyilarning mafkuraviy xatarlarga qarshi kurashish borasidagi bilim va ko‘nikmalarini oshirish, xotin-qizlar hamda yoshlar bilan ishlash samaradorligini kuchaytirishdan iborat.
💬
Ma’ruzalarda jamiyatda ma’naviy-ma’rifiy muhitni barqarorlashtirish, yoshlarni buzg‘unchi g‘oyalar ta’siridan asrash, mafkuraviy tahdidlarga qarshi immunitetni shakllantirishda otinoyilarning o‘rni va mas’uliyatiga alohida to‘xtalib o‘tildi.
Imom Moturidiy xalqaro ilmiy-tadqiqot markazi
Telegram
|
Instagram
|
Facebook