Jamshidbek Niyazbekov (Vazir maslahatchisi)

Hazorasp tuman madaniyat boʻlimi tasarrufidagi 29-son Hazorasp madaniyat markazi Qoʻgʻirchoq teatri toʻgaragi rahbari Xolmirzayeva Nodiraxonning "Mehrli maskan" yozgi bolalar dam olish oromgohidagi Dustlik bolalikdan boshlanadi nomli festival tadbiridan video lavxalar

#
Vazir_tavsiya_etadi
⭐️
Davlat boshqaruvi va siyosiy tafakkur maktabi
Qadrli vatandoshlar va zamondoshlar.
Bugungi globallashuv va keskin raqobat sharoitida davlat boshqaruvi tizimida faoliyat yuritayotgan har bir rahbar va mutaxassisdan nafaqat kasbiy bilim, balki strategik fikrlash, mas’uliyat va siyosiy tafakkur ham talab etiladi.
Shu nuqtai nazardan, jahon siyosiy tafakkuri tarixida alohida o‘rin tutadigan buyuk mutafakkir
Nikcolo Makiavellining “Hukmdor”
asarini mutolaa qilishni tavsiya etaman.
Besh asrdan ortiq vaqt avval yozilgan bo‘lishiga qaramay, ushbu asar davlat boshqaruvi, siyosiy yetakchilik, qaror qabul qilish va hokimiyat masalalariga oid eng mashhur manbalardan biri sifatida bugungi kunda ham o‘z ahamiyatini saqlab kelmoqda.
Asarning rahbar va mutaxassislar uchun uch muhim sabog‘i:
1. Uzoqni ko‘ra bilish va strategik fikrlash
Makiavelli davlat boshqaruvida voqealarning ortidan emas, balki oldidan yurish zarurligini ta’kidlaydi. Kelajakdagi xavf va imkoniyatlarni oldindan ko‘ra olgan rahbargina barqaror natijalarga erisha oladi.
2. Qat’iyat va mas’uliyat
Muallifning fikricha, murakkab vaziyatlarda rahbar qat’iy qaror qabul qilishdan cho‘chimasligi kerak. Chunki kechiktirilgan qaror ko‘pincha yo‘qotilgan imkoniyatga aylanadi.
3. Davlat va jamiyat manfaatlarini ustuvor qo‘yish
Asarda davlat barqarorligi, tinchlik va taraqqiyot har qanday boshqaruv faoliyatining bosh maqsadi ekanligi alohida qayd etiladi. Rahbarning haqiqiy bahosi uning shaxsiy manfaatlarida emas, balki jamiyat va davlat ravnaqiga qo‘shgan hissasida namoyon bo‘ladi.
“Hukmdor”
asari ba’zan bahsli fikrlari bilan ham mashhur bo‘lsa-da,
u rahbarlik mas’uliyati, siyosiy voqelikni anglash va davlat boshqaruvi mexanizmlarini tushunishda muhim manba hisoblanadi.
Bugungi islohotlar davrida
rahbarlar, davlat xizmatchilari,
tadqiqotchilar
va
boshqaruv masalalariga
qiziquvchi yoshlar uchun ushbu asar foydali qo‘llanma bo‘lib xizmat qiladi, deb ishonaman.
🚀
Telegram
📷
Instagram

Hazorasp tuman madaniyat boʻlimi tasarrufidagi 29-son Hazorasp madaniyat markazi Qoʻgʻirchoq teatri toʻgaragi rahbari Xolmirzayeva Nodiraxonning "Mehrli maskan" yozgi bolalar dam olish oromgohidagi ish faoliyatlari toʻgʻrisidan video lavxalar

#Biz
giyohvandlikka_qarshimiz!
26-iyun - Xalqaro giyohvandlikka qarshi kurash kuni munosabati bilan Hazorasp tumani Madaniyat bo‘limi tasarrufidagi Xalq teatri jamoasi tomonidan “Biz giyohvandlikka qarshimiz!” shiori ostida videorolik tayyorlandi.

#Quyi_Chirchiq_tumani
#Giyohvandlikka_qarshimiz
#Soglom_turmush_tarzi_
Quyi Chirchiq tumani Madaniyat bo‘limi “Maftun” teatri jamoasi tomonidan “Biz giyohvandlikka qarshimiz!” shiori ostida videorolik tayyorlandi.
Mazkur videorolikning asosiy maqsadi yoshlar o‘rtasida sog‘lom turmush tarzini targ‘ib qilish, giyohvandlikning salbiy oqibatlari haqida keng jamoatchilikni xabardor etish hamda yoshlarni zararli illatlardan yiroq bo‘lishga chorlashdan iborat. Videorolikda giyohvandlikning inson salomatligi, oilaviy muhit va jamiyat taraqqiyotiga salbiy ta’siri badiiy vositalar orqali yoritildi.
“Maftun” teatri ijodkorlari tomonidan tayyorlangan ushbu videolavha yoshlar ongida sog‘lom hayot tarziga intilish, Vatanga sadoqat va kelajakka mas’uliyat hissini yanada mustahkamlashga xizmat qiladi. Giyohvandlikka qarshi kurash va sog‘lom turmush tarzini targ‘ib qilish bunday targ‘ibot ishlarining muhim yo‘nalishlaridan hisoblanadi.
https://t.me/Quyi_chirchiq_Madaniyat

Biz giyohvandlikka qarshimiz!
Biz, Shayxontohur tumani 19-son madaniyat markazi qoshidagi
"Shodlik" xalq havaskorlik doirachilar jamoasi
, yoshlarni sog‘lom turmush tarziga, milliy qadriyatlarimizga sadoqat ruhida tarbiyalash va ularning bo‘sh vaqtini mazmunli tashkil etishga o‘z hissamizni qo‘shib kelmoqdamiz.
Doira sadolari ostida yangrayotgan har bir kuy va qo‘shiq tinchlik, ezgulik, vatanparvarlik hamda sog‘lom hayot g‘oyalarini tarannum etadi. Biz barcha yoshlarni sport bilan shug‘ullanishga, san’at va madaniyatga mehr qo‘yishga, vaqtini mazmunli o‘tkazishga hamda giyohvandlik kabi illatlarga qat’iy
"Yo‘q!"
deyishga chorlaymiz.
Bizning shiorimiz:
"Sog‘lom avlod – buyuk kelajak!"
"San’atni tanlaymiz – giyohvandlikni rad etamiz!"
"Biz giyohvandlikka qarshimiz!"
Shayxontohur tumani 19-son madaniyat markazi qoshidagi
"Shodlik" xalq havaskorlik doirachilar jamoasi