Jizzax shahar hokimligi
Joriy yilning 12-mart kuni Davlat rahbari boshchiligida “Yoshlar tashabbuslarini qo‘llab-quvvatlashga doir qo‘shimcha imkoniyatlar yuzasidan” yoshlar bilan o‘tkazilgan muloqotda berilgan topshiriqlar ijrosini ta’minlash maqsadida haftaning har payshanba kuni rahbarlar tomonidan yoshlar bilan uchrashuvlar o‘tkazish belgilangan.
Mazkur reja-grafikka asosan Jizzax shahar Xalqobod mahallasida ham uchrashuv tashkil etildi. Unda Jizzax shahar SEO va JSB bo‘limi boshlig‘i F.Ibodov, Jizzax shahar Xalqobod mahalla ijtimoiy hodimi N.Pulatovalar Mahallada nogironligi bo'lgan bola Junariq ko'chasida yashovchi Meliboyeva E'zoza va Zebinso ko'chasi 2 uy 6-xonadonda yashovchi boquvchisi yo'q bo'lgan Mansurov Diyor ning holidan xabar oldilar.Tashrif davomida yoshlar bilan samimiy suhbat qurilib, ularning o‘qish jarayoni, qiziqishlari hamda mavjud muammolari o‘rganildi. Shuningdek, ularni qo‘llab-quvvatlash, ruhlantirish va bayram kayfiyatini ulashish maqsadida Ruza ramazon oyi munosabati bilan bayram sovg‘alari topshirildi.
🇺🇿
Hokimlik rasmiy sahifalariga a’zo bo‘ling
👇🏻
|
gov.uz/uz/jizzaxcity
|
Telegram
|
Facebook
|
Instagram
|
“Ёшлар куни” муносабати билан Жиззах шаҳар прокурори М.Маматов ва масъуллар иштирокида Хамид Олимжон ҳамда Навоий маҳаллаларида уюшмаган ёшлар билан очиқ мулоқот тарзида учрашув ташкил этилди.
Учрашувда муддатли ҳарбий хизматни ўташ учун юборилаётган уюшмаган ёшларга ҳарбий хизматнинг аҳамияти, ёшларнинг Ватан олдидаги бурчи ҳамда жамият ҳаётидаги ўрни ҳақида тушунтириш ишлари олиб борилди.
Yoshlar bilan ochiq muloqot va manzilli ishlar davom etmoqda
Prezidentimiz tashabbusi bilan mamlakatimizda har haftaning payshanba kuni vazirlik, idora va hokimliklarda “Yoshlar kuni” sifatida belgilanishi yoshlar bilan ishlash tizimini yanada takomillashtirish, ularning muammo va takliflarini bevosita o‘rganish hamda amaliy yechimlar topishga qaratilgan muhim tashabbusdir. Ushbu kunda mas’ul rahbarlar joylarga chiqib, mahalla, maktab va texnikumlarda yoshlar bilan ochiq muloqotlar o‘tkazib, ularning fikr-mulohazalari va tashabbuslarini tinglaydi hamda mavjud masalalarni joyida hal etish choralarini ko‘rishi belgilandi.
Shu munosabat bilan bugun shahar hokimi Komil Xolmurodov shahardagi muddatli harbiy xizmatni ado etib qaytgan yoshlar bilan uchrashdi. Samimiy ruhda o‘tgan muloqot davomida yoshlarning bandligini ta’minlash, kasb-hunar egallash, tadbirkorlik faoliyatini boshlash, imtiyozli kreditlardan foydalanish hamda bo‘sh vaqtini mazmunli tashkil etish borasidagi murojaat va takliflari tinglandi.
Uchrashuv yakunida shahar hokimi har bir murojaat yuzasidan mas’ul rahbarlarga tegishli topshiriqlar berib, masalalarni nazoratga oldi. Xususan, ishsiz yoshlarni ish bilan ta’minlash, ularni kasb-hunarga o‘qitish hamda tadbirkorlikka keng jalb etish masalalariga alohida e’tibor qaratildi.
🇺🇿
Hokimlik rasmiy sahifalariga a’zo bo‘ling
👇🏻
|
gov.uz/uz/jizzaxcity
|
Telegram
|
Facebook
|
Instagram
|
🟦
🟦
🟦
“YOSHLAR KUNI”
Oʻzbekiston Respublikasi Prezidentining 24.02.2026-yilda yoshlar bilan oʻtkazilgan uchrashuvida har haftaning payshanba kuni vazirlik, idora va hokimliklarda
“Yoshlar kuni”
deb eʼlon qilingan bo‘lib, mazkur tashabbus yoshlar bilan ishlash samaradorligini oshirish, ularning muammo va takliflarini bevosita oʻrganish hamda amaliy yordam koʻrsatishga qaratilgani bilan ahamiyatlidir.
⚖️
Jizzax shahar adliya bo‘limi, Yuridik xizmat ko‘rsatish markazi va “Madad” NNT Jizzax shahar byurosi mas’ul xodimlari tomonidan 12.03.2026-yilda shahrimizdagi 1-son umumta’lim maktabida o‘quvchi yoshlar uchun huquqiy targ‘ibot tadbiri oʻtkazildi.
O‘quvchi yoshlar bilan o‘tkazilgan mazkur uchrashuvda ularga kiberxavfsizlik, ijtimoiy tarmoqlardagi soxta akkauntlar, soxta qo‘ng‘iroqlar, firibgarlik, kiberjinoyatlardan qanday himoya qilinish mumkinligi bo‘yicha tayyorlangan ogohlantirish va slaydlar mazmuni hamda boshqa turdagi huquqbuzarliklar, ularning salbiy oqibatlari va Jinoyat kodeksida mazkur toifa jinoyatlari uchun tayinlanadigan jazo turlari haqida ham huquqiy tushuntirish berildi.
👍
👍
👍
Shu bilan birga, ishtirokchilarga yoshlar o‘rtasida huquqiy ong va huquqiy madaniyatni yuksaltirish, huquqiy bilimlarni targ‘ib etish hamda bepul yuridik yordam imkoniyatlari to‘g‘risida xabardorlikni oshirish maqsadida, 11-martdan boshlab 31-mart kuniga qadar ta’lim muassasalarida
“Har bir yoshga huquqiy madad”
aksiyasi o‘tkazilayotganligi ma’lum qilinib, bu boradagi slayd va videoroliklar namoyish etildi.
✔️
Bundan tashqari, maktab bitiruvchilariga qaysi oliy taʼlim muassasasiga hujjat topshirishi, ularning qiziqish va intilishlari, kelajakdagi kasb tanlovi masalalari, ularga darsdan tashqari va tungi vaqtlarda bo‘sh vaqtni mazmunli tashkil etish, sport bilan shugʻullanish, ilm-fan bilan band boʻlish hamda xorijiy tillarni oʻrganishning ahamiyati haqida zarur tushunchalar berildi.
Bola uchun eng to‘g‘ri muhit — oila, internat emas
Mutaxassislar ta’kidlashicha, har bir bola mehr, g‘amxo‘rlik va e’tibor muhitida ulg‘ayishi kerak. Bu ehtiyojlarni esa eng avvalo oila ta’minlaydi.
Andijon viloyati Qo‘rg‘ontepa tumanidagi “Muruvvat” bolalar internat uyida tarbiyalanayotgan 14 nafar nogironligi bo‘lgan bola kichik hajmli bolalar uylariga joylashtirildi. Bu yerda ular uchun oilaviy muhit yaratildi va individual yondashuv asosida ish olib borildi.
Qisqa vaqt ichida ijobiy natijalar kuzatildi
: bolalarda o‘ziga ishonch, mustaqillik va ijtimoiy ko‘nikmalar shakllana boshladi. Ular o‘z-o‘ziga xizmat qilishni, oddiy mehnat va uy-ro‘zg‘or ishlarida yordam berishni o‘rgandi, mahalladagi tengdoshlari bilan muloqot qila boshladi.
Uch nafar bola ta’limga jalb etildi. Dastlab maxsus maktabga qatnay boshlagan bolalar, ijobiy o‘zgarishlardan so‘ng Oltinko‘l tumanidagi 11-son maktabning inklyuziv sinfiga o‘tkazildi.
Ma’lum qilinishicha, bolalar yillar davomida internatda tarbiyalangan. Internatdagi kun tartibi asosan parvarish va nazoratga qaratilgan bo‘lib, individual yondashuv va mehr-muhabbat yetishmasligi ularning rivojlanishiga salbiy ta’sir ko‘rsatgan.
Mutaxassislar fikricha, bolani internatga topshirish unda “men jamiyatga kerak emasman” degan tuyg‘uni kuchaytirishi mumkin. Shu bois bolalarni imkon qadar oilaviy muhitda tarbiyalash eng samarali yondashuv sifatida ko‘rilmoqda.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
Hosildorlik 30 ming tonnaga ortadi
Jizzax viloyatida yangi qishloq xo‘jaligi mavsumi aniq reja va yuksak marralar bilan boshlandi. Bu yil viloyat paxtakorlari 2025-yil ko‘rsatkichlariga nisbatan 30 ming tonnaga ko‘proq, ya’ni 350 ming tonna paxta xomashosi yetishtirishni maqsad qilgan.
Bu reja, avvalo, agrar sohada so‘nggi yillarda amalga oshirilayotgan tub islohotlar, zamonaviy agrotexnologiyalarni joriy etish va fermer xo‘jaliklarining iqtisodiy rag‘batini kuchaytirishga qaratilgan davlat siyosati samarasi sifatida namoyon bo‘lmoqda.
Viloyatda bu yil 67,6 ming gektar maydonga chigit ekish rejalashtirilgan. Ayni paytda barcha ekin maydonlarida yerni mavsumga tayyorlash, agrotexnik tadbirlarni o‘z vaqtida amalga oshirish, mineral o‘g‘itlar bilan ta’minlash hamda suvdan oqilona foydalanishga alohida e’tibor qaratilmoqda. Fermer xo‘jaliklari va paxta-to‘qimachilik klasterlari o‘rtasidagi hamkorlikning mustahkamlanishi esa ishlab chiqarish zanjirini yanada samarali tashkil etish imkonini bermoqda.
Mutaxassislar hisob-kitoblariga ko‘ra, agrotexnologiyalarning to‘liq joriy etilishi natijasida bu yil paxta maydonlarida o‘rtacha hosildorlikni 51,5 sentnerga yetkazish rejalashtirilgan. Bu esa paxtakor xo‘jaliklariga 240 milliard so‘mdan ortiq qo‘shimcha iqtisodiy samara keltirishi kutilmoqda. Shu bilan birga, viloyatda 6,3 ming gektar yangi yerlarni o‘zlashtirish ishlari boshlangani paxtachilik imkoniyatlarini yanada kengaytirishga xizmat qilmoqda.
Mamlakatda paxtachilik tarmog‘ini modernizatsiya qilish va uni yuqori samarali agrar tarmoqqa aylantirish davlat siyosati darajasiga ko‘tarilgan. Xususan, O‘zbekiston Respublikasi Prezidentining 2020-yil 11 avgustdagi “Paxtachilik tarmog‘ini tubdan isloh qilish va klaster tizimini keng joriy etish chora-tadbirlari to‘g‘risida”gi qarori tarmoqda bozor munosabatlarini mustahkamlash, ilg‘or agrotexnologiyalarni joriy etish hamda qo‘shilgan qiymat zanjirini shakllantirishga xizmat qilmoqda.
Shuningdek, 2022-yil 1 martdagi “Qishloq xo‘jaligida suv tejovchi texnologiyalarni joriy etishni jadallashtirish chora-tadbirlari to‘g‘risida”gi qaror asosida tomchilatib va yomg‘irlatib sug‘orish kabi resurs tejamkor texnologiyalar keng joriy etilmoqda. Bugungi kunda mamlakatda yuz minglab gektar maydonlarda ana shunday texnologiyalar qo‘llanilib, suv sarfini sezilarli kamaytirish va hosildorlikni oshirishga erishilmoqda.
Agrar sohadagi ilmiy tadqiqotlar ham paxtachilik samaradorligini oshirishga xizmat qilmoqda. Yangi seleksiya navlari, mineral o‘g‘itlarni meyoriy qo‘llash, raqamli agrotexnologiyalardan foydalanish kabi omillar hosildorlikni oshirishning muhim asosi sifatida qaralmoqda. Bu borada fermer xo‘jaliklari, ilmiy muassasalar va klasterlar o‘rtasidagi hamkorlik kengayib borayotgani alohida ahamiyat kasb etadi.
Bugun Jizzax dalalarida olib borilayotgan izchil ishlar, avvalo, mehnatkash fermer va dehqonlarning sa’y-harakatlari, shuningdek davlat tomonidan yaratilayotgan iqtisodiy va tashkiliy imkoniyatlar samarasining amaliy ifodasidir. Yuqori hosildorlikka erishish, yangi yerlarni o‘zlashtirish va innovatsion agrotexnologiyalarni keng joriy etish orqali jizzaxlik paxtakorlar nafaqat viloyat, balki mamlakat agrar iqtisodiyotini mustahkamlashga munosib hissa qo‘shmoqda.
Paxtachilikda belgilangan bu yangi marra — raqamlar ortidagi katta mehnat, ilmiy yondashuv va strategik islohotlar samarasining yorqin ko‘rinishidir. Agar bu sa’y-harakatlar izchil davom etsa, Jizzax dalalarida yetishtirilayotgan “oq oltin” nafaqat sanoat tarmoqlarini barqaror xomashyo bilan ta’minlaydi, balki mamlakat eksport salohiyatini oshirish, qishloq aholisi daromadini ko‘paytirish va agrar iqtisodiyotni yanada mustahkamlashga xizmat qiladi.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
“Yoshlar kuni” – yoshlar bilan muloqot va manzilli ishlashning yangi bosqichi
Prezidentimiz tashabbusi bilan mamlakatimizda har haftaning payshanba kuni vazirlik, idora va hokimliklarda “Yoshlar kuni” etib belgilanishi – yoshlar bilan ishlash tizimini yangi bosqichga olib chiqishga qaratilgan muhim tashabbusdir. Mazkur kunda sohaga mas’ul rahbarlar joylarga chiqib, mahalla, maktab va texnikumlarda yoshlar bilan ochiq muloqotlar o‘tkazadi, ularning fikr va takliflarini tinglaydi hamda mavjud muammolarni joyida hal etish choralarini ko‘rishi belgilandi.
Shu munosabat bilan bugun
Komil Xolmurodov Kimyogar mahallasida istiqomat qiluvchi ishsiz yoshlar bilan uchrashdi
. Samimiy suhbat davomida yoshlarning bandlikni ta’minlash, kasb-hunar o‘rganish, tadbirkorlikni yo‘lga qo‘yish, imtiyozli kreditlar olish hamda bo‘sh vaqtini mazmunli tashkil etish borasidagi murojaat va takliflari tinglandi.
Shahar hokimi har bir murojaat yuzasidan mutasaddi rahbarlarga aniq topshiriqlar berib, masalalarni nazoratga oldi. Ayniqsa, ishsiz yoshlarni bandlikka jalb qilish, ularni kasb-hunarga o‘qitish va tadbirkorlikka yo‘naltirish masalalariga alohida e’tibor qaratildi.
🇺🇿
Hokimlik rasmiy sahifalariga a’zo bo‘ling
👇🏻
|
gov.uz/uz/jizzaxcity
|
Telegram
|
Facebook
|
Instagram
|
Jizzaxda Xalq deputatlari viloyat Kengashining 26-sessiyasida dolzarb masalalar muhokama qilindi
Jizzax viloyati hokimligida xalq deputatlari Jizzax viloyati Kengashining yettinchi chaqiriq 26-sessiyasi bo‘lib o‘tdi. Unda viloyatdan saylangan O‘zbekiston Respublikasi Oliy Majlisi Senati a’zolari, deputatlar, davlat va jamoat tashkilotlari rahbarlari hamda ommaviy axborot vositalari vakillari ishtirok etdi.
Sessiyada O‘zbekiston Respublikasi Oliy Majlisi Senati Sud-huquq masalalari va korrupsiyaga qarshi kurashish qo‘mitasi raisi Abdulhakim Eshmuratov boshchiligidagi ishchi guruh ham qatnashdi.
📹
Batafsil videolavhada tomosha qiling.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
Aydar-Arnasoy ko‘llar tomonga ketadigan temiryo‘l qurilishi jadal sur’atlarda olib borilmoqda
Prezident Shavkat Mirziyoyevning 2025-yil 2 dekabr kuni Jizzax viloyatiga tashrifi chog‘ida Aydar-Arnasoy ko‘llar tizimi atrofida turizmni rivojlantirish, zamonaviy infratuzilma barpo etish va hudud iqtisodiy salohiyatini oshirishga qaratilgan qator muhim vazifalar belgilab berilgan edi. Bugun mazkur tashabbuslar izchil amaliy bosqichga o‘tmoqda.
Xususan, davlat rahbari tomonidan Aydar-Arnasoy hududining transport jihatdan qulayligini ta’minlash, sayyohlar oqimini ko‘paytirish maqsadida Do‘stlik tumanidan ko‘llar tizimi tomon yangi temiryo‘l liniyasini tortish bo‘yicha berilgan topshiriqlar ijrosi doirasida qurilish ishlari boshlandi.
Loyihaga ko‘ra, yangi temiryo‘l liniyasining umumiy uzunligi 39,1 kilometrni tashkil etadi. Qurilish ishlarining umumiy qiymati 508,4 milliard so‘m etib belgilangan. Yirik infratuzilmaviy loyiha “O‘zbekiston temir yo‘llari” aksiyadorlik jamiyati tomonidan amalga oshirilmoqda.
Ayni paytda temiryo‘l trassasining asosiy qismini tayyorlash ishlari jadal sur’atlarda olib borilmoqda. Qurilish jarayonida karyerlardan tuproq olib kelinib, temiryo‘l poydevori shakllantirilmoqda, maxsus texnikalar yordamida uni mustahkamlash ishlari amalga oshirilmoqda.
Loyihani ishlab chiqish va takomillashtirish jarayonida hududning istiqbolli rivojlanish omillari ham inobatga olindi. Xususan, Arnasoy tumani hokimi Odil Musanov “Toshtemiryo‘lloyiha” mas’uliyati cheklangan jamiyati mutaxassislari bilan uchrashib, Do‘stlik bekati hamda Aydar-Arnasoy ko‘llarini bog‘lovchi temiryo‘l loyihasi bilan atroflicha tanishdi. Uchrashuvda bildirilgan taklif va tavsiyalar asosida loyiha yanada takomillashtirilib, tasdiqlandi.
Mazkur temiryo‘l liniyasi mamlakatimizda amalga oshirilayotgan “O‘zbekiston – 2030” strategiyasi hamda kambag‘allikni qisqartirishga qaratilgan dasturlar doirasida hududlar iqtisodiy faolligini oshirishga xizmat qiladi. Eng muhimi, qurilish jarayonida va kelgusida temiryo‘l infratuzilmasi faoliyati yo‘lga qo‘yilishi orqali yangi ish o‘rinlari yaratilib, aholi bandligini ta’minlash imkoniyatlari kengayadi.
Mutaxassislar fikricha, yangi temiryo‘l liniyasi Aydar-Arnasoy ko‘llar tizimida turizmni jadal rivojlantirish, sayyohlar oqimini oshirish va hududda zamonaviy servis infratuzilmasini shakllantirishda muhim ahamiyat kasb etadi.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
Arnasoyda Jizzax viloyati hokimi “Boshiran” kompaniyasi vakillari bilan loyihalarni muhokama qildi
Jizzax viloyati hokimi Ulug‘bek Mustafoyev Arnasoy tumani hokimligida Xitoyning “Boshiran” kompaniyasi asoschisi Chen Yon boshchiligidagi delegatsiya bilan uchrashuv o‘tkazdi. Unda kompaniyaning kelgusidagi loyihalari va hamkorlik istiqbollari muhokama qilindi.
Ma’lum qilinganidek, kompaniyaning Arnasoy tumanida faoliyat boshlashi viloyat hokimining tashabbusi bilan amalga oshirilgan bo‘lib, bu hududda investitsiya muhitini kengaytirishga xizmat qiladi.
Uchrashuvda qishloq xo‘jaligi mahsulotlarini yetishtirish va qayta ishlash, ip-kalava ishlab chiqarish, tomchilatib sug‘orish texnologiyalari, agrotexnika xizmati, paxta terish kombaynlarini yig‘ish va servis xizmati hamda suyultirilgan mineral o‘g‘itlar ishlab chiqarish kabi loyihalar ko‘rib chiqildi.
Shuningdek, uchrashuvda Arnasoy tumani hokimi Odil Musanov tomonidan investitsiya loyihalari bo‘yicha takliflar taqdim etildi. Viloyat hokimi Ulug‘bek Mustafoyev esa Chen Yon hamda O‘zbekiston Bosh vaziri o‘rinbosari Jamshid Xo‘jayev bilan onlayn muloqot o‘tkazdi. Suhbat davomida hamkorlikni yanada kengaytirish masalalari muhokama qilindi.
📹
Batafsil videolavhada tomosha qiling.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|