Kafkaesque

شلونكم شنو الاخبار

Life recently || الحياة مؤخراً

شفت فديو ذاك اليوم واحد كال شي ظل ببالي، كال اني ممكن اتعامل ويا اي شخص مدامه شخص طيب ، لان الطيب ممكن اتعامل ويا قلقه او ال insecurities مالته ، اعرف اتعامل وياه .
اما الشخص المتلاعب / السيء
مراح اعرف او اكدر اتعامل وياه.
و فعلاً كلامه صح ، اني اعرف اتعامل ويا المشاكل مدامها تُناقش بنية واضحة وهي نية البناء و الاصلاح ، و اعرف اتعامل ويا الضعف الخوف الخ مدام جاية من مصدر واضح/ صادق .
انما عدم الوضوح و الصدق ماكدر اتعامل وياه ولا عندي المؤهلات انو اكتشفه .

Kafkaesque
pinned «
اكو دسكاونت ٣٠٪؜ اخر مقعدين كورس جماعي شهر التاسع الي يريد يحجزهم يراسلني @Zaynebs_bot
»

حبايبي اخر فترة لغيت المحاضرات الجماعية لتدريب اللغة الانجليزية لان شفت هواي طلاب ما حصلوا الفائدة الي جانت ببالهم و جنت اخذ فقط فردي الاشهر الي فاتت ، لكن جنت دا اشتغل على منهج جديد و متطور للمحاضرات الجماعية و الحمدلله كمل و على هذا الاساس اعلن انو التسجيل…

برأيي زحمة و عيب تسال احد متعرفه او علاقتكم مو قوية سؤال يتطلب منه وقت و جهد يلا يجاوبك ، اذا ممكن تلكة الاجوبة بنفسك بس انت متعاجز تبحث و تسوي الجهد فتريد تحرج احد بالنخوة حتى يختصرلك ياها

برأيي زحمة و عيب تسال احد متعرفه او علاقتكم مو قوية سؤال يتطلب منه وقت و جهد يلا يجاوبك ، اذا ممكن تلكة الاجوبة بنفسك بس انت متعاجز تبحث و تسوي الجهد فتريد تحرج احد بالنخوة حتى يختصرلك ياها

مكتوب ، كل الطرق تؤدي الى اهتماماتك بالطفولة.
فعلاً اليوم جنت دافكر بهالموضوع، صفنت ويا نفسي وردت الكة جواب على اني شنو جنت احب و شنو جنت زينة بيه من جنت طفله ، شنو الشي الي جان شغفي؟ صفنت و جان صعب الكة اجوبة، اعتقد هذا يعود هم انو مجان اكو شخص بالغ يلاحظ هواياتي و مواهبي و يبلغني بيها ف اني هم كبرت ما اميزها او اعتبرها عادية.
ف انقهرت . احسد الناس الي ربوا بمجتمعات تشجعهم يصيرون الي يحبوه لان من يكبرون مراح يسالون نفسهم هالسؤال ع الاقل .
مراح يفكرون بالف طريق ، راح يكون موجود هو طريقهم الي همة زينين بيه والي يحبوه.
هواي مرات افكر شنو جنت حكون لو جنت انولدت بمكان ثاني

أمس أنتهيت من قراءة رواية العمى للكاتب جوزيه ساراماغو ،تنهدتُ طويلًا وكأني كُنت محتجزة في سرداب أبيض ، رواية تستطيع أن تفصلك عن عالمك بالمعنى الحرفي ، لأني ولأول مرة شعرت بُكل العوامل الحسية مثل الجوع والخوف وحتى الروائح وهذا الأمر لم أجدهُ بأي رواية من قبل ، لجوزيه طريقة عجيبة في نقلنا الى العوالم التي ارادها
تتحدث الرواية عن وباء غامض يصيب إحدى المدن، حيث يصاب أهل هده المدينة بالعمى فجأة، مما يخلق موجة من الذعر والفوضى العارمة التي تؤدي إلى تدخل الجيش من أجل السيطرة على الأوضاع، ولكن الوضع يزداد مأساوية وبشاعة
وقد تبين بأن تتحدث عن العمى الفكري ، في إشارة أيضاً أن الأخلاق البشرية و المبادىء الإنسانية هشة أمام العوز البشري.
"لا أعتقد أننا عُمينا ، بل أعتقد أننا عميان يرون، بشر عميان يستطيعون أن يروا لكنهم لا يرون"
أظن بأن هذهِ الرواية كانت أفضل رواية أقرأها الى الأن