O'zbekiston kasaba uyushmalari Federatsiyasining Farg'ona viloyat Kengashi | Rasmiy kanal
🔴
Farg'ona 24
11.06.2026
Xotin-qizlarni qoʻllab-quvvatlash va ularning ijtimoiy himoyasini yanada kuchaytirishga qaratilgan “Ayollar daftari” tizimining 7- bosqichini hududlarda samarali tashkil etish masalalariga bagʻishlangan seminarlar boʻlib oʻtmoqda.
🔔
Bizni ijtimoiy tarmoqlarda kuzating:
💻
𝐼𝑛𝑠𝑡𝑎𝑔𝑟𝑎𝑚|
📝
𝑇𝑒𝑙𝑒𝑔𝑟𝑎𝑚|
📱
YouTube|
🎙
Radio FM 90.8
|
Facebook
✅
Quvnoq yoz-oʼtmoqda soz! Quvasoy shahridagi "Vodiy gavhari" oromgohi "Bolalar va yoshlarning huqularini himoya qilish" aksiyasi doirasidagi tadbirga mezbonlik qildi.
⚡
Rasmiy kanallarimizga obuna boʻling!
📱
Telegram
|
📱
YouTube
📱
Facebook
|
📱
Instagram
Bolalar mehnatiga qarshi kurash — kelajak avlod huquqlarini himoya qilishning muhim omili
Har yili 12-iyun sanasi dunyo hamjamiyati tomonidan Butunjahon bolalar mehnatiga qarshi kurash kuni sifatida keng nishonlanadi.
Ushbu sana 2002 yilda Xalqaro mehnat tashkiloti tashabbusi bilan ta’sis etilgan bo‘lib, bolalar mehnatining barcha shakllariga qarshi kurashish, ularning huquq va manfaatlarini himoya qilish, munosib ta’lim olishi hamda sog‘lom voyaga yetishini ta’minlashga qaratilgan muhim xalqaro tashabbus hisoblanadi.
Butunjahon bolalar mehnatiga qarshi kurash kuni munosabati bilan O‘zbekiston kasaba uyushmalari Federatsiyasi Farg‘ona viloyati kengashi tashabbusi asosida Oltiariq tumanidagi “Oltiariq” bolalar sog‘lomlashtirish oromgohida “Bolalar mehnatiga qizil kartochka: Bolalar uchun adolatli o‘yin, kattalar uchun munosib mehnat!” shiori ostida ma’naviy-ma’rifiy tadbir va sport musobaqalari tashkil etildi.
Tadbirda Oʻzbekiston Davlat muassasalari va jamoat xizmati xodimlari kasaba uyushmasi Respublika kengashi raisi oʻrinbosari A.Salihov va Oʻzbekiston kasaba uyushmalari Federatsiyasining Fargʻona viloyati Kengashi raisi E.Nuraliyevlar ishtirok etdi.
— Tadbirdan ko‘zlangan asosiy maqsad bolalarning huquqlari, ta’lim olish va dam olish imkoniyatlarini keng targ‘ib qilish, ularning bo‘sh vaqtlarini mazmunli tashkil etish hamda sog‘lom turmush tarzini qaror toptirishdan iborat, — deydi O‘zbekiston kasaba uyushmalari Federatsiyasi Farg‘ona viloyati kengashi raisi o‘rinbosari Lolaxon Ahmedova.
Tadbir davomida oromgoh tarbiyalanuvchilari tomonidan tayyorlangan badiiy chiqishlar namoyish etildi. Bolajonlar o‘zlarining ijodiy va sahnaviy iqtidorlarini namoyon etib, yig‘ilganlarga ko‘tarinki kayfiyat ulashdilar.
Ayniqsa, yoshlarning harbiy vatanparvarlik ruhidagi chiqishlari ishtirokchilarda katta taassurot qoldirib, Vatanga muhabbat, yurt tinchligi va osoyishtaligini qadrlash g‘oyalarini yanada mustahkamladi.
Shuningdek, sana munosabati bilan bolalar o‘rtasida rasm chizish tanlovi hamda shaxmat, shashka va stol tennisi bo‘yicha sport musobaqalari o‘tkazildi.
Qizg‘in va murosasiz kechgan bahslarda ishtirokchilar o‘z bilim va mahoratlarini sinovdan o‘tkazdilar. Tanlov va musobaqalar nafaqat bolalarning iqtidorini yuzaga chiqarishga, balki ular o‘rtasida do‘stlik, hamjihatlik va sog‘lom raqobat muhitini shakllantirishga ham xizmat qildi.
Tadbir yakunida musobaqalarda faol ishtirok etgan hamda yuqori natijalarni qo‘lga kiritgan oromgoh tarbiyalanuvchilari O‘zbekiston kasaba uyushmalari Federatsiyasi Farg‘ona viloyati kengashining esdalik sovg‘alari bilan taqdirlandilar.
Bunday tadbirlar bolalarning huquq va manfaatlarini himoya qilish, ularning barkamol shaxs bo‘lib voyaga yetishi uchun munosib shart-sharoitlar yaratish, shuningdek, bolalar mehnatiga qarshi kurashish borasida jamiyatning mas’uliyatini yanada oshirishga xizmat qiladi.
Zero, har bir bola bilim olish, orzu qilish va baxtli bolalikni his etish huquqiga ega. Ularning huquqlarini ta’minlash esa barchamizning vazifamizdir.
O‘zbekiston kasaba uyushmalari Federatsiyasining Farg‘ona viloyati Kengashi
Facebook
|
Telegram
|
Sayt
Farg‘ona shahrida “Ayollar daftari”ning 7-bosqichiga ro‘yxatga olingan xotin-qizlarga ko‘rsatiladigan amaliy yordamlarning mazmun-mohiyatiga bag‘ishlangan seminar tashkil etildi
.
Seminarda “Ayollar daftari” bo‘yicha O‘zbekiston Kasaba uyushmalari Federatsiyasidan Farg‘ona viloyatiga biriktirilgan mas’ul rahbar A.Salihov, Farg‘ona shahar hokimi V.Nazarov, O‘zbekiston Kasaba uyushmalari Federatsiyasining viloyat Kengashi raisi E.Nuraliyev va mavzuga daxldor tashkilot rahbarlari, mahalla fuqarolar yig‘inlari vakillari ishtirok etdilar.
Seminar Vazirlar Mahkamasining 2026-yil 12-maydagi 239-sonli qarori bilan tasdiqlangan “Ayollar daftari”ni yuritish orqali xotin-qizlarni ijtimoiy-iqtisodiy qo‘llab-quvvatlash tartibi to‘g‘risidagi Nizom mazmun-mohiyatini keng jamoatchilikka yetkazish hamda uning ijrosini ta’minlash masalalariga bag‘ishlandi.
Unda “Ayollar daftari” bo‘yicha shaharda amalga oshirilayotgan ishlar tahlil qilinib, yordam ko‘rsatish jarayonida uchrayotgan muammolar va kamchiliklar muhokama etildi.
OROMGOHDA — IJODIY UCHRASHUV
Rishton tumanidagi “Rishton” bolalar sog‘lomlashtirish oromgohida O‘zbekiston Yozuvchilar uyushmasi a’zosi Asadulloh Solih hamda tarjimon va shoir Tolib Nosir ishtirokida adabiy kecha tashkil etildi.
Ustoz ijodkorlar tadbir davomida adabiyotning inson kamolotidagi o‘rni, kitobxonlik, ijod sir-asrorlari haqida so‘z yuritdilar. Oromgoh tarbiyalanuvchilari tomonidan she’rlar o‘qildi, savol-javoblar asnosida samimiy suhbat qurildi.
Tadbir so‘ngida faol ishtirokchilar esdalik sovg‘alari bilan taqdirlandi. Ijodiy uchrashuv barcha ishtirokchilarda yorqin taassurot qoldirdi.
🏛
Oʻzbekiston Yozuvchilar uyushmasi Fargʻona viloyati boʻlimi
Telegram
|
Facebook
|
Instagram
“Ayollar daftari” - xotin-qizlarni ijtimoiy himoyalashning samarali tizimi
O‘zbekiston tumanida “Ayollar daftari” bo‘yicha amaliy yordamlar samaradorligini oshirish mavzusida seminar o‘tkazildi.
Unda tuman hokimi Rasuljon Jo‘rayev, O‘zbekiston kasaba uyushmalari Federatsiyasidan biriktirilgan mas’ul rahbar Abdug‘affor Salihov, Kasaba uyushmalari Federatsiyasi viloyat kengashi, tuman prokuraturasi, ichki ishlar bo‘limi, davlat va jamoat tashkilotlari mas’ullari, mahalla raislari, mahalladagi hokim yordamchilari va xotin-qizlar faollari ishtirok etdi.
Seminar Vazirlar Mahkamasining 2026-yil 12-maydagi 239-sonli qarori bilan tasdiqlangan “Ayollar daftari”ni yuritish orqali xotin-qizlarni ijtimoiy-iqtisodiy qo‘llab-quvvatlash tartibi to‘g‘risidagi Nizom mazmun-mohiyatini keng jamoatchilikka yetkazish hamda uning ijrosini ta’minlash masalalariga bag‘ishlandi.
Tadbir davomida “Ayollar daftari” bo‘yicha tumanda amalga oshirilayotgan ishlar tahlil qilinib, yordam ko‘rsatish jarayonida uchrayotgan muammolar va kamchiliklar muhokama etildi.
Qayd etildiki, yangi tartibdagi “Ayollar daftari” tizimining asosiy maqsadi ehtiyojmand xotin-qizlarni doimiy daromad manbaiga ega bo‘lishi va kambag‘allikdan xalos bo‘lishiga ko‘maklashishdan iborat. Nizomga muvofiq xotin-qizlarga 5 ta toifa bo‘yicha jami 46 turdagi amaliy yordamlar ko‘rsatilishi belgilandi.
@uzbaxborotxizmati
#YozgiOromgoh
"Oltiariq" bolalar yozgi oromgohida "Oʻzbekiston - bagʻrikenglik yurti" shoiri ostida konsert dasturi bo‘lib o‘tdi
Oltiariq tumanida viloyat hokimligi va Ijtimoiy himoya milliy agentligining viloyat boshqarmasi tomonidan tashkil etilgan tadbirda milliy madaniy markazlar va ularning badiiy jamoalari ishtirokida millatlararo totuvlik va hamjihatlikni tarannum etuvchi turli kuy-qoʻshiqlar va raqslar ijro etildi.
Shu bilan birga, multfilm qahramonlarining ishtiroki bolajonlarga yuqori kayfiyat ulashdi.
Fergana.gov.uz
|
Facebook|
Instagram|
Youtube|
X
Ahmad Farg‘oniy nomidagi Farg‘ona viloyati axborot-kutubxona markazi tomonidan "Bilimdon" yozgi bolalar oromgohida kitobxonlik bayrami tashkil etildi.
Farg‘ona tumanining Log‘on qishlog‘ida joylashgan
"Bilimdon" yozgi bolalar oromgohida
yosh avlodning kitobga bo‘lgan qiziqishini oshirish, mutolaa madaniyatini rivojlantirish maqsadida
"Kitob — bilim va ma’rifat manbai"
shiori ostida ma’naviy-ma’rifiy tadbir o‘tkazildi.
Tadbir davomida bolalar o‘rtasida qiziqarli viktorina va savol-javoblar tashkil etilib, ularning bilim va tafakkuri sinovdan o‘tkazildi. Shuningdek, turli janrdagi adabiyotlardan iborat kitob ko‘rgazmasi namoyish etilib, ishtirokchilar yangi kitoblar bilan yaqindan tanishish imkoniyatiga ega bo‘ldilar.
Faol va zukko qatnashchilar o‘z bilimlari hamda topqirliklari bilan ajralib turib, esdalik sovg‘alari bilan taqdirlandilar.
Tadbirning muhim natijalaridan biri sifatida oromgoh ma’muriyati bilan
ko‘chma kutubxona tashkil etish bo‘yicha hamkorlik shartnomasi
imzolandi. Bu esa bolalarning yozgi ta’til davrida ham kitob mutolaasi bilan muntazam shug‘ullanishlariga xizmat qiladi.
Yoshlar qalbida kitobga mehr uyg‘otish, ularning bo‘sh vaqtini mazmunli tashkil etish hamda ma’naviy kamolotini yuksaltirishga qaratilgan bunday tadbirlar kelajak avlod tarbiyasida muhim ahamiyat kasb etadi.