Kontekst.uz
Президент Шавкат Мирзиёев Қуйичирчиқдаги замонавий
“Кўҳинур” сиҳатгоҳи тўлиқ киноижодкорлар ихтиёрига берилишини
маълум қилди.
Зулфиқор Мусоқов:
“36 йил деганда энди кетмоним учди”
Ўзбекистонда исломий банк фаолияти учун илк лицензия берилди
Марказий банк илк бор Ўзбекистонда
“Open bank”
акциядорлик жамиятига исломий банк фаолиятини амалга ошириш ҳуқуқини берувчи
1-I-сонли лицензияни
тақдим этди.
Лицензия Марказий банк Бошқарувининг 23 октябрдаги қарори асосида расмийлаштирилган бўлиб,
исломий молия тамойилларига мувофиқ
банк операцияларини амалга ошириш ҳуқуқини беради.
❗️
Контракт тўловларини амалга ошириш муддати 1 ноябргача узайтирилди
2026/2027 ўқув йили учун олий таълим ташкилотларида контракт тўловларини амалга ошириш ва талабалар сафига қабул қилишни расмийлаштириш муддати 1 ноябрга қадар (шу куни ҳам)
узайтирилди
.
Бу муддат:
➖
бакалавриат ва магистратурага ўқишга тавсия этилган абитуриентлар;
➖
ўқиши кўчирилган ёки кўчириб тикланган талабалар;
➖
ўқишга қайта тикланган талабаларга тааллуқли.
1 ноябрга қадар базавий тўлов-контракт бўйича йиллик қийматнинг камида 25 фоизи, табақалаштирилган тўлов-контракт бўйича эса камида 50 фоизи тўланиши лозим.
Таълим кредитини
my.gov.uz
орқали олиш мумкин
Кундузги таълимда ўқиётган бакалавр, магистратура талабалари ва профессионал таълим ўқувчилари таълим кредити учун ариза топшириши мумкин.
Кредит миқдори:
➖
1-босқич талабаларига — контрактнинг 100%и;
➖
2-босқич ва ундан юқорида GPA 3 дан паст бўлса — 80%гача;
➖
GPA 3 ва ундан юқори бўлса ёки «Ижтимоий ҳимоя ягона реестри»да бўлса — 100%.
Қизлар учун кредит фоизсиз, ўғил болалар учун эса фоиз Марказий банк асосий ставкаси асосида белгиланади.
Кредитни ўқиш тугаганидан кейин 7-ойдан бошлаб 7 йил давомида қайтариш мумкин.
Супер-контракт, сиртқи, кечки ва масофавий таълимда ўқиётганлар ҳамда хорижий ОТМ талабаларига берилмайди. Аризалар 5 иш кунида кўриб чиқилади.
Ариза топшириш:
my.gov.uz
Эслатма: 2026/2027-ўқув йили учун контракт тўлови муддати 1 ноябрга қадар узайтирилган.
Косонсой тумани ҳокими ўринбосари ушланди
❗️
Косонсой тумани ҳокими ўринбосари мансаб ваколатини суиистеъмол қилган ҳолда
,
ҳокимият томонидан маҳаллий тадбиркорга ижара асосида берилган ер майдонини бошқа тадбиркорга олиб бериш билан қўрқитиб
,
ундан тамагирлик йўли билан ўзининг яшаш хонадонига
20 кВт
қувватли қуёш панелларини ўрнатиб беришни талаб қилган.
Ўтказилган тезкор тадбирда ҳоким ўринбосари қуёш панелларини сотиб олиш ва ўрнатиш харажатлари учун
65 млн сўм
пул маблағини ўзининг хизмат автомашинасида олган вақтида ашёвий далиллар билан
ушланди
.
Ансабхон Акаидинович Закиров
Ўзбекистон техник жиҳатдан тартибга солиш агентлиги директори лавозимига тайинланди.