KOREYA XABARLARI

✨
K-BEAUTY GLOW DAY 2026
Koreyscha teri parvarishining sirlarini mutaxassislar bilan birga o‘rganishga tayyormisiz?
🇰🇷
Seulda
jonli teri parvarishi mahorat darsi
bo‘lib o‘tadi! Sizni K-Beauty olamiga yanada yaqinlashtiradigan foydali va qiziqarli kun kutmoqda.
- Korean Glow Skin
- Jonli skincare namoyishi
- Kosmetik ingredientlar haqida bilim
- Vegan K-Beauty
- K-Beauty tajribasi
- Q&A va Networking
📅
6-sentabr 2026
⏰
13:00–17:00
Mehmonlarni qabul qilish:
12:30 dan
📍
Seoul Global Center, 9F — International Conference Hall
💳
Kirish to‘lovi: 15,000 won
Ro’yxatdan o’tish uchun:
@kbeautysummitbot
⚠️
Joylar soni cheklangan!
Ishtirok etish uchun oldindan ro‘yxatdan o‘tishni unutmang.
Glow Day’da uchrashamiz!
K-Beauty bilimingizni mutaxassislar bilan oshiring
✨
https://kbeautysummit.kr/

🇰🇷
Migratsiya agentligi vakolatxonasi Ulsandagi o‘zbekistonlik ishchilar bilan uchrashadi
📌
Migratsiya agentligining Janubiy Koreyadagi vakolatxonasi xodimlari
27-avgust kuni Ulsan shahridagi Hyundai kemasozlik zavodida ishlayotgan o‘zbekistonliklar bilan uchrashadi
.
Agentlik matbuot xizmatining
ma’lum qilishicha
, uchrashuv davomida ishchilarning murojaatlari tinglanib,
mehnat va yashash sharoitlari o‘rganiladi
. Aniqlangan masalalarni joyida hal etish, zarur hollarda esa tegishli tashkilotlar bilan hamkorlikda amaliy yechim topish choralari ko‘riladi.
⚠️
Eslatib o‘tamiz, Ulsandagi o‘zbekistonlik ishchilar bilan bog‘liq vaziyat so‘nggi paytlarda jiddiy bahs-munozaralarga sabab bo‘lmoqda.
Avvalroq ayni shu kemasozlik zavodida o‘zbekistonlik ishchi mehnat faoliyati vaqtida
halok bo‘lgan
edi.
Keyinchalik esa turli sabablarga ko‘ra ish joyini o‘zgartirgan o‘zbekistonlik E-9 ishchilaridan
har oy uchun 2 ming dollar
jarima undirish
ko‘zda tutilgan kelishuvlar
Koreyada keskin muhokamalarga sabab bo‘ldi. Koreyadagi kasaba uyushmalari va huquq faollari ushbu amaliyotda
majburiy mehnat va odam savdosi alomatlari bo‘lishi mumkinligini
ilgari surmoqda.
📍
Shu sababli vakolatxonaning ertangi uchrashuvi Ulsandagi o‘zbekistonlik ishchilar bilan bog‘liq muammolar fonida alohida ahamiyat kasb etadi.
@koreya

🇰🇷
Oyiga $2 000: Ulsandagi o‘zbekistonlik ishchilarga solinayotgan jarimalar adolatlimi?
Janubiy Koreyaning Ulsan shahridagi kemasozlik korxonalarida ishlayotgan o‘zbekistonlik E-9 ishchilariga ish joyini belgilangan tartibda o‘zgartirmagani yoki tashlab ketgani uchun
har oy 2 ming dollar miqdorida jarima qo‘llash amaliyoti jiddiy bahslarga sabab bo‘lmoqda
. Koreya OAV va huquq faollari bu shartlarda
majburiy mehnat va odam savdosi alomatlari bo‘lishi mumkinligi
masalasini ko‘tarmoqda.
❓
Xo‘sh, O‘zbekiston Migratsiya agentligi bu masalaga qanday izoh beradi? $2 000 jarimaning huquqiy asosi bormi? O‘zbekiston va xalqaro mehnat qonunchiligi bunday shartlarni qanday baholaydi?
🎙
Yangi podkastimizda shu va boshqa savollar yuzasidan
Migratsiya agentligi bo‘lim boshlig‘i Islom Hamroyev
hamda
mehnat huquqi bo‘yicha advokat Elyor Abdullayev
bilan suhbatlashdik.
▶
️
Podkastni tomosha qiling
@koreya

🚨
O‘zbekistonlik E-9 ishchilariga $2 000 jarima: kasaba uyushmasi uni darhol bekor qilishni talab qildi
🇰🇷
HD Hyundai Heavy Industries ichki pudratchi ishchilari kasaba uyushmasining
19-avgust kuni chop etilgan 768-sonli gazetasida
Ulsandagi o‘zbekistonlik E-9 ishchilarining ish joyini almashtirganda
oyiga 2 ming dollar jarima to‘lashi bilan bog‘liq bahsli kelishuvlar yuzasidan yangi ma’lumotlar
e’lon qilindi.
📌
Kasaba uyushmasiga ko‘ra, Janubiy Koreya Bandlik va mehnat vazirligi O‘zbekiston tomonidan mazkur amaliyotni zudlik bilan o‘zgartirishni talab qilganiga qaramay,
masala hanuz to‘liq hal etilmagan
.
💣
@koreya

Шимолий Корея ракета учирилгани ҳақида сукут сақламоқда
Шимолий Корея пайшанба куни тахминан соат 17:00 да шарқий соҳилдаги Вонсан шаҳри яқинидан қисқа масофали баллистик ракета учирди. Бу ҳақда Жанубий Корея ҳарбийлари маълум қилди.
Ракетанинг қанча масофага учгани ва бошқа тафсилотлар ошкор этилмади. Жума куни соат 8:00 гача Корея Марказий телеграф агентлиги (ЦТАК) ва «Родон Синмун» газетаси ушбу учириш ҳақида хабар бермади. Ваҳоланки, Пхеньян одатда бундай ракеталар учирилганидан кейинги тонгда бу ҳақда маълумот беради.
Бу йилдаги ушбу ракета учирилиши ўнинчиси бўлди. У Жанубий Корея ва АҚШнинг ҳар йили ўтказиладиган Ulchi Freedom Shield қўшма ҳарбий машғулотлари арафасида амалга оширилди. Пхеньян ушбу машғулотларни босқинчиликка тайёргарлик сифатида баҳолайди.
Шимолий Корея сўнгги марта 25 июнь куни тактик баллистик ракета ва янги қуролни синовдан ўтказган эди.
💣
@koreya

🔴
LIVE
Кореядан меҳнат шартномалари келди: номзодларнинг ҳужжатлари расмийлаштирилмоқда
🇰🇷
Корея Республикасида E-9 визаси асосида ишлаш учун ушбу мамлакатнинг SPAS электрон базасида маавжуд номодларга
йилнинг учинчи танлови
айни кунларда давом этмоқда.
Танловнинг
5–11 август кунлари
ўтказилган босқичи якунларига кўра, кореялик иш берувчилар томонидан танланган ҳамюртларимизга меҳнат шартномалари келди.
📄
Жумладан:
🏭
ишлаб чиқариш соҳасида — 213 та;
🛎
хизмат кўрсатиш соҳасида — 11 та;
🏗
қурилиш соҳасида — 2 та меҳнат шартномаси.
Айни пайтда Кореяга ишга кетиши учун зарур ҳужжатларни расмийлаштириш жараёни кетмоқда.
📌
Шу билан бирга,
12–19 август
кунлари қишлоқ хўжалиги, ўрмончилик, хизмат кўрсатиш, балиқчилик ва қурилиш соҳалари бўйича номзодларни иш берувчилар томонидан танлаш жараёни давом этяпти.
🇺🇿
🤝
🇰🇷
Танлов натижалари ва навбатдаги меҳнат шартномалари бўйича янгиликларни кузатиб боринг.
Эслатиб ўтамиз Жанубий Корея Е9 визаси асосида 17 та хорижий давлатга иш ўрни ажратади.
💣
@koreya

Жанубий Корея президенти КХДРга тинчлик музокараларини бошлашни таклиф қилди
Жанубий Корея президенти Ли Чжэ Мён шанба куни Шимолий Кореяга расман 70 йилдан ортиқ вақтдан бери давом этаётган урушни якунлаш бўйича музокараларни бошлашни очиқ таклиф қилди.
«Келинг, бир-биримизга таҳдид қилиш истагимизни четга суриб, урушнинг бевосита иштирокчилари сифатида уни якунлаш масаласида музокараларни бошлайлик», — деди президент Ли Кореянинг Иккинчи жаҳон уруши даврида Япония истибдодидан озод бўлгани муносабати билан ўтказилган маросимда.
«Шу орқали Шимолий Кореянинг ядровий салоҳияти ривожланишини тўхтатишнинг самарали чораларини ҳам муҳокама қилиш имкони пайдо бўлиши мумкин», — дея қўшимча қилди Ли. КХДР ўз ядровий арсеналидан воз кечиш нияти йўқлигини қатъий таъкидлаб келмоқда.
Шимолий ва Жанубий Корея 1950–1953 йиллардаги урушдан бери расман уруш ҳолатида қолмоқда. Хитой ва Совет Иттифоқи қўллаб-қувватлаган Шимолий Корея бошлаган ушбу можаро 38-параллель бўйлаб жангларни тўхтатиш ва сулҳ битими билан якунланган.
Ўтган йили президентлик лавозимини эгаллаган марказ-сўл қарашли Ли Чжэ Мён Пхеньян, шунингдек, Пекин билан муносабатларни яхшилашга мунтазам равишда ҳаракат қилмоқда. Унинг ўтмишдоши, ўнг сиёсатчи Юн Сок Ёль даврида бу муносабатлар анча совуқлашган эди. Юн Сок Ёль ҳарбий ҳолат жорий этишга урингани учун лавозимидан четлатилиб, судга берилган.
Президент Ли Шимолий Корея раҳбариятига ҳеч қандай дастлабки шартларсиз музокаралар ўтказишни таклиф қилмоқда. Июль ойида Жанубий Кореянинг бирлашиш масалалари бўйича вазири Сеул Пхеньяндан ядровий арсеналини йўқ қилиш талабидан воз кечганини маълум қилди. Энди Жанубий Корея бу арсеналнинг янада кўпайишининг олдини олишга интилади.
Шимолий Корея раҳбарияти ҳозирча Ли ва унинг жамоаси чақириқларига жавоб бермади.
Халқаро кузатувчиларнинг фикрича, Шимолий Корея раҳбари Ким Чен Ин аввалгидан фарқли равишда Жанубий Корея, АҚШ ва Ғарб билан муносабатларни барқарорлаштиришдан унчалик манфаатдор эмас. Чунки Россия унга снаряд ва ракеталар етказиб бериш эвазига КХДРга пул, озиқ-овқат, ёқилғи ва ҳарбий технологиялар тақдим этмоқда.
💣
@koreya

Жанубий Корея Қуролли Кучларига қарши киберҳужумлар ўтган йили 18 мингдан ошди: ҳисобот
Жанубий Корея Қуролли Кучлари 2025 йилда 18 951 та киберҳужум уринишига дуч келган. Бу кўрсаткич 2024 йилдаги қарийб 14 400 та ҳужумга нисбатан 31 фоизга кўп бўлиб, сўнгги беш йилдаги энг юқори натижа ҳисобланади.
Бу ҳақда «Халқ кучи» партияси депутати Ю Ён Вонга Мудофаа вазирлиги тақдим этган ҳисоботда маълум қилинди. 2022 йилда киберҳужумлар сони 9 100 тагача камайган эди.
Ҳужумларнинг деярли барчаси — 18 792 таси ҳарбий веб-сайтларни бузиб киришга қаратилган. Шунингдек, зарарли электрон хатлар сони ҳам сезиларли даражада ошган: 2023 йилда 16 та бўлган бўлса, 2025 йилда бу кўрсаткич 127 тага етган.
Шу билан бирга, Шимолий Кореянинг киберсалоҳияти ортиб бораётгани хавотир уйғотмоқда. Маълумотларга кўра, КХДРда тахминан 8 400 нафар хакер мавжуд.
Жанубий Корея армиясида киберхавфсизлик бўйича мутахассислар етишмаслиги ҳам муаммо бўлиб қолмоқда. 2016–2019 йилларда махсус тайёргарликдан ўтган 104 нафар киберхавфсизлик офицеридан 89 нафари мажбурий ҳарбий хизматини тугатгач, армияни тарк этган.
💣
@koreya

Жанубий Корея Зеленскийнинг Украина Қуролли Кучларига қурол етказиб бериш ҳақидаги илтимосига жавоб берди
Жанубий Корея Ташқи ишлар вазирлиги Владимир Зеленскийнинг Украинага дронлар ва ҳаво мудофааси воситаларини етказиб бериш ҳақидаги илтимосини рад этди. Бу ҳақда «Хангерё» нашри ёзмоқда.
Аввалроқ Зеленский Украинага дронлар ва ҳаво ҳужумидан мудофаа тизимларини етказиб бериш масаласини муҳокама қилиб, Жанубий Корея дипломатик вакиллари билан «алоқада эканини» билдирган эди.
Бироқ Жанубий Корея Ташқи ишлар вазирлиги бундай мулоқот бўлганини тасдиқлай олмади. Вазирлик Сеул аввал Украинага фақат энергетика, инфратузилма, соғлиқни сақлаш ва таълим соҳаларида ёрдам кўрсатганини ва бу сиёсатни ўзгартириш нияти йўқлигини таъкидлади.
«Жанубий Корея ҳукумати Украинага гуманитар ёрдам кўрсатар экан, ҳалокатли қурол-яроғ етказиб бермаслик тамойилига амал қилади. Бугунги кунда бизнинг позициямиз ўзгармаган», — дея жанубий кореялик дипломатларнинг жавобини келтиради нашр.
💣
@koreya

🇰🇷
Яна 66 нафар ҳамюртимиз Жанубий Кореяга йўл олди
Миграция агентлиги томонидан ташкиллаштирилган тартибда
66 нафар ҳамюртимиз E-9 визаси асосида
ишлаш учун Жанубий Кореяга кузатилди.
Улар белгиланган синов босқичларидан муваффақиятли ўтиб, Корея иш берувчилари томонидан танланган ва эндиликда ушбу мамлакатда ишлаб чиқариш соҳасида вақтинча меҳнат фаолиятини бошлайди.
✈️
Ҳамюртларимизга янги иш жойида муваффақият, муносиб даромад ва омад тилаймиз!
💣
@Koreya