لـ سَـجاد

أعتقد ومتأكد ايضاً اهم شيء ممكن تسوي كونك رجل هو ان تكون واعي ومدرك ان تستغل وقتك بتطوير عقلك بدل وقتك ألي ينقضي بالتحريض او التحرش او او او لأن صدكني ونصيحة اذا أردت ان ترتفع قيمتك في سوق التزاوج او فالمجتمع بصورة عامة اهم شيء تشتغل عليه هوه عقلك وبعدها عملك ألي تجيب منا فلوس وبعدها جسدك وحياتك
وبالنهاية كونك ذكر مو شيء مبهر المُبهر هو ان تصبح رجل حقيقي ..

سوء الظن ماله علاقة ابد بالأزمات النفسية ألي مر بيها المجتمع العراقي ، أو ألي دا يمر بيها حالياً ، سوء الظن حالياً صار اسهل شيء على عقل الفرد العراقي أن يسوي ، يتهمك يحقد عليك ، يشتمك ، يطعن بشرفك ، بس لأنو هذا اسهل شيء على عقله ..

تخيل هذا شعور الأحتراق ألي براسك وأنت يومية تعيد نفس اليوم نفس الناس نفس الشعور نفس الوجوه ، بالبيت بالعمل بالشارع ، الروتين من أسوء الاشياء ألي ممكن تستهلك صحتك وشكلك وعمرك ..

انا من الأشخاص ألي هواي يفكرون بمستقبلهم ويقلقون ويشعرون بالمسؤولية بزيادة وممكن مرات أوصل لحالة من الأكتأب بسبب تفكيري وقلقي ع مستقبلي ونجاحي وعملي ، ومن ابقى أفكر گلت سابقًا أوصل مرحلة متقدمة من الأكتأب ، بس بيوم من الايام وانا بهذه الحالة جنت أتصفح بريل الأنستگرام وضهرت لي هذه الأية { لَا يُكَلِّفُ اللَّهُ نَفْسًا إِلَّا وُسْعَهَا } وكأنها رسالة بقيت صافن بيها وادخن حوالي الـ ٢٠ دقيقة وبعدها تلقائيًا بلشت اطلع من الحالة ألي انا بيها واردد ألاية بأستمرار ، وصدگ شكد مرات أجهد نفسي بالتفكير وبالتخطيط والعمل المتواصل ألي يوصل لـ ١٦ ساعة باليوم بس النتيجة شنو لا شيء سوى ان ادور بمكاني واجهد نفسي اكثر ، بعدها أيقنت ان كل شيء مكتوب الك راح يصيرلك ومراح يصير لغيرك اسعى والباقي ع الله ولا يكلف الله نفسًا الا وسعها ..

مفهوم الي يريدني لازم يقبلني مثل ما أني مفهوم مريض ..
أبسط شيء من تروح ضيف ما تكعد مثل ما تكعد بغرفتك ، ولا تسولف مثل ما تسولف ويا أهلك ، ولا تطلب مثل ما تطلب من صاحبك .. وهذا ينحسب على أغلب مفاصل الحياة وفعالياتها وجوانبها وتفاعلاتها العلاقات مع الأخرين كذلك أماكن ، لكنها أماكن بشرية عاطفية وليست حيز في الفراغ ولذلك ، يجب أن نتعامل معها وفق ما تقتضيه وما تتطلبه ، ولا ننتظر منها أن تكون مفصلة على قياسنا محد راح يقبلك مثل ما انت لازم تتغير حسب ما تتطلبه العلاقة وما يدفعك إليه الظرف والوضع ..

مَنْ قالَ إنَّكِ مثلُهُنْ ؟
أنتِ المُفاجأةُ الأخيرَةُ
في حَياتي
أنتِ التفاصيلُ الصغيرةُ والكبيرةُ
أنتِ ذاتي
أنتِ المَليكَةُ والأميرةُ
أنتِ أعظمُ ذِكرياتي
أنتِ المُفاجأةُ التي
سَبَقتْ جميعَ تَوَقُّعاتي
وبها دَخلْتُ إلى عُصورٍ لَمْ تَجِئْ
وبِنورِ حُبِّكِ خُضْتُ
كلَّ تَحَدِّياتي
أنتِ اختِصارٌ للنساءِ جَميعِهِنْ
أنتِ التَّفَرُّدُ بينَهُنْ
مَنْ قالَ إنَّكِ مثلُهُنْ ؟
لَكِنَّني لا أستَطيعُ بأنْ أقولَ
مُبَرِّراتي
أنتِ التي مَلَكَتْ
مَنابِعَ دَهْشَتي
وبُزوغَ شَمسِ تَجَلِّياتي
ماذا أنا يا مُنيَتي
إن لَم تَكوني
في حَياتي ؟
أنتِ المُفاجأةُ التي
لا تُحتَمَلْ
قد أذهَلَتْني
أدْخَلَتْني
في سَراديبِ التَّرَقُّبِ والتَّوَقُّعِ
حينَ يَغدو كلُّ شيءٍ
مُحتَمَلْ
أنتِ القصيدةُ
حينَ تَغتسلُ القصيدةُ
بالرحيلِ وبالدموعِ
وبالأمَلْ
أنتِ المدائنُ
حينَ تَنفُضُ حُزنَها
وتَذوبُ مِنْ فَرْطِ الخَجَلْ
أنتِ السنينُ
وقد أُضيفَتْ فَوقَ عُمري
صارَ لي ألفا أجَلْ
إنْ مِتُّ في عينيكِ مِيتَةَ عاشِقٍ
فَلسوفَ أٌبْعَثُ
حينَ أحتَضِنُ المُقَلْ
لا تَحزَني
لا تَرهبي ما في الوُجودِ
حَبيبَتي
فالحُبُّ فينا لا يَزالُ ولَم نَزَلْ
وإذا أرَدْتِ لِمرَّةٍ
أنْ تَقتُليني
أرجوكِ لا تَتمهَّلي
حتى أموتَ
على عَجَلْ

الرجال يريد أهتمام ، والبنية هم تريد أهتمام ،
بس كل واحد اهتمامه غير شكل
المشكلة مو بالاهتمام ، المشكلة بالـ “توقيت”
مرات تهتم صح ، بس يبين غلط لأن جاي بالوقت الخطأ
رجال راجع من الشغل طايح من التعب ،
تجي مرته تسأله وين جنت؟ ليش ما سائل؟ وليش غايب؟
هي تعتبره اهتمام طبيعي ،
بس هو يشوفه ضغط لأن محتاج يرتاح أول
وهنا تبدي المشاكل
التوقيت أهم من الاهتمام نفسه
لأن الاهتمام إذا إجا بوقته ، يسوي راحة
وإذا إجا بوقت غلط ، يبين ضغط ..
♥️

ضال ببالي شكلها ومستحاها ولونها
وحتى لو متحبني هي !
أني أحب عيونها
هي هاي الگدرت تعديني مرحلة الصراع
هاي أول وحدة عقلي وگلبي يختارونها
♥️

‏⁨ ⁨ هواي مرات أحنه البشر نكون أغبياء بتصرفاتنة مع أشخاص يحبونه مهما كان مسماهم بحياتنة أب أم أخ أخت صديق حبيبة زوجة ، ولكن بعدها نخسرهم بسبب غبائنة وبسبب أنو أحنة متأكدين همة راح يبقون موجودين حتى لو دسنة عليهم وع مشاعرهم ولكن هذه أكبر غلطة ممكن ترتكبها بحياتك لأن اكو أنسان من تخسره مستحيل يتعوض .⁩⁩.

شُلت يدٌ غدرت بليثِ الغابةِ .. وأذلتِ الإسلامَ بعدَ صلابةِ
يا ضربةً هدمت صروحَ هدايةٍ .. وأبكتِ الأملاكُ فوقَ سحابةِ
فبأمانِ اللهِ يا من فُجعتْ بهِ .. شمسُ الضحى ونجومُ كلِ جنابةِ