LOYIHALASH ASOSLARI

Respublika ixtisoslashtirilgan san’at maktab-internati 6-sinf arxitektura yo‘nalishi o‘quvchilarining 72 soatlik yozgi amaliyot darslari muvaffaqiyatli yakunlandi.
Amaliyot davomida o‘quvchilar sodda uy loyihalarini mustaqil ravishda ishlab chiqib, me’moriy chizmalarini tayyorladilar hamda loyihalar asosida maketlar yasadilar. Ushbu jarayon orqali ular loyihalash, kompozitsiya, maket tayyorlash va ijodiy fikrlash ko‘nikmalarini yanada mustahkamladilar.
Yakuniy ko‘rgazmada o‘quvchilar tomonidan yaratilgan loyihalar namoyish etildi. Amaliyot davomida faol ishtirok etgan barcha o‘quvchilarni tabriklaymiz va kelgusidagi ijodiy ishlarida ularga ulkan muvaffaqiyatlar tilaymiz!
#Arxitektura
#YozgiAmaliyot
#RISMI
#Maket
#LoyihalashAsoslari
#YoshMemorlar
@la_qmq

🏨
AQSHning eng mashhur va tarixiy mehmonxonalaridan biri – Waldorf Astoria
Muhtasham mehmonxona Art Deco uslubidagi betakror arxitekturasi bilan dunyoga mashhur. O‘tgan asr davomida bu yerda AQSH prezidentlari, qirollik a’zolari, taniqli san’atkorlar va jahon yulduzlari mehmon bo‘lgan.
Bugungi kunda Waldorf Astoria nafaqat hashamatli mehmonxona, shaharning me’moriy merosi va tarixining ajralmas qismi hisoblanadi. Uning qayta tiklanishi tarixiy arxitekturani asrab-avaylash va zamonaviy qulayliklar bilan uyg‘unlashtirishning yorqin namunasi bo‘ldi.
#AQSH
#WaldorfAstoria
#Arxitektura
#Mehmonxona
#ArtDeco
#LoyihalashAsoslari
@la_qmq

Navbatdagi video malumotlar Washingtondagi diqqatga sazovor binolarning fasad qismiga ishlatilgan qurilish maxsulotlari haqida.

AQSHdagi navbatdagi video reportajimiz Amerikaning uchinchi prezidenti va Mustaqillik Deklaratsiyasining asosiy muallifi bo‘lgan
Thomas Jefferson
sharafiga bunyod etilgan mashhur
Thomas Jefferson Memorial
haqida.
Ushbu muhtasham memorial Vashington shahridagi Tidal Basin sohilida joylashgan bo‘lib, 1943-yilda Jefferson tavalludining 200 yilligi munosabati bilan ochilgan. Inshoot qadimgi Rimdagi Pantheon uslubidan ilhomlanib qurilgan bo‘lib, oq marmardan ishlangan nafis ustunlari va markazidagi ulkan haykali bilan millionlab sayyohlarni o‘ziga jalb etadi. Memorial ichki qismida Jeffersonning erkinlik, demokratiya va inson huquqlari haqidagi mashhur fikrlari bitilgan.
Ushbu video orqali siz nafaqat AQSH tarixining muhim sahifalari, balki klassik me’morchilikning yorqin namunalaridan biri bilan ham yaqindan tanishasiz. Arxitektura va tarix ixlosmandlari uchun qiziqarli lavhani tomosha qilishni tavsiya etamiz!
🇺🇸
🏛️
@la_qmq

🇺🇸
AQSHdan navbatdagi video reportaj!
Bu safar sizlarni Vashington shahridagi AQSH Milliy Arxiv binosi bilan tanishtiramiz. Mazkur tarixiy inshootda Amerika tarixining eng muhim hujjatlari — Mustaqillik Deklaratsiyasi, Konstitutsiya va Huquqlar to‘g‘risidagi Billning asl nusxalari saqlanadi. Bino nafaqat tarixiy ahamiyati, balki o‘zining klassik me’moriy uslubi va mahobatli ko‘rinishi bilan ham e’tiborni tortadi.
Arxitektura va tarix uyg‘unlashgan ushbu maskan haqida videoda batafsil ma’lumot beramiz.
📹
“Loyihalash asoslari” kanali bilan dunyo me’morchiligini birgalikda kashf etamiz!
@la_qmq