تائِه
فاقدٍ صوته وضحكه ومزحه والكلام
وفاقدٍ أوقات عمرٍ معه قضيتها
والله إن فرقاه ماهي علي برد وسلام
والله إني ما اعلم كيف أنا عدّيتها
ليته مسافر قريب ويرجع لي
كانت الدنيا جميله ولا ذميتها
غير وادعني وداع النهايه والختام
وعند قبره تربته في يدي ضميتها
إنك نُدبة في صدري تجعلني في كل مرّه أوشك ان أطمئن لأحدهم
أتذكرك —— ويأكلني الفزع
😢
حقيقةً ما زلتُ أستوحش مرور أيامي بدونك وتزداد هذه الوحشة في صدري
كلما استجدّ في حياتي أمرُ جديد أوزار الفرح دارنا يعز علي حين أدير عيني أفتش عنك فلا أراك ولطالما شعرتُ بعدم كمالية الأشياء إلا بحضورك كنّي أفوّض أمرك إلى اللّٰه وأستودعك عنده فهو أحن عليك مني وأعلم بمكانك في قلبي
“يقولون الوقت كفيل ينسّيك وفاة من تحب…”
بس ما قالوا إن الوقت ما يلمّ الفراغ اللي يتركه
ولا يطفّي الصوت اللي يظل يتردّد في ذاكرتك
ولا يرجّع لك الروح اللي راحت معاه
أنا للحين لما أحد يقول
“الله يرحمه”
أحس الدنيا توقف لحظة
أحس الكلمة ثقيله
كأنها تضغط صدري وتذكّرني إن اسمه صار يُقال بعد دعاء
مو بعد ضحكه ولا حضور
أنا للحين
مو مستوعبة موته
مو مستوعبة إن الحياة مشت
وإن الناس رجعت تكمل أيامها
وكأن ما كان فيه أحد فقدناه في منتصف الطريق
أنا للحين أحس إنه بيرجع
إنه بينادي
إنه موجود في زاوية ما من العالم
بس إحنا ما شفناه
وأخاف أجاوب على سؤال:
“كيف تتعاملين مع غيابه؟”
لأني إلى الآن ما تعاملت
أنا بس
ساكته
أخاف إن قلت الحقيقه
يطير آخر شيء ماسكني واقفة
الفقد مو رحيل جسد وبس
الفقد إن جزء من روحك
توقف مكانه وصار ما يكبر مع الوقت
لكن
اللي يهدّي قلبي إني أعرف إن الله
اختاره
مو لأن الدنيا ضاقت عليه
لكن لأن
الجنّة صارت أوسع له من هالحياة
وأنا، مهما طال وجعي
بدعي ربّي يخلّيني ألتقيه يوم
يوم ما يكون فيه فقد ولا وداع ولا حزن، ولا كلمة
“الله يرحمه”
.
" حرارة فقدك أقسى ما تجيبه الأيام
وأنا للحين من حر المفارق ترجف عظامي "
ما بكيتُ لفقدِ الميّت إنّما بكيتُ لبقائي بعده أبكي حالي في دنيا فانية إذ صار غيابه غربةً لي في الحياة وصار بقائي دونه أثقل من الفقد نفسه
" ليتك معلِّمني قبل يوم الوداع
ودِّي أضمَّك لين ما يكل جهدي
ودِّي بك أروي شوف عينين جياع
تلهَّفت شوفك وزولك يا بعدي
أغليك والدنيا بعدك بْلا متاع
صار التعب يسكن بروحي وجسدي
شاملك بالدعوات في عزّ الضياع
وبوصي على قبرك اليا متّ ولدي"
_فَهَدْ السعد
أشكريني يوم أحنّك من كبار الذنوب
و إعذريني يوم أزيدك مع العنوه عنا
ما قدر يكسب محبتك يالظبي اللعوب
غير أنا .. وأعوذ بالله من كلمة أنا
احياناً يكون أكبر انجازات الانسان
إنه صبور مهما كانت صعوبة الامر
- وفي روايه اخرى:
"كني على أيدين الصبر مولود
مهما حصل لي ما علي خلاف".