Mahbubiy Adabiyot
Sendan kelar jabru jafo, men ohu voh etmagayman.
Tushdim shu ishqning o'tiga, yonib sira bitmagayman.
Men yururman yona-yona, jigar-bag'rim to'ldi qona,
Ishqingda bo'ldim devona, bir dam rohat yotmagayman.
Sening ishqing dengiziga tushib, endi g'arq bo'layin,
Bir kimsa yo'q qo'lim olsa, cho'kib nechuk botmagayman.
Sakkiz jannatning hurisi kelar bo'lsa bir oraga,
Hargiz ularning safiga, seni sira qo'shmagayman.
Yunus Emro sen bu so'zing yuz ming bora ayt, oz erur,
Eshitganlar oshiq bo'lur, bas ne uchun uzatmagayman.
Yunus Emro
@Mahbubiy_adabiyot
Солиҳ салафларимиз хулқларидан бири — мусулмоннинг ҳурматини улуғлаш ва уларга яхшилик соғиниш эди.
Абу Бакр розияллоҳу анҳу айтардилар: «Мусулмонлардан бири бошқасини камситмасин. Чунки уларнинг кичиги Аллоҳнинг ҳузурида каттаси бўлиши мумкин».
Абдуллоҳ ибн Аббос розияллоҳу анҳу: «Яхшиликларнинг афзали суҳбатдошни ҳурмат қилишдир», дедилар-да, Каъбага қарадилар ва: «Аллоҳ таоло сени ҳурматлади, шарафлади ва улуғлади, лекин мўмин Аллоҳ таолонинг наздида сендан кўра улуғроқдир», — дедилар.
Ҳотам Асомга: «Мусулмон ўғрининг қўли беш дирҳам (кумуш танга) учун кесилади, ваҳоланки, унинг хуни беш юз динор (тилла танга) туради. Нега шунақа?» — дейишди. У киши: «Ҳаё пардасини йиртгани, жавр қилгани ва ҳурматни тарк этгани учун», — дея жавоб қилдилар.
«Уни поклаган нажот топур» китобидан
СУРХОН
Қуёш боқар, ҳаёт қайнайди,
Ҳар кулбаси кўркам, саройли.
Тоғларида баҳор ўйнайди,
Сурхондарё жуда чиройли!
Вижирлайди тоза ирмоқлар,
Булоқлар ҳам гўзал ўйноқлар.
Ҳилпирайди момоқаймоқлар:
Сурхондарё жуда чиройли!
Оппоқ бўлиб, бўлиб хушният,
Бодом гуллар жилвакор ғоят.
Сиз кечиринг, ўн бир вилоят,
Сурхондарё жуда чиройли!
Яқин жуда бу ерга осмон,
Булут бўлиб сузади иймон.
Одамлари билмайди ёлғон,
Сурхондарё шунга чиройли!
📃
Хайрулла Ҳамидов
🎥
@nurmuhammadshoir
📌
Mahmud Usmon USTOZ shunaqa zoʻr tavsiyalar berdiki, sizlarga ham manfaatli boʻladi degan umidda yozib olgan ayrim nuktalarni aytib oʻtsam.
1. Ilmni tartib bilan o‘rganing. Ko‘p ma’lumot yig‘ishning o‘zi yetarli emas. Nimani, qaysi ketma-ketlikda o‘qishni bilish muhim. Bunda Ustoz yoki tajribali insonlardan maslahat olish kerak.
2. O‘rgangan ilmingizni amalda qo‘llang. Bilimni keyinga qoldirmasdan, imkon topishingiz bilan hayotingizda tatbiq qilishga harakat qiling.
3. Kitob o‘qiyotganda qaydlar qilib boring. Sizga ta’sir qilgan va foydali bo‘lgan fikrlarni yozib qo‘ying. Keyinchalik butun kitobni emas, aynan kerakli joylarni qayta ko‘rib chiqishingiz mumkin.
4. Ilm olishda niyatni to‘g‘rilang. Ilm olishdan maqsad — jaholatni o‘zimizdan va atrofimizdagilardan ko‘tarish bo‘lishi kerak.
5. Internetdagi tarqoq ma’lumotlarga berilib ketmang. Ayniqsa diniy ilmda noma’lum insonlar, ijtimoiy tarmoqlar va bahs-munozaralardan ko‘ra, ilmni tartibli ravishda Ustozlardan olish muhim.
6. Bahslashishdan ko‘ra ilm olishga vaqt ajrating. Internetdagi tortishuvlar odamga ko‘p narsa bilgandek taassurot berishi mumkin, ammo haqiqiy ilm uchun izchil o‘qish va mehnat kerak.
7. Ilmni kimdan olayotganingizga e’tibor bering. Ayniqsa diniy ilmda manbani va ilm egasini tekshirish juda muhim.
Ko‘p ma’lumot yig‘ish emas, to‘g‘ri ilmni tanlash, tartib bilan o‘rganish, olgan ilmga amal qilish va uni ishonchli manbadan olish - eng muhimidir.
@AHTAM_qizi
#ШЕЪРИЯТ
ҚУДДУС
Эй самовий динларнинг дунёдаги бешиги,
Эй меърожга очилган самоларнинг эшиги!
Айни Масжидул Ақсо, айни тавҳид қуббаси,
Саҳобаи киромнинг намозда илк қибласи.
Эй жавҳари муборак улуғ Масжидул Ақсо,
Ор қиларди инсонлик сенга ибратла боқса.
Сен бошингдан ўтказдинг неча қонли жангларни,
Ҳатто йиғлатар эди у ваҳшат ҳарсангларни.
Бугун яна саҳнада Пайғамбар қотиллари,
Гўдакларни ўлдирган жиноятнинг тиллари.
Бугун яна Ғазода оналар қон йиғлаган,
Бу очиқ қатлиомдан бутун дунё кўз юмган.
Бугун чўққига чиқди зулмнинг зиёдаси,
Яна тахтада шулар, сионист пиёдаси.
Сен набийлардан Юсуф, Аллоҳнинг эркалари,
Сенга зулм қилганлар Юсуфнинг акалари.
Яна от солган мудом, салбчининг асллари,
Маданият ниқобли золимнинг насллари.
Эй бир ярим милярдлик дунё мусулмонлари,
Юз қизартирмадими шунча мазлум қонлари?!
Золимга қарши туриб, тупурсак ҳам етарди,
Салоҳиддин ҳолимиз кўрса алам ютарди?!
Эй нефтнинг қироллари, сарой хонадонлари,
Шу қадар ҳам арзонми Қудуснинг қурбонлари?!
Ким сочди устингизга ўликлар тупроғини,
Ё узиб қўйдингизми Қудусла дин боғини?!
Хаттоб ўғли Умарим адолатни севарди,
Сизни бу ҳолда кўрса саройларга кўмарди.
Эй маҳшарга ишонган дунё мусулмонлари,
Кўзингни оч, тик тургин, эй иймон ўғлонлари!
Ваҳий учун танлаган Роббанонинг халқимиз,
Наҳот Қиёмат қадар давом этар уйқумиз?!
Уммат уммат бўлолса, бир сафда тик туролса,
Ҳеч ғариб бўлармиди, ўктам Масжидул Ақсо?!
Эй самовий динларнинг дунёдаги бешиги,
Нима десалар десин, сенсан нажот эшиги!
©
Чингиз Нўъмон ўғли
©
Маҳбубий
©️
Аброр Мухтор Алий
📨
Постни яқинларингизга ҳам улашинг!
Расмий канал
👇
📱
@AbrorMuxtorAliy
🌾
УСТОЗ МУҲИМ
Саломатлик ҳақида ёзилган китобларни ўқиётганда эҳтиёт бўлинг! Чунки сиз нашриётнинг биргина хатоси билан ўлиб кетишингиз мумкин.
Марк Твен
Худди шунингдек, динни ўрганишда ҳам китобнинг ўзи билан чекланмасдан, уни устозлардан ўрганиш лозим бўлади.
Агар устозликка китобнинг ўзи кифоя қилганида эди, Аллоҳ таоло минглаб пайғамбарларни муаллим қилиб юбормаган бўларди.
✈️
Telegram
📷
Instagram
Bir faqir kishi donishmanddan so'radi:
“Nima uchun boylar hamma narsaga ega-yu, bizda hech narsa yo'q?”
Donishmand jilmayib, shunday javob berdi:
“Ularda to'shak boʻlsa, senda uyqu bor. Ularda taom boʻlsa, senda ishtaha bor. Ularda shifokorlar boʻlsa, senda sog'lik bor!”
#shukr
#kambagal
#ТАФАККУР
🧠
Тасаввур қилинг, сиз бирор жойда пиёда кетаяпсиз ва тўсатдан шундай ёзувли тахтага дуч келдингиз:
«Олдинга ҳаракатланиш тақиқланади — мина майдони»
🫀
Бу ерда сиз ўша тахтани ўрнатиб қўйган одамга ташаккур айтасиз. Унинг эркинлигингизни чеклагани ҳақида ўйламайсиз, аксинча, бу хавфсизлигингиз кафолати эканини тушунасиз.
❤️
Аллоҳнинг чегаралари ва ҳаром қилган нарсалари ҳам худди шундай. Улар сизнинг эркинлигингизни чекламайди, балки хавфсизлигингизни таъминлайди.
📰
Аллоҳ таоло айтади:
«Ким Аллоҳнинг чегараларидан чиқса, ҳақиқатан, ўзига ўзи зулм қилибди”
Талоқ сураси, 1-оят
✈️
𝐇𝐢𝐤𝐦𝐚𝐭 𝐃𝐚𝐟𝐭𝐚𝐫𝐢
«Инсон ўз қўли билан меҳнат қилиб топган таомидан кўра яхшироқ таом емаган». Имом Бухорий ривояти
Ҳалол меҳнат нафақат ризқ, балки икки дунё саодати ва хотиржамлигидир.
@Mahbubiy_Adabiyot
#Ҳикмат
Дўст деб аччиқ гапирганга эмас, аччиқни ширин гапирганга айтилади.
Мавлоно Румий
@Mahbubiy_adabiyot