Ma'rufjon Blogi
Gomerning ikkala dostoni bo‘yicha juda ko‘p ekranizatsiyalar qilingan. Hamma har xil rakursdan boqadi. Kristofer Nolan ham shu ishga qo‘l urdi. O‘ziga xos tarzda. “Odissey” filmiga tushdik. Aytish joiz, kino dinamikasi juda zo‘r. Qariyb 3 soat davomida birorta joyida zerikib qolmaysiz. Boshqa kinoadaptatsiyalardan farqli o‘laroq, Nolan Odisseyning ichki dunyosiga ko‘proq e’tibor bergan (o‘zi oxirgi yillarda qahramonlarning ruhiyatiga qarash ancha ommalashdi). Odissey Troya jangida ko‘p narsani anglaganini, mas’uliyat o‘zidaligi, aybdorligini anglab yetadi. Kinoga bunday yondashish, umuman syujetni olib borilishi menga yoqdi.
Bolaligimda meni qo‘rquvga solgan Siklop va qo‘ylar sahnasi ham yaxshi olinibdi. Siklopni ekranda kamroq ko‘rsatgani, uning vajohatini yanada oshirgan. Qo‘rquvga solib turadi. Eslaysizmi, 2005-yildagi “Kingkong”ni 1 soat davomida ko‘rsatmay, u haqidagi dahshatlar bilan tomoshabinni ushlab turishgan. Ana shunaqa kadrda personaj kam ko‘rsatilib, yoki umuman ko‘rsatilmay dahshati bilan ushlab turilishi yoqadi.
Ha aytgancha, internetda shov-shuv bo‘lgan Axilles, Yelena mavzulari ortiqcha haypdan boshqa narsa emas. Aktyor Elliot Peyj Axillesni emas, Sinon rolini ijro etgan. Sohibjamol Yelena ham atigi 2-3 daqiqa kadrda ko‘rinadi va fokus umuman ularga qaratilmagan. Bilmadim, bu shov-shuvlar nega kerak edi?!
Umuman olganda, Nolanning bu filmini 1 yildan oshiq vaqt davomida kutgandik va bu kutuvlar o‘zini oqladi.
@marufjonblogi
Bir qarasangiz kulgili ko‘rinar, lekin juda og‘riqli video. Hozirgi kundagi anchagina muammolarga in’iko bo‘lib beribdi shu lavha.
@marufjonblogi
https://youtu.be/irVNGjRFZGk?si=FM5_vgoW2s5BVuQV
Ash eksperimenti haqida avval ham yozgandim. Shunga oid video qildim
https://www.youtube.com/watch?v=efevqJnHlOI
Barsachilar intiq kutgan, lekin tarixdagi eng zerikarli final bo‘ldi.
Torres uchun xursand bo‘ldim. Heytlarga javob berdi!
Endi Ispaniyada ikkita yulduzcha bo’ladi.
Ba’zida og‘ir ilmiy kitoblardan, zalvorli klassik adabiyotlardan sal chalg‘ish maqsadida yengilroq kitoblar ham o‘qib turish lozim. Hozir o‘qiyotgan kitobim ham shunaqa yengil adabiyot ekan. Bunday uslubdagi kitobni avval ham
o‘qigandim.
Shon Baytellning “Kitob sotuvchisining kundaligi” kitobi ham yoqqandi. Bu ham yoqyapti.
@marufjonblogi
Shu orada “Betmen 2” filmining tizeri e’lon qilindi. Pattinson, nazarimda, Betmenni ijro etgan aktyorlar ichida eng mosi bo‘ldi. Bu filmning uchinchi qismi ham chiqish ehtimolini hisobga olsak, Jeyms Gann o‘z olamiga hali-beri Betmenni olib kirolmaydi. DC chalkash yo‘llarda qolib ketdi.
@marufjonblogi
“Odissey” filmiga kinotanqidchilar yuqori baho qo‘ydi. Bizda keyingi haftada premyera. Ungacha kutish kerak
@marufjonblogi
“Gollumga ov” filmining suratga olish ishlari boshlangan. Endi Serkis bir vaqtning o‘zida rejissyor va bosh qahramon rolida. Xo‘sh, u o‘z ishini qanday uddalayapti?
@marufjonblogi