Ma'rufjon Blogi
Kutilgan kun! “O‘zlik” saboqlarini birga boshlaymiz! Biz siz bilan yangi bir yo‘l boshidamiz. Va bu yo‘lchilik ildizlarimiz tomon bo‘ladi. Sizni bugun – 12-iyun soat 19:00 da "Renessans" kino uyida o‘tkaziladigan “O‘zlik” loyihasi taqdimoti va birinchi jonli…
Kutilgan kun! “O‘zlik” saboqlarini birga boshlaymiz!
Biz siz bilan yangi bir yo‘l boshidamiz. Va bu yo‘lchilik ildizlarimiz tomon bo‘ladi. Sizni bugun –
12-iyun soat 19:00 da
"Renessans" kino uyida o‘tkaziladigan
“O‘zlik”
loyihasi taqdimoti va birinchi jonli munozaramizga chorlaymiz!
Ilk darsimizda taniqli etnograf, tarixchi olim, filologiya fanlari bo‘yicha falsafa doktori
Eldor Asanov
bilan moziyga safar qilamiz. Mavzu:
O‘tmish va bugunni anglash – Tarix nega kerak?
Agar sizda tarix qanday o‘rgatilishiga qiziqish yoki savollar, fikr-munosabatlar bo‘lsa, keling, birgalikda muhokama qilamiz.
Kirish erkin.
Telegram
|
Instagram
|
Facebook
|
X
|
YouTube
Biz uchun tarixiy bo‘ladigan mundialning ilk o‘yini bo‘lib o‘tdi. Meksika va JAR uchrashuvida mezbonlar 2:0 hisobida g‘alaba qozondi.
O‘yin davomida 3 ta qizil kartochka ko‘rsatildi.
Baribir yorqin vaziyat Raul Ximenesning gol urgani bo‘ldi. Bir necha yil avval boshidan jiddiy jarohat olib, hattoki bir o‘limdan qolgan bu futbolchi uchun hamma xursand bo’ldi.
Xullas, mundial boshlandi. Endi sekin-sekin imkonimiz borlarini ko‘raveramiz.
@marufjonblogi
Futbolni ko‘rmoqchilar bormi?
Og‘ir artilleriya o‘z yurishini qilmayotgani uchun shunaqa bo‘lyapti, asli
https://www.instagram.com/reel/DY4h9PzsZ4a/?igsh=b2pjOW4xeWJjcG1v
Ba’zi filmlar bo‘ladi, ko‘rayotganingizda ichingizga nimadir tiqilib turgandek bo‘ladi. Voqealar rivojlangani sari bu narsa ham kattarib, oxiri nafas ololmaydigan darajaga yetasiz.
“Qo‘rg‘oshin”
filmida ham shunday bo‘ldi. Zulfiqor Musoqovning o‘z uslubi bor. Shu uslubdagi navbatdagi filmni ko‘ryapman deb tomosha qilib turgan joyimda, voqealar shu darajaga chiqdiki, ulkan bir falsafa ko‘ringandek bo‘ldi.
Film voqealari 1952 va 53-yillarni o‘z ichiga oladi. Inson qanchalik kuchli tizimda ishlamasin, ichki ovozini o‘chira olmasligini, ba’zida yaqinlariga ham ozor berib qo‘yishiga to‘g‘ri kelganda, o‘sha ovoz uni tinch qo‘ymasligini ko‘rsatib bergan. Stalin davridagi bosim va qatag‘on insonlarni bir-biridan shubhalanadigan darajaga olib borib qo‘ygan. U davrda begunoh odamlar ham bekordan bekorga azob chekadi.
Ha, tarixni hech qachon unutmaslik kerak. Unga ko‘p-ko‘p murojaat qilaverish kerak. Zero, shunda xulosalarimiz ham ulkan bo‘ladi.
Film YouTube platformasida bor. Ko‘raman deganlar uchun:
https://www.youtube.com/watch?v=pN25miPYJe4
@marufjonblogi
Keling, kinolashamiz. Mana shu filmni ko'rganmisiz? O'z davrining eng shov-shuvli filmlaridan. Rejissor ham Stiven Spilberg.
Unda juda ko'p ma'no-mazmun bor. Ammo onaga bo'lgan mehr-muhabbat kengroq ochilgan deb o'ylayman.
Film haqidagi taassurotlaringizni bo'lishing. Agar buni ko'rmagan bo'sangiz, oxirgi ko'rgan kinolaringiz va ulardan chiqargan xulosalaringizni yozib qoldiring. Qiziq menga
@marufjonblogi
📚
Chegirmalar boshlandi!
Kitobsevarlar uchun ajoyib imkoniyat — do‘konimizdagi barcha kitoblar
5% dan 25% gacha
chegirmada!
😍
📅
Aksiya muddati: 20-maydan 24-maygacha
📖
Badiiy adabiyot, bolalar kitoblari, psixologiya, biznes, diniy va boshqa ko‘plab yo‘nalishdagi kitoblar chegirmada.
💰
Narxlar atigi 15 000 so‘mdan boshlanadi.
⏳
Aksiya faqat 5 kun davom etadi!
Shoshiling, o‘zingiz istagan kitoblarni qulay narxda xarid qilib qoling!
Sizni do‘konimizda kutamiz!
📌
Manzil:
Chilonzor G9A, 21-uy. Moʻljal: Jahon tillar universitetidan 200m yuqorida
Instagram
®
Telegram
Yaqinda
Mortal Kombatning
2-qismini tomosha qildim. Bolaligimning bir qismi bo‘lgan bu franshizaga oid har qanday film yo videoo‘yin meni qiziqtiradi. Bu safar ijodkorlar birinchi qism muvaffaqiyatsizligidan yaxshigina xulosa chiqarishgan. Bu filmdan qanaqadir falsafa izlab o‘tirishni ham hojati yo‘q, shunchaki jang sahnalariga boy bo‘lgan ajoyib film ishlashgan.
Xabarlarga ko‘ra, uchinchi qism ssenariysining ikki xil versiyasi allaqachon tayyor bo‘lgan. Lekin hali Warner Bros. keyingi qismga yashil chiroqni yoqqani yo‘q. Ijodkorlar franshizaning keyingi qismini yanada kuchliroq qilish haqida o‘ylamoqda.
Mortal Kombat olamiga oid yangi film allaqachon birinchi haftada 65 million dollar yig‘ishga erishgan. Film budjeti esa 80 million dollarni tashkil etadi.
@marufjonblogi
Kitobxonlar ligasi haqida bilsangiz kerak. Liga allaqachon 2 yillik tug‘ilgan kunini nishonlashga tayyor ekan. Kanaldagilarni alohida taklif qildi. 17-may, yakshanba kuni Asaxiyning Tashkent City’dagi filialida bo‘lib o‘tar ekan.
@marufjonblogi