MARXAMAT24 | TEZKOR XABARLARI

HAJ SAFARINI ADO ETIB QAYTGAN MARHAMATLIK HOJILAR MUNOSIB KUTIB OLINDI
Muborak Haj mavsumi yakunlanib, dunyoning turli mamlakatlaridan kelgan musulmonlar qatori yurtdoshlarimiz ham ulug‘ ibodatni ado etib, Vatanimizga qaytmoqdalar. Quvonarlisi, bu yil Marhamat tumanidan Haj safariga borgan 76 nafar hoji ota va hoji onalar ham sog‘-salomat yurtimizga qaytib keldilar.
Muqaddas ziyoratdan qaytgan hojilarni Marhamat tumani hokimi Ilyosbek Umrzaqov boshchiligidagi mas’ullar, nuroniylar hamda ularning oila a’zolari samimiy mehru ehtirom bilan kutib oldilar. Uchrashuv jarayonida hojilarning yuz-ko‘zlarida muborak safardan olgan ruhiy zavq, qalblarida esa shukronalik va xotirjamlik tuyg‘ulari yaqqol namoyon bo‘ldi.
Muqaddas Ka’ba atrofida tavof qilib, Arafot va Muzdalifa maskanlarida ibodatlarni ado etgan hoji ota-onalar Yaratganga shukronalar aytib, Yangi O‘zbekistonning ravnaqi, xalqimizning farovonligi, yurtimiz tinchligi va osmonimiz musaffoligi uchun duolar qildilar.
Hojilar o‘z taassurotlarida Haj safarining inson qalbini poklaydigan, ma’naviyatini yuksaltiradigan va ezgu amallarga undaydigan ulug‘ maktab ekanligini alohida ta’kidladilar.
Shuningdek, muqaddas ziyoratni munosib tashkil etish, hojilarga yaratilgan qulay shart-sharoitlar uchun davlatimiz rahbariyatiga minnatdorlik bildirdilar
👉
Марҳамат хабарларига аъзо бўлинг
👉
https://t.me/+EGZC_04LqatjOGQ6

⚡️
Пластик операция қимматга тушди
😳
Хитойлик аёл юзини операция қилдирганидан сўнг 6 йилдан бери кўзини юма олмаяпти.
👉
Марҳамат хабарларига аъзо бўлинг
👉
https://t.me/+EGZC_04Lqatj
OGQ6

Marhamat tumanida kunduzgi yozgi sogʻlomlashtirish oromgohlari faoliyati boshlandi
Marhamat tumanidagi 4-, 6-, 14-, 29- va 42-sonli umumtaʼlim maktablarida yozgi taʼtil davrida oʻquvchilarning boʻsh vaqtini mazmunli tashkil etish, ularning salomatligini mustahkamlash hamda qiziqish va isteʼdodlarini rivojlantirish maqsadida kunduzgi yozgi sogʻlomlashtirish oromgohlari oʻz faoliyatini boshladi.
Mazkur oromgohlarda bolalar uchun turli madaniy-maʼrifiy, sport-sogʻlomlashtirish va ijodiy tadbirlar tashkil etilishi rejalashtirilgan. Oromgoh dasturidan qiziqarli tanlovlar, sport musobaqalari, intellektual oʻyinlar, kitobxonlik soatlari, mahorat darslari hamda ekskursiyalar oʻrin olgan.
Shuningdek, oʻquvchilarning jismoniy va maʼnaviy kamolotiga xizmat qiluvchi tadbirlar orqali ularning bilim va dunyoqarashini yanada kengaytirish, vatanparvarlik tuygʻularini mustahkamlash hamda sogʻlom turmush tarzini targʻib etishga alohida eʼtibor qaratilmoqda.
👉
Марҳамат хабарларига аъзо бўлинг
👉
https://t.me/+EGZC_04LqatjOGQ6

“Besh tashabbus olimpiadasi" doirasida musobaqalar davom etmoqda.
Marhamat tumanida “Besh tashabbus olimpiadasi'' doirasida sportning yengil atletika turi bòyicha 16-21, 22-26 va 27-30 yosh toifasida erkaklar va ayollar oʻrtasida ''sektor bosqichi'' musobaqalari boʻlib o'tdi.
Ishtirokchilar quyidagi yo'nalishlarda qatnashadilar:
🏆
Erkaklar o‘rtasida:
• 100 metrga yugurish
• 200 metrga yugurish
• 400 metrga yugurish
• Uzunlikka sakrash
🏆
Qizlar o‘rtasida:
• 60 metrga yugurish
• 100 metrga yugurish
• 200 metrga yugurish
• Uzunlikka sakrash
Musobaqada ishtirokchilar o'zining chaqqonligi, tezkorligi va sport mahoratini namoyon etdilar. Bellashuvlar do‘stona va ko‘tarinki ruhda o‘tdi.
Mazkur sport musobaqasi yoshlarni jismoniy faollikka jalb etish, sog‘lom raqobat muhitini shakllantirish hamda sportni ommalashtirishga xizmat qildi.
Ushbu musobaqalarda gʻolib boʻlgan ishtirokchilar keyingi bosqichiga yoʻllanmani qoʻlga kiritmoqda.
👉
Марҳамат хабарларига аъзо бўлинг
👉
https://t.me/+EGZC_04Lqat
jOGQ6

❗️
1995-йилдаги ва 2026-йилдаги болалар
👉
Марҳамат хабарларига аъзо бўлинг
👉
https://t.me/+EGZC_04LqatjOGQ6

Marhamat tumanida "Besh tashabbus olimpiadasi" doirasida "Stol tennis" musobaqasining mahalla bosqichlari davom etmoqda.
Musobaqalar yakkalik tarzda 16-21, 22-26, 27-30 yoshli ayollar hamda erkaklar oʻrtasida barcha mahallalarda o‘tkazilmoqda. Ana shunday musobaqalar "Birlik" mahallasida ham tashkil etildi.
Musobaqa davomida sportga bo‘lgan qiziqish, jamoaviy hamjihatlik va haqiqiy sport ruhi yaqqol namoyon bo‘ldi.
G‘olib boʻlgan ishtirokchilar musobaqaning sektor bosqichiga yo‘llanmani qo‘lga kiritdilar.
👉
Марҳамат хабарларига аъзо бўлинг
👉
https://t.me/+EGZC_04LqatjOGQ6

🏓
MARHAMATLIK YOSH STOL TENNISCHILAR OʻZBEKISTON CHEMPIONATI SHOHSUPASIDA!
1-6-iyun kunlari Toshkent shahrida boʻlib oʻtgan Sportning Stol tennisi turi bo‘yicha U-11 yosh toifasidagi O‘zbekiston chempionatida Andijon viloyati terma jamoasi safida ishtirok etgan 5 nafar Marhamat tumani sport maktabi sportchi oʻquvchilari shohsupaga koʻtarildi.
Musobaqaning yakuniy natijalariga koʻra:
🥉
-o‘rin — O‘g‘il bolalar jamoaviy bahslari
Shokirjonov Roʻzimuhammad, Sodiqjonov Azizbek, Akbarjonov Firdavs
🥉
-o‘rin — Aralash jamoaviy bahslari
Bohodirjonov Iskandar, Onarboyeva Dilnozaxon
Marhamatlik yosh stol tennischilarni tarbiyalab kelayotgan murabbiylari Azimova Sabohat va Arabboyeva Ravshanoylarni erishgan yutuqlari bilan tabriklaymiz  kelgusida boʻlib oʻtadigon nufuzli musobaqalarda ulkan zafarlar tilaymiz.
👉
Марҳамат хабарларига аъзо бўлинг
👉
https://t.me/+EGZC_04Lqa
tjOGQ6

#LIVE
🌾
𝑮‘𝒂𝒍𝒍𝒂 𝒐‘𝒓𝒊𝒎𝒊 𝒐𝒍𝒅𝒊𝒅𝒂𝒏 𝒆𝒉𝒔𝒐𝒏 𝒕𝒂𝒅𝒃𝒊𝒓𝒊 𝒐‘𝒕𝒌𝒂𝒛𝒊𝒍𝒅𝒊
Bugun Marhamat tumanida 2026-yilgi g‘alla o‘rim-yig‘im mavsumi oldidan ehson tadbiri tashkil etildi.
Unda tuman hokimi I. Umrzaqov, tuman IIB boshligʻi R.Jaloldinov, qishloq xoʻjaligi sohasi mutasaddilari, fermer xo‘jaliklari rahbarlari, otryad rahbarlari hamda nuroniylar ishtirok etdi.
Tadbir davomida ehson dasturxoni yozilib, mavsumning barakali o‘tishi, yurt tinchligi va xalq farovonligi uchun duo qilindi.
Mazkur tadbir g‘alla o‘rim-yig‘im ishlarini uyushqoqlik bilan tashkil etish va hamjihatlik muhitini
yanada mustahkamlashga xizmat qildi.
👉
Марҳамат хабарларига аъ
зо бўлинг
👉
https://t.me/+EGZC_04LqatjOGQ6

📌
Jaholatga qarshi ma'rifat — ma'naviy xavfsizlik va milliy qadriyatlar himoyasining muhim omili
📍
Bugun Sanitariya-epidemiologik osoyishtalik markazi Marhamat tumani bo‘limida Diniy qo‘mitaning Andijon viloyati boshqarmasi hamda Marhamat tumani hokimligi hamkorligida "Jaholatga qarshi ma'rifat" mavzusida targ‘ibot tadbiri tashkil etildi.
♻️
Mazkur tadbir aholining, ayniqsa yoshlarning ma'naviy dunyoqarashini yuksaltirish, ularni turli diniy-ekstremistik oqimlar, yot g‘oyalar va zararli axborotlar ta'siridan himoya qilish, jamiyatda sog‘lom ijtimoiy-ma'naviy muhitni mustahkamlash maqsadida o‘tkazildi.
✅️
Tadbirda Diniy qo‘mitaning Andijon viloyati boshqarmasi mutaxassisi F.Mamatova, targ‘ibot guruhi amaliyotchisi G.Matolipova, Marhamat tumani hokimining maslahatchisi O‘.Qurbonova, tuman hokimligi oila va xotin-qizlar bo‘limi mutaxassisi G.Isajonova hamda tashkilotning rahbar va xodimlari ishtirok etdilar.
♻️
Tadbir davomida mamlakatimizda olib borilayotgan ma'naviy-ma'rifiy islohotlarning mazmun-mohiyati, tumanda ijtimoiy-ma'naviy muhitni yanada sog‘lomlashtirish borasida amalga oshirilayotgan ishlar, nafaqat yoshlar, balki kattalar ongida mafkuraviy immunitetni shakllantirishning dolzarb jihatlari haqida batafsil so‘z yuritildi.
✅️
Mutaxassislar tomonidan bugungi globallashuv sharoitida turli yot g‘oyalar va diniy niqob ostidagi zararli oqimlarning salbiy oqibatlari, ularga qarshi kurashishda ma'rifatning o‘rni va ahamiyati haqida atroflicha tushuntirishlar berildi. Shuningdek, milliy qadriyatlarimizni asrab-avaylash, kiyinish va muloqot madaniyatiga rioya qilish, o‘zbek xalqining boy ma'naviy merosiga hurmat bilan yondashish masalalariga alohida e'tibor qaratildi.
🔰
Tadbirda O‘zbekiston Respublikasi Vazirlar Mahkamasining 2026-yil 19-maydagi 257-son qarorining mazmun-mohiyati, unda belgilangan vazifalar hamda ularning ijrosini ta'minlash yuzasidan amalga oshirilishi lozim bo‘lgan chora-tadbirlar haqida ham batafsil ma'lumotlar berildi.
✅️
Ochiq muloqot tarzida o‘tgan uchrashuv davomida ishtirokchilar o‘zlarini qiziqtirgan savollarga mutaxassislar tomonidan batafsil javob oldilar. Fikr va mulohazalar almashilib, ma'naviy-ma'rifiy yo‘nalishdagi ishlarni yanada kuchaytirish bo‘yicha takliflar bildirildi.
📝
Tadbir yakunida mas'ullar tomonidan jamiyat barqarorligi, aholida ziyraklikni oshirish, yoshlar tarbiyasi va ma'naviy xavfsizlikni ta'minlashda har bir fuqaroning mas'uliyati muhim ekanligi ta'kidlandi. Ishtirokchilar uchrashuvdan o‘zlari uchun zarur xulosalar chiqarib, tadbir yuqori saviyada va mazmunli ruhda yakunlandi.

ANDIJON AXBOROTI  |  DXX KUBOGI MARHAMAT TUMANI
👉
Марҳамат хабарларига аъзо бўлинг
👉
https://t.me/+EGZC_04LqatjOGQ6