Mirafzal Ozodov I Shaxsiy blog
▶️
Yaqinda Eronlik yirik ishbilarmon bilan suhbatda bo‘ldim.
U shunday dedi:
“Biz Isroil bilan qisqa muddatli urushda biror marta ham oziq-ovqat mahsuloti yetishmovchilik bo‘ladi deb o‘ylamadik.
Urush qachon tugashini bilmasak ham, bunga xavotir yo‘q edi.
Nega deganda — biz iste’mol qiladigan oziq-ovqat mahsulotlarining aksariyatini o‘z yurtimizda ishlab chiqaramiz.”
Bu so‘zlar menga bir haqiqatni yana bir bor eslatdi:
Oziq-ovqat mustaqilligi — milliy xavfsizlikning eng muhim ustunidir.
▶️
Seni o‘ldirmagan narsalar seni kuchli qiladi.
▶️
Moliyaviy bosim erkak ruhiyati uchun sinov va biz unga tayyor bo’lishimiz kerak!
Nima lozim bo‘lsa shundan nishona,
Azaldan yozilmish asli peshona.
Bo‘lgunicha bo‘lur taqdirda ne bor,
Behuda o‘zingni urma har yona.
— Umar Xayyom
▶️
Odamlar ham tabiatga o‘xshab o‘zgaruvchan bo‘ladi
🟢
Tabiat fasllarga qarab o‘zgaradi
— bahor ochadi, yoz charaqlaydi, kuz sokinlashadi, qish esa jimjit bo‘ladi. Xuddi shunday, odam ham har xil holatlarda turlicha bo‘ladi: ba’zida quvnoq, ba’zida g‘amgin. Bugun kulib turgan inson, ertaga sukutga cho‘mishi mumkin. Kechagi yaqin odam, bugun begona bo‘lib qolishi hech gap emas.
🟣
Hayotdagi shamollar
— sinovlar, og‘riqlar, voqealar — odamning ichki olamini o‘zgartiradi. Qiyinchilik esa kimnidir kuchaytiradi, kimnidir bukib qo‘yadi.
❗️
Shu sababli, hech bir inson haqida darrov xulosa chiqarishga shoshilmaslik kerak. Odamlar o‘zgaradi — vaqt, sharoit, tajriba va yurakdagi izlar ularni boshqacha inson qilib boradi. Har kimning bir fasli, bir holati bor.
▶️
Asl savdogar – aql bilan harakat qiladi, cho‘ntagini emas, fikrini ishlatadi
🟢
Haqiqiy savdogar degani — bu qo‘lida katta pul bo‘lgan odam emas. U — mavjud imkoniyatlarni ko‘ra oladigan, resurslarni to‘g‘ri yo‘naltira oladigan va hech narsasiz ham savdo qiladigan odamdir. U har bir harakatni reja bilan qiladi. Har bir so‘z, har bir qadam, har bir qaror — o‘lchangan, hisoblangan.
▶️
Universitetdagi ta'lim — bu asl ta'lim emas. haqiqiy ta'lim inson hayot yo‘lida, tajriba va sinovlar orqali olinadi. Universitet esa faqat bir yo‘ldan boshqa yo‘lga o‘tishda yordam beradigan ko‘priklardan biridir, xolos.
▶️
Omadli va Oddiy insonlar
....
🟢
Har qanday ishning boshida azoblarga bardosh berish qiyin kechadi. Ammo bir marta uni yengsang, bas — u senga endi qiyin bo‘lib tuyulmaydi. Aksariyat odamlar esa urinib ko‘rmasdan, qiyinchiliklarga bardosh bera olmay taslim bo‘lishadi.
❗️
Oddiy kishilar bilan omadli kishilarning farqi ham aynan shunda!
🎞
Kecha “Mulla” nomli qozoq komedik filmini tomosha qildim.
▶️
Hazil bilan bezatilgan har bir sahna ortida insonni o‘ylantiradigan hayotiy haqiqatlar yotadi. Qahramonlarning harakati, niyati va qilmishlari orqali biz shuni anglaymizki — qilgan har bir yaxshi ishning hayotda albatta javobi bo‘ladi.
“Mulla” filmi
oddiy hayotiy voqealarni kulgi orqali yoritgan holda, bizni hayotga jiddiyroq, mas’uliyatliroq va ezgulik sari yuzlanishga chorlaydi.
Sovchi der:
— Otaxon, beringiz duo,
Juda to‘g‘ri yigit bo‘lg‘usi kuyov.
Ota der:
— To‘g‘rilik yaxshi-yu, ammo,
Bundaylar ro‘zg‘orin boqolmaydi-yov.
Abdulla Oripov
✅