Muhaddis.uz | Расмий канал

#muftiy_minbari
🔅
Талабага суянчиқ бўлайлик.
🎙
Шайх Нуриддин Холиқназар
t.me/muhaddisuz
✈️

Бисмиллаҳир роҳманир роҳим Нафсга қарши кураш Аллоҳ таоло инсонни яратишдаги ҳикмати Уни таниш ва таниганига мувофиқ яшашдир. Бунинг бирдан-бир йўли киши ўз нафсига қарши курашиш билан бўлади. Яъни киши шайтоннинг васвасаси ва нафсининг ғавғосига қарши борар…

БИРИНЧИ КУРС ТАЛАБАЛАРИ УЧУН АМАЛИЙ ТАНИШТИРУВ ДАРСИ ЎТКАЗИЛДИ
Ҳадис илми мактабига 2026–2027 ўқув йилида қабул қилинган талабалар учун навбатдаги амалий таништирув дарси ташкил этилди.
Дастлаб талабалар Ҳадис илми мактаби биноси ва унда яратилган шарт-шароитлар билан танишдилар. Бу жараёнда Ёшлар билан ишлаш, маънавият ва маърифат бўлими бошлиғи
Акмал Юлдашев
мактаб фаолияти ҳақида маълумот берди.
Шундан сўнг талабалар Имом Бухорий халқаро илмий-тадқиқот маркази кутубхонаси ва музейида бўлдилар. Марказнинг Қўлёзмалар билан ишлаш ва музей бўлими илмий ходими
Бахтиёр Иботов
уларни мавжуд манбалар, музей экспонатлари ва илмий мерос билан таништирди.
Дарс Имом Бухорий мажмуасида давом этиб, талабалар мажмуадаги музей ҳамда Имом Бухорий мақбарасини зиёрат қилдилар. Музей фаолияти ва экспозициялар ҳақида Ҳадис илми мактаби ходими
Муҳаммадюрсун Юрсунов
маълумот берди.
Мазкур амалий таништирув талабаларнинг таълим муассасаси, илмий-маърифий муҳит ҳамда Имом Бухорий мероси билан яқиндан танишишига хизмат қилди.
t.me/muhaddisuz
✈️

ЯНГИ ЎҚУВ ЙИЛИ ОЛДИДАН ОБОДОНЛАШТИРИШ ҲАШАРИ ЎТКАЗИЛДИ
Ҳадис илми мактабида 2026–2027 ўқув йилига тайёргарлик доирасида ободонлаштириш ҳашари ташкил этилди.
Унда мактаб устозлари, ходимлари ва талабалар фаол иштирок этиб, ҳудудни тозалаш, тартибга келтириш ва кўкаламзорлаштириш ишларини амалга оширдилар.
Мазкур ҳашар янги ўқув йилини озода ва файзли муҳитда бошлаш, жамоада ҳамжиҳатлик ва масъулият ҳиссини янада мустаҳкамлашга хизмат қилди.
t.me/muhaddisuz
✈️

#Video
#Aqidatut_Tahoviya
87-дарс | Калом масаласи хулосаси
📚
Ал-Азҳар университетининг “Ақида ва фалсафа”
мударриси доктор Ҳозим Ҳасаннинг “Ҳамаср бўлган Салафийлар билан Ашъарий ва Мотуридийлар ўртасидаги “Ақидатут Таҳовия” га ёзган шарҳи”.
👤
Шайх Муҳаммад Муҳиддин Мансур
Ҳадис илми мактаби ходими
🎬
https://youtu.be/7JF87TIxk3A
Аввалги дарслар
Telegram
|
Facebook
|
Instagram
|
Tiktok
|
YouTube

Бисмиллаҳир роҳманир роҳим
Нафсга қарши кураш
Аллоҳ таоло инсонни яратишдаги ҳикмати Уни таниш ва таниганига мувофиқ яшашдир. Бунинг бирдан-бир йўли киши ўз нафсига қарши курашиш билан бўлади. Яъни киши шайтоннинг васвасаси ва нафсининг ғавғосига қарши борар экан, у Аллоҳ таоло томонга қадам ташлаётган ҳисобланади. Демак, дастлаб шайтоннинг васвасасидан қутилиш учун киши сидқи дил ва ихлос билан Ундан паноҳ сўрайди.
Буни Аллоҳ таоло қуйидагича таълим беради:
وَإِمَّا یَنزَغَنَّكَ مِنَ ٱلشَّیۡطَـٰنِ نَزۡغࣱ فَٱسۡتَعِذۡ بِٱللَّهِۚ إِنَّهُۥ سَمِیعٌ عَلِیمٌ
(Аъроф сураси, 200-оят)
Бундан билсак бўладики, шайтондан келадиган васвасани Холиқдан паноҳ сўраш орқали кеткизар эканмиз. Лекин бу билан ҳали нафснинг ғавғосидан қутилиб қолмаймиз. Ундан қутилиш учун эса унинг хоҳишига хилоф иш қилиш талаб қилинадиа. Яъни нафснинг хоҳишига қарши иш қилсак, унинг ғавғосига учмаган бўламиз. Мана шу нуқтадан унга қарши кураш бошланади. Бу дегани нафсга қарши банданинг жиҳоди бошланади дегани. Бу жиҳоднинг биринчи босқичи уни шариат қайтарган гуноҳ маъсиятлардан тийиш бўлади.
Юқорида айтилганларни қисқача хулосалаб кетсак, дастлаб шайтоннинг васвасасидан қутилиш учун Аллоҳнинг паноҳини сўраш керак бўлади. Буни тилда айтиб қўйиш билан иш битмайди. Аллоҳнинг ҳимоясига кириш учун олдин Уни таниш талаб қилинади. Яъни У зотнинг азамати, улуғлиги, бутун олам уники экани, қиёмат куни ҳисоб қилишини ҳамда тавба қилиб у томонга юзланганнинг раҳм сифати билан тавбасини қабул қилишини билиши лозим бўлади. Қисқа қилиб айтганда, бу босқични ақида, калом илми баҳс қилади. Демак, ақида илми кишига шайтоннинг васвасасидан қочиб кимнинг паноҳига кириш асосларини баён қилади. Мана шуни қалбига жойлаб, паноҳ сўраган кишига, албатта паноҳ берилади. Демак, Уни таниб, ундан ихлос билан паноҳ сўралиб, шайтоннинг ёмонлигидан қутилиб олинди.
Ундан кейин эса нафсга қарши курашга кирилади. Бунда эса банданинг қуроли унинг хоҳишига тескари юриш ҳисобланади. Бунинг дастлабки босқичи юқорида таъкидлаганимиздек, уни шариат қайтарган ишлардан тийиш билан бўлади. Бу босқичдан кейин асосий ва қийин босқичга ўтилади. Энди нафснинг ғавғоси олдингидек очиқ-ойдин ҳамма танийдиган ҳолатда эмас, балки пинҳон ва билиш ўта дақиқ ва нозик фаҳм талаб қиладиган ишга айланади. Бошқача айтганда, киши нафсини дастлаб у гуноҳларга мойил ва у томонга қараб кетар чоғида уни ўзига бўйсундирди. Бу иш мудом давом этиб туригани боис, нафс гуноҳдан қайтишни ўрганди ва талпинмай қўйди. Энди у яхшилик томонга талпинадиган бўлди.
Эътибор қилсак, Аллоҳ таоло нафснинг хоҳишларига қарши юришга буюрди. Бу хоҳиш ёмонликка бўлсин ёки яхшиликка бўлсин, уни жиловлаш лозим. Яъни нафс гуноҳдан тийилишни ўргангандан кейин яхшиликка талпинганда ҳам барибир у жиловлангани йўқ, аксинча, олдин қандай бўлса, шундай озодликда юрибди. Шунчаки олдин гуноҳга буюрса, энди савобга буюрмоқда. Лекин ўша озодлик, ўша озодлик. Мана шу нуқта киши ўта эҳтиёт бўладиган нуқта ҳисобланади. Чунки у зоҳирий исёндан ботиний исёнга ўтди. Зоҳирий исённи бўйсундириш осон. Аммо ботиний исён, ички исён, уни топиб бартараф қилиш мушкул. Набий алайҳиссалом мана шу маънони назарда тутиб, нафсга қарши туришни катта жиҳод деб номладилар. Энди бундан буён банда нафсига қарши ўта сергак туриши лозим.
Дилшод Ғиёсов,
ҲИМ ўқитувчиси.
t.me/muhaddisuz
✈️

#him_qorilari
🌙
Юнус сураси 12-14 оятлар.
🎙
Содиқжонов Аҳмадуллоҳ
Ҳадис илми мактаби талабаси
FullHD:
https://youtube.com/shorts/e7A9lU4FKjY?feature=share
Telegram
|
Facebook
|
Instagram
|
Tiktok
|
YouTube

🖋
Аллоҳ таоло айтади:
وَمَن یُطِعِ ٱللَّهَ وَٱلرَّسُولَ فَأُو۟لَـٰۤئكَ مَعَ ٱلَّذِینَ أَنۡعَمَ ٱللَّهُ عَلَیۡهِم مِّنَ ٱلنَّبِیِّـۧنَ وَٱلصِّدِّیقِینَ وَٱلشُّهَدَاۤءِ وَٱلصَّـٰلِحِینَۚ وَحَسُنَ أُو۟لَـٰۤئكَ رَفِیقࣰا
"Ким Аллоҳга ва Расулга итоат қилса, ана ўшалар Аллоҳ неъмат берган зотлар - пайғамбарлар, сиддиқлар, шаҳидлар ва солиҳлар билан бирга бўладилар. Улар қандай ҳам гўзал ҳамроҳлардир!"
(Нисо сураси, 69-оят)
🔅
Ибн Касир роҳимаҳуллоҳ ушбу оятнинг тафсирида айтадилар:
Яъни, ким Аллоҳ буюрган нарсаларга амал қилиб, Аллоҳ ва Унинг Расули соллаллоҳу алайҳи васаллам қайтарган нарсалардан тийилса, Аллоҳ азза ва жалла уни Ўзининг икром маскани(жаннати)га жойлаштиради ва уни пайғамбарлар билан бирга қилади. Сўнг мартабада улардан кейин келадиган сиддиқлар, ундан кейин шаҳидлар ва зоҳиру ботини ислоҳ бўлган солиҳлар билан бирга қилади. Аллоҳ таоло у зотларни мадҳ этиб:
وَحَسُنَ أُو۟لَـٰۤئكَ رَفِیقࣰا
"Улар қандай ҳам гўзал ҳамроҳлардир!" дейди.
Оятнинг нозил бўлиш сабаби
Ушбу оятнинг нозил бўлиш сабабидаги воқеа саҳобаларнинг Расулуллоҳ соллаллоҳу алайҳи васалламга бўлган муҳаббатлари нақадар самимий ва пок бўлганини кўрсатади.
Бир киши Набий соллаллоҳу алайҳи васалламнинг ҳузурларига келиб:
"Эй Аллоҳнинг Расули, Сиз менга жонимдан ҳам, фарзандимдан ҳам суюклироқсиз. Мен уйда бўлиб, сизни эсласам, то сизнинг ҳузурингизга келиб, сизга назар солмагунимча чидай олмайман. Ўзимнинг ва сизнинг вафот этишингиз ҳақида ўйласам, сиз жаннатга кирганингизда пайғамбарлар билан бирга юксак мартабада бўлиб, мен жаннатга кирсам эса, сизни кўра олмаслигимдан қўрқаман", деди.
Набий соллаллоҳу алайҳи васаллам унинг гапига ҳеч нима демадилар. Шунда Жаброил алайҳиссалом ушбу оятни олиб тушди:
﴿وَمَن يُطِعِ ٱللَّهَ وَٱلرَّسُولَ فَأُولَٰئِكَ مَعَ ٱلَّذِينَ أَنْعَمَ ٱللَّهُ عَلَيْهِم...﴾
Яъни: «Ким Аллоҳга ва Расулга итоат қилса, ана ўшалар Аллоҳ неъмат берган зотлар билан бирга бўладилар...»
Муқотил ибн Сулаймон ўз тафсирида бу саҳобийни Абдуллоҳ ибн Зайд ибн Абду Раббиҳ Ансорий эканлигини айтади. У киши тушида азон лафзларини кўрган ва бу тушни Умар ибн Хаттоб розияллоҳу анҳу билан биргаликда Расулуллоҳ соллаллоҳу алайҳи васалламга айтиб берган саҳобийдир.
У зот Набий соллаллоҳу алайҳи васалламга:
"Сизнинг ҳузурингиздан оилаларимиз олдига қайтсак, сизни соғиниб қоламиз. Сизнинг ҳузурингизга яна қайтиб келмагунимизча ҳеч нарса бизга таскин бера олмайди. Жаннатдаги даражангиз ҳақида ўйлаб кўрдим. Агар биз ҳам жаннатга кирсак, у ерда сизни қандай кўрамиз?" — деган.
Шунда Аллоҳ таоло мазкур оятни нозил қилган.
Дунёда Расулуллоҳ соллаллоҳу алайҳи васалламнинг суҳбатлари билан шарафланган саҳобий У Зотни жаннатда кўра олмай қолишдан қўрққан бўлса, биз каби инсонларнинг ҳоли қандай бўлар экан-а, деб ўйлашимиз мумкин.
Аммо буюк тобеъий Абу Муслим Хавлоний раҳимаҳуллоҳнинг бу борада ажойиб сўзлари бор. Буни ўзимизга шиор қилиб олсак бўлади:
"Муҳаммад соллаллоҳу алайҳи васалламнинг саҳобалари Расулуллоҳ соллаллоҳу алайҳи васаллам билан бирга бўлиш шарафи фақат ўзларига насиб қилади, деб ўйлайдиларми?! Йўқ, Аллоҳга қасамки, биз ҳам улар билан бирга У зотга етишиш учун шундай интиламизки, токи улар ортларида қандай қолганини билсинлар!"
Бу ерда тобеъий ўзини ва кейинги даврдаги умматларни саҳобларга тенглаштиришга ёки улардан устун бўлишга уринётгани йўқ.
Бу Расулуллоҳ соллаллоҳу алайҳи васалламга бўлган муҳббатнинг ифодаси холос. Дарҳақиқат, ўйлаб кўрилса, Расулуллоҳ соллаллоҳу алайҳи васалламга нисбатан муҳаббат фақат саҳобларда ҳақиқий бўлиб қолганларда сохта бўлиб қолмайди.
Бу ҳар кимнинг севгисига боғлиқ. Бундан чиқди Расулуллоҳ соллаллоҳу алайҳи васалламга чин муҳаббат барчамизда ҳам пайдо бўлиши мумкин. Аммо бу муҳаббатнинг аломатлари бор. Ўша аломат у зотни муносиб тарзда мадҳ этиш ва мадҳларини кенг ёйишдир. У зотни билмаган умматларга танитишдир.
У зотга аталган мадҳларнинг энг улуғ кўринишларидан бири эса Аллоҳ таолонинг амрига итоат қилиб, у зотга саловот ва салом айтишдир.
Абдураҳмон Мавлонов,
ҲИМ талабаси.
t.me/muhaddisuz
✈️

#podkast
🎙
Таржимон учун Қуръонда ибратлар бор. Қуръони каримда таржима асослари.
👤
Абдулбосит Абдулвоҳид ўғли,
Ҳадис илми мактаби ўқитувчиси.
FullHD:
https://youtu.be/lk9eJnwOs2o
t.me/muhaddisuz