Musiyra

Ungacha may boshlanib qolmasdan bir e’lonni berib oʻtsam:
- Ochigʻi, ham farzand, ham uy bekalik, undan ortib ta’lim va dars oʻtishga ulgurish oson emas ekan. Jismonan ulgurish imkonsizdek tuyilib ketadi ba’zida.
Biroq men oʻz yoʻlimni tanlab boʻlganman, oz boʻlsada oʻrnimga egaman, deb oʻylayman. Qilganim mehnatlar, sarflaganim resurslar ham mayli, miyamdagi ideyalar shunchaki toʻxtab qolishga yoʻl bermayabdi, nima qilay?! ^^
Buyoqda bola, buyoqda uy-roʻzgʻor, rafiqalik burchlari, buyoqda oʻrganishni boshlab qoʻygan tillarim, hobbilarim, universitetim va kurs qabulini kutayotgan oʻquvchilar ~>
Ushbu holatda farzandim kayfiyatidan kelib chiqib erkin grafikaga muhtoj edim. Birdan miyamda chaqnash paydo boʻldi shu on.
Hamd, endi six ham, kabob ham kuymaydi ^^
Xoʻsh, u qanday gʻoya deb oʻylaysiz?
❔

Tez orada barcha darajadigalarga, hattoki, darajasi tamomlanmaganlarga ham munosib boʻladigan yangilik e’lon qilamiz!
🫶
P/s: u rasmga bogʻliq ^^

Tiklanish, moslashish, ilmga qaytish tomon qadamlarni yoritish, yoʻldagi insaytlar bilan boʻlishish uchun buyerda oʻzimni qulay his qilmayabman. Qolaversa, ayollarga xos masalalarda kichik, Alloh muvaffaqqiyat bergan tajribalarim bilan ham boʻlishib borish uchun yopiq hudud istab, quyidagi blog yoʻlga qoʻyildi:
⬇️
https://t.me/+CAznYKPDW2k4YWE1
Alloh manfaatli qilsin!

“Albatta, Iblis o‘z taxtini suv ustiga o‘rnatadi. So‘ng u o‘z lashkarlarini yuboradi.
Ularning ichida unga eng yaqin va eng martabali bo‘lgani — fitnasi eng ulug‘i bo‘lganidir.
Ulardan biri kelib:
‘Men shunday-shunday ishlarni qildim’, — deydi.
U esa: ‘Sen hali hech narsa qilmabsan’, — deydi.
So‘ng boshqasi kelib:
‘Men bir erkak bilan uning xotini orasini buzmagunimcha qo‘ymadim’, — deydi.
Shunda Iblis uni o‘ziga yaqinlashtirib:
‘Ha, aynan sen! (eng yaxshi ishni qilding)’ — deydi.”
نعوذ بالله

Bu jumlani oʻqib oʻylab qoldim: qalb qachon tirik boʻladi?
- Yaxshilikka intilsa, gunoh qilsa bezovta boʻlsa
Qachon oʻlik boʻladi?
- Gunohdan taʼsirlanmasa
Albatta fitratan har bir inson yaxshilikka intiluvchi, lekin buzilgan nafasimizni tarbiya qilib, qalbimizni hayotga qaytarishimiz uchun ILM kerak boʻladi.
Oʻz hayotimdan misol aytsam, meni ochiq kiyinish, namoz oʻqimaslik hecham bezovta qilmasdi. Qurʼon kitob hammani uyida bitta boʻlsayam boʻlishi kerak boʻlgan, tepaga oʻrab qoʻyib qoʻyiladigan kitob edi men uchun. Yaʼni qalbim hecham bular notoʻgʻri deb aytmasdi, Mehribon Allohim menga iymonli insonni turmush oʻrtoq qilib berdi, ehhee men qilgan gunohlar.. Mehribon Allohim ularni berkitdi, menga shunday hayotni berib qoʻydiki, men aslida munosib emasman..
Xullas, Alloh qodir qilganicha oʻqidim oʻrgandim, hozir bir mahal namozni oʻtkazib yuborsam qalbim bezovta boʻladi, koʻngisi kelmaydi. Roʻmolsiz koʻchaga chiqishga koʻngisi kelmaydi.
Ilm qalbimni tiriltirdi, hayotga qaytardi. Yanayam, hali ayb-nuqsonlarim juda koʻp. Haqiqiy tirik qalb qanday boʻlarkin bilmadim, lekin bilganim Ilm (Allohni tanish, haq dinini bilish, tavhid, ixlos, oxirat, paygʻambarimizni siyratlarini bilish) qalbni tiriltiradi.
Yana bir fikr kelib qoldi, Qalbning tirikligi - nafsning oʻlikligiga bogʻliq. Inson ilm orqaligina oʻz nafsini taniydi, nafsiga boʻysunmaslikni, unga faqat zarurat darajasida berishni oʻrganadi, anglaydi. Nafsini sindirgan sari qalb yashaydi.

Albatta, ilm qalblarning hayotidir!
✨
Bu jumla nimani anglatadi, bilasizmi?
Tafakkur qilib koʻrib, hayotingizdan bir oʻrnak boʻlarlik misolni yozib qoldiring
⬇️
Keyin oʻz fikrlarim va misollarim bilan boʻlishaman ^^

تقبل الله منا ومنكم عيد مبارك علينا وعليكم
✨
Alloh solih amallarni siz-u bizdan qabul qilsin!
Ramazon hayiti muborak boʻlsin!
Hayit bir kunga kechikkan oʻlkadan tabriklar ^^

Endi dars qilish taxminan shunday koʻrinishda boʻlar ekanda ^^
Bir ajoyib loyiha qilishga Alloh ilhom beryabdi, amalga oshirishga tavfiq ham bersin
🌙
✨

Falakdan nur sochib tushgay tumonat –
Malaklar qo‘lida zanjirlar tutib.
Yerni asta qoplab vazmin sukunat,
Iblislar qo‘yilgay zanjirband etib.
Endi faqat nafsning g‘avg‘osi qoldi,
Faqat nafs aylagay tug‘yon beadab.
Lek tashdan hech ko‘mak kelmagan holda
Nafsning sasi asta borgaydir pastlab.
Lek yana ilohiy lutf borki, ajib,
Nafsni sindirmoqqa berilgay qurol –
Kun bo‘yi “Yo Haq!” deb lazzatdan kechib,
Ro‘za bilan nafsni etgaysan poymol.
Kecha-kunduz bo‘lgan hujumlar, valloh,
Tinib, ruhing topgay orom-u sukun.
Endi Haqdan so‘rab najot-u panoh,
Uning madadini olishing mumkin.
Parcha-parcha bo‘lib sochilgan edim,
Laxta-laxta yutdim kecha-kunduz qon.
Bag‘ringni keng ochib, jilmayib kelding,
Qalbimga nur ila kirding, Ramazon.
Ey rahmat fursati, marhamat oyi,
Mag‘firat daryosi jo‘shgan Ramazon!
Xasta ko‘ngillarning omonlik joyi,
O‘n ikki oy ichra o‘zingsan sulton!

+
Farzand tugʻilgach, u eng nozik holatda boʻladi. Nafaqat tanasi balki nazar tegishi ham juda oson. Nazarni inkor qilolmaganimizdek, uni kesadigan amallar bor ekanini ham inkor qilolmaymiz.
Har qanday vaziyatda murojaat qilishga muhtoj boʻlganimiz dasturul amalimiz - Qur’on ushbu vaziyatda ham bizni haloskorimiz hisoblanadi. Uning shifo oyatlari bilan ruqiya qilamiz, Alloh izni bilan jamiki yomonliklardan himoya qilamiz.
Bundan tashqari, farzand yigʻlaganda unga salovat va zikrlar bilan allalasangiz, u sokinlashadi siz bilan ruhiy kontakt oʻrnatadi. Ovozingizdan rohatlanadi, unga tayyor yozib olingan audio tilovatlardan koʻra sizni ovozingiz bilanlisi mahbubroq.
Ey ona, farzandingiz farishtalar qoʻrshovida oʻsishini istasangiz, unga koʻp-koʻp Qur’on oʻqib bering, tartil bilan tilovatingizni ziynatlang.
✨