أبيات شعـر
حُرية الفكر .. هي أبسط حقوق الحياة
والعاقل اللي يعرف " حدود حريته "
من سكر أبواب قلبه ، لا تفتش وراه
من حقه يعيش بالدنيا .. خصوصيته
فقير الأدراك .. أفعاله - تأكد رداه
تكشف لك أسراره السوده و ماهيته
ثامر شبيب :
( جسد الوفاء والطاعه للمحبوب )
تذكرين الورد الاحمر يوم جبتيلي هديه
قلتي تكفى لايموت الورد لك غالي شريته
مات قلبي قبل موت الورد وجروحه نديه
في يديني جبت دم القلب للورد وسقيته
ثم قال بخذلان :
كنت احسب اني اضحي مادريت اني ضحيه
كنت احسب ان العطى يثمر بعين الي عطيته.
"من التسامح الذاتي أن تستسلم في الوقت الذي ظن فيه الجميع انك ما زلت تخوض المعركة"
وفي رواية أُخرى:
"كل الطموحات ماهي من طموحاتي
اليوم انا افرق عن امس وقبله بواجد
مافيه شيء بقى من ضمن اهتماماتي
إلا اني أموت .. وألقى الله وأنا ساجد"
فيـه امور مايجـوز العـذر فيها والتغاضي
لا وصلنا عندها حطيت قلبي تحت رجلي
-نوفي ولا همنا وش هي نتايجها
ان أثمرت خير وان قفوا بها خيره.
لا تشوف الناس ضعفك وانكسارك
لو عظامك تنكسر . . ما جبّروها
انتصب كنك طلعت من المعارك
" ماخذٍ ثار القبيله . . كل ابوها "
ِ
أجمل ما قيل عن ترك الحاجة وهي لازالت بالخاطر :
ويقول رشيد الزلامي :
عروق قلبي يا السديري معاطيش
أمشي وأنا مقفّي وأعاين خلافي
رد السديري وقال :
برقٍ يفوتك لو مزونه مراهيش
لا تستخيل أمطار سحب مقافي
https://x.com/_mw6n/status/2047416799684182367?s=46&t=IbiV0umlAPpovXPKEvDn9w
- على قولة الاولين
" تراها تبطي بس ماتخطي "
بـ معنى اوضّح:
« احسب حساب كل شي تسويه
لان مرده بيرجع لك ولو انه مبطي »