Milliy kutubxona | Rasmiy
📚
Alisher Navoiy nomidagi Oʻzbekiston Milliy kutubxonasida kitob taqdimoti bo‘lib o‘tdi
Alisher Navoiy kutubxonasida
@
ibook_uz
kitob do‘koni
hamda
Tirilish nashriyoti
hamkorligida
“Imom Buxoriy siyrati”
kitobining taqdimoti bo‘lib o‘tdi.
Tadbir davomida mehmon spiker
Hasanxon Yahyo Abdulmajid
ishtirok etib, kitob mazmuni, uning ahamiyati hamda kitobxonlik haqida mazmunli suhbat olib bordi.
Uchrashuv davomida:
• kitob haqida qiziqarli fikrlar bildirildi
• mehmonlar bilan savol-javoblar bo‘lib o‘tdi
• ishtirokchilar kitob bilan yaqindan tanishish imkoniyatiga ega bo‘lishdi.
Bunday uchrashuvlar kitobxonlik muhitini rivojlantirish va kitobga bo‘lgan qiziqishni oshirishga xizmat qiladi.
📖
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#gulbolibochilgimkeldi
Zindonband Zebunisobegimning otasiga maktubi
Ota, bugun tush ko'rdim
Tushimda bir qush ko'rdim,
Qanotlarida onam
Ikkingizni qo'sh ko'rdim...
Onam menga boqardi,
Ko'zidan yosh oqardi,
Sen silarding sochimni,
Onam gullar taqardi...
Zil edi onam dardi,
Sog'inch bag'rin yoqardi,
Gul taqilgan sochlarim
Ota, bugun oqardi...
Oq sochlarim oq tolim,
Tarashga yo'qdir xolim,
Zindoningda qaridim
Bunchalar bo'lding zolim?!
Yetmasmidi kuyganim,
Dunyolardan to'yganim,
Bir so'z demay o'tingda
Yondi jondan suyganim...
Ul yorsiz qoldi dunyo,
Gul yorsiz qoldi dunyo
Ruhim yondi yor bilan,
Alyorsiz qoldi dunyo...
Oh... Kezdim ishq bozorin,
Chekib bor g'am, ozorin
Lek topmadim, ul yordek
Ko'nglimning xaridorin...
Sen yo tole ters boqdi,
Mahbus zunnorin taqdi,
Beshigimda tilagan
Baxtlaring suvda oqdi...
Davroningga xayf bo'ldim,
Qismatimga shay bo'ldim.
Quduq bildi "shox"ingni,
Men qamishday nay bo'ldim...
Cho'chgan ko'ngling to'ldimi,
Kechgan ko'ngling to'ldimi,
Oy qizingga oq kafan
Bichgan ko'ngling to'ldimi?
Ota, qahring toshmidi?
Mexring ko'zda yoshmidi?
"Malikam" deb suyganing
Zulmingga bardoshmidi?
Yo rab, bu qanday taqdir?
neki bo'lsa shox xaqdir?
Nechun osiy bandangga
Har lahza o'lim naqddir?
Umr asli necha yil?
men uchun bir kecha, yil,
Og'ungni ber, Shahodat
Sharobing deb ichayin...
Ota, qahring toshmidi...
Shahodat Isaxonova
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#m
ehrdantokilgansatrlar
BAHOR KELGAN EMISH BIZNING BOG'LARGA...
Kimdir qishdan zada, yurganda nolib,
Zangor Kokillarin o'ynatib, g'olib,
Qo'liga gullardan dastalab olib,
BAHOR KELGAN EMISH BIZNING BOG'LARGA...
Og'ochlarga berib zeb ila pardoz,
Yashil maysalardan solib poyondoz,
Andalib tilida aytganicha roz,
BAHOR KELGAN EMISH BIZNING BOG'LARGA...
Boshida oq xarir ipak ro'moli,
Yangi kelinlardek
Misli xayoli,
Ortiqcha maqtov-u, tashbexdan xoli
BAHOR KELGAN EMISH BIZNING BOG'LARGA...
Gulchehra Shahobiddin
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
✅
2026-yil 11-mart kuni O‘zbekiston Milliy kutubxonasi “Ilm” zalida tilshunos olim, filologiya fanlari doktori, professor Shavkat Rahmatullaev tavalludining 95 yilligi
“Tilshunoslikning serqirra tadqiqotchisi”
deb nomlangan kitob-rasmli ko‘rgazma qo‘yildi
📚
Shavkat Rahmatullaev O‘rta Osiyo davlat universitetini (hozirgi O‘zbekiston milliy universiteti) tamomlagan. Olim leksikologiya, morfologiya, orfografiya va leksikografiya muammolari bilan shug‘ullanib kelgan.
📚
Filologiya fanlari doktori, professor Shavkat Rahmatullaev o‘zbek tili leksikologiyasi, frazeologiyasi, leksikografiyasi, morfologiyasining shakllanishi va rivojlanishida, o‘zbek tilining izohli, etimologik, imlo lug‘atlarini tuzishda xizmatlari cheksizdir. U ko‘plab nufuzli xalqaro anjumanlar ishtirokchisi, 200 dan ortiq ilmiy-uslubiy qo‘llanmalar muallifidir.
📚
Shavkat Rahmatullaevning tilshunoslik ilmi taraqqiyotidagi faoliyati, samarali mehnati hukumatimiz tomonidan munosib taqdirlanib, u “Mehnat faxriysi” medali, “O‘zbekiston Respublikasida xizmat ko‘rsatgan xalq maorifi xodimi” faxriy unvoni, “Yuksak xizmatlari uchun” nishoni hamda “Buyuk xizmatlari uchun” ordeni bilan taqdirlangan.
📚
“Tilshunoslikning serqirra tadqiqotchisi” deb nomlangan kitob-rasmli ko‘rgazmada olimning “O‘zbek tilining qisqacha frazeologik lug‘ati”, “O‘zbek tilining izohli frazeologik lug‘ati”, “O‘zbek tili antonimlarining izohli lug‘ati”, “O‘zbek tili omonimlarining izohli lug‘ati”, “O‘zbek tilining qisqacha etimologik lug‘ati” kabi asarlari o‘rin olgan.
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#gulbolibochilgimkeldi
Gulman chechakman
Bahor bo‘lgim keldi, gul bo‘lgim keldi,
Loladek qirlarga yugurdim.
Shabnamga chayilgan dil bo‘lgim keldi,
Gulladim, gullashga ulgurdim.
Yashillangim keldi, ko‘kargim keldi,
Qo‘shiqlar kuylasam zangori.
Qaddimni sarvdayin ko‘targim keldi,
Yo‘llarim bo‘lsalar anvori.
Shabnamlar ko‘nglimni chaysalar,
Yomg‘irlar yuvsalar yuzimni.
Barq urib yashnasa maysalar,
Chechaklar qoplasa izimni.
Ochilsam, gul bo‘lib ochilsam,
Iforim sochilsa har tomon.
Tog‘larga, bog‘larga shoshilsam,
Nihollar barg yozsa sog‘-omon.
Axir men bahorman, gulman, chechakman,
Ketsam-da, har fasl bir kelajakman,
Kokillari yashil, qo‘shig‘i zangor,
Kurtakdek qiqirlab shod kulajakman.
..men fasli bahorman, chamanman, gulman.
Gulchehra Shahobiddin
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#sorovnoma
Aziz kitobxon!
O‘zbekiston Milliy kutubxonasida ko‘rsatilayotgan xizmatlar sifatini oshirish va kutubxonamiz faoliyatini yanada takomillashtirish maqsadida sizdan ushbu so‘rovnomadan o‘tishingizni so‘raymiz.
Sizning fikringiz biz uchun muhim!
https://forms.gle/AhAJLTSZ35dkbDCr7
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#Bu_qiziq
📚
Tarixni asl manbadan o‘qing!
O‘zbek matbuoti tarixining ilk sahifalaridan biri — Turkiston viloyatining gazetasi.
U 1870 yilda Toshkent shahrida nashr etilgan bo‘lib, o‘zbek tilidagi dastlabki rasmiy gazetalar qatoriga kiradi.
📰
Gazeta dastlab “Turkestanskie vedomosti” nashrining o‘zbekcha ilovasi sifatida chop etilgan va 1917 yilgacha faoliyat yuritgan.
📖
Shu kungacha ushbu noyob tarixiy nashr O‘zbekiston Milliy kutubxonasining nodir nashrlar fondida saqlanib kelinmoqda.
🔎
Nodir nashrlar bilan tanishish uchun:
🔗
https://nodir.natlib.uz/
✨
Tarixni o‘rganing, nodir manbalarni kashf eting!
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
O'zbekiston Milliy kutubxonasida bahorgi qor
taassurotlari
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#kitobdan_parcha
Tursunboy yuvinib uyga o‘tib kеtdi-da, birozdan kеyin kiyinib chiqdi. U chinakam birov havas qilsa arziydigan yigit bo‘lgandi.
Tursunboy husnda tеngsiz yigit edi. Qoshko‘zlari popukdеk. Ota-onasi emas, ko‘rgan kishilar ham to‘xtab bir qaramay ilojlari yo‘q edi. Tursunboy o‘zining chiroyliligini bilar, shuning uchun bo‘lsa kеrak, o‘ziga bino qo‘yardi. O‘z tеnglari, ayniqsa, qizlar oldida sal balandroq turib, bеpisand gaplashardi.
Tursunboy kеlib dadasining oldiga tiz cho‘kdi.
– Bolam, onangga jindеk qaynatma sho‘rva qilib bеr. Mеn hozir dalaga kеtaman.
– Qo‘ying, – dеdi xotini. – Qo‘liga pichoq bеrmang, et-bеtini kеsib olmasin, bolam. U-buni kеltirib bеring, o‘zim sеkin to‘g‘rab bеraman.
Ikrom indamadi. Yer ostidan sеkin o‘g‘liga qaradi. U onasi himoya qilayotganidan mamnun edi. Ikrom indamay turib o‘choq boshiga kеtdi.
Jannat o‘g‘lini pеshonasidan silab pichirladi:
– Tokchada qaymoq bor, dasturxonga non o‘rab qo‘yganman, choyingni ich, bolaginam.
U shunday dеdi-yu o‘g‘lining javobini ham kutmay inqillab o‘rnidan turdi. Bolasining oldiga dasturxon yozib nonushta qo‘ydi. Kеyin unga
tikilib o‘tiravеrdi.
Said Ahmad "Ufq" romani. Kitobni to'liq o'qimoqchi bo'lsangiz ko'k yozuv ustiga bosing
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website
#tezkor
#rasmiy_munosabat
Ijtimoiy tarmoqlarda Alisher Navoiy nomidagi O‘zbekiston Milliy kutubxonasi nomidan tarqatilayotgan “matn teruvchi ish o‘rni, oylik 12 000 000 so‘m” mazmunidagi reklama va e’lonlar kutubxonaga tegishli emasligini ma’lum qilamiz.
Mazkur e’lonlar kutubxona tomonidan berilmagan va tashkilotning rasmiy ishga qabul jarayoniga aloqasi yo‘q.
Fuqarolardan bunday soxta yoki tasdiqlanmagan e’lonlarga ishonmaslikni, shuningdek, shaxsiy ma’lumotlarini noma’lum manbaalarga taqdim etmaslikni so‘raymiz.
Eslatib o‘tamiz, O‘zbekiston Milliy kutubxonasiga oid barcha rasmiy e’lonlar faqat kutubxonaning rasmiy
www.natlib.uz
veb-sayti va rasmiy ijtimoiy tarmoq va sahifalarida e’lon qilinadi.
Oʻzbekiston Milliy kutubxonasi Matbuot xizmati
📱
Rasmiy sahifalarimizga obuna bo‘ling!
Telegram
l
Instagram
l
YouTube
l
Facebook
l
Twitter
l
Website