Niyatga bog'liq
Instagram bu asrning virusi. Odamlar u yerda bo‘lishni xohlagan odamining rasmini chizishadi, lekin paydo bo‘ladigan rasm o‘ziga umuman aloqasi bo‘lmaydi.
Masalan, kambag‘allar boy ko‘rinishga, boylar esa aksincha o‘zlarini ko‘rsatmaslikka harakat qilishadi.
Ayollar uchun esa holat yanada og‘ir. Tanish bir qizni bilaman: Gucci kiyimlar, YSL poyabzallar (aytgancha, ko‘pchiligi AI — Gemini-Banana ishlatadi). Xullas, qiz aslida oddiy operator qabul hodimi. Shunaqa profil ochayotgan odam “meni taniganlar kulmaydimi? Meni bu holatlarimga…” deb umuman o‘ylamayaptimi? Menga juda qiziq tuyuladi.
Erkaklarnikiyam boshqa bir olam.
Butun dunyoni buzib yuboradigandek kerilib yozadi, pas ketmaydi. Rasmlarda sher va bo'rilar. Qizlarni lechkasida esa yalinib yurgan quyonchalar aslida...
Ajablanarli tomoni shuki, odamlar naqadar sharmandali holatda ekanini anglamaydi. Tanqid eshitgan zahoti himoya mexanizmi ishga tushadi: “mana, qizg‘anishyapti” degan gaplar boshlanadi. Tanqidga toqat yo‘q, o‘z-o‘zini tanqid qilish degan narsa esa umuman yo‘q.
Odamning o‘zini “muhim, ajralmas” deb his qilishiga xizmat qiladigan, g‘alati bir illuziyalar asri.
@niyatgabogliq
Mandan kichkina hali maktabda 10-sinfda o'qiydigan qarindoshim gapirib qoldi:
- Niyat aka, yoshiz ancha katta bo'lib qolibdi. Hisoblab ko'rdimda agar uylansez, 48 yoshizda farzandizni to'yini ko'rarkansiz. Balki 50 yoshizda...
- Qizim necha yosh bo'larkan to'y qilayotganimda?
- 19-20 yoshda bo'ladi.
- Muncha erta, o'qisin xohlasa, xohlasa ishlasin. Xohlasa 25 ga kirganda turmushga chiqsin, agar xohlasa undan kechroq turmushga chiqsin. Muhimi o'zini xohishi bilan hayotni ko'rib turmush qursin. O'g'il bo'lsa ham shunday.
Keyin o'ylanib qoldim. Qizim bo'lsa erta turmushga bermayman deb.
@niyatgabogliq
Yangi yil kelmoqda. Lekin man o'zimni yangi yil kelayotganimga ishontirishim qiyin bo'lyapti. O'zimni mart-aprelda yurgandek his qilyapman.
Harry Potter.
Bu — men uchun butun 15 yillik orzularimning, qochib ketiladigan bir dunyoning, panoh topiladigan bir burchakning nomi.
Yosh 30ga yaqinlashdi, endi maktub kutmayman. Yerda topgan daraxt shohlarini sehrli tayoqcha qilib ishlatib, mo‘jiza kutmayman. Nimadirlar bilan mashg‘ul bo‘lib, kurashib yuribman, ammo aslida nechog‘lik stress ichida ekanimni - bugun ham o‘qiyotgan kitoblarimga qanchalik tez-tez “qochib” kirib ketishim bilan o‘lchayman. Mening stress va depressiya indeksim — Harry Potter.
Ha, boshqa kitoblarga nisbatan adolatsizlik qilayapman, to‘g‘ri. Minglab olamlar bor, meni, bizni qarshi olishga tayyorligini bilaman. Lekin hech biri bu olamning xatolari, sayozliklari, zo‘r detallaridan tortib ko‘z yoshlariga, mehriga, iliqligiga, nafratiga, g‘azabiga, sevgisizligiga, adolatsizliklariga, achinarli odamlari va daholarigacha — hech biri meni bu qadar o‘ziga tortmaydi. Harry Potterdan ancha yaxshi kitoblar o‘qiganman, sifati solishtirib bo‘lmaydigan daholarni ko‘rdim ammo hech biriga bunchalik bog‘lanib qolmaganman. Bilaman, bu qadar bog‘lanish to‘g‘ri emas, ehtimol. Axir odam doim bir xil jumlalardan yana nimani kutishi mumkin va har safar o‘sha yerga qochadi? Lekin ehtimol masala shunda — hech narsa o‘zgarmasligini biladigan joyim bo‘lgani uchun. Bolalikda qochib kirgan joyim bo‘lgani uchun unga bog‘landim va o'sha yerda qoldim.
Aslida Harry Potterda fantastik hech narsa yo‘q. Eng kuchli sehr — bu sevgi; tasavvurimizdan tashqaridagi yagona sehr — bu musiqa; “sehrli so‘zlar” esa aslida har kuni ishlatadigan so‘zlarimiz. O‘z fikrlarimiz bilan o‘z haqiqatimizni yaratamiz va tasavvur qilgan narsalarimizni amalga oshirishga harakat qilamiz. Qayta-qayta urinib, qayta-qayta tilga olib — xuddi maktab o‘quvchilari kabi. Bir yozuvchining so‘zlarni sehr sifatida ko‘rishidan ham realroq nima bo‘lishi mumkin? Qayeri fantastika? Har bir qahramon, har bir voqea — bizga oddiygina shuni aytadi: “Ba’zan hayot shunaqa, nazoratimizdan tashqarida sodir bo‘ladigan narsalarga qarshi umrimizning eng katta kurashini berishimizga to‘g‘ri keladi. Va bizni haqiqatan ham himoya qiladigan yagona narsa — sevgi.” Buni kim eshitishni xohlamaydi? Boshga kelsa — ko‘riladi, barcha og‘riqlarga qaramay hayot ham, kurash ham davom etadi.
Ahmoqona qarorlar ham qabul qilamiz, tentakliklar ham qilamiz, yagona “aybimiz” faqat o‘sha yo‘ldan o‘tganimiz bo‘lishi mumkin. Bir umr unutilmaydigan muhabbat uchun hayotni bag‘ishlashimiz ham, do‘stlarimizni himoya qilaman deb ularning o‘limiga sabab bo‘lishimiz ham mumkin. Lekin baribir davom etamiz. Oilamizdan ayrilamiz, yangi oilalar quramiz. Travmalar tufayli iste’dodimiz bostirilgan bo‘lishi mumkin, mazax qilingan bo‘lishimiz mumkin, ammo baribir sevgi bilan bir kuni ichimizdagi olovni yoqishimiz mumkin. Ba’zan doim yutqazgandek ko‘rinamiz, ba’zan haqiqatan ham yutqazamiz. Lekin hayot shunaqa.
Va mana shu narsani menga eslatadigan narsa — Harry Potter. 11 yoshimda ko'rpa ostiga yashirinib, xira yorug‘likda ko‘zimni charchatib tonggacha o‘qigan, dars qilish o‘rniga bunga vaqt ajratishga ruxsat berilmagani uchun uyning turli g‘alati joylariga yashirib qo‘ygan Harry Potter. Hojatxonada ko‘p vaqt o‘tayotgan o‘smirlarga ortiqcha e’tibor berilmasligini eshitib, u yerda yashirincha o‘qish uchun hatto u yerga yashirgan olamim.
Yana-yana o‘sha joyga qochganimda o‘zimni yana o‘sha 11-12 yoshli bola kabi his qilaman. Baxtsizliklardan qochgan, o‘z xavfsiz portiga panoh topgan, hammasi o‘tib ketishini endi biladigan. Ba’zan esa o‘tib ketishini kutish uchun u yerga boradigan.
@niyatgabogliq
Susambil podcastga borgandim. Harry Potter mavzusida. Fikrlarim chalkash va tushunarsiz bo'lgan bo'lsa hali bu haqida kanalda yozaman to'liqroq. Nodir aka va Vasilga taklif uchun rahmat. Birinchi podcastim kamchiliklarga ko'z yumib turarsizlar, rivojlanib ketarsiz.
Vaqtingiz bo'lganda ko'ring, ovqatlanayotganda ko'ring, xohlasangiz 1.5x da ko'ring yokida qachondir imkoningiz bo'lganda ko'ring.
Ha aytgancha, man uchun fikringiz qiziq, youtube kommentda mani tanqid qilishiz va fikrizni bildirishingiz muhim. (Balki bir ikki odam tanir ekan deb keyingi podcastlarga ham chaqirishar). O'zimga ham tanqid qilsangiz bo'ladi. Muhimi man uchun fikringiz muhim.
Vaqtingiz uchun rozi bo'lasizlar...)
https://youtu.be/TZs06UIHP0U
https://youtu.be/TZs06UIHP0U
Tiriklar bormi?
GTA VI ? Yoq, agar Half Life 3 chiqadigan bo'lsa barcha davrlarni eng yaxshi o'yini bo'ladi.
Toshkentda yesli cho tishdan muammo bo'lsa yozaverasizlar shu odamga. Mani aytsangiz 40% skidka qilib beradi.