Нұрсұлтан Рысмағанбет
«Ей, адамдар ! Сендерге өз араларыңнан бір пайғамбар келеді. Сендер тауқыметке ұшырасаңдар – Оған ауыр тиеді. Ол сендердің тура жолда болғандарыңды қалайды, мүміндерге құштар, өте жанашыр»
«Тәубе» сүресі, 128 - аят
Пайғамбарымыз ﷺ бір сөзінде:
— Егер жәннат бақшасының жанынан өтіп бара жатсаңыздар, онда тізелеріңізді бүгіп отыра қалыңыздар! - дейді.
Сонда сахабалар:
— Уа, Алланың Елшісі! Ол қандай жәннат? - деп сұраған екен.
Сонда Пайғамбарымыз ﷺ:
—
Жер бетінде Алланы еске алған әрбір жиын жәннатқа айналады!
- деп айтқан екен.
Жақсыға жақсылық етсең — есінен кетпейді,
Жаманға жақсылық етсең — есігіңнен кетпейді
.
Өмірдің қандай мәні бар?!
Құдайды сүйе алмасаң,
Елшісіне мойынсұна алмасаң…
Жәннаттың қандай жақсылығы бар?!
Раббыңның дидарын көре алмасаң…
©️
Имам ибн әл-Қойим (рохимаһуллаһ)
Бір ұстаз бен шәкірттің әңгімесінде мынадай сөз болған екен:
— Пайғамбарымызды ﷺ көргендер қандай бақытты?!
— Пайғамбарды көргендердің бәрі бақытта болса, сонда Әбу Жәһил, Әбу Ләһаб, Умәйя ибн Халаф бақытты ма?! Бұлардың бәрі Пайғамбарға дұшпандық қылып өтпеді ме?!
—
Пайғамбарды ﷺ көзбен емес, жүрек көзбен көргендер бақытты!
Алла елшісі ﷺ өз сөзінде:
«Қайсыбір мұсылман намазды тұрғызса, онда ол дінді тұрғызғаны. Ал кімде-кім намазды тоқтатса, онда ол дінді қиратқаны»
- деген екен.
Демек, әрқайсымыздың Исламда үлесіміз бар екен ғой…
Пайғамбар ﷺ соңғы өсиетінде:
«…Намазға берік болыңдар!
Намазға берік болыңдар!
Намазға берік болыңдар!
Қолдарыңдағы аманатқа алған адамдарға сақ болыңдар!»
Пайғамбарымыздың ﷺ
бір нәрсені 3 рет айтуы сол нәрсенің маңызды екенін білдіреді!