قصص💜✨
طمأنينة لقلبك:
🍃
🤍
...
رجعت عمتي وجدان
وبقت تحجي عليها ومحترك گلبها
وهاي الاحداث اللي صارت
ماصار شي جديد وراها
بفترة نور شكت بروحها حامل
ضاجت وطنگرت وكمال يبوس بيها
ويكللها:-خنسوي عشيرة شبيج حبيبتي
نور:-كمال توخر من يمي لا ادفرك اکعدك بحضن وردة عدل
ضحكنة وثاني يوم حللت
طلع ماكو شي رجع الدم بوجهها وراحت جابت مانع واجت
وهاي حياتنة واحداثنة اللي ابتلت
بيها الكاتبة مريم
ادعولنة بالسعادة وراحة البال
والله يشيل حب ملاك من گلب كمال ويرتاح اخوية
في امان الله...
~
ضحكت نور بهدوء
رندة:-مامي توت تنامين؟
تالين:-ماعرف انام بغير مكاني
ينرفزن
گامت وسحبت بتها من ايدها ونزعت البشت
بقت بس بالثوب اللي جواه وصلوخ
سكتنة عنها وبقينة نحجي على كيف
عمتي وجدان جانت ببيت عمتي انهار كالت اخذ كم يوم فـ محد بالبيت غير بس احنة
گمنة سوينة غدة وگعدناها گالت:-ماريد لمن يجون
احنة هم عفنة الغدة وانتضرنة كمال
لل 1 ونص يلا طبوا كمال و ولدة وابن رندة ضحكت هسة اليشوفة يطكة عين على هالزلم الوياه تمشي
سلمت عليهم واحد واحد
وهم يگلولي مشتاقيلج عمة
سلمت على سند وهو سمعهم يكولون عمة
گال:-شلونج عمة
وردة:-لا يروحي خالتك اني.. تعالوا ادخلوا يلا
كمال:-وين رندة
وردة:-نايمة
كمال:-اني هاي الامهات راح تسودني والقاسم
دخلنة ورندة گاعدة ستوها
واكفة بباب الغرفة وتفرك بعيونها
تباوع تك عين همست:-وين ابني
ابنها ناعم صاير بين ولد كمال
طلع راسة من بينهم وهي راحتلة مبتسمة وحضنتة
نور تباوعلي فاتحة حلكها
وترجع تباوع لسلام رندة لأبنها
واحنة متعودين عليها هي هيج سلامها وبرودها
بعدتة عنها وكال:-شلونك
سند:-زين
رندة:-مشتاقلي؟
سند:-اي
رندة:-حبيبي يلا روح اگعد ويا الولد
وهو الولد راح يمهم وهي مشت تلم بشعرها
ودخلت للصحيات
مستحيل!!
يگول طفل غريب او اي طفل عادي تشوفة
استغفرت ربي وابتسمتلهم
گتلهم:-خو ما تعبانين؟
اياد:-اني تعباااااان
كمال:-هسة اخذكم للبيت وتنامون هاي خالة نور سلمتوا عليها؟
نور:-اي سلموا ما شاءلله كبرانين
ضحك كمال واشرلها تروح وراه
گتلهم:-نصب غدة؟
مصطفى:-بس اريد اصلي
احمد:-باع هذا المتدين خلي ناكل
ابتسمت ومصطفى رد علية:-احسن منك بس بوبجي ولعب
احمد:-اي اي يلا عمة صبي صبي
وردة:-گوم حبيبي صفاوي صلي راح افرشلك السجادة
هز راسة وكام صرفن ردانات قميصة
وسند گاعد لون شعرة اشگر ونازل على عيونة سرح
وعيونة مسحوبات وحلگة زغيرون جنة ذولة بالافلام كارتون
اشرتلة اجاني گعد يمي
وردة:-شلونك
سند:-زين
وردة:-شلونها مرت بابا زينة؟
صفن بوجهي هواي قلقني يلا هز
راسة بـ اي
گتلة:-صار عدها اطفال؟
اشرلي بأصابعة ثنين وگال:-بنات
وردة:-ها تحبهن انت؟
سند:-لا
ضحكت وهو ضحك گتلة:-ليش خواتك ذني
سند:-هنه مايحبني
وردة:-يضربوك؟
سند:-لا
وردة:-اذا سوولك اي شي گول لخالوا كمال لو لجدو خوش؟ بابا زين وياك؟
سند:-هوَ بالدوام
وردة:-يعني يروح الصبح يرجع بليل هيج؟
سند:-اي
وردة:-وانت ماتشوفة
اشر بأصبعة وكال:-بس واحد
وردة:-بس يوم واحد مو؟
سند:-اي
هزيت راسي وذبيت نفس
باوعتلهم واحد واحد شنو ذنب هاي الاطفال؟
تربت ببيئة مو صحيحة مشتتة
أمهات ماتحب المسؤلية
وابهات اختاروا غلط
عفتهم وگمت حميت الاكل
وكمال گاعد على ميز الطعام ونور واكفة بصفة
تلعب بشعرة
وردة:-كمال شو احسة بي توحد الولد شبي؟
كمال:-جا اذا لا اب ولا ام شتردين يصير
وردة:-استغفرالله ياللهي العالمين
نور:-اگلك ماتجيب هاي الولد كلها
يمي تخليهم
كمال:-دنجبي هو انتي روحج كوة شايلتها
نور:-لا لا وعلي باوع كلهم يشتغلون بالبيت وينضفون وشكد يصيرون بلا انت ولدك 3 واني ابني وابن رندة هاي صاروا شگد خمسة وآماسي لا خطية نخليها كاعدة وهم ينضفولها ويوكلوها الللله حلو حبيييت
ضحكنة وگتلها:-ابنج لسة عند ابو
نور:-اي هو گال بس فترة العيد ياخذة
ذبيت نفس ماشاءلله
هنا كلها مطلگة وكلها عايفة بزرها يمة جهالي لو اموت ما اعوفهم هيج يتشتتون اتخيلهم يجون لامهم ويرحون لأبوهم شراح يصير تربية وبيئة الولد؟
صبيتلهم غدة
وگعدنة سوة رندة وبصفها بتها وابنها
وهي تسولف بس ويا بتها
وتالين تراويها بالتلفون ورندة تضحك
وسند مدنك ياكل
كملنة شلنة الأماعين
وگمال اشر للولد گاموا كلهم سطرة وحدة
وسند گام وياهم سحبتة رندة حيل
وگالت:-وين تريد
سند:-وياهم
نترت:-لا ذاك ابوهم انت شعندك هنا تضل
هز راسة وگعد ساكت
وهي ما معبرتة اصلاً ولكم شنو من گلب شايلة
صعدت لغرفة اولادي
شفتهم يلعبون بلي گتلهم:-ولكم هذا ابن خالتكم خطية گاعد وحدة
علاوي:-يمة يخاف يصعد الدرج گام يبجي وخالة رندة گام تصيح
وردة:-ليش؟
آدم:-ماندري
وردة:-گوموا جا نزلوا البلي جوة يلا أمي خطية ولد بگدكم
هزوا روسهم وشلعوا الويرات ونزلوا جوة
وهو گعد وياهم
گعدت بصف رندة
فتحت تلفونها وراوتني زوجها ابتسمت:-الله يخليكم سوة
رندة:-آمين يارب وردة خلي اسولفلج علي
وردة:-اي
رندة:-بس لاتحجين لأحد وهاي نور حية احسها
وردة:-لا ما احجي
رندة:-اني ماحب علاقتي بزوجي يعرفوها العالم
المهم وردة خليل كيوت كلش تذكرين بابا شون جان يدلل بأمي؟ ولو انتي جنت زغيرة ماتتذكرين اني وعيت على دلال امي وسفراتها
نفسة نفسة بالضبط الراحة العايشتها ويا كارثية
لخصرها ابتسمتلها وهي بيدها موبايلها تباوعلة
رندة:-شنو وين جهالج لعد
وردة:-يستحون تعال ماما علاوي جيب اخوتك وتعالوا
صحتلهم وطلع علاوي ويا ادم
رفعت حواجبها رندة متعجبة بكبر علاوي
وگامت سلمت علي
واشرت على ادم:-هذا توأم بعد عندة مو؟
وردة:-اي ايات
رندة:-اي اتذكر جنت عدكم وانتي جبتي
قصدها جنت اخدمهن هي و ولاء
گمت لآيات ودخلت للغرفة ونترت:-ليش ماتكومين ولج
ايات:-ما ماريد استحي
وردة:-كومي لا اكتلج يلا خالتج هاي
ايات:-خلي تجي اماسي ونطب سوة ماريد ادخل ماريد
وردة:-ماتجي اماسي تعاي ندخل سوة ترة ماراح تاكلج
دگت رجلها بالگاع ضايجة
ومشت وياي لازمة ايدي طلعت لگيتها تباوع لأرجاء البيت
ايات:-شلونج خالة
رندة:-هلو
بوستها وكعدت اصلاً ماكلفت نفسها
تحسسهم هي خالتهم ومشتاقتلهم
بقيت گاعدة يمها وهي گالت:-اممم زين البيت بنيانة حديث
عصرت ايدي وهمست:-ااي كمولي اشتراه
رندة:-زين مرتاحة بي؟
وردة:-اي الحمدلله
رندة:-بس انتي وجهالج بي مو؟
وردة:-لا عمتي وجدان ويانة اجت
رندة:-عوع وشعندها كاعدة يمج ماتزوجت و ولت
وردة:-عيب رندة ما مسوية شي المرة وهي مريضة وين نخليها
رندة:-وانتي شعليج امج قابل هي؟ شكد تحبين تتعبين نفسج اوي والله الج خلك
وردة:-ما متعبة نفسي عادي هي ويانة والجهال يحبوها مرة جبيرة بركة بالبيت
رندة:-اممم بعدكم ع هالسوالف
نور:-السلام عليكم
دخلت نور وآماسي بيدها والتفتت عليها رندة بغرور
وماگامت بقت گاعدة ونور بكل ثقة هم ما اتقربتلها ودنكت عليها
وسلمت من بعيد
وهي اشرت:-مرت كمال؟
نور:-اي
رندة:-هممم شلونة كمال وياج
نور:-بخير
رندة:-طلك ذيج الحيوانة؟
وردة:-لا علمود ولدة ضال
رندة:-هههههاي والله لو يموت مايطلگها اخوي وادري بي
نور:-مدام عايشة بعيدة عني وماكو اذية ماريد منها شي
دارت وجهها وهمست بصوت
بس ينسمع:-حالج حال ذيج
نور:-تقصدين ملاك؟
باوعتلها رندة متفاجأة وواني خزرتها
حتى تسكت كالتلها:-شنو تعرفيها؟
نور:-اي اكيد صارحني كمال بكلشي
واحب اگلج ملاك انضلمت وهسة عايشة عيشة سعيدة البنية اما بالنسبة الي فـ لا تخافين علية مدبرة كلشي
رندة:-محد ضلمها ملاك غير عاقر
نور:-وهسة صار عدها طفلة بالأنابيب؟ لو محد لاعب بعقل كمال جان هي سعيدة ومامرت باللي سويتوا بيها
رندة:-شو انتي لسانج طويل
نور:-احجي الحق اني حبي
رندة:-حقيش ذاك اليوم اجيتي شمعرفج انتي بالصار
ذبت نفس نور متضايقة
همست:-غيروا الموضوع
رندة:-اوع اكرره هيج نماذج واحب اگلج كمال يموت على ولاء ولو يريد يطلگها يطلگها من زمان
نور:-مو كلشي بالحياة نكرها نبتعد عنة
مرات قربة يسبب اذية وبُعدة اذيتة اكثر
يمكن اذا طلگها تأذي بأطفالة؟ كلشي يصير يجوز تطلب اعز ماعندة اماسي وهو مخليها لخاطر اماسي و الولد
رندة:-وانتي شلون متحملة هيج حياة
نور:-ما متحملة شي كمال هو اللي حامل كلشي على ضهرة ومرتب امورنة
رندة:-اوع
غمضت عيونها نور بصبر
وضلت تباوع لآماسي وتلعب بشعرها
رندة:-كمال حيروح لبغداد؟
وردة:-مادري راح نور؟
نور:-اي راح
رندة:-كون مايتأخر
وردة:-تضلين كم يوم؟
رندة:-باجر ارجع
فتحت عيوني مصدومة همست:-ابنج ماشايفتة صارلج كم سنة؟ وترجعين باجر
رندة:-انتي خبصتيني ترة كلنالج اتصل بي وافتح كامرة وياه ماعايفتة هو عند ابو بعد شكو
تالين:-حيجي سند؟
رندة:-اي أُمي
بقينة ساكتين اني ونور نباوعلها
شلون تتماوع جانت لابسة بشت جوزي وشالها
ذابة اطرافة لورا وشعرها اللي بالگدام طالع
فتحت الحجاب وحلت شعرها
تتمايل بي نزل سرح على طول ضهرها سحبت موبايلها تكنك بي همست:-نتكم على كارت لو مثل قبل؟
وردة:-شون يعني كارت؟
رندة:-يعني احنة عدنة كارت نشتري نكنك بي حتى لو طالعين بأي مكان
وردة:-لا هو راوتر
رندة:-لعد هاج سوي
آماسي:-نونة اريد اغسل
نور:-گومي أمي گومي
اخذت آماسي وراحت وآيات تبعتهن
واني دخلتلها النت تمددت على القنفة تعلج وتراسل
هزيت راسي متعجبة من وضعيتها
رحت ورا نور والبنات لكيتها تغسل لآماسي وتحجي وياهن
وردة:-نور خو ما زعلتي
نور:-لا يمعودة على شنو ازعل
الله يساعدج اذا هاي اختج
ابتسمت لو شايفة امي قبل شتگولين لعد؟
وردة:-اذا تضوجين روحي الله عليج
نور:-لا اريد اشوفها لوين توصل
وردة:-نور!
نور:-اي اي يلا ما احجي بس اكعد
وردة:-والله ادري بيج ما تسكتين
ضحكت ومشينة سوة
ورحنة گعدنة بالصالة يمها وهي تلعب بالتلفون
واحنة نسولف
ونور تسوي تسريحة لإماسي
وتحجي وياية
رندة:-قبل جنتي ويا ملاك وعايفتني هسة ويا نور؟
وردة:-اذا انتي كاعدة ؏ تلفون شلون احاجيج مثلاً
رفعت عيونها بغرور وگالت:-اريد انام
وردة:-ذيج غرفة البنات نامي بيها
همست ايات بصوت ناصي:-ياهوَ اليجي ينام بيها مالتهم هي
وهو فلوس ومال وجاه وسمعة ومشهور على مواقع التواصل كلها تعرفة بحيث هيج يجيني شعور الفخر من اشوف صورة بالاعلانات وبأي مكان
ابتسمتلها هزيت راسي وگتلها:-ماتردين طفل منه؟
رندة:-لا اكيد عزة شلون ماريد بس خلي يستقر هو بسفراتة حتى نضبط امورنة وان شاءلله يجيني منة ولد حتى الورثة هاي كلها تصير اله
وردة:-الله يرزقكم ان شاءلله
وابنج سند؟
رندة:-شبي؟
وردة:-دتشوفين حالتة و وضعيتة؟
رندة:-يووو شبي قابل ولد مثل الورد مابي شي
وردة:-ليش ماتتناقشين وماعند اسلوب حوار
الولد جاي يگول مايشوف ابو بس يوم واحد بالأسبوع لان ابو يشتغل من الصبح لليل ومافارغلة ومرت ابوَ مبينة ترة تأذي رندة ابنج ولج طالع من روحج شلون مايرف گلبج علي؟
رندة:-يمعودة مدلل مابي شي ها شوفي شلون قميصة مكوي كوي ومرتب عوفي هنا وين اجيبة يمي
وردة:-وليش اخذتي بتج لعد؟ وعفتي هذا؟
رندة:-هاي بنية ماتگدر تتربى عند احد هذا ولد باجر عگبة هو يشيل روحة
وردة:-الله يهديج
هزت ايدها ساكتة
وضلت تسولف ويا بتها واني عافتني
رجعت دارت نفسها:-صدُك وين امير
وردة:-بالشغل
ضحكت بأستهزاء:-هم من الصبح لليل
رفعت عيوني بصبر وعفتها وگمت
انسانة متعجرفة شعندي گعدت وياها
من جهه أخرى (بيت كمال)
دخلوا الجهال ويباوعون للبيت
اندار علية اياد وگال:-مو عندج ابن
نور:-اي حبيبي عند ابو
احمد:-مثلنة احنة شبيك من اجينة لابونة
ضحكت وهزيت راسي بـ اي
وكمال يمشي گبالنة
دخلوا لغرفة مرتضى بدلوا ومصطفى يلوب
مصطفى:-ماقريت اليوم قرآن
نور:-تنام وترتاح وتگعد تقرة؟
هز راسة بـ اي
احمد:-اريد انام بالهول ماريد هنا
نور:-ليش هنا ابرد؟
احمد:-ماريد
اخذتلهم فراشات وفرشتهن بالهول
جانت الساعة ب3 الضهر
اول ماحطوا روسهم ناموا بسرعة
نصيت السبلت حتى ليبردون وكمال طلع من الحمام ينشف بشعرة
گال:-شبسرعة ناموا
نور:-تعبانين خطية
كمال:-اماسي وين
نور:-بغرفتها خلي اشوفها نايمة
رحت لغرفتها لكيتها تبدل للعابات:-ولج ماما بدلي
اماسي:-خلي ابدل لعاباتي اول
نور:-راح اخذ الايباد ترة بابا مايرضى
اماسي:-اوكي اخذي
اخذتة وصعدت للغرفة مالتنة لگيتة يبدل
نور:-كمال صدك اريد اگلك شغلة
كمال:-احجي
واني انزع بقميصي وهو اندارلي
وتقدم الي:-هاي اختك شلون متحمليها؟
حضن خصري وگال:-كلتيها بعد اختي
نور:-سودة علية الولد كام يباوعلها يريد يشوف منها حنان ماكو
كمال:-امممم
وهو حاط راسة برگبتي ضحكت
من ملمس شواربة بعدتة عني وگتلة:-تنام؟ تعبان؟
كمال:-لا اريدج
ضربتة على صدرة
ونزعت باقي ملابسي وهو تمدد على الجرباية
لبست ثوب ستن اسود وفتحت شعري
رحت لميز المرايا
ومسحت مكياجي كلة وخليت مرطبات
واجيت يمة فتحلي ايدة
ضحكت وتقربت منة سحبني من ايدي
ونيمني فوگاه:-امممم تحبني؟
كمال:-اموت عليج
نور:-واني هم احبك... ها مافكرت نروح نسافر
تلمس شعري وگال سرحان بعيوني:-ماينطوني اجازة حبيبي
نور:-خلي اسافر وحدي لعد
كمال:-مو اطيح حضج
نور:-والله اريد اسافر شنهاي
گلبني وصار فوگاي هوَ
حاوطت رگبتة وهو همس:-اسفرج بطريقتي؟ بتكلفة اقل
وهمس بأذني همسة خفيفة:-و وقت طويل
ضحكت ضحكة رنانة
وهو ايدة تتمشى بحرية على انحاء جسدي تاركة اثر مقدس يبين حبة ورغبتة الي
اتجاوب ويا كل حركة منة تتطير روحي وتصعدني للسما
نمت بحضنة هادئة مرتاحة
واصوات انفاسنة عالية غمضت عيوني راسي على صدرة..
لليل طلعنة كلنة لمطعم
ورندة اخذت جهالها وراحت وحدها تفتر
وكمال بقى يكمز من العصبية والقهر
وكل ساعة خابرها وهي تنتر بي
ثاني يوم الصبح گعدني كمال
فاتح قميصة ويهمس:-نونة راح اروح للدوام عينج على الجهال
حضنت رگبتة وهمست:-غير بعدها عطلة العيد
باسني بشفتي برغبة وهمس:-حبيبي احنة ماعدنة عطلة هي هاي اجازتي يومين
شميت رگبتة وگلت:-تمام... اگوم اسويلك ريوك؟
كمال:-لا ابقي نايمة ماريد
هزيت راسي رجع باسني
لفيت روحي بالبطانية ونمت
شوية وحسيت واحد خلة راسة على ايدي فتحت
عيني لگيتها اماسي ابوها مخليها
حضنتها ونمت
بقوا يمي يومين وكل ساعة امهم تخابرهم
وهم يحاجوها لحد مانزل كمال واخذهم لامهم
وضل هناك يوم ورجع
نور:-رجليك ماتتعب من السياقة
كمال:-شسوي غير جهالي
نور:-حبيبي اخذ تكسي هيج تتأذى
حضن خصري وهمس:-تخافين علية
نور:-على گولة الحيوانة وردة مثل النفس تصعد وتنزل
كمال:-اويلي
ضحكت وكملت مكياجي وطلعنة اني وياه
رحنة لبيت اهلي اخذت مرتضى ورجعت..
وردة..
ثاني يوم رندة راحت من الصبح
وسند بقى نايم يم الولد
مجرد طبت باستة وطلعت
راحوا للمطار بقيت اباوع للطفل
وعيوني مدمعة شذنبك يا حبيبي؟
هاي نتائج الطلاق من يكون بينهم اطفال
وام مهملة واب مهمل
يومين بقى يمنة لأن كمال
خابر ابو گالة ماگدر عندي دوام من انزل اجيبة الك
وذاك اصلاً هم ما اهتم گال براحتك
ولو ماجاية رندة هواي احسللها
لأن گعد الطفل يبجي ويفرفح گوة يلا سكت
الانسان يحب من أعماقه مره وحده
باقي المرات محاولات للإنتماء
والشعور بالامان فقط
#لأني_عاقر
#البارت_االأخير_للأبد
#مريم_الخفاجي
ل
ـــــــــــــــــــــــــــــــــــــــــــــــ.
حجتها ودارت وجهه وراحت
غمض عيونة وذب نفس ساكت
راح وراها متندم وحاني ضهرة
عفتهم مارحت وراهم كملت شغلي وتنضيفي
على ما اذن دكيت الباب عليهم
فتحتة اماسي
جانوا نايمين ثنينهم على جرباية ايات
وهو حاضنها وراسة بصدرها
طلعت اماسي ودخلت هزيتة
من زندة وهمست:-كمال... كمال گوم افطر حبيبي
فتحت تك عين نور وگالت:-هي شنية حبيبج؟؟
ضحكت وگلت:-ولج روحي هذا مو بس حبيبي
كمال يضحك يهتز وهي تهتز ويا
من ضحكتة:-عفية تعاركن
وردة:-دگوموا يلا افطر
گام كمال وعاف نور نايمة
فطرنة وصلينة وفرشنة السفرة تعشينة وبعدين راح كمال لدوامة
نور:-وردة
وردة:-هممم
نور:-شبي كمال؟
بلعت ريگي وهمست:-شبي؟
نور:-بي شي متأكدة
وردة:-لا مابي شي
نور:-يهمس هو ونايم احبها؟؟ وردة شني تضحكين علية
سكتت مدنگة
رجعت گالت:-ترة من زمان هو زين حتى من يروح لولاء ويرجع عادي وهسة شبي شو انگلب من اجيت لسة وحتى من يجيني وجهه مگلوب وصاير اسمر حيل لاتخليني بقلق وردة
وردة:-شاف ملاك بالسيطرة
نور:-اي؟
وردة:-اي وشاف بتها وابنها وبقت بعقلة يكول جنت ناسي وهسة انطبعت بعقلي ماكدر انساها
هزت راسها متفهمة گلت:-حبابة لاتضوجين
ضحكت:-ترة اني القبلت بهالوضع وردة ادري بي جاي يتأذى وحضل ويا للموت حد ما يصير زين
وردة:-ماعتقد اخوي يصير زين
نور:-لا يصير يصير ربج موجود
وردة:-الله كريم تكومين تنامين بغرفة البنات؟
نور:-اي فشلة زوجج محبوس بالغرفة
وردة:-لا عادي هو حتى بالايام العاديه هو بالغرفة نايم
شلت من زندها وهي تمشي على كيفها
متألمة ضربتها على ضهرها بخفة
وگلت:-ولج شلون اجيتي بسيارة يمة الصلافة يمة
ضحكت وتمددت على جرباية اماسي
واماسي وايات ينامن سوة بجرباية وحدة
ثاني يوم داومت ورجعت عادي
لگيت كمال جاي وماخذ مرتة
جانوا ماخذين بيت بصفنة لزك
اتذكر كمال من اشترالي بيت يگول اريد اخليج بعيدة حتى يمي ماتجين
تالي شهر زمان واجة بصفي
گعد حتى ماتحمل
دگيت باب بيتهم طلعلي كمال يضحك
كمال:-ها وريدة الله يساعدج بعد اخوج تعاي طبي
طبيت وكلت:-شجاي سوون
كمال:-جاي انضف
ضحكت اباوعلة مضيكة عيوني:-وين نور
كمال:-جوة شگتني شك
ضحكت ودخلت لجوة ذبيت عبايتي وحجابي وكمت غسلت وصرفنت رداناتي
وگلت:-ليش ما انتضرتني اجي وانضف وياك
كمال:-ماكو شي ارتب اني وامسح
ضحكت هازة ايدي
ونور گالت:-ولج موووتني مايعرف يمسح ليص الأمة العربية كلها
كمال:-انجبي لج فوگاها
ضحكنة واني كمت ويا
كمال:-روحي انتي لبيتج ارتاحي
وردة:-لا ماعندي شي خلي اساعدك
كمال:-شتساعديني روحي روحي عمي تعبانة
وردة:-والله ماعندي شي شبيك واليوم الفطور من برة مالي خلك اسوي بالبيت
وهو يمسح ويحجي وياي
اخذت وصلة ومسحت الاثاث
لان نور عمليتها نخاف عليها اباوعلها مبتسمة
تباوعلي ضحكت وكتلها:-شبيج
نور:-يعني حتى الاخوات ماتسوي سوايتج
شكد تحبين كمال لعد؟
جريت نفس بعمق وكتلها:-شوفي ويا النفس يصعد وينزل
نور:-مو اگوملج
ضحكت ورجعت امسح
گامت هي صحت:-لاتزلگين
نور:-لا
راحت طلعت لبرة لكمال اليغسل بالصبة
رحت للسنك اغسل بالوصلة واباوعلهم من الشباك وابتسم
هي لازمة الصوندة ترش
وهو واكف وراها حاضنها بتك ايد
والتك الثانية يمسح بيها صاحت:-اكلك تعال گبالي امسح شون وراي
كمال:-معليج جاي امسح
نور:-ترة المااااي كلة باقي لورا امسح عدل نشف الگااااع
كمال:-هيج مرتاح خليني
نور:-تسوي اغرائات حبيبي؟ انطيني الماسحة انطيني
حط راسة برگبتها واخذ الصوندة
وهي اخذت الماسحة ضحكت هيّ وگالت:-لك
جسمي يكزبر راح اوگع والله
همس بخدر:-اششش خليني هيج مرتاح هم حارمتني وهم كاعدة تتبطر
ضحكت وماعبالهم اني اسمعهم
لان الشباك صار وراهم واني مدنگة اضحك
واسمعهم
همستلة:-امممم خلي اطيب واعوضك
كمال:-غصباً على راسج ولج راح امووووووت
نور:-على كيفك حبيبي على كيفك بعد روحي روحك اني يمك ماطايرة آييي لاتعض
كمال:-احبج
نور:-اموووت عليك وعلي
كمال:-اروح فدوة ونذر لعلي التحلفين بي
ضحكت وگالت:-صدُك بالعيد وين نطلع
كمال:-وين نطلع نضل هنا
نور:-اريد اسافر
كمال:-ماينطوني بعد اجازة لو اطك راسي بمية گاع
نور:-يا خلي يولون خلي نسافر للامارات لبيتكم الجنتوا عايشين بي وتحجيلي عنة
ابتعد يباوعلها صافن بوجها
ويرمش بهدوء اخذت ماي من الصوندة
ورشتة بوجهه وگال:-ها كمولي صفنت
كمال:-لا هيج كملي
ابتعد عنها وهي بقت مستغربة
مع هذا ماحجت شي سحبتة من ايدة ورجعتة
نفس الوضعية وصاحت:-خليك هيج
ضحك بتك خد وبقى يرش ساكت
اني اباوعلهم وعقلي يسرح للماضي نفس الوضعية
بين ملاك وكمال!
نفس الشي من جان ينضف وياها
ويلعبون سوة
جانوا يذبون بالماي ويلعبون فلك وامي
تبقى تصيح عليهم وهم يضحكون
شوف اسمع اصوات ضحكتهم ترن بأذني كأنما هم گبالي واسمعهم
ذبيت نفس وغسلت وجهي
ياترى كمال شنو ذكر من ذكرت الامارات؟
تذكرت البارت القريتة بوقت روحتهم للامارات
جنت ابجي واقراه بوقت نزولة
واخوي بوقتها جان مريض گبالي واني اسمع صوتهم وضحكاتهم بالبارت
يرنن بأذني همسهم وكلامهم وحبهم
اني الجنت الشاهدة على كمية العشق بينهم
الله يرحمج يا أمي متي انتي وخليتي اخوية يتعذب؟
سكتت من دخل كمال ضايج
وطب كبل لجوة واني ونور كملنة باقي الشغل
واني رحت لبيتي بعد ماتشكرت مني نور وتبوس بية وتكول تعبتج
دخلت للبيت ونمت
كمال ماراح لولدة
خابرتني ولاء وگالت:-ها شلونج وردة
وردة:-هلو ولاء الحمدلله بخير
ولاء:-اكلج كمال وين؟
وردة:-هنا موجود
ولاء:-لعد مايجي شنو يضحك ع الجهال؟
وردة:-لا مو قصة يضحك عليهم بس نور مسوية عملية ويخاف لاتتأذى
ولاء:-ونور اعز من ولدة؟
وردة:-لا مو هيج بس...
طبگتة بوجهي ايا طايحة الحظ ماتصير
براسج خير لو تموتين
هزيت ايدي ودكيت على نور
گتلها:-ولاء خابرتني
گالت:-هي هسة خابرت واني سويتة صامت كمال بالحمام
وردة:-يروح اليوم لو شنو؟
نور:-مادري والله
سكتت وطبگتة
وشوية ودارلي كمال گتلة:-شوكت تروحلهم ولاء كامت تصيح
كمال:-خلتولي هاي مسوية روحها مهتمة باجر اروحلهم الصبح
وردة:-وتصوم؟
كمال:-لا افطر شسوي جا ماكدر اعوفهم
وردة:-خوش
وصدك الصبح اخذ اماسي وراح ونور
اجت يمي وهي ضايجة گالت:-ماخلاني اضل بالبيت
وردة:-يمعودة وحدج توكعين يصيرلج شي اكعدي هنا
نور:-عمي انتي عايزة والقران احس روحي ثكيلة
وردة:-لا مو ثگيلة شكو قابل مخليتج على ضهري
نور:-ياربي والقران احبج
ضحكت واني انقل درجات الطلاب للسجل
بالليل دك كمال على نور
نور:-ها حبيبي؟
كمال:-هلة يروحي وين انتي ببيت وردة؟
نور:-اي شلونك شوكت وصلت؟
كمال:-الحمدلله ب8 وصلت
نور:-ها زين شونهم الولد
كمال:-زينين الحمدلله خو ما تخربطتي
نور:-لا حَبيبي لايضل بالك
ابتسمت واني مدنگة
رجع گالتلة:-وين انت شو طالع
كمال:-رايح اشتري
نور:-هاا زين وين گاعدين انتوا ببيت وحدكم لو شنو
كمال:-لا هو عند اهلها اجرت السويت الفوك انطيهم فلوس لاهلها واني سويت درج لبرة ماضل صاعد نازل فشلة
نور:-اي هم صح
كمال:-اشتاقيتلج
ضحكت تباوعلي
هزيت راسي بضحكة واخذت غراضي ورحت للمطبخ بس تعمدت افتح الباب شوية حتى يوصلني صوتة واتطمن هو بخير
نور:-اني هم اشتاقيتلك
كمال:-يومين وارجع لايضل بالج
نور:-اممم
كمال:-نورة راح اراويج المناطق
نور:-ترة بغداد شابعة منها
كمال:-انجبي هسة اتفاجأي وكأنما ماشايفتها
ضحكت نور وكالت:-يلا
شوية وسمعت صوتها گالت:-الله هاي وين گاعد باوربا اول مرة اشوف هيج
متت ضحك
مخابيل ثنينهم بقوا يسولفون واني اسمعلهم
وهو يتغزل بيها ويحجي كلام جريء
وهي تضحك بخجل واني خدودي وردت خجل واضحك بسكتة
سمعت صوتة گال:-راح ارجع للبيت
نور:-خلي مفتوح اريد اشوف اماسي
كمال:-كل ساعة وكالتلي لو جايبين نور ويانة خبلتني
نور:-بعد روحي
صدك شوية وسمعت صوت اماسي
يصيح:-ها نوووووررررة
كمال:-ولج كولي خالة
نور:-لا يا شنو خالة معليج حبيبتي كولي نور حلو اسمي بحلگج
كمال:-ولج ترة وعلي هسة اجيج
نور:-ياريت ههههههههه
ضحكوا كلهم و اماسي تكللها:-نونة راح اجيبلج وياي ملابس
نور:-خوش
اماسي:-يالون تحبين؟
نور:-اي لون
اماسي:-لا گولي يالون
نور:-اممم وردي
اماسي:-اوكي بابا نجيبلها ملابس للعيد؟؟؟
كمال:-هذا هو تدللين
ولاء:-ها كمال ليش كاعدين ع الدرج
كمال:-جاي احجي ويا مرتي هاج اخذي ذني انطيهن للولد
ولاء:-ترة انت مكضيها كلة يمها شكو هالتعاير هذا
كمال:-استغفر الله ربي
نور:-روح حبيبي جهالك خاف يردوك
كمال:-يلا تصبحين على خير
نور:-وانت بخير
كمال:-احبج
نور:-واني هم
وفصلتة شوية ضليت وهي اجت گالت:-ليش ضليتي هنا
وردة:-لا احسن لان طبلة وكرسي ضهري ماكدر ادنك
هزت راسة ومبينة علامات الضوجة بوجها
غسلت وجها وبقت واكفة ع السنك
همست من وراها:-شبيج؟
نور:-مخنوگة
عافتني وطلعت برة گعدت على الكرسي
بالحديقة
سديت الدفتر وگمت وراها گعدت بصفها
وگلت:-لاتنسين ذولة جهالة ومرتة وصارحناج احنة من البداية نور
نور:-اعرف ومو من حقي اضوج بس طبيعي اغار مو؟
وردة:-اي عادي كأي مرة تغار على زوجها اني اغار على امير من امه بس مو تضوجين نفسج
نور:-لا عادي بس خايفة لايرجعها
وردة:-مادري بعد
نور:-مو قصدي انو ماريده يوصللها او يعتني بيهم بس خايفة نخرب بيني وبينة مثل ملاك
وردة:-لا لاتخافين اساساً هي ماتطلع وهو يعرفها وين تروح و وين تجي وموصي ابو عليها وحتى تلفونها مراقب
نور:-واذا كالتلة اريد اماسي!
وهو متعلق بيها ويجيبها يكعدها هنا عزة والله يصير حالي اسوء من ملاك
وردة:-لا اسم الله لاتخافين شسالفة وملاك ترة جانن كلهن عليها ولاء وامي ورندة
نور:-خطية
ضحكت وگلت:-طليقة زوجج مو تكولين اغار شعجب ماتغارين منها
نور:-لا لا مقهورة عليها اكثر مما اغار شنوو اغار على اي اساس ماضي هذا
بس ماعرف شلون تخطت وعاشت حياتها بعد كل هذا الحب اللي بينها وبين كمال ليش كمال مانسى وهي نست؟
وردة:-لان ببساطة كمال اذاها هي ما اذتة وانطت اكثر من اللازم ليش تبقى تعاني وهي ماقصرت بشي؟
نور:-مادري
وردة:-واضافة من جنت احاجيها تكول بتها من انولدت عوضتها عن كلشي مر بحياتها
نور:-الله يسعدها يارب
وردة:-امين... يلا گومي نامي مو زين تضلين گاعدة هواي
گمنة سوة ونمت
ومرت يومين واجة كمال للبيت
جنت امسح بالطارمة وطب هو لازم جنطة اماسي وايبادها
وهي طبت تركض حضنتني:-عمممممة
وردة:-بعد عماتج يروحي شلونج
اماسي:-زييينة وين نووور؟؟؟؟
وردة:-هناك جوة طبي
اجة كمال بوستة ودخل
كملت مسح وطبيت غسلت ايدي
وهو اجة للمطبخ:-خو ما طلعت نور؟
ضحكت:-لا ما طلعت بقينة بالبيت
كمال:-عبالي لان تحوص ادري بيها
وردة:-باجر دوامك؟
كمال:-اي
وردة:-شونهم الولد؟
كمال:-زينين يكولون مشتاقيلج
ضحكت:-وين جانوا يغلطون علية ويردون لورا
ضحك وگال:-لا هسة زينين ضالين ويا جدهم ياخذهم للجامع وللحوزة هذا مصطفى گام يتعلم يحفظ القرآن بدة بالسور القصار
وردة:-يا حبيبي الله يحفظهم
كمال:-امين جانوا حيل متشتتين عركاتنة وطلايبنة وامهم بدون اهتمام بس هناك قلت المشاكل صاروا محصورين يم امهم وجدهم وبيبيتهم ماكو مشاكل
وردة:-يلا اهم شي يتربون ببيئة صحيحة
كمال:-اتمنى اجيبهم يمي بس مايقبلون
وردة:-مادام مرتاحين عوفهم انت هيج هيج مافارغلهم مدام امهم عقلت هذا هو
سكتنة وهو اخذ عائلتة وراحوا لبيتهم
ومرت ايام رمضان بخير
واجة العيد
اركض من واحد لواحد واليوم ببيتي العزيمة
كلهم يجون
وردة:-علاوووي لبس اخووووك عدل والقران راح اموتكم
علي:-يمة مايقبل
وردة:-مو بكييييفة ولك والقران اجنزك ادم
تعاي آيات جيبي المشط وتعاي للمطبخ
اجت وراي
لازمة المشط مشطتلها ع السريع
وانفتح الباب ودخلت عمتي لمياء وعمي
ابتسمت وسلمت عليهم وعايدتهم وطبوا لجوة
باوعت للدجاج بعدة ما مستوي
كملت باقي الاكل ورحت بمهم شوية وطبوا كمال وعائلتة
ابتسمتلهم ياخي من يدخل هوَ
احس البيت ينور من اشوف طولة گلبي يضل يدك سريع وابتسامتي تترس وجهي
حضنتة وعايدتة وهو خلة خمسة وعشرين
بيدي ضحكت وكتلة:-ترة متزوجة اني وعندي 3 جهال ولسة عبالك طفلة؟
كمال:-والله لو يصير عمرج ميت سنة هم اعاملج مثل الطفلة
نور:-اوف ياربي كيوت كون اطگلكم صورة هسة
كمال:-صوري جا شمنتضرة
ضحكنة وهي طگتلي صورة اني وياه
واني مبتسمة خجلانة
جان لابس قميص جوزي وبنطرون اسود ونور لابس نفس الشي بنطرون وقميص
واماسي لابسة ثوب احمر وجنطة ونضارات
وشفقة وجواريب رياضية وحذاء بيضة
هاي كلها تنسيقات نور
وردة:-اماسي عيني شو طابة بحذائج بعد عمتج؟؟
اماسي:-نضيفة وبابا شالني واجينة
وردة:-عبالي يلا طبي طبي
دخلت
واجن اخوات امير اثنينهن سلمت عليهن
وعمتي انهار وعمي عثمان ومرتة هم صاروا هواية
اصوات العائلة تحسسني بالأطمئنان
ابتسمت واسمع صوت صياحهم وضحكهم
اجن البنات يساعدني
كملنة كلشي وكعدت وياهم اضحك فرحانة بيهم وبجمعتهم
اذن الاذان وصلينة
ونوب صبيت الغدة وگعدوا كلهم ياكلون
ويمدحون بطبخي واني ابتسم وخدودي حمرة
گمت غسلت لگيت نور يم المغسلة
وكمال حاضنها من ورا يغسلون سوة
ضربتة بضهرة وهمة فزوا ثنينهم:-البيت متروس
عالم بلا طب عمي وشافك
كمال:-مرتي عمي حلالي ها والله عمي زين
وردة:-مرتك ببيتك عيني العب ماتلعب بس هسة عيب لاتفضحنة
نور:-والله هو فاسق
كمال:-والله انتي سايحة ومكيفة شعلية اني
ضربتة يضحكون اخذها من ايدها وراحوا
واني غسلت ورحت اشتغل ويا البنات
لحد ما كملنة سويتلهم جاي
وديتة الهم وكمال اخذ الجاي وگال:-الله شگد اموت على جاي وردتي
نور:-هم اتغزل بيها يالعباس عمي ترة اغار اني؟؟؟
كمال:-تغارين من هاي ام وجهه الحلو والكلب الطيب يروحولج فدوة عشيرتي كلها
وردة:-والله يالله
ضحكت يتناگرون ونور تخوزر بي
و وزعت الجاي للباقين وگعدت بالكاع اسمعلهم واشاركهم بنقاشاتهم
وردة:-اماسي الجاي حار لايوكع
اماسي:-ترة كبرت اني اشرب جاي حار مو نور
نور:-لا تنجوين يحبيبتي عوفي خلي يبرد
اماسي:-اني اشرررب حارررر
نور:-تشربينة دافي ياروحي لاتنجوين
اماسي:-ماريد يلا ماريد
كمال:-شبيج بابا تعاي
اماسي:-مايخلني اشرب
كمال:-ولجن تعوفن بنتي لا اگوم اسبحجن بالجاي هذا
اماسي:-بابا كوم نروح وخلي نور هنا
نور:-لا بالله
اماسي:-ترااا هو باااااباااا الي
نور:-وهو زوووووجي حبيبتتتتتي
اماسي:-ما ما زوجي الية وبابا الية
ضحك وگام حضنها يفر بيها