Ozodbek Nazarbekov

#
Vazir_va_yoshlar_uchrashuvi
⚡️
Andijonlik 300 nafarga yaqin yoshlar bilan
uchrashdim
🚀
Telegram
📷
Instagram

🇺🇿
🇬🇪
O‘zbekistonda bo‘lib o‘tayotgan “Gruziya madaniyati kunlari”ning ochilish marosimida ishtirok etdim.
Batafsil:
https://t.me/madaniyatvazirligi/55733
🚀
Telegram
📷
Instagram

#Live
#Madaniyat_kunlari
📹
Ayni damda
O‘zbekistonda ilk marotaba o’tkazilayotgan “Gruziya madaniyati kunlari”ning ochilish marosimi bo'lib o'tmoqda.
Eslatib o’tamiz, O‘zbekistonda
9-11-mart
kunlari
“Gruziya madaniyati kunlari”
tadbirlari bo‘lib o‘tmoqda.
Press-reliz:
O’zbek tilida
English
Русский
🔹
Telegram
🔹
Instagram

#Live
#Madaniyat_kunlari
📹
Ayni damda
O‘zbekistonda ilk marotaba bo‘lib o‘tayotgan “Gruziya madaniyati kunlari”ning ochilish marosimi bo'lib o'tmoqda.
Eslatib o’tamiz, O‘zbekistonda
9-11-mart
kunlari
“Gruziya madaniyati kunlari”
tadbirlari bo‘lib o‘tmoqda.
🔹
Telegram
🔹
Instagram

⭐️
Gruziya madaniyat vaziri Tinatin Rukhadze xonim bilan bir qator madaniy hamkorlik masalalarini muhokama etdik.
🔹
Batafsil:
https://t.me/madaniyatvazirligi/55709
🚀
Telegram
📷
Instagram

🎀
Yurtimizning muhtarama onaxonlari, qadrli opa-singillar, dilbar va oqila qizlar!
Sizlarni
8-mart — Xalqaro xotin-qizlar kuni
bilan chin qalbimdan muborakbod etaman. Ushbu sana jamiyatimizdagi ayollarning fidokorona mehnati, yuksak mas’uliyati va ezgulik timsoli sifatidagi beqiyos o‘rnini qadrlash, ularga chuqur hurmat va minnatdorlik bildirish kunidir.
Ayol — mehribonlik hamda ezgulik timsoli, oilaning iliq qalbi va jamiyatning ruhiy boyligi hisoblanadi.
Sizlarning professionalligingiz, tashabbuskorligingiz va fidoyiligingiz har birimiz uchun ibrat, yurtimiz taraqqiyotida esa mustahkam poydevor vazifasini bajaradi.
Sizlarning har bir mehnatingiz jamiyatni obod qilish, qadriyatlarimizni asrab-avaylash va kelajak avlodni tarbiyalashga xizmat qiladi.
Ushbu muborak kun munosabati bilan sizlarga mustahkam sog‘lik, oilaviy baxt-saodat, tinchlik, farovonlik va ishlaringizda yangi-yangi yutuqlar tilayman.
Har kuningiz ilhom, quvonch va muvaffaqiyatga boy bo'lsin, qalbingizni mehr va iliqlik hech qachon tark etmasin.
🌷
Bayramingiz muborak bo‘lsin!
Hurmat bilan, madaniyat vaziri -
Ozodbek Nazarbekov
🚀
Telegram
📷
Instagram

⚡️
Madaniyat vazirligida 8-mart Xalqaro xotin-qizlar kuni
nishonlandi
🚀
Telegram
📷
Instagram

Madaniyat vazirligida
8-mart — Xalqaro xotin-qizlar kuni
munosabati bilan bayram tadbiri tashkil etildi. Ushbu sana munosabati bilan vazirlik tizimida faoliyat yuritayotgan xotin-qizlarning jamiyat va madaniyat rivojiga qo‘shayotgan munosib hissasi alohida e’tirof etildi.
Bayram tadbirida so‘zga chiqib, jamoamizning barcha ayollarini ushbu qutlug‘ sana bilan samimiy tabrikladim. Ayol — mehr-muhabbat, sabr-toqat va go‘zallik timsoli ekanini, ularning jamiyatimiz taraqqiyotidagi o‘rni beqiyos ekanini alohida ta’kidladim.
Ayollarning fidokorona mehnati, yuksak mas’uliyati va tashabbuskorligi jamoa faoliyatida muhim o‘rin tutayotganligi tahsinga sazovordir.
Shuningdek, xotin-qizlarning milliy qadriyatlarimizni asrab-avaylash, madaniyat va san’at sohalarini rivojlantirishdagi beqiyos hissasini alohida qayd etdim.
Tadbir samimiy va ko‘tarinki ruhda o‘tib, barcha ishtirokchilarga bayramona kayfiyat ulashdi.
🚀
Telegram
📷
Instagram

⚡️
Qirg‘iz Respublikasida bo‘lib o‘tgan Turkiy madaniyati va merosi jamg‘armasi Kengashining 3-yig‘ilishida qatnashdim
Yig‘ilishda, Turkiy madaniyat va meros jamg‘armasi Prezidenti
Aktoti Raimkulova
, Turkiy Davlatlar Tashkiloti Bosh kotibi
Kubanichbek Omuraliyev,
Qirg‘iz Respublikasi madaniyat, axborot va yoshlar siyosati vaziri
Mirbek Mambetaliyev
, Qozog‘iston Respublikasi madaniyat va axborot vaziri o‘rinbosari
Oybek Sidiqov,
Ozarbayjon Respublikasi madaniyat vaziri o‘rinbosari
Saodat Yusifova
shuningdek, Turkiya Respublikasining Qirg‘iz Respublikasidagi elchisi
Mekin Mustafa
ishtirok etishdi.
Yig‘ilishda “Turkiy dunyo nigohi – 2040” hujjatini, TURKTIME tashabbusi va Turkiy dunyo Xartiyasi doirasida, turkiy madaniy merosini saqlash, rivojlantirish va kelajak avlodlarga yetkazish bo‘yicha loyihalarni muhokama qildik.
Shuningdek, uchrashuv davomida Jamg‘armaning 2025-yilgi faoliyati ko‘rib chiqilib, amalga oshirilayotgan loyihalar va tashabbuslarning amalga oshirilishini yuqori baholab, 2026–2027-yillar uchun ustuvor ish yo‘nalishlari belgilab oldik. Shu bilan birga, madaniy merosni saqlash va raqamlashtirish, ilmiy tadqiqotlar sohasidagi hamkorlikni kengaytirish, qo‘shma xalqaro dasturlarni amalga oshirish va turkiy makon doirasida gumanitar muloqotni mustahkamlashga alohida e’tibor qaratish lozimligi ta’kidlandi.
Yig‘ilishdagi nutqim davomida quyidagilarni ta’kidladim:
Bugungi kunda xalqaro nizolar, globallashuv, raqamlashtirish, sun’iy intellekt, kreativ iqtisod kabi so‘zlarni har kuni eshitamiz. Bu so‘zlar jamiyatimiz hayotini o‘zgartiruvchi kuchga egaligi va inson madaniyatiga ta’sir etishi bilan muhimdir. Bunday jarayonda o‘xshash qadriyatlarga ega turkiy xalqlar yanada birlashishi, umumiy merosimizni saqlash yuzasidan birgalikda harakat qilishi lozim.
Biz madaniy merosimizni ilmiy o‘rganishimiz, ularni saqlash uchun axborot texnologiyalaridan samarali foydalanishimiz zarur. Hammamizga ma’lumki, yosh avlod o‘z hayotini raqamli texnologiyalar va sun’iy intellektsiz tasavvur qila olmaydigan bir davrga keldik. Zamon talablariga moslashish uchun madaniy merosni asrash bilan birga, yangi madaniy mahsulotlar va ijod namunalarini yaratishimiz ham zarur deb hisoblaymiz.
Bizning merosimiz bizga ko‘plab qahramonlarni taqdim etgan. Bu qahramonlar xalq og‘zaki ijodi, dostonlar va buyuk adiblarimiz ijodida namoyon bo‘ladi. Afsuski, ularni zamon talablari asosida yosh avlodga yetkazishda kamchiliklarimiz bisyor. Shuningdek, ijtimoiy tarmoqlar hayotimizning ajralmas qismiga aylandi. Ijtimoiy tarmoqlarning foydalari bilan birga bir qator “madaniy xavflar”i ham kun tartibiga chiqib kelmoqda. Xususan, inson qadrini moddiy ne’matlar, brendlar va tashqi ko‘rinish orqali baholash tendensiyasi, qisqa videolar, layk, xayp, trendga ergashish hamda axborotni qisqa, parchalangan “shorts” shaklida qabul qilishga o‘rganish kuchaymoqda.
Yuqoridagi kabi illatlarni oldini olish uchun, Jamg‘arma kabi xalqaro tashkilotlar doirasida faol hamkorlik qilishni maqsadga muvofiq deb hisoblab, quyidagi takliflarni ma’lum qildim:
✅
Turkiy madaniyatda sun’iy intellektdan foydalanish uchun qo‘shma axloqiy me’yorlarini (Ethical AI for Turkic Culture Charter) ishlab chiqish;
✅
Turkiy epos va adabiy qahramonlarni zamonaviy vizual va syujet formatida qayta yaratish, turkiy va zamonaviy qahramonlar o‘rtasida ma’naviy-ma’rifiy bog‘liqlikni shakllantirish, yoshlar auditoriyasiga mos kreativ kontent ishlab chiqishga qaratilgan loyihalarni amalga oshirish;
✅
Ijtimoiy tarmoqlarda “Turkiy ovozlar” (“Turkic Voices”) podkast va intervyularni yo‘lga qo‘yish;
✅
Hamkorlikda turkiy xalqlarning nomoddiy merosini raqamlashtirish va sun’iy intellekt orqali tahlil qilish dasturi (Turkic Heritage AI Archive) yaratish takliflarini bildirdim.
Kengashning 3-yig‘ilishi yakunida jamg‘armaga a’zo davlatlar o‘rtasida bayonnoma imzoladik.
🚀
Telegram
📷
Instagram

⚡️
Otamurodga Prezident sovg’asi muborak bo’lsin!
24-fevral kuni poytaxtdagi Ko‘ksaroy qarorgohida Prezident
Shavkat Mirziyoyevning
yoshlar bilan uchrashuvi samimiy va ko‘tarinki ruhda bo‘lib o‘tdi.
Prezident yoshlar bilan uchrashuvda xorazmlik 4-sinf o‘quvchisi
Otamurod Rayaimboev Komiljon Otaniyozov
qo‘shig‘ini jonli ijro etdi.
Otamurodning iste’dodi va sahnadagi chiqishi Prezidentimiz tomonidan alohida e’tirof etilib, avtomobil sovg‘a qilindi.
🚀
Telegram
📷
Instagram