Ozodbek Nazarbekov
⚡️
Samarqandning madaniyat tizimi xodimlari bilan ochiq muloqot o‘tkazdik
👉
Batafsil:
https://gov.uz/oz/madaniyat/news/view/177153
🚀
Telegram
📷
Instagram
⚡️
Mualliflik huquqi va turdosh huquqlarga bag‘ishlangan ochiq muloqot
o‘tkazildi
Telegram
|
Instagram
|
Facebook
|
Veb-sayt
|
YouTube
|
Mediabank
⚡️
Mualliflik huquqi va turdosh huquqlarga bag‘ishlangan ochiq muloqotni
o‘tkazdik
Tadbirda Adliya vazirligi mas’ullari, ijodkorlar, san’at va madaniyat sohasi vakillari hamda huquqshunoslar ishtirok etdi.
Ijodkorlar tomonidan amaliyotda uchrayotgan muammolar, mavjud to‘siqlar hamda qonunchilikni takomillashtirish yuzasidan qator taklif va mulohazalar bildirildi. Mutaxassislar tomonidan murojaatlar yuzasidan huquqiy tushuntirishlar berilib, ijodkorlarni qiynayotgan savollarga batafsil javob qaytarildi.
O’ylaymanki, ushbu ochiq muloqot barcha ijodkorlar uchun manfaatli bo’ldi.
🚀
Telegram
📷
Instagram
#Vazir_tavsiya_etadi
⭐️
Davlatchilik ilmi va adolat mezoni haqida.
Qadrli vatandoshlar va zamondoshlar!
Bugungi shiddatli islohotlar davrida davlat xizmatchilari va har bir mutaxassisdan nafaqat zamonaviy bilimlar, balki ko‘p asrlik davlatchilik tajribamizni ham teran anglash talab etilmoqda. Sharq siyosiy tafakkurining eng noyob durdonalaridan biri — buyuk vazir va davlat arbobi
Nizomulmulkning “Siyosatnoma”
asarini mutolaa qilishni tavsiya etaman.
To‘qqiz asrdan ziyod vaqt o‘tgan bo‘lsa-da, ushbu asar davlat boshqaruvi va adolat mezonlarini belgilashda dunyo siyosatshunoslari tomonidan eng muhim manbalardan biri sifatida e’tirof etib kelinadi.
➡️
Asarning rahbar va kadrlar uchun uch muhim sabog‘i:
✔️
Adolat va Barqarorlik:
Davlatning qudrati faqatgina adolat bilan ta’minlanadi. Muallif aytganidek:
“Mulk kufr ila mavjud bo‘lishi mumkin, zulm bilan esa barbodlikka mahkumdir”
.
✔️
Rahbar mas’uliyati va xalq bilan muloqot:
Amaldorlarni to‘g‘ri tanlash va ularning fuqarolar arzini tinglashga doimo ochiq bo‘lishi davlat mustahkamligining bosh shartidir.
✔️
Obodonchilik va Ilm ahliga e’tibor:
Boshqaruvning oliy maqsadi — yurtni obod qilish, ilm-fan va farovonlikni qo‘llab-quvvatlashdan iborat.
“Temur tuzuklari”
da Amir Temur ham Nizomulmulkning boshqaruv san’ati va tadbirkorligini vazirlar uchun yuksak namuna sifatida tilga olgan.
Bugungi tizimli yangilanishlar va taraqqiyot yo‘lidagi izlanishlarimizda ajdodlarimizning mana shunday boy tajribasi bizga to‘g‘ri yo‘nalish berishi shubhasiz. Ushbu kitob boshqaruv san’ati, tarix va yurt taqdiriga befarq bo‘lmagan har bir ziyoli hamyurtimiz uchun foydali bo‘ladi, deb ishonaman.
🚀
Telegram
📷
Instagram
#Xalqaro_hamkorlik
⚡️
“C5+1” formatdagi uchrashuv doirasida Qirg‘iz Respublikasi Madaniyat, axborot va yoshlar siyosati vaziri bilan muzokara o‘tkazildi.
Kuni kecha poytaxtda bo’lib o’tgan
“C5+1” formatdagi uchrashuv doirasida
O‘zbekiston Respublikasi madaniyat vaziri
Ozodbek Nazarbekov
hamda Qirg‘iz Respublikasi Madaniyat, axborot va yoshlar siyosati vaziri
Mirbek Mambetaliyev
o‘rtasida hamkorlik uchrashuvi bo‘lib o‘tdi.
Muloqot davomida ikki davlat o‘rtasida madaniyat sohasidagi hamkorlikning bugungi holati, uni yanada rivojlantirish istiqbollari hamda qo‘shma loyihalarni amalga oshirish masalalari muhokama qilindi.
Xususan, joriy yilning iyul oyida
Qirg‘iz Respublikasining
qator shaharlarida o‘tkazilishi rejalashtirilayotgan
“O‘zbekiston madaniyati kunlari”
tadbirining tashkiliy jihatlari, dastur mazmuni va madaniy loyihalar yuzasidan fikr almashildi.
Tomonlar madaniy-gumanitar aloqalarni yanada mustahkamlash va o‘zaro hamkorlikni izchil davom ettirishga tayyor ekanliklarini bildirdilar.
Telegram
|
Instagram
|
Facebook
|
Veb-sayt
|
YouTube
|
Mediabank
#Xalqaro_hamkorlik
⚡️
“C5+1” formatdagi uchrashuv doirasida Qozog‘iston Madaniyat va axborot vaziri bilan uchrashuv bo‘lib o‘tdi
Toshkent shahrida Markaziy Osiyo davlatlari va AQSH o‘rtasidagi madaniy aloqalarni mustahkamlashga qaratilgan “C5+1” formatdagi uchrashuv doirasida O‘zbekiston Respublikasi madaniyat vaziri
Ozodbek Nazarbekov
hamda Qozog‘iston Respublikasi Madaniyat va axborot vaziri
Aida Balayeva
o‘rtasida ikki tomonlama uchrashuv bo‘lib o‘tdi.
Samimiy va konstruktiv ruhda kechgan muloqot davomida tomonlar madaniyat sohasidagi hamkorlikning bugungi holati, uni yanada kengaytirish istiqbollari hamda qo‘shma loyihalarni amalga oshirish masalalarini muhokama qildilar.
Uchrashuv avvalida
Aida Balayeva “C5+1”
formatdagi nufuzli tadbirni yuqori saviyada tashkil etgani uchun O‘zbekiston tomoniga minnatdorlik bildirdi. Shuningdek, u keyingi yillarda ikki mamlakat o‘rtasida madaniy-gumanitar sohadagi hamkorlik sezilarli darajada faollashganini, o‘zaro madaniy almashinuvlar va ijodiy tashabbuslar samarali natijalar berayotganini ta’kidladi.
Muzokaralar chog‘ida madaniy meros ob’yektlarini asrash va targ‘ib qilish, nomoddiy madaniy meros namunalarini o‘rganish, teatr va kino san’ati sohalaridagi hamkorlikni kengaytirish, ijodiy jamoalarning o‘zaro gastrol safarlarini tashkil etish, festivallar va madaniy tadbirlarni birgalikda o‘tkazish kabi masalalar yuzasidan fikr almashildi.
Shuningdek, ikki davlat o‘rtasidagi madaniy aloqalarni yangi bosqichga olib chiqish, yosh ijodkorlarni qo‘llab-quvvatlash hamda madaniyat muassasalari o‘rtasidagi hamkorlikni yanada mustahkamlash bo‘yicha qator takliflar ilgari surildi.
Uchrashuv yakunida O‘zbekiston Respublikasi Madaniyat vazirligi hamda Qozog‘iston Respublikasi Madaniyat va axborot vazirligi o‘rtasida madaniy-gumanitar hamkorlik bo‘yicha 2026–2027 yillarga mo‘ljallangan chora-tadbirlar rejasi imzolandi.
Mazkur hujjat ikki mamlakat o‘rtasidagi madaniy aloqalarni yanada rivojlantirish, qo‘shma loyihalarni amalga oshirish hamda xalqlar o‘rtasidagi do‘stlik va o‘zaro anglashuvni mustahkamlashga xizmat qilishi ta’kidlandi.
Telegram
|
Instagram
|
Facebook
|
Veb-sayt
|
YouTube
|
Mediabank
⚡️
“C5+1” formatdagi uchrashuvda mezbonlik qildik
Toshkent shahrida
bo'lib o'tgan Markaziy Osiyo davlatlari madaniyat vazirlari hamda AQSH Davlat kotibi vakili bilan “C5+1” formatdagi uchrashuvda ishtirok etdik
👉
Batafsil:
https://gov.uz/oz/madaniyat/news/view/174172
🚀
Telegram
📷
Instagram
⚡️
Aziz bolajonlar, muhtaram ota-onalar!
Sizlarni
1-iyun — Xalqaro bolalarni himoya qilish kuni
munosabati bilan samimiy muborakbod etaman.
Bolalar — har bir davlatning
ertasi va kelajagi
, millatning eng katta boyligi, jamiyat taraqqiyotining mustahkam tayanchidir. Farzandlarimiz qanday bilimli, ma’naviyatli, sog‘lom va vatanparvar bo‘lib voyaga yetsa,
yurtimizning ertangi kuni ham shunchalik porloq va farovon bo‘ladi.
Yangi O‘zbekistonda
yosh avlod kamoloti, ularning huquq hamda manfaatlarini himoya qilish, sifatli ta’lim va tarbiya olishi uchun barcha shart-sharoitlarni yaratish davlat siyosatining ustuvor yo‘nalishlaridan biri hisoblanadi. Zero,
farzandlarimiz
mamlakatimiz kelajagini belgilaydigan,
xalqimizning ezgu orzu-intilishlarini amalga oshiradigan
buyuk kuchdir.
Aziz bolajonlar!
Sizlar —
Yangi O‘zbekistonning kelajagi
, xalqimiz g‘ururi va mamlakatimiz taraqqiyotining
ishonchli davomchilarisiz.
Sizlarning bilimga chanqoqligingiz, yuksak maqsadlar sari intilishingiz va har bir yutug‘ingiz yurtimiz ravnaqi uchun xizmat qiladi.
Ushbu qutlug‘ ayyomda barcha farzandlarimizga mustahkam sog‘liq, baxtli va beg‘ubor bolalik, ilm-fan, madaniyat va sport sohalarida ulkan muvaffaqiyatlar, ota-onalar va ustozlarga esa ezgu va sharafli faoliyatlarida ulkan zafarlar tilayman.
Bayramingiz muborak bo‘lsin!
Hurmat bilan,
O‘zbekiston Respublikasi madaniyat vaziri
Ozodbek Nazarbekov
🚀
Telegram
📷
Instagram
⚡️
Mukofotlanganlardan ham ko‘ra, shaxsan men bugun ko‘proq xursandman…
Darhaqiqat, bir haqiqatni aytish kerak: yillar davomida madaniyat sohasi turli qisqartirishlar va cheklovlar oqibatida ko‘plab muammolarni boshdan kechirdi. Moddiy-texnik baza zaiflashdi, shtatlar qisqartirildi, sohaning imkoniyatlari tobora torayib bordi.
Natijada madaniyat va san’at tizimi ma’lum ma’noda og‘ir ahvolga tushib qoldi.
Shunga qaramay, sanoqli ijodkorlar, aktyorlar va xonandalar o‘z ustida ishlab, fidoyilik bilan ijod qilishda davom etdilar.
Ularning sa’y-harakatlari tufayli go‘yo soha rivojlanayotgandek, hammasi yaxshi ketayotgandek taassurot saqlanib turdi.
Ammo badiiy jamoalar, filarmoniya tizimi, teatrlar, xor va folklor jamoalari, orkestrlar hamda ansambllarning haqiqiy ahvoli juda murakkab edi.
So‘nggi yillarda amalga oshirilgan keng ko‘lamli islohotlar esa aynan shu muammolarni bartaraf etishga qaratildi.
Bugun hurmatli Prezidentimizning tashabbuslari bilan madaniyat va san’at sohasiga qaratilayotgan e’tibor yo‘qotilgan obro‘ va mavqeni tiklashga, haqiqiy ijodkorlarni qo‘llab-quvvatlashga xizmat qilmoqda. Eng muhimi, bu e’tibor ijod ahliga bo‘lgan hurmat va ishonchni yana bir bor namoyon etdi.
Prezidentimizning bayram arafasida soha vakillarini e’tirof etib, ularning mehnatini munosib qadrlagani barchamiz uchun quvonchli voqea bo‘ldi. Bu nafaqat mukofotlanganlar, balki butun madaniyat va san’at jamoatchiligi uchun katta rag‘batdir.
Soha oldidagi mavjud muammolarni to‘g‘ri tahlil qilish, haqiqiy iste’dod va fidoyilikni qadrlash nuqtayi nazaridan bugungi e’tirof va mukofotlar alohida ahamiyatga ega.
Menimcha, bugun mukofotlanganlardan ham ko‘ra, shaxsan men o‘zim ko‘proq xursandman. Chunki bugun amalga oshirilgan ishlar ertaga ham faxr bilan eslanadigan, tarixda qoladigan voqealardan biri bo‘ldi.
🚀
Telegram
📷
Instagram
⚡️
O‘zbekiston xalq hofizi, marhum Ochilxon Otaxonov “Mehnat shuhrati” ordeni bilan taqdirlandi.
O‘zbekiston Respublikasi Prezidentining Farmoniga asosan, xalq hofizi, marhum
Ochilxon Otaxonov
“Mehnat shuhrati”
ordeniga sazovor bo‘ldi. Yuksak mukofot marhum san’atkorning oila a’zolariga tantanali tarzda topshirildi.
Uchrashuv jarayonida ustoz hofizning o‘zbek qo‘shiqchilik maktabidagi o‘rni, betakror ijro uslubi hamda ma’naviy-ijodiy merosi haqida iliq fikrlar bildirildi. Uning ijodi avlodlar qalbida chuqur iz qoldirgani alohida qayd etildi.
Shundan so‘ng, marhum ijodkorning qabriga tashrif buyurilib, xotirasiga hurmat bajo keltirildi va Qur’on tilovat qilindi.
Mukofotni qabul qilgan yaqinlari davlat rahbariga samimiy minnatdorlik bildirib,
Ochilxon Otaxonov
qoldirgan ijodiy meros ular uchun katta g‘urur va faxr manbai ekanini ta’kidlashdi.
Ochilxon Otaxonov
nomi va ijodi milliy san’atimiz tarixida o‘chmas iz qoldirgan holda, kelajak avlodlar uchun ham ma’naviy mezon bo‘lib qoladi.
🚀
Telegram
📷
Instagram