"Parkent tongi" gazetasi I Расмий канал

#Fermerlar_kuni
⚡️
⚡️
⚡️
Mablag‘ni bankda emas, "sandiqda aylantirish tajribasi"
Parkentda yerdan samarasiz foydalanishning ayanchli oqibatlari tanqidiy tahlil qilindi.
"Fermerlar kuni" munosabati bilan bugungi navbatdagi kengaytirilgan muloqotda asosiy mavzu uzumchilik, meva-sabzavot, kartoshkachilik va chorvachilik tarmoqlari tahliliga qaratildi. Unda viloyat hokimi Zoyir Mirzayev rahbarligidagi soha mutasaddilari, huquq-tartibot idoralari rahbarlari, soliq, bank-moliya mutasaddilari, tuman mas’ullari, fermerlar, meva-savzavotchilik yo‘nalishidagi soha vakillari ishtirok etishdi.
Muloqotda viloyat hokimi maxsus ishchi guruh tomonidan tumanda o‘tkazilgan keng ko‘lamli o‘rganishlarga tayanib tahliliy-tanqidiy ma’ruza qildi.
O‘rganishlarga ko‘ra, tumanda qishloq xo‘jaligi boshqaruvi yillar davomida asta-sekin izdan chiqib bormoqda, hisobotlarni soxtalashtirish,  yerlardan foydalanishda o‘zboshimchalik ildiz otmoqda,  ijro nazorati sust. Aksar xo‘jaliklar mablag‘ni bank hisob-raqamlarida emas, obrazli aytganda, sandiqda yo "gilam ostida" aylantirishmoqda.
Fermerlar va davlat idoralari o‘rtasida bog‘lanish uzilgan, fermerlarning qariyb 80 foizi sohaga doir qarorlar, tadbiq etilayotgan yangiliklar, islohotlar mohiyatini to‘la anglab yetmagan.
Masalan, tumanda 10,5 ming gektar uzumzor mavjud, shundan 5,7 ming gektari hosilli. Joriy yil  71,6 ming tonna uzum yetishtirilishi reja bo‘lsada,  amalda bor-yo‘g‘i 26,4 ming tonna (37 foiz) ni tashkil etmoqda.  Eng yomoni, so‘nggi 3 yildagi ko‘rsatkichlar bu holat surunkali tus olayotganini ko‘rsatadi.
Bunga asl sabab hosil kamligida emas, o‘zboshimchalik va xo‘jasizlik oqibati ekani aniq raqam va misollar orqali ochib berildi. Masalan, 45 ming tonna uzum naqd pulda sotilib, hisobotlardan yashirilgan, natijada tuman byudjeti kamida 10 mlrd so‘m soliqdan mahrum bo‘lgan.
Ko‘plab fermerlar rasmiy ish haqi to‘lamaydi, eksport qilmaydi, hisobot taqdim etmaydi. Yig‘ilishda bunday fermerlar faoliyatiga doir o‘nlab misollar keltirildi.
Kartoshka yetishtirish oxirgi 2 yilda keskin qisqarib ketgan, pomidor hosilini ham "yashirish" avjida. Holbuki, bozorlar Parkent pomidoriga to‘la. Amalda 9 ming tonna mahsulot yetishtirilgan, lekin hisobotlarda faqat 361 tonnasi ko‘rsatilgan, holos.
Eksport va qayta ishlash korxonalari bilan shartnomalar tuzilmagan,  savdo asosan naqd pulda amalga oshirilgan. 850 gektar bog buzib yuborilgan va hozirgacha yangilanmagan, aksincha, ayrim hollarda ular o‘rnida boshqa ekanlar o‘zboshimchalik bilan  ekilgan. 20 ta yerdan foydalanuvchi 22 ta konturda 0,6 gektar yerni noqonuniy egallab olingan, 0,33 gektarida noqonuniy qurilishlar qilgan.
Bog‘ va dalalarni suv tejovchi texnologiyalar bilan ta’minlash ishlari ham o‘z holida qolib kelmoqda.  “Aqlli suv” qurilmalarining 3 tasi ishlamaydi. Suvdan noqonuniy foydalanish ko‘paymoqda. Irrigatsiya tizimlarining katta qismi tozalanmagan, betonlash ishlari rejasi faqat 14-15 foizga bajarilgan, xolos.
Tumanda 1 ming 428 ta xo‘jalik uchun zarur texnikalarning 80 foizi yo‘q. Bog‘ va tok qator oralariga ishlov berish uchun 3 mngdan ortiq mini traktorga ehtiyoj bo‘lsada, oxirgi 5 yilda texnikalar xaridi deyarli amalga oshirilmagan.
Chorvachilikda ham ahvol yaxshi emas. Masalan, 2 ta fermer xo‘jaligida 297 gektar yer bor, ammo 1 bosh ham qoramol yo‘q. Ko‘plab fermerlarning yer maydoni mol soniga nisbatan nomutanosib. Sut mahsuldorligi esa  rejaga nisbatan 50-60 foiz atrofida.
Qishloq xo‘jaligi eksporti bo‘yicha ham parkentlik fermerlarda yaxshi tashabbuslar, amaliy natijalar ko‘rinmayapti.
Tekshiruv natijalari tumanda shoshilinch choralar ko‘rishni, qat’iy nazorat va faoliyatsiz xo‘jaliklarni qayta tashkil etish zarurligini taqozo etadi. Shu bois, viloyat hokimi vaziyatni qisqa fursatda o‘nglash, yaqin istiqbolda Parkentning agrar sohadagi dovrug‘ini tiklash bo‘yicha mutasaddilarga topshiriqlar, tavsiya va maslahatlar berdi.
Muloqotda fermerlarga so‘z berilib, mavjud vaziyatga izoh so‘raldi, muammo va masalalar bo‘lsa, ularga har taraflama ko‘mak ko‘rsatish bo‘yicha ishchi guruhga vazifalar yuklandi.
👉
@PARKENT_TONGI

#Мурожаат
⚡️
⚡️
⚡️
Паркент туман прокурори Жасурбек Ҳайитбоевнинг кибержиноят қурбони бўлиб қолмаслик юзасидан аҳолига МУРОЖААТИ
Ҳурматли туманимиз аҳолиси!
Паркент туман прокуратураси томонидан кибержиноятлар қурбонига айланиб қолмаслик юзасидан олиб борилаётган тарғибот ва ташвиқот ишлари амалга оширилаётганлигига қарамай, бу борадаги вазият ҳали ҳамон долзарб бўлиб қолмоқда.
Шу боис, кибержиноят қурбони бўлиб қолмаслигингиз учун Сизларга такрор мурожаат қилишга тўғри келмоқда!
Бугунги кунда ижтимоий тармоқлар (“Instagram”, “WhatsApp”, “Одноклассники”) ёки “Telegram” мессенжери орқали шахси номаълум профил фойдаланувчилари томонидан шахсга доир маълумотлардан фойдаланиб, айниқса, “Telegram” мессенжери орқали турли шахсларнинг (асосан, 16-18 ёш оралиғидаги қизларнинг) шахсга доир маълумотларидан рухсатсиз фойдаланиб, уларга нисбатан психологик босим ва таҳдид кўрсатиш ҳолатлари кузатилмоқда.
Мазкур шахслар, жабрланувчиларнинг фотосуратлари ва бошқа шахсий маълумотларидан фойдаланиб, улардан яланғоч ҳолдаги сурат ёки видеоларини юборишини талаб қилишмоқда.
Агар талаблари бажарилмаса, шахснинг расмлари устига ҳақоратли, уятли сўзлар ёзиб, обрўсига путур етказиш билан таҳдид қилаётган ҳолатлар ҳам учрамоқда.
Бундан ташқари, “Telegram” иловасида махсус канал ёки гуруҳлар очиб, жабрланувчининг расмларини тарқатиш ёки уларни оммага чиқариш ниятида эканлигини айтиб қўрқитишмоқда.
Сиз ёки танишларингизнинг ҳаётида юқорида кўрсатилган ҳолатлар содир этилганда қуйидаги профилактик тадбирлар амалга оширилиши мақсадга мувофиқдир.
Яъни шахсга доир маълумотларни бегона шахсларга юбормаслик, (фотосурат, видео, паспорт нусхаси, пластик карталар),  шахсий расм ва видеоларни интернетга жойлашда эҳтиёткорлик чораларини кучайтириш огоҳликни ошириш талаб этилади.
Имкони бўлса, шахсий расмларни ижтимоий тармоқларга билиб-билмай жойламаслик зарур.
Агар Сизда ҳам мана шу каби ҳолат аниқланганда, дарҳол Ички ишлар идораларига мурожаат қилиб,  имкон қадар  далилларни (чатлар, скриншот, аудио, видео, профил,
@username
, аккаунт ID) ўчирмасдан сақлаб қолишга ҳаракат қилинг ҳамда “Telegram” профилини блоклаб, “Report” орқали шикоят қилинг!
👉
@PARKENT_TONGI

#Шукуҳ
⚡️
⚡️
⚡️
Туманимизда Бош қомусимиз қабул қилинганлигининг 33 йиллиги муносиб нишонланди
Конституция борки, инсон озод ва эркин яшаши, ўз мулкига эга бўлиши, таълим олиши, меҳнат қилиши, сайлаш ва сайланиш каби ҳуқуқларига эга бўлади.
Ҳаётимиздаги сўз ҳамда эътиқод эркинликларини олий қадрият даражасига кўтарилиши ҳам Конституция туфайлидир.
Айни шу фикрлар бугун туман ҳокими Элмурод Пўлатов, прокурор Жасурбек Ҳайитбоев, ИИБ бошлиғи Жамшид Қосимов, солиқ инспекцияси бошлиғи Абдували Маҳаматов ҳамда тегишли ташкилот раҳбарлари, ўқитувчи ҳамда ўқувчилар, шунингдек, кенг жамоатчилик вакиллари иштирокида Конституциямиз қабул қилинганининг 33 йиллиги муносабати билан ташкил этилган тантанали тадбирда айтиб ўтилди.
Красногорск ҳудудидаги “Чотқол” маданият марказида бўлиб ўтган тадбирда ҳоким сўзга чиқиб, йиғилганларни Бош қомусимизнинг 33 йиллиги билан табриклаб, ўзининг самимий тилакларини билдирди.
Шунингдек, ҳоким ўз сўзида Бош қомусимизда белгиланган халқ ҳокимиятчилиги, инсон қадри, эркинлик ва тенглик, ижтимоий адолат ва бирдамлик каби эзгу ғояларга ҳамоҳанг тарзда аҳоли мурожаатлари билан ишлашда масъулиятни ошириб бориш, одамларнинг ташвиш-муаммоларини ҳал этиш, уларни рози қилиш зиммасидаги энг долзарб вазифалардан бири бўлиши алоҳида таъкидлаб ўтди.
Тадбир давомида ҳоким бошчилигида прокурор Жасурбек Ҳайитбоев, ИИБ бошлиғи Жамшид Қосимов, солиқ инспекцияси бошлиғи Абдували Маҳаматов томонидан 6 нафар ўқувчининг 16 ёшга тўлиши муносабати билан Ўзбекистон Республикаси фуқаросининг индентификация ID-карталари эсдалик совғалари билан бирга тантанали равишда топширилди.
Тадбирнинг бадиий қисмида туманимиз санъаткорлари томонидан ватанпарварлик руҳидаги куй-қўшиқлар, ҳарбий синф ўқувчи-ёшларининг чиқишларига кенг ўрин берилди.
👉
@PARKENT_TONGI

#Диққат_тарқатинг
⚡️
⚡️
⚡️
Telegram’да аккаунтларни ўғирлаш ҳолатлари кўпаймоқда!
"Овоз беринг" деган хабар ёки гуруҳга қўшиш орқали фирибгарлар аккаунтингизни эгаллаб, кейин сизнинг номингиздан пул сўрашмоқда.
Лавҳани яқинларингизга юбориб қўйинг!
👉
@PARKENT_TONGI

ISHONCHda Tilla Bayrami
💍
Qancha ko‘p tilla xarid qilsangiz, shuncha ko‘p foyda qilasiz:
Birinchi tillaga — 15% chegirma
Ikkinchisiga — 20% chegirma
Uchinchisiga esa — 25% chegirma
❗️
Faqat 3 kun, 6-7-8-dekabr
kunlari amal qiladi.
Shoshiling, bunday imkoniyat har doim ham bo‘lavermaydi!
💚
ISHONCH - Hayotni hozirdan boshlang!
Batafsil:
📞
+998735152222
🤖
@ishonch_chatbot
📣
Yangiliklardan xabardor bo‘lish uchun
@ishonch
kanaliga obuna bo‘ling.

#Мурожаат
⚡️
⚡️
⚡️
Паркент туман прокурори Жасурбек Ҳайитбоевнинг умумтаълим мактаблари ўқувчиларининг ота-оналарига МУРОЖААТИ
Ҳурматли ота-оналар!
Паркент туман прокуратураси томонидан вояга етмаганлар ҳуқуқларининг ҳимояси, улар томонидан содир этилиши мумкин бўлган жиноят ва ҳуқуқбузарликларнинг олдини олиш, шунингдек, ота-оналарнинг тарбияга оид вазифаларини бажариши устидан доимий назорат олиб борилмоқда.
Сўнгги йилларда вояга етмаганларга кўрсатилаётган эътибор ва улар учун яратилган шарт-шароитлар сезиларли даражада кучайганлиги натижасида, бугунги кунда мактаблар, маҳаллалар ва спорт муассасаларида ёшларнинг қобилият ва иқтидорини ривожлантиришга қаратилган тизимли ишлар ўз самарасини намоён қилмоқда.
Хусусан, жорий йилда республика миқёсида ўтказилган спорт мусобақаларида Паркент тумани шарафини ҳимоя қилган ўқувчиларимиз томонидан 5 та олтин, 6 та кумуш, 17 та бронза ҳамда жаҳон ва Осиё миқёсида ўтказилган мусобақаларда 6 та олтин, 3 та кумуш ва 8 та бронза медаллари қўлга киритилган. 1 нафар ўқувчи муддатидан олдин талаба бўлиш бахтига муяссар бўлган.
Бироқ, берилаётган имтиёз ва имкониятлардан тўғри фойдаланмасдан ота-оналарнинг назоратсизлиги оқибатида ҳуқуқбузарлик ва жиноят йўлига кирган ўқувчилар ҳам мавжудлиги, бу албатта ташвишли ҳолат ва барчамизни сергакликка чақириши лозим.
Таҳлиллар шуни кўрсатмоқдаки, вояга етмаганлар иштирокидаги баъзи ҳуқуқбузарликлар ҳамда жиноятлар айнан ота-оналарнинг масъулиятсизлиги ва назоратсизлиги ёки қонун талабларини билмаслиги оқибатида содир этилмоқда.
Хусусан, жорий йилнинг 11 ойида туманда 5 нафар вояга етмаган шахс томонидан жиноятлар ва 12 нафари томонидан маъмурий ҳуқуқбузарликлар содир этилган. Вояга етмаган шахсни назоратсиз қолдирганлиги боис 1 минг 935 нафар ота-оналарга нисбатан маъмурий ҳуқуқбузарлик баённомалари расмийлаштирилган.
Назоратсиз қолдирилган 87 нафар вояга етмаганлар ижтимоий-ҳуқуқий ёрдам кўрсатиш марказига, 4 нафари касаллиги юзасидан реабилитация марказларига жойлаштирилган.
Вояга етмаганларни тунги кўнгилочар масканларга киришига рухсат берганлиги учун 33 нафар шахс маъмурий жавобгарликка тортилган. 8 нафар чет элда назоратсиз юрган вояга етмаганлар аниқланиб, уларнинг 6 нафари қайтариб олиб келинган. Ўз ота-оналик вазифасини керакли даражада бажармаган 1 нафар шахс оналик ҳуқуқидан маҳрум қилинган.
Туман прокуратураси ташаббуси билан ўтказилган рейдлар давомида сўнгги 3 ойда 860 нафар ўқувчи дарсларни сабабсиз қолдирганлиги, 5 нафари эса мунтазам дарсларга қатнашмаётганлиги, 27 нафар ўқувчининг уяли алоқа телефонида порнографик мазмундаги материаллар борлиги аниқланган.
Азиз ота-оналардан фарзандларингизни баркамол авлод сифатида камолга етиши учун қуйидагиларга эътибор қаратишингизни сўрайман!
Фарзандларингизни кунлик машғулотлари, дўстлари ва интернетдаги фаолиятидан хабардор бўлиб туринг.
Оилавий мулоқотни кучайтиринг, фарзандларингиз билан очиқ ва ишончли муносабатни шакллантиринг.
Бўш вақтини мазмунли ўтказишлари учун уларни спорт, китобхонлик тўгараклари ва ижтимоий фойдали ишларга йўналтиринг.
Мактаб билан ҳамкорликда ҳаракат қилиб, синф раҳбари ва педагогларнинг тавсияларига бефарқ бўлманг.
Болаларда учраётган психологик қийинчиликлар ва характеридаги ўзгаришларга бефарқ бўлмай, зарур бўлса мутахассислар билан маслаҳатлашинг.
Салбий одатлар, ахлоқий бузилиш ва ҳуқуқбузарлик ҳамда жиноятга олиб келиши мумкин бўлган хавф-хатарлардан фарзандларингизни доимий асранг.
Эътибор ва меҳр билан тарбияланган ҳар бир фарзанд – бизнинг келажагимиз!
Келинг, барчамиз биргаликда фарзандларимизнинг соғлом, билимли ва масъулиятли бўлиб улғайиши учун ҳаракат қилайлик!
👉
@PARKENT_TONGI

#Инсон_қадри
⚡️
⚡️
⚡️
Ҳоким ўтказган илк фуқаролар қабулида 4 та муаммони жойида ҳал қилди
Бугун, ҳоким Элмурод Пўлатовнинг илк фуқаролар қабули бўлиб ўтди. Паркентлик ҳоким ўз тумандошларининг муаммоларини эшитаётганини кўрган киши борки, руҳан енгил тортади. Ростини айтиш керак, энди Элмурод Пўлатовга аҳоли мурожаатлари билан ишлашда осон бўлмайди.
Чунки, мурожаатчиларнинг аксариятини сиртдан бўлса ҳам танийди. Илгари кўрган, билган одамлар ташвишини айтиб турса, уни шунчаки эшитиб қўйиш билан кифояланишнинг иложи йўқ.
Бу эса, Элмурод Пўлатовнинг зиммасидаги масъулиятни аввалги ҳокимларга қараганда ўн баробарга ошириб юборади.
Шу боис, ҳоким тумандошларининг муаммоларини диққат билан тинглади. Уларни ҳал қилиш масаласида ваъдани ўйлаб берди. Муаммони ҳал қилишнинг қонуний йўли борларини албатта ҳал қилишини дадил айтди.
Энг асосийси, ҳокимнинг тумандошларига бўлган меҳр-оқибати яққол сезилиб турди.
Қабулда моддий ёрдам, ишга жойлаш, субсидия ва имтиёзли кредит ажратилиши ҳамда тиббиёт, коммунал соҳа, шунингдек, бошқа масалалардаги муаммолар айтилди.
Мулоқотда жами 24 та мурожаатдан 4 таси шу жойнинг ўзида ҳал қилинди.
Яна 14 таси вақт талаб қилингани боис, ижрога қаратилиб, 6 тасини ҳал қилишнинг қонуний йўли йўқлиги тушунтириб берилди.
👉
@PARKENT_TONGI

#Фахр_ифтихор
⚡️
⚡️
⚡️
“Хонзода Паркент спортчилари халқаро майдонларда тенгсиз эканлигини бир кўрсатиб қўй!”
– ҳоким Элмурод Пўлатов
Паркентликлар Хонзода Эркиновани яхши билишади. У туманимиз фахри-ифтихори сифатида Паркент спортчилари нималарга қодир эканлигини халқаро майдонларда кўп марта намойиш қилган.
Унинг энг охирги ютуғини эслаб ўтадиган бўлсак, 2023 йилда Италия давлатининг Ауронзо шаҳрида ўтказилган Жаҳон чемпионатида маҳоратли спортчи Владлен Денисов билан битта лоткада байдарка ва каноэда эшкак эшиш спорт турининг “MIX” йўналишида кумуш медални қўлга киритганди.
Ёдингизда бўлса, унинг бу ютуғини вилоятимиз ҳокими Зойир Мирзаев муносиб тақдирлаш мақсадида 40 миллион сўм пул билан мукофотлагани
ҳақида хабар бергандик.
Паркент спортчисини қўллаб-қувватлаш, уни янги ғалабалар сари руҳлантириш анъанасини давом эттиришни ният қилган ҳоким Элмурод Пўлатов бугун Хонзодани қабул қилиб, у билан дилдан суҳбатлашди.
Суҳбат давомида ҳоким Элмурод Пўлатов Хонзода Эркиновага ва қабул вақтидаги мутасаддиларга инсон ўзи туғилиб ўсган тупроқни ҳамиша қадрлаб, уни тараққиётини юксалтириб бориши, довруғи кенг тарқалиши учун чин дилдан хизмат қилса, албатта ниятига етиши ҳақидаги фикр-мулоҳазаларини гапириб берди.
Истеъдодли спортчимизнинг Байдарка ва каноеда эшкак эшиш спорт тури бўйича Анталия шаҳрида ўтказиладиган Жаҳон чемпионатига саралаш босқичида иштирок этиш учун йўлга чиқиш олдидан бўлган суҳбат якунида туман бош имом-хатиби Миршавкат Тўйчиев дуога қўл очди.
Тумандошининг қабулидан чиққан Хонзодага Жаҳон чемпионатига саралаш босқичидан ҳеч бир қийинчиликсиз ўта олишига ишончи ортиб кетган бўлса, ажабмас.
Ҳокимнинг “Синглим сени ғалаба қозонишингга ишонаман. Хонзода Паркент спортчилари халқаро майдонларда тенгсиз эканлигини бир кўрсатиб қўй. Юртимиз байроғини баланд кўтариб, ёруғ юз билан жонажон туманимизга қайтишингга тилакдошман!”, дея айтган самимий гаплари уни янада руҳлантириб юборди.
👉
@PARKENT_TONGI

#Долзарб
⚡️
⚡️
⚡️
Яширин иқтисодиёт Паркент тараққиёти йўлидаги катта тўсиқ ҳисобланади
Яширин иқтисодиёт нималигини биласизми? Бу иллат амалдаги қонунлар, тартибларни айланиб ўтган ҳолда солиқлар ва мажбурий тўловларни тўламасдан, ноқонуний даромад олиш ёки фойдани оширишни мақсад қилган ҳаракатдир.
Энг ёмони, хуфиёна иқтисодиёт коррупцияни авж олдиради. Тадбиркорлик фаолиятида харид чекини бермаслик, тегишли рухсатларни олмасдан савдо қилишда масъул идора ходимларининг чўнтагини қаппайишига йўл очади.
Зийрак инсон аслида бу Паркент тараққиёти йўлидаги катта тўсиқ эканлигини тезда тушунади.
Бугун ҳоким Элмурод Пўлатов айни шу оғриқли муаммони ҳал этиш мақсадида прокурор Жасурбек Ҳайтбоев билан биргаликда ўрганиш ишларини олиб борди.
Жумладан, бу борада Президентимизнинг "Яширин иқтисодиётни қисқартириш ва солиқ органлари фаолияти самарадорлигини ошириш бўйича ташкилий чора-тадбирлар тўғрисида"ги 6098-сонли Фармонининг ижросини Паркент туманида сўзсиз таъминлаш мақсадида қазичилик, сутчилик, майизчилик, қассобчилик билан шуғулланаётган фуқаролар билан атрофлича суҳбатлашилди.
Мулоқотларда прокурор мазкур фаолият турлари тадбиркорлик субъекти сифатида рўйхатдан ўтган ҳолда юритилиши шартлигини тушунтириб, норасмий тадбиркорларни “соя”дан чиқариш бўйича туман комиссиясига тегишли топшириқ ва кўрсатмаларни берди.
Паркент туманида хуфиёна иқтисодиётни кескин камайтириш берасидаги назорат тадбирлари давом этмоқда!
👉
@PARKENT_TONGI

🚖
Qishga mashinangizni ISHONCH bilan tayyorlang!
Barcha
ISHONCH
do‘konlaridan
6-7-8-dekabr, atiga 3 kun
shinalarni
ARZONLASHGAN NARXLARDA
xarid qiling.
🔸
Shina Masaafa 175/70 R13
Eski narx —
530 000 so'm
Yangi narx — 425 000 so'm
🔸
Shina Cotechoo (Charmhoo) 185/70 R14
Eski narx —
560 000 so'm
Yangi narx — 448 000 so'm
🔸
Shina Masaafa 195/65 R15
Eski narx —
610 000 so'm
Yangi narx — 494 000 so'm
👉
Shoshiling, foydali xaridni qo‘ldan boy bermang!
❌
Ish haqi shart emas!
💚
ISHONCH - Hayotni hozirdan boshlang!
Batafsil:
📞
+998735152222
🤖
@ishonch_chatbot
📣
Yangiliklardan xabardor bo‘lish uchun
@ishonch
kanaliga obuna bo‘ling.