ارواپوهنه/Psychology

د یو سړي په کور کې یو حیوان و، په غلطۍ سره یې ورته پر لکۍ پښه کېښوده، حیوان وډار شو او وتښتېد. سړی ډېر خفه شو، یوه اوونۍ پسې وګرځېد، اعلانونه یې ولګول او لټه یې وکړه. څو ورځې وروسته، په کور کې هر څه بدل شول، کور پاک شو، هوا ښه شوه، پیسې هم سپمېدلې ټوله کورنۍ ارامه شوه. کله چې حیوان بېرته راستون شو، چا ورته دروازه خلاصه نه کړه. وروسته سړي فکر وکړ او وې ویل: ښه ده چې کله کله څوک وځورول شي، تر څو لاړ شي او ژوند اسانه شي!
ژباړه: لحاظ
🍁

په کوم کور کې چې سړی د خپلې میرمنې او بچوو په وړاندې بې وسه وي، د هغوى سره په رشته کولو کې ډېر احتياط کوئ!
ژباړه
🍁

هغه ځای چې نزار قباني وايي:
« مینه په یوهٔ شي پورې تړلې ده؛ « پام » وايي: «که چا درته وویل: چې " مینه درسره لرم '' ، خو پام یې درته نه کاؤه، پوه شه چې " مینه درسره نه لري''. خو که چا « پام » درته کاوهٔ، ستا په غمونو- غمجن شو، په مجلسونو کې بې‌پامۍ نشو کولی او تل دې لهٔ حالهٔ باخبر وو، نو یقین وکړهٔ چې هغه تا سره " مینه'' لري.»
هڅونه
🍁

ایټالوي هنرمنده لورین وایي:
مور به راته هر وخت ویل، کله چې له کوره وځې، باید پاکه ولامبې، ښایسته کالي واغوندې او تر ټولو ښایسته سېنګار وکړې؛ تر څو د خلکو حسد را وپاروې، نه د هغوی ترحم. خلک غواړي تا ماته شوې او ناکامه وویني. ګرانې لورې! که له دننه ماته هم یې؛ خو تل مسکا کوه، تر څو د شري خلکو خوښۍ په خپګان بدلې کړې.
ژباړه: لحاظ
🍁

یوځای مې لوستل: کومه پاڼه چې په مني هم نۀ رالوېږي، د خپلو نورو خوېندو په نظر خاینه، د ونې په نظر وفاداره او د موسم پۀ نظر کې یاغي ده، هر څوک لۀ خپلې زاویې دریځ نیسي.
هڅونه
🍁

د یو داسې کس درلودل، چې غواړي هر وخت درسره واوسي او تل ستا په مزاج پوه وي، دا یو لوی نعمت دی!
هڅونه
🍁

ما دا راز درک کړ: زه تر هغه وخته آزاد وم، چې یوازې وم، کله چې مې خپله اصلي څېره د نورو و مخې ته ښکاره کړه، نو زه کمزوری وګڼل سوم. داسې راته ښکاره سوه لکه زه چې مسخره کېږم،
او په پای کې له ردېدو سره سره څنګ ته کړل شوم.
اوس زه بېرته هماغه ځای ته ستنېږم چیرې چې زه مخکې وم، زه په خلاص زړه خپل یوازیتوب منم او له هغه سره تړون کوم.
‘زما باور او زما هیلې مړې شوې دي، زه نور هېڅکله دې منافقې نړۍ ته بېرته ستنېدل نه غواړم.’
دا هغه پښېمانۍ دي چي زه یې ویل غواړم: کاش چې ما پر هېچا باور نه وای کړی، کاش چې ما هېڅوک خپلې نړۍ ته نه وای پرې ایښی، کاش چې ما خپل یوازیتوب ته دوکه نه وای ورکړې.
هڅونه
🍁