POP YANGILIKLARI | RASMIY KANAL
Ҳафта давомида ҳарорат +42 даражагача кўтарилиши кутилмоқда
Дам олиш кунлари Ўзбекистоннинг катта қисмида қуруқ ва асосан кам булутли об-ҳаво кузатилади. Фақат шимоли-ғарбий ҳудудларга Каспий денгиздан нам ҳаво кириб келиши бошланади. Ҳаво ҳарорати +36…+38, энг чекка жанубда +42 даражагача кўтарилади.
@PopliklarTezkor
Илон Маск ер юзидаги илк триллионерга айланди
Маск бу натижага SpaceX компанияси ўз акцияларини биржада бирламчи жойлаштирганидан сўнг эришган. IPO’дан кейин SpaceX қиймати 1,7 трлн долларга, Маскнинг бойлиги эса 1,1 трлн долларга етди.
Унинг бойлигининг асосий қисмини SpaceX’даги тахминан 866 млрд долларга баҳоланаётган улуши ташкил этади. Маскнинг қолган активлари Tesla, X ижтимоий тармоғи ва Neuralink компаниялари билан боғлиқ.
Видео AI-generated таржима, WSJ
@PopliklarTezkor
Йўл безорилиги содир этганларнинг машинаси мусодара қилиниши мумкин
Республика бош «ЙПХ»си Шерзод Ибрагимов йўл безорилиги қилганларнинг машинасини мусодара қилиш таклифи президентга киритилганини маълум қилди.
@PopliklarTezkor
Тошкентда ўнлаб машиналарни уриб қочмоқчи бўлган Cobalt ўқ узиб тўхтатилди
Ижтимоий тармоқларда тунда Яккасарой туманида Cobalt хавфли ҳаракатланиб, бошқа машиналарга шикаст етказгани акс этган видеолар тарқалди. Воқеа 11 июн куни тахминан соат 21:30 да содир бўлган, автомобилни руҳий-асаб касалликлари шифохонасида рўйхатда турувчи 44 ёшли Р.Й. бошқарган.
Қайд этилишича, у ўз бошқарувидаги Cobalt’да Яккасарой тумани Шота Руставели кўчаси бўйлаб йўл ҳаракати қоидаларини бузган ҳолда, ўзгалар ҳаётини хавф остига қўйиб ҳаракатланган. Ҳудудда хизмат олиб бораётган ИИО ходимларининг тўхташ ҳақидаги қонуний талабига бўйсунмасдан, ҳаракатни давом эттириб, бир нечта транспорт воситаларига техник шикаст етказган.
Кўрилган тезкор чора-тадбирлар натижасида ушбу фуқаро томонидан бошқа фуқароларга зарар етказилишининг олдини олиш мақсадида ИИО ходимлари томонидан табел қуролидан фойдаланилиб, огоҳлантиришдан сўнг автомашина ғилдирагига ўқ узиш орқали тўхтатилган ва кейинги ноқонуний ҳаракатларига чек қўйилган.
@PopliklarTezkor
Фермер харажатини 81 миллион сўмгача камайтириши мумкин бўлган янгилик
Кўпчилик ТТЗ ҳақида эшитса, кўз олдига совет давридан қолган улкан завод келади. Лекин заводнинг ўзи тарихда қолиб кетмаган. Бугун у Чирчиқда AgroTech Klaster номи остида ишламоқда.
Маълум бўлишича, бу ерда ишлаб чиқарилган айрим тракторлар, культиваторлар, чизеллар, плуглар ва бошқа қишлоқ хўжалиги техникаларини харид қилган фермерларга давлат 15 фоизгача субсидия берар экан.
ҚҚС қайтарилиши билан бирга ҳисоблаганда, имтиёзлар ҳажми 27 фоизгача етади.
Масалан, субсидия ва ҚҚС қайтарилиши ҳисобидан 300 миллион сўмлик техника айрим ҳолларда 219 миллион сўмгача тушиши мумкин. Бу қарийб 81 миллион сўмлик фарқ дегани.
Агар фермерда техникани бирданига сотиб олиш учун маблағ бўлмаса, айрим дастурлар доирасида имтиёзли шартларда харид қилиш мумкин.
@PopliklarTezkor
Ёзишларича, ЖЧ-2026 якуний таркибидан Умарали Раҳмоналиев жой олади. У жароҳат олгани айтилган Машариповни алмаштиради.
@PopliklarTezkor
Миллий терма жамоамиз майдонга чиққанда, миллионлаб юртдошларимиз бир мақсад атрофида бирлашади.
🇺🇿
⚽️
Агробанк эса ўзбек футболи ва миллий жамоамизни қўллаб-қувватлаши билан мухлисларга яқин бўлиб келмоқда.
💚
Банк мамлакат ҳудудида намойиш этиладиган трансляциянинг бош ҳомийси сифатида ўйинларни янада қулай ва юқори сифатда томоша қилиш имкониятини яратишга ҳисса қўшмоқда.
🙌
🔥
Бирга мухлислик қиламиз!
Олға, Ўзбекистон!
🇺🇿
@PopliklarTezkor
Наманган вилояти Чуст тумани ИИБ профилактика инспектори фуқарога нисбатан келиб тушган аризани кўрмасдан қолдирганини рўкач қилиб, ундан 2 минг АҚШ доллари талаб қилган ва жорий йилнинг феврал ойида 700 доллар олган.
У фуқародан қолган 1 минг 300 долларни ҳамда келгусида унга “ўзбек-қирғиз” давлат чегараси орқали чорва молларини ноқонуний олиб ўтишида раҳнамолик қилиш эвазига 2 минг доллар, жами 3 минг 300 доллар сўраган.
У бу пулни олган вақтида ушланди.
@PopliklarTezkor
Қандай ҳолатда иш ташлаш мумкин?
Меҳнат кодексига киритилган ўзгартиришларга кўра, агар яраштириш таомиллари орқали жамоавий меҳнат низосини ҳал қилишнинг иложи бўлмаса, меҳнат жамоаси иш ташлаш тўғрисида қарор қабул қилиши мумкин.
Иш ташлашда қатнашиш ихтиёрийдир. Ҳеч ким иш ташлашда қатнашишга ёки унда қатнашмасликка мажбур қилиниши мумкин эмас.
Иш ташлашни эълон қилиш тўғрисидаги қарор ташкилот ходимларининг умумий йиғилишида қатнашаётган ходимларнинг 50 фоизидан кўпроғи ёқлаб берган овози билан қабул қилинади.
Қарор қабул қилиш иш ташлаш бошланишидан камида 1 ой олдин амалга оширилади.
Касаба уюшмаси қўмитаси иш ташлашни эълон қилиш тўғрисидаги қарор ҳақида иш берувчини қарор қабул қилинган пайтдан 1 иш кунидан кечиктирмай ёзма равишда хабардор қилиши керак.
Иш берувчи бўлажак иш ташлашни эълон қилиш тўғрисида ёзма хабарномани олган пайтдан эътиборан 1 иш кунидан кечиктирмай жамоавий меҳнат низоларини тартибга солиш бўйича давлат органларини ёзма равишда огоҳлантиради.
Иш ташлашга касаба уюшмаси қўмитасининг ваколатли вакили раҳбарлик қилади.
Ходимнинг иш ташлаш билан боғлиқ жараёнда иштирок этгани уни интизомий жавобгарликка тортиш учун асос сифатида кўриб чиқилиши мумкин эмас.
Иш ташлаш пайтида унда иштирок этадиган ходимнинг иш жойи ва лавозими сақланиб қолади.
Иш берувчи ходимга у иш ташлашда қатнашган вақтида иш ҳақини тўламаслик ҳуқуқига эга.
Иш ташлаш инсонларнинг ҳаёти ва соғлиғига зарар етказиш реал хавфини келтириб чиқарса, тинчлик ва хавфсизликка, жамоат хавфсизлиги ва жамоат тартибига, экологик барқарорликка таҳдид солса, суднинг қарорига асосан:
➖
эълон қилинган иш ташлашнинг бошланиш вақти 30 календарь кундан кўп бўлмаган муддатга кечиктирилиши;
➖
иш ташлаш 30 календарь кундан кўп бўлмаган муддатга тўхтатиб турилиши мумкин.
Қонун расмий эълон қилинган кундан эътиборан 3 ой ўтгач кучга киради.
@PopliklarTezkor
Перуда президент сайлови натижаси. Шунчаки даҳшат
18 млндан ортиқ сайловчи иштирок этган сайловда 489та овоз президент ким бўлишини ҳал қилмоқда. Ютаётган даъвогар асли келиб чиқиши япониялик бўлган собиқ президентнинг қизи ҳисобланади.
@PopliklarTezkor