POSTDA|Rasmiy kanal

VAZIRLIK JAMOASI – CHEMPION!
​Oʻzbekiston Respublikasi IIVning farmoyishiga asosan iyun oyi «Yoshlar oyligi» deb e’lon qilingan edi. Mazkur oylik doirasida joriy yilning 9-10-iyun kunlari Jizzax viloyati Zomin tumanida “Ajdodlar izidan” intellektual kitobxonlik tanlovi tashkil etildi.
​Unda respublikamizning barcha hududlaridan kelgan jamoalar qatorida Qoraqalpogʻiston Respublikasi IIV jamoasi ham ishtirok etdi. Bahslar davomida terma jamoa a’zolari oʻzlarining yuksak kitobxonlik salohiyati va bilim darajasini namoyish eta bildilar.
​Keskin va murosasiz kechgan intellektual bellashuv yakuniga koʻra, Qoraqalpogʻiston Respublikasi IIV jamoasi faxrli 1-oʻrinni qoʻlga kiritdi hamda tashkilotchilar tomonidan pul mukofoti, kitoblar jamlanmasi va maxsus statuetka bilan taqdirlandi.
​
Asan SHAMURATOV,
leytenant.
@Postdarasmiy

Zehningizni sinab ko‘ring!
Qanoti bor, lekin uchmaydi. Oyog‘i yo‘q, ammo quvib yetish qiyin bo‘lgan qaysi jonzot?
Ushbu savolning javobini
Baxrom
,
Otabek Abrorov, Mansur Jumatayev
,
Qurbonov
Ulug'bek
,
Gulnora
,
Jasur, Ibrohimxon,
Yigitali Umarov hamda
Nuriddin Kamalovlar
to'g'ri topishdilar, ofarin o'quvchilarimizga omadlar tilaymiz.
Javob
: Baliq.
@Postdarasmiy
telegram kanalimizga a’zo bo‘ling.

Қўриқлаш ходимларининг сергклиги туфайли
Жорий йилнинг 11 июнь куни соат 00:10 да Зарафшон шаҳар саноат ҳудудида ҳаракатларида шубҳа уйғотган "УАЗ" русумли транспорт воситаси шу ҳудудда хизмат олиб бораётган Қўриқлаш ходимлари томонидан қонунчиликка мувофиқ тўхтатиб текширилган.
Ўрганишлар жараёнида автотранспорт юкхонасида 41 дона идишларда ҳар бири 30 литрдан бўлган дизель ёқилғиси ҳеч қандай ҳужжатларсиз, ноқонуний равишда олиб кетаётганлиги аниқланган ва зудлик билан ҳаракатга чек қўйилган.
Дастлабки ўрганишлар жараёнида транспорт воситаси эгаси ёқилғиларни ишлаб чиқарувчи завод ҳудудидан олиб чиқганлиги ва юкларни сотиб шахсий эҳтиёжлари учун сарфлаши маълум бўлган.
Маҳлиё ХОЛОВА,
ўз мухбиримиз.
Навоий вилояти
.
@Postdarasmiy

Yoshlar kuni
Xorazm viloyati IIB Voyaga yetmaganlarga ijtimoiy-huquqiy yordam ko‘rsatish markazida saqlanayotgan bolalar uchun ma’naviy-ma’rifiy tadbirlar rejasiga muvofiq navbatdagi tanishuv ekskursiyasini tashkil etildi. Tadbir doirasida bolalar Xorazm viloyati IIB Xavfsiz turizmni ta’minlash boshqarmasi faoliyati bilan yaqindan tanishdilar. Ularga turistik hududlarda jamoat xavfsizligini ta’minlash, zamonaviy kuzatuv tizimlari, sayyohlar xavfsizligini kafolatlash borasida amalga oshirilayotgan ishlar haqida batafsil ma’lumot berildi. Mazkur tadbir yoshlarning huquqiy bilimlarini oshirish, kasblarga qiziqishini kuchaytirish hamda Vatanga sadoqat va mas’uliyat tuyg‘ularini mustahkamlashga xizmat qildi. Bolalar mutaxassislarga o‘zlarini qiziqtirgan savollar bilan murojaat qilib, ulardan atroflicha javob oldilar.
Oʻz muxbirimiz.
Xorazm viloyati.
@Postdarasmiy

#Кулги_бекати
“ХОТИН, НИМА ОВҚАТ ҚИЛДИНГ?!”
Бир киши шифокор дўсти билан учрашиб қолибди ва гап орасида рафиқасинининг қулоғи оғирлашиб қолганини айтиб, ундан маслаҳат сўрабди:
– Оғайни, ҳозир уйга бориб, хотинингдан ўн қадам нарида бақириб гапир, эшитмаса, тўққиз қадам, яна эшитмаса, саккиз... Хуллас, неча қадамдан эшитса, ўша рақамни қоғозга ёзиб кел, шунга қараб даволаш усулини белгилаймиз.
Эр уйга келгач, ўн қадам узоққа борибди-да, бор овозда бақирди:
– Хотин, кечқурунга нима овқат қилдинг?
Жимлик.
У тўққиз қадам нари бориб бақирибди:
– Ҳой, кечқурунга нима овқат қилдинг?
Яна жимлик.
Шу кўйи бақира-бақира охири бир қадамлик масофада турганча сўнгги маротаба бақирибди:
– Хотин, кечқурунга нима овқат қилдинг, деб сўраяпман?!
– Вой, мен ҳам сизга ўнинчи марта айтаяпман, кечқурунга шўрва бўлади, шўрва!
@Postdarasmiy

EHTIYOT BO'LING, FIRIBGAR!
Sirdaryo viloyati IIB huzuridagi Tergov boshqarmasi firibgarlik bilan bog‘liq jinoyatlarga qarshi targ'ibot tadbiri o'tkazildi. Mas'ul xodimlar tomonidan shu turdagi jinoyatlar qayd etilayotgan mahallalarda bo'lindi. Tadbir davomida fuqarolarga firibgarlarning zamonaviy usullari, ayniqsa internet va telefon orqali sodir etilayotgan jinoyatlar yuzasidan ma'lumot berildi.
Aholi hushyorlikka chaqirilib, shaxsiy ma’lumotlar, bank kartalari rekvizitlari hamda tasdiqlash kodlarini begonalarga bermaslik yuzasidan tavsiyalar berildi.
O'z muxbirimiz.
Sirdaryo viloyati
.
@Postdarasmiy

⚡️
Тоғли ҳудудларда ҳаракат хавфсизлиги таъминланмоқда
Тошкент вилоятининг тоғли ҳудудларида йўл ҳаракати хавфсизлиги тўлиқ таъминланмоқда. ЙҲХХ ходимлари томонидан дам олиш масканларига ташриф буюрган фуқароларнинг хавфсиз ҳаракатланиши учун барча зарур чоралар кўрилган. Назорат тадбирлари ва тезкор чора-тадбирлар натижасида йўлларда юзага келиши мумкин бўлган тирбандликларнинг олди олинмоқда.
@Postdarasmiy

Zehningizni sinab ko‘ring!
Qanoti bor, lekin uchmaydi. Oyog‘i yo‘q, ammo quvib yetish qiyin bo‘lgan qaysi jonzot?
Ushbu savolning javobini to‘g‘ri topsangiz, bugun soat 17:00 da telegram kanalimiz orqali e’lon qilamiz.
Javobni quyidagi manzilga yo‘llashingiz mumkin:
https://t.me/postda_muloqot
@Postdarasmiy
telegram kanalimizga a’zo bo‘ling.

«Ajdodlar izidan» ko'rik-tanlovi
Jizzax viloyatining Zomin shaharchasida tizimda xizmat olib borayotgan yosh xodimlar o'rtasida an'anaviy «Ajdodlar izidan» intellektual ko'rik-tanlovining respublika final bosqichi o'tkazildi.
Batafsil
@Postdarasmiy

ҚЎРИҚЛОВ АФЗАЛЛИКЛАРИ
Тадбиркорлар ва фуқаролар мол-мулкини ишончли ҳимоясини таъминлаш мақсадида вилоят ИИБ ҳузуридаги Қўриқлаш хизмати ходимлари томонидан тарғибот-ташвиқот тадбирлари изчил давом эттирилмоқда.
Жумладан, хизматнинг Қарши шаҳри ва Ғузор тумани бўлимлари ходимлари ҳудуддаги савдо нуқталари, бозорлар, хизмат кўрсатиш объектлари, корхона ва ташкилотлар ҳамда аҳоли вакиллари билан тез-тез тарғибот тадбирлари ўтказишди.
Тарғибот тадбирларида қўриқлаш хизматининг афзалликлари, объект ва хонадонларни қўриқловга олиш тартиби, замонавий сигнализация воситалари ҳамда жиноятларнинг олдини олишда техник қўриқлаш имкониятлари ҳақида батафсил маълумотлар берилди.
Шохрух Қиёмов,
капитан.
Қашқадарё вилояти
.
@Postdarasmiy