تفريغ مقاطع الأستاذ ياسر الحزيمي.

🪜
"سلم المهارة"

🪜
"سلم المهارة"
إذا أنتم تريدون مهارات ممتاز يا أخي،
والله ممتاز. لأن الناس جدًا مهتمة بالعلاقات وكأن العلاقات هي إكسير الحياة!
دعونا نتكلم شوي عن المهاره.
ما تعريف المهارة؟ ببساطة: الانتقال من المعرفة الصريحة إلى المعرفة الإجرائية.
المهارة هي قدرتك على فعل شيء... قدرتك على فعل شيء بتلقائية، وسرعة، وأخطاء أقل. هذه مهارة.
بمعني أنا ممكن أعطيك شيئا تلوّنه وأنا ألوّن، النتيجة النهائية أنا لونت مثلك، لكن أنت لنتهيت أسرع، وبأخطاء أقل، وبتلقائية،
وأنت تتحدث، تلون،...
وأنا لا، أنا مركز!
أنت عندك مهارة وأنا عندي قدرة.
في السواقة مثلاً: ما الفرق؟ أنت لما أول ما سقت، أو أنتِ أول ما سقتٍ... متماسك ومتوتر وما تبغى أحد يكلمك ولا أحد... يرن الجوال: يا أوقف يا أكلم الجوال، وحسبي الله على اللي يسلم علي يلخبطني، واللي يكلمني خلاص اسكتوا أنا مركز!
هذه في الأيام الأولى،
بعدها ما الذي يحدث؟
بعدين أوه بيد واحدة، وتسولف، تتقهوى، هوجس، أصل البيت ما أدري شلون مريت!
أوخر من الناس، ألبق، بدون أي... وعي، تركيز وانتباه.
ما الذي صار؟ إنها  هذه الأفعال ذهبت إلى صندوق الخبرة فتحولت إلى مهارة.
لهذا سلم المهارة أربعة:
1⃣
لا وعي ولا مهارة:
بمعنى:
-مثلاً تشوف واحد يصوّر ما كنت تركز معه كيف يصور الكاميرا، ويركب العدسة وأنواع العدسات الطويلة، ما كنت تركز، فلا وعي ولا مهارة.
-تركب مع أبوك أو تركبين مع أبوك، ما كنت تركز ما هذا؟ وليش ترجع ريوس؟ وإيش معنى طبلون؟ وإيش معنى كبوت؟ وإيش معنى... دركسون؟ وإيش... ما كنت تركز، لا وعي ولا مهارة. لا وعي:" إيش قاعد يصير" ،
ولا مهارة: " ما عندك مهارة" .
2⃣
وعي بدون مهارة:
صار عندك وعي، انتباه بس بدون مهارة، وعيٌ ولا مهارة.
- بمعنى إنك أنت تبدأ تسأل: هذا ليش؟ ليش تفك الجرنط قبل؟ طيب شلون؟ طيب هذا D و N إيش الفرق؟ تبدأ تسأل يصير عندك وعي ولا مهارة. تبدأ
- ترى المصور كيف يصوّر وتسأله، تبدأ ترى من يرسم ويلون وتسأله، ترى من يبرمج وتسأله... صار عندك وعي ولا مهارة، وعيٌ ولا مهارة.
3⃣
وعي بالمهارة:
وعيٌ بالمهارة، تصير تسويها بس وأنت مركز. رأيت من يكتب على الكيبورد؟ نفس الفكرة، يكتب أول ما يبدأ يناظر طق طق طق، وعيٌ بالمهارة، هو عارف إيش قاعد يسوي، عارف إيش قاعد يسوي.
4⃣
لا وعي مع وجود مهارة:
ثم ينتقل الإنسان إلى السلم رقم أربعة: لا وعيٌ مع وجود مهارة. يبدأ يكتب يكتب يكتب بالكيبورد ويسولف معك، ما شاء الله تبارك الله، وفجأة كذا تلقاه درى عن الغلط، يرجع يحذف وأنت تنظر تقول ما شاء الله كيف؟
هي مهارة... مهارة.
نفس الفكرة في السواقة، بعدين تصير بلا وعي مع وجود مهارة، نفس الفكرة في الطبخ، الطبخة الأولى أول ما تطبخيها غير لما تسويها دائما، لما تطبخيها دائما ما عاد في مقادير أصلاً، بيدك كذا إحساس حساسات، أنت تحس كذا، بعدين أحيانًا كذا وأنت رايح تقول: لا، تحط زيادة ملح، كيف؟ ما تدري بس تظبط!
لا وعيٌ مع وجود مهارة... لا وعيٌ بالمهارة.
أنا حتى أصل لهذه المرحلة الاحترافية
لازم لازم أصبر على نفسي في لحظات الوعي المهارة.
-في لحظات إني وأنا أسوق أرقى الرصيف،
-وأنا متوتر يضربون بوري ما أدري إيش أسوي،
- وأنا... لازم أصبر على نفسي. إذا ما صبرت على نفسي هنا انهزمت وتوقفت وتركت الموضوع كله، وخفت، أو لا أريد أحد يصحح لي، وأنا حساس من النقد... لن أتطور.
لن أتطور!
لما أقبل إني أرسم رسمات عادية وأريها الناس وأفرح بها، هنا أبدأ أطور. لما أبدأ أخاف ومن نقد الآخرين ولا أبغى أظهر بمظهر الضعيف أو الجاهل أو الأداء ضعيف... لن أتطور.
العناء في الابتداء،
اسمح لنفسك في البدايات إن تكون عاديا
عادي جدًا.
كل انسان مميز كان في يوم من الأيام عادي.
كل انسان مميز كان في يوم من الأيام عادي، لابد أن تبدأ عاديا، ثم تطور.

سلم المهارة | ياسر الحزيمي.

إذا كان الله قد اختار هذه الأيَّام
🌙
وجعل العمل الصالح فيها أحبَّ إليه
✨
فليست العبرة أن تمرَّ عليك…
بل ماذا سترفع فيها إلى الله
🤍

. تجربة "الوثبة" والانعزال الإيجابي
أنا يا جماعة أحرص - أنا يمكن الفترة هذه شوي منضغط- لكن كان عندي برنامج بهذه الطريقة أسويه.
​عندي يوم في الأسبوع لازم أتفرغ فيه؛ لا جوال، ولا أرد على أحد.
وعندي شهر في السنة غالبًا يكون شهر 10 شوال، شهر في السنة أقفل جوالي وأسميه كذا "وثبة". أطلع شريحة للاهل وللأشياء الخاصة مثل البنوك وأبشر وكذا..، فيه شريحة مسميها أنا "وثبة" هذا الشهر يعطيني وثبة:
أقرأ فيه،
أحسن علاقاتي،
أزكي نفسي،
أخطائي التي علي،
الأعمال المتراكمة،
آخذ شاور،
أغتسل من درن هذه الدنيا في هذا الشهر،
أعيد ترتيب نفسي.
أنت تقدر، أنت تقدر.
​ قاعدة الحاضر أحق من الغائب
🤝
​والله العظيم يا جماعة، والله إن جوالي له أربع سنوات ما يرن، ما يرن! الذي يحتاج شيئًا في الواتساب، ما عندي إشعارات، أربع سنوات ما يرن جوالي. بمعنى أنا حاط صامت وما في هزاز، صامت.
-بيني وبينك موعد؟
أنا سألتزم به، أحط لي مؤقت.
-ما بيني وبينك موعد؟
الواتس وماشي أموري الحمد لله.
​ما كل شوية ألتفت.
إذا جلست مع أحد الحاضر أحق من الغائب.
أمك وأبوك أحق من الغائب اللي دق عليك، عيالك أحق من الغائب، جلستك، أصدقاؤك أحق من الغائب. مصحفك، حياتك، تفكيرك، انسجامك، اتساقك مع نفسك أهم من الأشياء الأخرى.
لست صح؟
لكن تأكد لست على خطأ.
تأكد، هوجس فيها،
تقدر؟ تقدر.
#تعفن_الدماغ
#الحل
#تطوير_الذات
#ياسر_الحزيمي