قصيده + لحن
شكد هضيمه .. من يموت حسين عطشان
شكد هضيمه ..بغربه زينب مالها اخوان
هاي ياعالم مصيبه .. ياهو يفزع للغريبه
***
***
ليلة العاشر يعالم ليلة موادع كضوها
هاي التودع ابنها وهاي اليضمها اخوها
وذيج التشم بطفلها وهاي التعاين لابوها
وزينب بحسرة گلبها اخوتها كلهم حاوطوها
يامصيبه .. وخلصنها شلون ليله
يا مصيبه .. باجر تشوف العقيله
باجر تصير العجيبه .. ياهو يفزع للغريبه
***
***
طر فجر ليلة العاشر وكلمن تحضر دمعها
ياظهر لَتمر عليهن العدها ابن لزمت ضلعها
حال التفارك ضناها محد يحس بوجعها
العدها غالي تنوح سكته وزينب الكافل سمعها
حل ظهرهن .. وابتدت كل المصايب
حل ظهرهن .. وشافن انواع العجايب
كلمن يودع حبيبه .. ياهو يفزع للغريبه
***
***
للحرب شبان طلعوا ويلي دمهم تارس البر
القاسم بدمه تحنه وبالخيم مذبوح الأكبر
وزينب تودع ولدها والمصيبه عليها تكبر
والرباب تصد لابنها والسهم كاطع المنحر
كلشي مذبوح .. والمصيبه تكطع النياط
كلشي مذبوح .. حتى وصلت للبالگماط
عملة العاشر عصيبه .. ياهو يفزع للغريبه
***
***
راية العباس جانت ظلها خيمه اعلى المخيم
والامان البيها بالطف بظلها كل العيله تلتم
طيحة العباس صعبه حسين كل حيله تهدم
جفوفه طاحت عالشريعه ولون وجها غيره الدم
راح الحسين .. منحني و ايده اعلى ظهره
راح الحسين .. وضم ابو الغيره اعلى صدره
وينسمع ونه ونحيبه .. ياهو يفزع للغريبه
***
***
ضل ينوح حسين وحده وعالحرم تنزل دموعه
فزعت سهام اعلى صدره وعالعقيله بصدره لوعه
واجت يمه خيول عشره وكامت ترض بضلوعه
والشمر يكطع بنحره وياجزع يرحم جزوعه
بين الخيام .. زينب احتارت بامرها
بين الخيام ..و شبت النار بكترها
هجمت الخيل الرهيبه .. ياهو يفزع للغريبه
***
***
فرت من الخيمه تركض وسم الصوط بمتنها
يامره التحمل صبرها ومنكطع بالحسره ونها
تنادي ياعباس خويه وين راح الكمر عنها
وبالحبل شدوا اديها وتنجر بدمعة حزنها
تمشي للشام .. والحزن كاسر كفاها
تمشي للشام .. والحرم يمشن وراها
والكلب يسعر لهيبه .. ياهو يفزع للغريبه
***
***
تمت
احمد الخفاجي
ايام ويجي شهـــــر المصيبه ونسمع احنه زينب يا غريبه :::: راح تمـــــر عليها ايام مچتوفه وتنظر للكفيل مگطعه اچفوفه ساعه بشام زينب ساعه بالكوفه راس حسين فوگ الرمح وتشوفه يمها اچم طفل ظل بنحیبه :::: ايــــام وعليها يرجـــــع العاشر راح تشوف صدر حسين بالحافر…
ايام ويجي شهـــــر المصيبه
ونسمع احنه زينب يا غريبه
::::
راح تمـــــر عليها ايام مچتوفه
وتنظر للكفيل مگطعه اچفوفه
ساعه بشام زينب ساعه بالكوفه
راس حسين فوگ الرمح وتشوفه
يمها اچم طفل ظل بنحیبه
::::
ايــــام وعليها يرجـــــع العاشر
راح تشوف صدر حسين بالحافر
من صدر الحسين وكم ضلع كاسر
بخرابه اطفالها ومكسورة الخاطر
ايام وحبيب بلا حبيبه
::::
راح تمــــــر عليها ايام مسبيه
هناك وبالخرابه تــــودع ارقيه
تنباگ الخیم مــو فقط ترچیه
هذا العمر زينب غـــــربه تاليه
تريد الكافل ويمها شيجيبه
::::
باچر تدخـــــل السوگ وخرایب
عليها شكثر تــــــزداد المصايب
زينب وينها اويــــــــن النوايب
مــــــن كثر الحزن دلالي ذايب
وكت باليسر بنت الچان هيبه
::::
زينب هاي معروفه اخت الحسين
زينب وينهـــــــــا اوين الدواوين
بس ايتام يمهِــــــا وبس نساوين
بعيدين الأهـــل عنهــــــا بعيدين
الجرح ميطيب اذا يفگد طبيبه
:::::
القبل ما شاف ظلها حتى جبرائیل
خلص عمر زينب كلها بس ترتيل
من بعد الكفيل الشمر ظل يعيل
من شيلة الحره الله سوه الليل
تظل بدون كافلها عجيبه
::::
علي جبار الكعبي
الفاتحه لوالدي
ضلت يابو صالح بالگلب حسره
اشلون انعيش والصادق بلا حظره
هاي اسنين عشناهه ابحزن واهموم
من يوم انخلقنه هالجرح لليوم
يامهدي گلبنه اعله الزياره ايحوم
وانت ابهالأمر يبن الحسن أدره
وحگ جرح البقيع وسوره التهدَّم
عدنه اعله الأئمه اگلوب تتألم
من نعتب لأن بِعتابنه تِفهم
وبس انت الوضعنه سيدي اتقَدرَه
وحگ زينب تَره الخِدَّام مِشتاگه
تضل نار البُعُد مولاي حَرَّاگه
لحد ما بالبقيع اهناك نِتلاگه
وانقيم العزاء ابدِيِرَةِ الزهره
يايوم اليجينه ونعقد النِّيَّه
ونگصد يم اهلكم بالعَلانِيَّه
نون للصادق الوَنَّه العراقيه
ويم أم البنين اشمحله هالعَبرَه
لگبور الوفه الأحباب تلفيهه
وحشه ماتضل والوحشه نمحيهه
نحييهه المجالس غاد نحييهه
والگبر النِّبي هَم نِگصِد ونقره
يضل هذا الحِلم من خادم الخادم
ندعي وهالدُّعاء ابكل وكت دايم
( أللهُمَّ عَجِّل فَرَجَ القائِم )
أمل يوم الظهور وكلنه ننتظره
سيد علي الموسوي
نعيش .... نموت ...جعفريه فلا ....نبيع .... القضيه ................................. عله حُبكُم يبو الكاظم حاربونه بُغضاً ابنهج الولي والهدف نِتخَلَّه عن حيدر أبونه وصحنه مانترك علي حيدر رَمَز ....رغم اليضدّه واليبغُضَه...لازم نِردّه يبقى الولي...وكل احنه…
نعيش .... نموت ...جعفريه
فلا ....نبيع .... القضيه
.................................
عله حُبكُم يبو الكاظم حاربونه
بُغضاً ابنهج الولي
والهدف نِتخَلَّه عن حيدر أبونه
وصحنه مانترك علي
حيدر رَمَز ....رغم اليضدّه
واليبغُضَه...لازم نِردّه
يبقى الولي...وكل احنه ولده
خِدَّام اله....وكلمتنه وحده
على ....خُطَه ....المرجعيه
فلا .... نبيع ....القضيه
..........................................
يامُؤَسِّس مَذهب اهل البيت وَيّاك
كل سنه انجدد عَهَد
والعزائك جينه هاي الليله ننخاك
مِنَّك انريد المَدَد
يبن الفَخَر ...يبن الصميده
بيك المُحِب...يهتف وريده
جينه وطلب...مِنَّك نريده
تدعي النَّصر...أهل العقيده
بِحَق ....علي....والزچيه
فلا .... نبيع .... القضيه
..................................
تبقى يبن الباقر ويانور العيون
انت حُبنه الجوهري
دوم باسمك ياولينه يطلب العون
كل مُوالي وحيدري
الرب السِّمه ....نرفع إدينه
ندعي ابإسم...بضعة نبينه
ونتشكَّرك...هالليله اجينه
قِمنَه العَزَه....واتوفّقينه
نُوِن ....إلك....بالعزيه
فلا ....نبيع....القضيه
.....................................
يا إمام الخير مانترك دربكم
وابدربكم نهتدي
والنداء انعيش وانموت اعله حبكم
عهد هذا سيدي
آل الهُدى...وفدوه الإسمكم
طول الزمن...شامخ عَلمكُم
وداعة علي...والزهره امكم
نهتف نضل...عونه الخِدَمكم
فَخَر ....شَرَف ....هالهويه
فلا .... نبيع ....القضيه
...................................
حسره بينه اتعيش مايَمَّك مواكب
لازياره ولا صحن
يمته عندك ينجمع شمل الحبايب
ويشفه جرح ابن الحسن
راعي الأمر ....مهدينه قادم
ونگول اله ...واحدنه خادم
يم تربتك ...صرختنه لازِم
حَيَّ عله....احياء المآتم
أمل .... مُحِب ....هالمسيه
فلا ..... نبيع ....القضيه
سيد علي الموسوي
((وداع))
وداع
عمري خلصته وداع بنص وداع
ضياع
واليفارگ حيدر يعيش الضــياع
امس امي الطاهره
الًيَوُمًِ اودع حـيدره
"""""""""""""""""""""""""""""""""""''''''''
شلون اشمك
ويــن اضمك
روحي متروسه بواچي .. وعيني ماهي
وكتي مـايل
دمعي سايل
اسمع تگــــــلي تراچي .. هــــــيه ياهي
راح اعلمچ
تشبه امــچ
بالمدامع بالمحـــــاچي .. يــــــــا ألاهي
ورده ذبـــلت
بصحره فرت
ألبسو عگال وخــواچي .. أسلبـو جاهي
زغيره هيه وهم سبيه
وتستحيي تگلچ چوتني الغاضريه
بويه بتمن هيه اختمن
بويــــه بت حسين مذبوحه رقيه
اموت
يعني كل هذآ اليصير ومااموت
افوت
بين وادم غــــربه معناها افوت
بعد سولفلي الجره
الًيَوُمًِ اودع حيـدره ...
"""""""""""""""""""""""""""""""""""''''''''
عينه ردهه
ايده مدهه
والدمع نار المخـــيم .. تچــوي خده
شمــا ننشف
جرحه ينزف
شلاعب بحاله محرم .. حـسره عنده
جرحي سهله
گلـــــي هزله
والضعـــــن كله تهدم .. بساعه وحده
بـــــويه زينب
جرحي شيب
وحتى ابيض من جره الدم .. شلون ارده
بروحي ابچي گوه احچي
سيفه يم خلگي وصل بده السوالف
گوه اجره نفسي جمره
آنه نايم بس دليلي بجـــرحه واگف
عذاب
روحي ماتت ويه امكــــم مابقيت
تراب
روحي دافنها وجسد خالي اجيت
من سمعت الصابره
الًيَوُمًِ اودع حـيدره ...
"""""""""""""""""""""""""""""""""""''''''''
بعينه قصه
بصدره غصه
حچايته تطلع چبيره .. گوه تمشي
بروحه چلمه
حـــــزن لمه
محترگ وجروحه ديره .. ضاع كلشي
عذبوهن
سلبوهن
يـــــأشر عليه اسيــــره .. انمرد هرشي
بخدي غفلله
دمعـي صلله
أنضرب وآنه الاميره .. فوگ رمشي
بويه خدري يگلها صبري
العفه عفه بالخدر لــــــو بالمجالس
بهيده بيه وآل اميه
وآنه گلبي من الحزن راس النوارس
ابوي
وألتفت لٱ امي تحـــضر لٱ ابوي
اخوي
بكربله مطشر دمع يابويه اخوي
وين سبع الگنطره
اليوم اودع حيدره ...
"""""""""""""""""""""""""""""""""""''''''''
الگمر وينه
وباس عينه
يــــــابزر بطن الخليله .. والعفــــيفه
ياجروحي
انته روحي
الضعن يوگع مستحيله .. وانت سيفه
الگمر يمه
وگله ألمه
والضعن بعيوني اشيله .. ومــا اعيفه
اي يغالي
اي يوالي
النهر يشرد من تجـيله .. ومات حيفه
گلــه ابشر كون تنضر
اكسر خشوم الزلم فــوگ الشريعه
گله يمـــي اختي همي
عيوني وچفوفي فده لاسم الوديعه
غريب
بس اخوي حسين يابويه غريب
حبيب
كلها صرعه ولازهـير ولا حبيب
وآنه طايح عالثره
الًيَوُمًِ اودع حيره ...
عبد زينب
محمد الابراهيمي