RGTF | 🇩🇪🇫🇷🇪🇸🇮🇹🇷🇺
🌍
SamDChTI va Meksika Milliy Avtonom Universiteti (UNAM) o‘rtasida yangi kurs boshlandi:
SamDChTI hamda Meksika Milliy Avtonom Universiteti hamkorligida talabalar o‘rtasida madaniyatlararo muloqotni rivojlantirish va til ko‘nikmalarini mustahkamlashga qaratilgan qo‘shma kurs yo‘lga qo‘yildi.
🏆
UNAM dunyoning yetakchi oliygohlaridan bo‘lib, xalqaro reytinglarda muntazam ravishda Top-200 universitetlar qatoridan o‘rin oladi.
👥
Dasturda har ikki oliygohdan qariyb 40 nafar talaba ishtirok etmoqda.
📚
Mashg‘ulotlar quyidagi yo‘nalishlarda olib borilmoqda:
• Hudud: fauna, flora, geografiya va tarix
• Bayram va an’analar
• Milliy taomlar
• Madaniyat: musiqa va tarixiy obidalar
🤝
Kurs davomida: Meksikalik talabalar o‘zbek talabalarga ispan tili va Meksika madaniyatini, o‘zbek talabalar esa meksikalik talabalariga o‘zbek tili va madaniyatini o‘rgatmoqda.
📅
Kurs 31-mayga qadar davom etadi va yakunda umumiy taqdimot o‘tkaziladi.
🎓
Akademik koordinatorlar:
— Utkir Burxonov (SamDChTI)
— David Ruiz Guzman (ENALLT, UNAM)
25-aprel kuni Università per Stranieri di Perugia vakillari — Lauritano Gennaro va Nicchi Filippo fakultetga tashrif buyurib, Muhammad Ali Rafikovich rahbarligida “Filologiya va tillarni o‘qitish: italyan tili” yo‘nalishi talabalari va professor-o‘qituvchilari uchun ilmiy-amaliy seminarlar o‘tkazdilar.
Seminarlar davomida italyan tilini o‘qitishning zamonaviy metodlari, xorijiy tillarni o‘rganishda kommunikativ yondashuv hamda Italiyada ta’lim olish imkoniyatlari haqida batafsil ma’lumotlar berildi.
Ishtirokchilar uchun interaktiv mashg‘ulotlar tashkil etilib, ular o‘z bilimlarini amaliyotda sinab ko‘rish imkoniga ega bo‘ldilar. Seminarlar ochiq muloqot tarzida o‘tib, talabalar o‘zlarini qiziqtirgan savollarga javob oldilar.
Uchrashuv yakunida tomonlar kelgusida hamkorlikni rivojlantirish, akademik almashinuv dasturlarini kengaytirish hamda qo‘shma loyihalarni amalga oshirish masalalarini muhokama qildilar.
24-aprel kuni Roman-german tillari fakultetida italyan oshxonasiga bag‘ishlangan madaniy-ma’rifiy tadbir bo‘lib o‘tdi.
Tadbir
Italyan tili
yo‘nalishi 2506-guruh talabalari tashabbusi bilan, guruh rahbari Xodjieva Gulchehra boshchiligida tashkil etildi.Unda italyan tili yo‘nalishi talabalari, professor-o‘qituvchilar, shuningdek fakultet dekanati vakillari va tyutorlar ishtirok etdilar.
Tadbir davomida italyan oshxonasining an’analari, uning jahon gastronomiyasidagi o‘rni, mashhur milliy taomlar tarixi hamda Italiya madaniyatida ovqatlanish madaniyatining o‘ziga xos jihatlari haqida ma’lumotlar berildi.
Shuningdek, talabalar tomonidan taqdimotlar, kichik sahna chiqishlari va viktorinalar tayyorlandi. Ishtirokchilar faol qatnashib, Italiya madaniyati haqidagi bilimlarini yanada boyitdilar.
Tadbir yakunida tashkilotchilar va o‘qituvchilar bunday tashabbuslar til va madaniyatga bo‘lgan qiziqishni oshirishda muhim o‘rin tutishini ta’kidlab, ishtirokchilarga minnatdorchilik bildirdilar.
🇹🇷
🇺🇿
🇹🇷
🇺🇿
🇹🇷
🇺🇿
🇹🇷
🇺🇿
🇹🇷
🇺🇿
🇹🇷
23-aprel – Turkiya milliy suvereniteti va bolalar bayrami munosabati bilan Samarqand va Antaliya yoshlari o‘rtasida do‘stlik va hamkorlikni mustahkamlashga qaratilgan tadbir yuqori saviyada tashkil etildi. Ushbu mazmunli uchrashuv ikki xalq yoshlarini birlashtirib, madaniy almashinuv, o‘zaro hurmat va kelajakdagi hamkorlik uchun mustahkam poydevor yaratdi.
Tadbir davomida Roman-german fakulteti tyutorlari Sh. Hakimova hamda Sh. Turg‘unboyeva boshchiligida talabalar faol va uyushqoqlik bilan ishtirok etishdi. Talabalar nafaqat bayram ruhini his etishdi, balki xalqaro do‘stlik, birdamlik va hamjihatlik kabi muhim qadriyatlarni yanada chuqur anglashdi.
🇹🇷
🇺🇿
🇹🇷
🇺🇿
🇹🇷
🇺🇿
🇹🇷
🇺🇿
Bizni kuzatishda davom eting
https://t.me/rgtf1
#talabalar_olimpiadasi
Samarqand davlat chet tillar instituti talabalari(qizlar) o'rtasida "
Yangi O'zbekiston talabalari Olimpiadasi"
kompleks sport musobaqalarining 1-bosqich - Institut (fakultetlar) bosqichi o'tkazildi. Unda Roman-german tillari fakulteti talaba-qizlari ham faol ishtirok etishdi.
Bizni kuzatib boring
https://t.me/rgtf1
YOSHLAR KUNI MUNOSABATI BILAN IMOM AL-BUXORIY MAJMUASIGA MA’RIFIY SAYOHAT
Roman-german tillari fakulteti talaba-yoshlari ishtirokida Samarqand viloyatidagi Imom Al-Buxoriy yodgorlik majmuasiga ma’rifiy sayohat uyushtirildi.
Sayohatdan ko‘zlangan asosiy maqsad — yoshlarni milliy qadriyatlarimizga hurmat ruhida tarbiyalash, buyuk ajdodlarimizning islom olami va ilm-fan rivojiga qo‘shgan ulkan hissasini keng targ‘ib qilish hamda ularning bo‘sh vaqtini mazmunli tashkil etishdan iborat.
Majmua bo‘ylab o‘tkazilgan ekskursiya davomida talabalar "
Muhaddislar sultoni
"ning hayot yo‘li va boy ilmiy merosi
bilan yaqindan tanishdilar.
✨
Ilm va ma’rifatga intilish — yoshlarimizning bosh maqsadi!
#YoshlarKuni
#Maʼrifat
#Roman
-germantillarifakulteti#ImomAlBuxoriy
#Talabalar
#OliyTalim
📚
23-aprel – Xalqaro kitob va ispan tili kuni munosabati bilan bugun Roman-german tillari fakultetida madaniy-ma’rifiy tadbir bo‘lib o‘tdi.
Tadbir Ispan va italyan filologiyasi kafedrasi v.b. dotsenti U.F. Burxonov hamda “Filologiya va tillarni o‘qitish: ispan tili” yo‘nalishi 2311-guruh talabalari tashabbusi bilan tashkil etildi.
Unda ispan tili yo‘nalishi talabalari, professor-o‘qituvchilari, shuningdek faklutet dekanati va tyuterlari ham faol ishtirok etdilar.
Tadbir davomida ispan tilining bugungi kundagi ahamiyati, buyuk adib Miguel de Servantes hayoti va ijodi, shuningdek, kitobxonlikning jamiyatdagi o‘rni haqida qiziqarli ma’lumotlar berildi.
Tadbirda Institut Yoshlar masalalari va ma’naviy-ma’rifiy ishlar bo‘yicha birinchi prorektori A.E. Kuraxmedov, ispaniyalik malakali mutaxassis Elena Gallega hamda kafedra dotsenti A.A. Tkacheva so‘zga chiqib, tadbir ishtirokchilariga minnatdorchilik bildirib, kelgusidagi ishlariga muvaffaqiyat tiladilar.
Samarqandda o‘tkazilayotgan “Jamoat salomatligi va xavfsizligini ta’minlash maqsadida transmilliy narkotahdidlarga qarshi kurashish” mavzusidagi global forum hozirgi davr uchun juda dolzarb masalalarni qamrab olmoqda. Bu kabi xalqaro darajadagi tadbirlar nafaqat mutaxassislar, balki yoshlar uchun ham katta ahamiyatga ega.
E’tiborlisi, forumda yoshlar, xususan, Samarqand davlat chet tillar instituti Roman-german tillari fakulteti talabalari ham faol ishtirok etmoqda. Ularning bunday xalqaro miqyosdagi tadbirlarda qatnashishi nafaqat nazariy bilimlarini mustahkamlash, balki amaliy tajriba orttirish, xorijiy tillarda erkin muloqot qilish ko‘nikmalarini rivojlantirishda muhim ahamiyat kasb etadi.
Talabalar forum davomida yetakchi mutaxassislarning ma’ruzalari, panel muhokamalari va interaktiv sessiyalarda qatnashib, global muammolarga nisbatan kengroq dunyoqarashni shakllantirmoqda. Bu esa ularning kelgusida malakali mutaxassis bo‘lib yetishishiga xizmat qiladi.
👇
Bizni kuzatishda davom eting
https://t.me/rgtf1
Assalomu alaykum, hurmatli talabalar!
Samarqand shahrida so‘nggi yillarda ko‘plab xalqaro uchrashuvlar, forumlar va turli tadbirlar o‘tkazilayotgani barchangizga ma’lum. Bunday tadbirlarda ishtirok etish tajriba va yangi bilim olishda muhim ahamiyatga ega.
Shu bilan birga, ayrim talabalar turli tashkilotlar tadbirlarida mas’ullarni ogohlantirmasdan, o‘zboshimchalik bilan ko'ngilli (volontyor) sifatida qatnashayotgan holatlar kuzatilmoqda. Natijada dars mashg‘ulotlarida qatnashmaslik va turli muammolar yuzaga kelmoqda.
Shu sababli, barcha talabalardan asosiy e’tiborni ta’lim jarayoniga qaratishlari so‘raladi. Darsdan keyingi bo‘sh vaqtda o‘tkaziladigan tadbirlarda ishtirok etish mumkin.
Ammo dars vaqtida bo‘ladigan tadbirlarda ishtirok etish faqat Oliy ta’lim, fan va innovatsiyalar vazirligining tegishli xati, institut rektorining farmoyishi yoki buyrug‘i asosida, darslarni qayta o‘zlashtirish sharti bilan ruxsat etiladi.
Shuningdek, turli tadbirlarda ishtirok etishdan avval fakultet dekanatini oldindan xabardor qilishingiz so‘raladi!
SamDChTI Roman-german tillari fakultetida 1-bosqich talabalari bilan narkojinoyatlarga qarshi profilaktik suhbat o‘tkazildi.
Mazkur tadbir yoshlar orasida narkotik moddalar iste’moli va u bilan bog‘liq jinoyatlarning oldini olish, talabalarning huquqiy ongini oshirish hamda sog‘lom turmush tarzini targ‘ib qilish maqsadida tashkil etildi.
Suhbat davomida tyutorlar tomonidan narkotik vositalarning inson salomatligiga salbiy ta’siri, ularning ruhiy va jismoniy zararlari, shuningdek, narkojinoyatlar uchun belgilangan javobgarlik choralari haqida batafsil ma’lumot berildi. Talabalarga hayotda to‘g‘ri yo‘l tanlash, zararli odatlardan yiroq bo‘lish va bo‘sh vaqtni mazmunli tashkil etish bo‘yicha tavsiyalar berildi
Bizni kuzatishda davom eting
https://t.me/rgtf1