RoboContest.UZ
Oxirgi paytlarda PhD ishim doirasida bir loyiha ustida ishlayapman.
Ko‘pchilik RoboContest’ni faqat dasturlash musobaqalari platformasi deb biladi. Lekin aslida boshida unday emas edi.
RoboContest nomini 2020-yilda tanlaganimizda maqsad robototexnika bo‘yicha ham testlar va musobaqalar qilish edi.
Keyinchalik platforma ko‘proq dasturlash tomonga rivojlanib ketdi.
Endi esa robototexnika qismini RoboContest’ga qo‘shyapman.
O‘quvchilar quyidagi imkoniyatlarga ega bo’lish:
Arduino kod yozadi, sensor va motorlarni ulaydi, hammasini simulyatsiya orqali ishlatib ko‘radi va buning uchun real hardware shart bo‘lmaydi.
Bugun bunday platformalar bor - masalan Wokwi yoki Tinkercad.
Lekin men qilayotgan tizim ulardan biroz boshqa yo‘nalishda.
Asosiy farqlari bu
- register-level simulyatsiya — mikrokontroller ichida nima bo‘layotganini ham ko‘rish mumkin bo‘ladi
- bir nechta qurilmalarni ulash — Arduino va boshqa qurilmalar o‘rtasida aloqa qilish mumkin
- sxema va kod to‘g‘ri yig‘ilganmi yoki yo‘qmi tizim tekshiradi (masala ko’rinishida)
Ya’ni o‘quvchi faqat simulyatsiya qilib ko‘rmaydi, balki tizim uning ishini ham tekshirib bera oladi.
Yaxshi tomoni — tizim deyarli tayyor.
Agar hammasi reja bo‘yicha ketsa, 1–2 oy ichida ishga tushadi.
Keyinchalik bu ham
RoboContest.uz
platformasining bir qismiga mumkin, lekin hali bir qarorga kelmadim.
Robototexnika bo’yicha ta’lim bilan shug’ullanadigan ustozlar, yoki shu sohaga qiziqadiganlar bo’lsa, sizning fikringiz muhim, izohlarda yozib qoldirishingiz mumkin
@adizbek_ergashev
Olimpiada tayyorgarligida eng katta muammo — bilim emas. Tizim.
Kuniga 2 soat tizimli mashq qilgan bola, kuniga 5 soat random masala yechgan boladan kuchli.
C++ darajasidan boshlab | Algoritm Akademiyasi (
natijalar
)
📅
3-mart, soat 20:00
🎯
Pythonni biladigan va oddiy masalalarni yecha oladigan o'quvchilar uchun
Kurs ichida:
— Haftasiga 3 ta dars va mavzulashtirilgan contestlar
— Masalalar tahlili
— O'tilgan darslarning videoyozuvlari
✅
Kursni olgan o'quvchilar uchun yana bonuslar ham bor:
⏳
CP Hamroh (AI): Tungi 2:00 da koddan xato chiqsa, sun'iy intellekt mentor yordamga keladi. Kutish yo'q.
📚
PDF Qo'llanma : Har doim videoni qayta ko'rib chiqishga vaqt bo'lmaydi. Biz sizga mavzularni tez takrorlash uchun "Qo'llanma" beramiz. 1 soatlik videoni 5 daqiqada ko'zdan kechirib olasiz.
💰
800,000 so'm/oy
🎁
STEM olimpiadasi respublika bosqichiga tayyorlanayotganlar uchun:
1 oylik qo'shimcha darslar (yozib olingan) BEPUL. Faqat hozirgi guruhga qo'shilganlar uchun.
Darslarimiz hozirda C++ biladiganlar, lekin algoritmlarni endi o'rganadiganlar uchun ham to'g'ri keladi, chunki C++ bilan birgalikda algoritmlar va masala yechishni ham o'rganamiz
❗️
Darslar bugun 20:00 da boshlanadi, shoshiling.
▶️
Hoziroq bog'lanish uchun
Python dasturlash tilini bilaman, lekin olimpiadada foydasi tegmayapti...
Tanish gap, to'g'rimi?
Ko'p bolalar shunday holatda:
— Pythonda yozish mumkin
— Oddiy masalalarni yechish mumkin
— Lekin olimpiadalarda natija yo'q
Sababi oddiy: Python — boshlang'ich qadam. Olympiadada C++ talab qilinadi. Va C++ ga o'tish — bu yangi syntax o'rganish emas. Bu boshqa darajada fikrlash.
C++ dagi tezlikka Python kod bilan erisha olmaysiz.
Va eng muhimi: C++ ni o'zingcha o'rganish mumkin... lekin to'g'ri system bo'lmasa, 3-4 oy vaqt yo'qotasiz.
Savol: Agar Python dan C++ ga tez va to'g'ri o'tish imkoni bo'lsa — foydalanar edingizmi?
Al-Xorazmiy nufuzli olimpiadasi saralash viloyat bosqichi. 7-sinf Editorial
Hurmatli
RoboContest.uz
sayti foydalanuvchilari!
26-fevralda
RoboContest.uz
sayti
6 yosh
da bo'ldi, ya'ni 6 yil avval 26-fevral kuni Robocontest sayti yaratilgan
Shu munosabat bilan o'tkazilayotgan
RoboContest Round #109
contestida hammangizdan faol ishtirokni kutib qolamiz.
Shu bilan birga contest shaffof otishi uchun ozingizning real vaqtda ishlagan masalalaringizning ekran yozuvi kerak bo'lishi mumkin.
Yozilgan kod AI yoki LLM hosilasi deb shubhalanilsa ekran yozuvi sizning shaffof ishtirok etganingizni taminlaydi. Agar sizning kodingiz qoidabuzarlik deb aniqlansa, sizda ekran yozuvi bolsa
@n1ckuz
ga yuborishingiz orqali buni tasdiqlashingiz mumkin(ro’yxatdan o’tishda qoidalarni qabul qilgansiz)
Contestda hammaga omad!
STEM olimpiadalariga start berildi.
Respublika miqyosida o‘tkaziladigan, ixtisoslashtirilgan ta’lim muassasalari o‘quvchilari uchun tashkil etilgan musobaqaning hududiy bosqichi bugun boshlandi. 10 va 11-sinflar bo‘yicha joriy natijalarni quyidagi havolalar orqali onlayn kuzatishingiz mumkin:
https://robocontest.uz/olympiads/3596/public-results
https://robocontest.uz/olympiads/3597/public-results
Kecha o‘tkazilgan 8 va 9-sinflar bo‘yicha natijalar quyida e’lon qilingan:
https://robocontest.uz/olympiads/3594/public-results
https://robocontest.uz/olympiads/3595/public-results
Yakuniy natijalar musobaqa yakunlangach, hududlar kesimida qoidabuzarliklar (cheating) bo‘yicha tekshiruvlar o‘tkazilgandan so‘ng e’lon qilinadi.
STEM olimpiadalari yaqin kelyapti!
Bugun soat 15:30 da, Respublikaning barcha hududlarida, Informatika fanidan, 8-9-sinf o'quvchilari uchun STEM olimpiadasiga platformamizda start beriladi.
Ertaga esa soat 10:00 da, xuddi shu olimpiada 10-11-sinf o'quvchilari uchun boshlanadi. Natijalarni kuzatib borish uchun havolalar taqdim etiladi.
IOI musobaqasiga saralanganlar uchun chet ellik ekspert boshchiligida bo'lib o'tayotgan o'quv
mashg'ulotlar
i tufayli, quyidagi ishtirokchilar o'z hududidan emas, Toshkent shahrining Sergeli ixtisoslashtirilgan maktabiga borib, ammo o'z hududi kesimida qatnashadilar:
• Erkinov Shahruz Feruzovich, Toshkent viloyati, Nurafshon shahridagi Prezident maktabi, 8-sinf
• Ubaydullayev Temurbek G`aybullo o`g`li, Navoiy viloyati, Navoiy shahridagi Prezident maktabi, 8-sinf
• Qobiljonov Umidjon Umrzoq o'g'li, Andijon viloyati, Andijon shahridagi Prezident maktabi, 9-sinf
• Sanoqulova Rayhona O`ktam qizi, Navoiy viloyati, Navoiy shahridagi Prezident maktabi, 9-sinf
• Avazxonov Jahongirshoh Sobitxonovich, Namangan viloyati, Namangan shahridagi Prezident maktabi, 10-sinf
• Salimov Sardor Sanjarovich, Navoiy viloyati, Navoiy shahridagi Prezident maktabi, 10-sinf
• Ulug'bek Rahmatullayev, Namangan viloyati, Namangan shahridagi Prezident maktabi, 11-sinf
• Suyunov Behruz Soatali o‘g‘li, Surxondaryo viloyati, Uzun tumani ixtisoslashtirilgan maktabi, 11-sinf
8-sinf viloyat bosqichi boshlandi.
https://robocontest.uz/olympiads/3599/public-results
Nufuzli Al-Xorazmiy olimpiadasining informatika yo'nalishi bo'yicha 7-sinf viloyat bosqichi boshlandi. Natijalarni onlayn kuzatishingiz mumkin:
https://robocontest.uz/olympiads/3598/public-results
Filtrlardan foydalangan holatda har bir viloyat bo'yicha natijalarni olishingiz mumkin, bunda ishtirokchilarni filtrlash tugmasi orqali viloyat -> kerakli viloyatni tanlashingiz mumkin.
Eslatma: ushbu bosqichda har bir viloyatdan top 3 ta o’rin olgan ishtirokchilar Al-Xorazmiy olimpiadasida ishtirok etish yo’llanmasini qo’lga kiritishadi.
Al-Xorazmiy olimpiadasi hududiy bosqichi ishtirokchilari diqqatiga!!
Ertaga, 26-fevral kuni hududlar kesimida Al-Xorazmiy olimpiadasi bo‘lib o‘tadi. Musobaqa RoboContest platformasida tashkil etiladi. Shu sababli RoboContest jamoasi sizni musobaqadan oldingi sinov bosqichiga taklif etadi. Ushbu bosqichda siz tizim bilan tanishishingiz va yechimlaringizni testlab ko‘rishingiz mumkin.
Sinov bosqichi havolasi:
https://robocontest.uz/olympiads/3628
Sinov bosqichi 25-fevral kuni soat 10:00 da boshlanadi va shu kunning oxirigacha (23:59) davom etadi. Sinov bosqichi natijalari haqiqiy musobaqa natijalariga
ta’sir qilmaydi.
Musobaqa qoidalari
Musobaqa
IOI formati
da o‘tkaziladi. Topshiriqlarni bajarish uchun 3 soat vaqt beriladi.
7-sinf ishtirokchilari uchun:
Boshlanish vaqti: 26-fevral 10:00
Tugash vaqti: 26-fevral 13:00
8-sinf ishtirokchilari uchun:
Boshlanish vaqti: 26-fevral 14:00
Tugash vaqti: 26-fevral 17:00
Masalalar
subtaskli
bo‘ladi. Natijalar subtasklar bo‘yicha to‘plangan ballar asosida shakllantiriladi. Masala to‘liq ishlanmagan bo‘lsa ham, ayrim subtasklar to‘g‘ri bajarilsa,
qisman ball
beriladi. Jarima mavjud emas. Reyting ballar kamayish tartibida tuziladi. Ikki ishtirokchining ballari teng bo‘lib qolsa, maksimal ballga erishgan vaqti ertaroq bo‘lgan ishtirokchi yuqoriroq o‘ringa qo‘yiladi.
Masalalarni yechish uchun ruxsat etilgan dasturlash tillari:
C++
Python
Java
Musobaqa davomida xavfsizlik va cheklovlar
Musobaqa davomida sun’iy intellekt vositalari, begona saytlar, onlayn kompilyatorlar va ruxsat etilmagan aloqa vositalaridan foydalanish qat’iyan man etiladi. Musobaqa davomida faqat quyidagi 4 ta saytga kirishga ruxsat beriladi:
https://robocontest.uz
https://cppreference.com
https://docs.python.org/3/
https://docs.oracle.com/en/java/
Ekran yozuvi talabi
Musobaqa boshlangan vaqtda hakamlar tomonidan taqdim etilgan ekran yozish ilovasi orqali ishtirokchining ekrani to‘liq yozib borilishi shart. Bu jarayonda nazoratchining ko‘rsatmasiga binoan har bir ishtirokchi shaxsan mas’ul hisoblanadi.
Quyidagi holatlar musobaqadan chetlashtirishga sabab bo‘ladi:
- Ekran yozuvi o‘chib qolgan vaqt oralig‘ida submission yuborilib ball olingan bo‘lsa.
- Ekran yozuvi to‘liq formatda yozib olinmagan bo‘lsa.
- Ekran yozuvi istisno holatlardan tashqari holatda o‘chirib qo‘yilsa yoki ataylab to‘xtatilsa.
- Musobaqani erta tark etib, tashqaridan saytga kirib submission yuborishga urinish holatlari aniqlansa.
Istisno holatlarga elektr ta’minoti uzilishi kabi sabablar kiradi. Bunday holatlarda nazoratchiga darhol xabar berish shart.
Musobaqa davomida ishlatish mumkin bo‘lgan ilovalar
Chrome (brauzer)
VS Code (IDE)
PyCharm (Python uchun kod muharriri)
Dev-C++ (C++ uchun kod muharriri)
IntelliJ IDEA (Java uchun kod muharriri)
Kalkulyator
Ilovalar ro‘yxati hududga qarab o‘zgarishi mumkin.
Taqiqlar
Ishtirokchilarga quyidagilar ta'qiqlanadi:
- Chrome uchun qo‘shimcha extensionlar o‘rnatish;
- Incognito yoki anonymous mode orqali kirish;
- Ilovalar ichidagi sun’iy intellekt vositalaridan foydalanish;
- Onlayn kompilyatorlardan foydalanish;
- Telefon, messenjer, yoki boshqa aloqa vositalaridan foydalanish;
- Ruxsat etilgan saytlardan tashqari boshqa saytlarga kirish;
- Musobaqa xonasidan tashqarida saytga kirib submission yuborish;
Musobaqani erta tugatmoqchi bo‘lgan ishtirokchilarga ertaroq chiqishga ruxsat beriladi. Ishtirokchi musobaqa xonasini tark etganidan so‘ng, tashqaridan RoboContest tizimiga login qilib submission yuborishi qat’iyan taqiqlanadi.
Keltirilgan qoidabuzarliklar aniqlangan taqdirda, ishtirokchi
dalolatnoma asosida musobaqadan chetlashtiriladi.
Barcha ishtirokchilardan qoidalarga qat’iy rioya qilish so‘raladi. Sinov bosqichida qatnashib, musobaqa oldidan tizimni tekshirib olishingiz tavsiya etiladi.