salli_ua_sallim

Салауат – мәңгілік береке
Хадис:
«Маған бір рет салауат айтқан адамға Алла он мейірім береді, он күнәсін кешіреді, он дәрежесін көтереді» (Нәсаи).
Бір салауат – үш еселенген қазына:
1.
Он мейірім
– Раббыңның шексіз қамқорлығы.
2.
Он күнәнің кешірілуі
– күнәлардан жеңілдеу.
3.
Он дәреже көтерілу
– ақыреттегі мәртебенің артуы.
Бұл – салауаттың уақытша емес,
мәңгілік берекесі
. Бір салауат – бүкіл өмірге жететін рухани инвестиция.
Адам үнемі пайда іздейді: «Менің еңбегім босқа кетпесін» дейді. Бұл хадис сенім береді: сенің кішкентай сөзің ешқашан босқа кетпейді. Әр салауат – сенің жүрегіңе тыныштық, өміріңе береке, болашағыңа нұр.
Мен мына нәрсеге ойландым: біз кейде береке іздеп жүгіріп жүреміз, бірақ оның кілті өте оңай және бәріне қолжетімді тек салауат айтсаң жеткілікті. Салауат – күнделікті өмірге де, қабірге де, қияметке де мәңгілік береке сыйлайтын ұлы амал!

30-күн:
Салауат – мәңгілік береке
Хадис: «Маған бір рет салауат айтқан адамға Алла он мейірім береді, он күнәсін кешіреді, он дәрежесін көтереді» (Нәсаи).
Минимум: 300

Салауат – барлық уайымның емі
Хадис:
«Кім маған көп салауат айтса, Алла оның барлық уайымын кетіреді» (Табарани).
Адам баласы уайымнан қашып құтыла алмайды. Жүрекке ауыр ойлар түскенде, Раббы оларға да емі барын көрсетіп қойды: ол – салауат. Демек, салауат – тек құрмет емес, жүректегі уайым мен күйзелісті кетіретін шипа.
Ғылым да дәлелдейді: адам сүйіспеншілік пен ризашылыққа толы сөз айтқанда, миында тыныштық гормондары бөлінеді. Салауат – ең үлкен позитив. Өйткені ол Раббыңа жалғану, сүйікті елшіні ﷺ еске алу. Бұл жүректі тыныштандырып, уайымның орнын сенімге ауыстырады.
Қарапайым мысал: біреу сенің жағдайыңды түсініп, саған демеу болса, көңілің жеңілдеп қалады ғой. Сол сияқты, салауат айтқанда сен Пайғамбар ﷺ-ға жақындайсың. Ол жақындық жүрекке тыныштық береді.
Елестетші: сен уайымға батып отырсың. Салауат айтқан сайын берекет есіктері ашылып, Раббың сенің барлық ауыртпалығыңды алып тастап жатыр. Бұл ойдың өзі жүрекке жұбаныш береді.

29-күн:
Салауат – барлық уайымның емі
Хадис: «Кім маған көп салауат айтса, Алла оның барлық уайымын кетіреді» (Табарани).
Минимум: 500

27-күн:
Салауат – шынайы мүміннің белгісі
Хадис: «Мені сүймейінше, толық иманға жетпейсіңдер» (Бухари, Муслим).
Минимум: 300

Хадис:
«Салауат айтқанға теңіз толқынындай сауап жазылады» (Байхаки).
Теңіз – шексіздік пен тереңдіктің символы. Бір тамшы суды өлшеуге болады, бірақ теңізді ешкім өлшеп бітірмейді. Пайғамбар ﷺ бұл жерде теңізді мысал етіп, салауаттың сауабының шексіз екенін білдіріп тұр. Яғни сенің аузыңнан шыққан бір «Аллаһумма салли ‘алә Мұхаммад» деген сөз – бүкіл теңіз толқынындай сауапқа айналады.
Адам кейде: «Менің кішкентай амалдарымнан не пайда бар?» деп ойлап, құлшылыққа салғырттық танытады. Бірақ бұл хадис адамға сенім береді: бір ауыз сөздің өзі теңіздей сауап әкелсе, онда сен бос емессің, сенің әр сөзің бағалы. Бұл сенің өмірге деген көзқарасыңды өзгертеді.
Қарапайым мысал: бір кішкентай тұқым топыраққа түсіп, үлкен ағашқа айналады. Сол сияқты, салауаттың әрбір сөзі сенің таразыңа теңіз толқынындай сауап болып жазылады. Бұл – Алланың кең рақымын көрсетеді.
Менің жүрегімде мына ой туды: біз кейде үлкен істерді аңсаймыз, бірақ Алла бізге қарапайым амал арқылы теңіздей сауап нәсіп етуді қалаған. Бұл – Раббының бізге жасаған ең үлкен жеңілдігі.

26-күн:
Салауат – сауап теңізі
Хадис: «Салауат айтқанға теңіз толқынындай сауап жазылады» (Байхаки).
Минимум: 300