PSIXOLOG SAMARQAND

🌸
SAMARQAND TUMANIDA O‘QUVCHI QIZLAR O‘RTASIDA ERTA TURMUSHNING OLDINI OLISHGA BAG‘ISHLANGAN SEMINAR O‘TKAZILDI
Samarqand tumanidagi 9-sonli umumta’lim maktabida Samarqand viloyati Maktabgacha va maktab ta’limi boshqarmasi tashabbusi bilan “O‘quvchi qizlar o‘rtasida erta turmush va erta tug‘ruq holatlarini oldini olish” mavzusida seminar tashkil etildi.
Mazkur tadbirda Samarqand tuman hokimligi, Samarqand viloyati ichki ishlar boshqarmasi, Viloyat reproduktiv salomatlik markazi hamda Samarqand viloyat OITSga qarshi kurashish markazi mas’ul xodimlari ishtirok etdilar.
Seminar davomida o‘quvchi qizlar bilan ochiq muloqot o‘tkazilib, erta turmush va erta tug‘ruqning oldini olish, qizlarni ta’limga keng jalb etish hamda ularning sog‘lom va barkamol bo‘lib voyaga yetishini ta’minlash masalalari muhokama qilindi.
Tadbirda viloyat Maktabgacha va maktab ta’limi boshqarmasi mutaxassisi X. Abdullayeva qizlar o‘rtasida erta turmush qurish va erta tug‘ruqning salbiy oqibatlari, bu holatning yoshlarning jismoniy, ruhiy va ijtimoiy rivojlanishiga ta’siri hamda mazkur muammoning oldini olish bo‘yicha amalga oshirilayotgan profilaktik ishlar haqida ma’lumot berdi.
Samarqand tumani Oila va xotin-qizlar bo‘limi boshlig‘i M. Baratova o‘z chiqishida maktab o‘quvchi qizlar o‘rtasida erta turmush qurish holatlarining oldini olish, qizlarni ta’limga yo‘naltirish va ularning huquqiy himoyasini ta’minlash masalalariga to‘xtalib o‘tdi.
Shuningdek, Samarqand viloyati IIB Terrorizmga qarshi kurashish boshqarmasi katta tezkor xodimi F. Raxmatova esa jamiyatda yoshlar o‘rtasida uchrayotgan salbiy holatlar, jumladan zo‘ravonlik, erta turmush, huquqbuzarliklar hamda internet orqali tarqalayotgan zararli axborotlarning salbiy ta’siri haqida tushunchalar berdi.
Viloyat Reproduktiv salomatlik markazi mutaxassisi U. Boboraximova tomonidan erta turmush va qarindoshlar o‘rtasidagi nikohning salomatlikka salbiy ta’siri, bu kabi holatlarning oldini olish va yoshlar o‘rtasida tibbiy madaniyatni shakllantirish masalalari yuzasidan tavsiyalar berildi.
Shu bilan birga, Samarqand viloyat OITSga qarshi kurashish markazi vrach-epidemiologi Sh. Azizov OIV infeksiyasining tarqalish sabablari, uning oldini olish choralari hamda sog‘lom turmush tarzini shakllantirish masalalari haqida tushuntirishlar berdi.
Seminar davomida o‘quvchi qizlar bilan savol-javob tarzida muloqot o‘tkazilib, ularni qiziqtirgan masalalar yuzasidan mutaxassislar tomonidan atroflicha javoblar berildi.
Tadbir yakunida o‘quvchi qizlarga ta’lim olish, kasb-hunar egallash va o‘z kelajagini bilim orqali barpo etish muhim ekani alohida ta’kidlandi. Bunday ma’rifiy tadbirlar yoshlarni sog‘lom va barkamol avlod bo‘lib kamol topishiga xizmat qilishi qayd etildi.

❗️
Kelajagimiz egalari boʻlgan bolajonlarning sogʻlom muhitda kamol topishi va sifatli taʼlim olish- bosh maqsadimiz!
Bulungʻur tumani Maktabgacha va maktab taʼlimi boʻlimiga qarashli 46-umumiy oʻrta taʼlim maktabida DMTT psixologlari va umumiy oʻrta taʼlim maktab psixologlari,inklyuziv sinf pedagoglari uchun oʻquv-seminar tashkil etildi.
Seminarda quyidagi dolzarb mavzular muhokama qilindi:
▶️
Bolalarni zoʻravonlikning barcha shakllaridan himoya qilish;
▶️
Erta turmush va erta tugʻruqning oldini olish;
▶️
Inklyuziv taʼlimni rivojlantirishda ustuvor yoʻnalishlarga ega boʻlgan tamoyillar va yoʻnalishlarning muhim ahamiyati;
▶️
Inklyuziv sinf oʻquvchilarining psixologik rivojlanishi va fanlarni oʻzlashtirishi.
✅
Maqsad:
📒
Qiyin vaziyatlarda qatʼiyat-muammolar va stressni yengish!
📗
Hamjihatlik va ishonch, jamoa ruhini mustahkamlash!
📙
Psixolog bu - toʻsiqlarni bilim va mehr bilan yengish va masʼuliyatli, yondashuv.
https://t.me/bulungurmmtb

🌸
“ILMLI, MA’RIFATLI QIZLAR — JAMIYAT BEZAGI” MAVZUSIDA MA’RIFIY SEMINAR O‘TKAZILDI
Samarqand shahridagi 45-umumta’lim maktabida erta nikoh va erta tug‘ruqning oldini olish, shuningdek ayollar va bolalarga nisbatan tazyiq va zo‘ravonlik holatlarini bartaraf etishga qaratilgan “Ilmli, ma’rifatli qizlar — jamiyat bezagi” mavzusida ma’rifiy seminar tashkil etildi.
Tadbirda Samarqand shahar hokimligi, viloyat ichki ishlar boshqarmasi hamda sog‘liqni saqlash tizimi mas’ullari ishtirok etdilar.
Seminar davomida Samarqand shahar hokimining xotin-qizlar masalalari bo‘yicha o‘rinbosari Ra’no Qurbonova so‘zga chiqib, joriy yil 4 - mart kuni O‘zbekiston Respublikasi Prezidenti tomonidan imzolangan “Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy choralar to‘g‘risida”gi PF-33-sonli Farmon mazmun-mohiyati haqida atroflicha tushunchalar berdi.
Tadbirda erta nikoh, o‘smirlar homiladorligi hamda qizlarni ta’limdan ajralib qolishining oldini olish masalalari muhokama qilinib, o‘quvchi-qizlar o‘rtasida targ‘ibot-tashviqot ishlarini yanada kuchaytirish zarurligi ta’kidlandi. Shuningdek, yosh qizlarning bilim olishi, zamonaviy kasb-hunarlarni egallashi va mustaqil hayotga tayyor bo‘lib borishi jamiyat taraqqiyoti uchun muhim omil ekani alohida qayd etildi.
Sog‘liqni saqlash sohasi xodimlari tomonidan o‘quvchilarga reproduktiv salomatlik, erta homiladorlikning tibbiy, ijtimoiy va huquqiy oqibatlari haqida tushuntirishlar berilib, salomatlikni asrash va sog‘lom turmush tarzini shakllantirish bo‘yicha muhim tavsiyalar berildi.
Tadbirda Samarqand viloyati IIB boshlig‘i o‘rinbosari, podpolkovnik Nigora Yodgorova so‘zga chiqib, keyingi vaqtlarda o‘quvchi qizlar o‘rtasida ta’limga va kasb-hunarga yo‘naltirish bo‘yicha olib borilayotgan targ‘ibot ishlari samarasida qizlar o‘rtasida jinoyatchilik holatlari sezilarli darajada kamayganini ta’kidladi.
Seminar davomida o‘quvchi qizlarga bilim olish, zamonaviy kasb-hunarlarni egallash, o‘z orzu va maqsadlari sari intilish muhimligi haqida tavsiyalar berilib, ular ta’lim olishga, o‘z ustida ishlashga va jamiyatning faol a’zosi bo‘lishga targ‘ib qilindi.
✨
Ilmli, ma’rifatli va faol qizlar — jamiyat taraqqiyotining muhim tayanchidir.

#psixologik_tavsiya
🎙
Shaxsga oid ma’lumotlarning sir saqlanishi – maktab psixologining kasbiy mas’uliyati
Bugungi kunda ta’lim muassasalarida psixologik xizmat yo'nalishi o‘quvchilarning emotsional holatini qo‘llab-quvvatlash, ularning ijtimoiy moslashuvi, xulq-atvori va shaxsiy rivojlanishiga ko‘maklashishda muhim o‘rin tutadi.
Maktab psixologi o‘quvchilar bilan turli diagnostik metodlar, suhbatlar, kuzatuvlar, rasm tahlillari va korreksion mashg‘ulotlar orqali ishlaydi. Bu jarayonda esa o‘quvchilarning ichki kechinmalari, shaxsiy fikrlari va ba’zan oilaviy muammolariga oid nozik va muhim ma’lumotlar aniqlanishi mumkin.
Shu sababli psixolog faoliyatida maxfiylik tamoyili juda muhim hisoblanadi. O‘quvchi psixolog bilan suhbatlashayotganda o‘z fikrlarini ochiq aytishi uchun u o‘z ma’lumotlari sir saqlanishiga ishonishi kerak.
📢
Psixologik yordam ko‘rsatish jarayonida ma’lum bo‘lib qolgan shaxsga oid ma’lumotlarning sir saqlanishi kelgusida ham jarayonlarni samarali tashkil etish uchun muhim asos hisoblanadi.
👫
Ayrim holatlarda esa diagnostika yoki korreksion ishlar jarayonida olingan materiallar – masalan, o‘quvchilar chizgan rasmlar, mashg‘ulotlardan olingan fotosuratlar yoki “xavf guruhi” bilan ishlash jarayoniga oid lavhalar turli guruhlarda yoki ijtimoiy tarmoqlarda ulashilayotganini kuzatish mumkin. Bunday holatlar psixologik xizmatning asosiy tamoyillaridan biri bo‘lgan ishonchlilik va professional etikaga zid bo‘lishi mumkin.
Maktab psixologining kasbiy obro‘si ham aynan shu jihat bilan belgilanadi. Chunki psixolog bilan muloqot qilgan o‘quvchi o‘z sirlarini ishonib topshiradi. Agar bu ishonch saqlansa, psixologik yordam samarali bo‘ladi; aks holda o‘quvchi o‘z muammolarini yashirishni boshlaydi.
Xulosa shunda-ki, psixologik xizmatning eng katta kuchi — ishonchdir. Ishonch esa asosan maxfiylik, kasbiy etika va mas’uliyat orqali shakllanadi
.
👮‍♂️
Haqiqiy maktab psixologi o‘quvchining muammosini nafaqat tushunadi, balki uning shaxsiy sirini ham ehtiyotkorlik bilan asraydi. Chunki ba’zan bolaga yordam berishning birinchi sharti — uning aytgan gaplari xavfsiz qo‘llarda ekanini his qildirishdir.
✅
https://t.me/psixoijtimoiy_xizmat

Ruhiy xotirjamlik sari qadam.
Zamonaviy hayot tezligi ko‘plab insonlarda stress va charchoqni keltirib chiqaradi. Ruhiy muvozanatni saqlash esa sog‘lom hayot va ichki barqarorlikning eng muhim omilidir.
Ruhiy xotirjamlikni rivojlantirish orqali insonning fikrlash qobiliyati, his-tuyg‘ulari va xatti-harakatlarini uyg‘unlashtirish mumkin.
✨
Ijobiy fikrlash orqali vaziyatlarga optimistik qarash stressni kamaytiradi, kayfiyatni ko‘taradi va insonning qaror qabul qilish qobiliyatini oshiradi.
✨
O‘zini anglash orqali esa o‘z his-tuyg‘ularini va ichki holatini tushunish, ularni boshqarishga yordam beradi.
✨
Hozirgi lahzaga e’tibor berish ruhiy tinchlikni oshiradi, tashvishlarni kamaytiradi va diqqatni yaxshilaydi.
❗️
Unutmang:
Ruhiy xotirjamlik – baxtli va muvozanatli hayotning muhim kalitidir.
✅
https://t.me/psixoijtimoiy_xizmat

Ichki kuchni kashf eting!
Har bir insonda katta imkoniyat va yashirin kuch bor. Uni anglash va rivojlantirish hayotdagi muvaffaqiyat va ruhiy barqarorlikni oshiradi.
Shaxsiy rivojlanish orqali inson o‘z maqsadlariga aniqroq erisha boshlaydi.
⚡️
O‘ziga ishonch – maqsad sari dadil qadam tashlash, qo‘rquv va shubhalarni yengishga yordam beradi.
⚡️
Motivatsiya va intilish – insonni doimiy rivojlanishga undaydi, yangi imkoniyatlarni izlashga rag‘batlantiradi.
⚡️
Ijobiy muhit – yani o‘zini qo‘llab-quvvatlovchi yaxshi insonlar bilan bo‘lish ruhiy holatni mustahkamlaydi.
⚡️
Ongni hozirga yo‘naltirish – har bir lahzani to‘liq his qilish va imkoniyatlardan samarali foydalanishga yordam beradi.
❗️
Unutmang:
Insonning eng katta kuchi – uning ichki salohiyatida.

❗️
Murakkab vaziyatlarda tizimli yondashuvlar
— bu bolaning o‘z qobiliyatlariga ishonishi, qaror qabul qila olishi va qiyinchiliklardan qo‘rqmasdan harakat qilishini rivojlantiruvchi omillar tizimidir.
Dastlabki yillardan boshlab oila, tarbiya va ijtimoiy tajriba orqali bolada o'ziga ishonch shakllanadi.
✔️
Hissiy qo‘llab-quvvatlash
—
bolaning o‘zini qadrlashiga birinchi qadam hisoblanadi.
✔️
Mustaqillik imkoniyati
—
bola kichik qarorlarni o‘zi qabul qilishi orqali shakllanadi.
✔️
Xatoga munosabat
— x
atoni jazolash emas, balki o‘rganish imkoniyati sifatida ko‘rsatish bolaning ichki motivatsiyasini saqlab qoladi.
✔️
Maqtovning to‘g‘ri shakli
—
natijani emas, harakatni qadrlash orqali amalga oshadi.
❗️
Unutmang:
o‘ziga ishongan bola — bu nafaqat muvaffaqiyatli o‘quvchi, balki hayotda mustaqil va barqaror shaxs bo‘lib shakllanadigan insondir.
✅
https://t.me/psixoijtimoiy_xizmat

Bolaning sog‘lom va baxtli ulg‘ayishi ko‘p jihatdan ota-onaning ruhiy holatiga bog‘liq.
Ota-onaning mehrli va barqaror kayfiyati ijobiy muhit yaratadi va bu bolaning rivojlanishiga katta ta’sir qiladi.
🔰
Dam olish, sevimli mashg‘ulotlar yoki qisqa tanaffuslar ruhiy holatingizni tiklashga yordam beradi.
🔰
Bola bilan har kuni kamida 15–20 daqiqa telefon va boshqa narsalarsiz farzandingiz bilan suhbat qiling.
🔰
Ijobiy muhit yaratish orqali qo‘llab-quvvatlovchi va mehrli munosabat bolaga xavfsizlik hissini beradi.
🔰
A
sabiylik paytida chuqur nafas olish, qisqa tanaffus qilish sizga juda foydali.
🔰
Farzandni eshitish, fikri va his-tuyg‘ulariga hurmat bilan qarash bola va ota-ona o‘rtasidagi ishonchni mustahkamlaydi.
Unutmang
:
Ruhiy jihatdan sog‘lom ota-ona — farzandining baxtli kelajagi uchun eng muhim hisoblanadi.
✅
https://t.me/psixoijtimoiy_xizmat

Ruhiy muvozanat va zamonaviy psixologik yondashuvlar
.
Zamonaviy psixologiya insonning ichki dunyosini anglash, ruhiy muvozanatni saqlash va hayotdagi qiyinchiliklarga bardoshli bo‘lishiga yordam beradi.
✅
Kognitiv-xulqiy yondashuv
–
fikr, hissiyot va xatti-harakatlarning o‘zaro bog‘liqligini tushuntiradi.
✅
Pozitiv psixologiya
–
ijobiy fikrlash va insonning kuchli tomonlarini rivojlantirishga e’tibor qaratadi.
✅
Ongli xabardorlik
–
hozirgi lahzani anglab yashash orqali ruhiy tinchlikni oshiradi.
✅
Emotsional intellekt
–
his-tuyg‘ularni tushunish va boshqarish ko‘nikmalarini rivojlantiradi.
❗️
Unutmang:
Ushbu yondashuvlar insonning ruhiy barqarorligini kuchaytirib, hayotdagi turli vaziyatlarga ongli va muvozanatli munosabat bildirishga yordam beradi.
✅
https://t.me/psixoijtimoiy_xizmat

🏢
BULUNG'UR TUMAN IXTISOSLASHTIRILGAN MAKTABI
👩‍🎓
👨‍🎓
501-guruh o‘quvchilari bilan “Kim bo‘lmoqchiman?” nomli qiziqarli faoliyat tashkil etildi.
✅
Dastlab o‘quvchilarga maxsus kartochkalar tarqatilib, ularga o‘z orzularidagi kasblarni yozish topshirig‘i berildi.
📝
Har bir o‘quvchi kelajakda kim bo‘lishni xohlashi haqida o‘z fikrlarini yozib qoldirdi.
Shundan so‘ng o‘quvchilarning tanlagan kasblari asosida sun’iy intellekt (AI) yordamida ularning kelajakdagi tasavvuriy rasmlari tayyorlandi.
🤖
🎨
Eng hayajonli lahza esa o‘quvchilarning o‘zlarini kelajakdagi qiyofada ko‘rishlari bo‘ldi.
😍
Ular o‘z orzulari haqida quvonch va hayajon bilan gapirib berdilar.
🌈
✨
Bu faoliyat o‘quvchilarning orzu va maqsadlarini yanada mustahkamlashga xizmat qildi.
🚀
https://t.me/bulungur_ixtisos_mak