Samandarxoʻja Yoʻldoshxoʻjayev | Shaxsiy blog

Suv kabi boʻl
Avvalari Paynet shahobchalarini ochib, pulni qirib yuborsa boʻlar edi. Kutilmaganda, Click kirib keldi.
Insonlarni kuzatib turgan dim kuchli biznesmen ustozim Umid akam(Feed Up asoschisi) offline toʻlovlar davri tugayotganini sezdi va Paynet shahobchalarini koʻpini yopib yubordi.
Hayot shunday. Bugun ishlayotgan tizim, ertaga yoʻq boʻlib ketishi mumkin. Demak, bugun qanday qilib "elastik inson" boʻlish haqida aytib beraman.
1. Elastik - moslashuvchan, egiluvchan tuzilma. Xullas, doʻppi keng kelyaptimi, kattalashadi. Koʻylak kichkinalik qilyaptimi, kichiklashadi.
2. Hayot ham shunday aslida. Moslashmasang - oʻyindan chiqib ketaverasan.
3. Ibn Sino tibbiyot juda oson uni 1 yilda oʻrgandim degan edi. Oʻrta asrlarda bu sikl juda uzayib ketdi. 9 yil.
Aslida, Oʻzbekiston sharoitida TOP 10% doktor boʻlish uchun 24 oy tinimsiz oʻqib, 24 oy soha boʻyicha amaliyot qilsa yetar ekan.
4. Avvallari TED BOOK, BOOKNOMY degan kitoblar kelgan edi. Hozir oʻrtacha bitta til oʻrganishga insonlar 24 oy sarflashmoqda. Ammo, suniy intelekt bilan kuniga 6 soat shugʻullanib 9 oyda oʻrgansa boʻladi ekan.
5. Hozir ham kompyuter savodxonligi kursi uchun pul toʻlab oʻqishyapti. Ammo, YouTube va sunʼiy intellekt orqali 1 oyda oʻzi oʻrgansa boʻlar ekan.
6. Biz hali ham qogʻoz pullar davri dakansa davom etishi haqida muhokama qilyapmiz. Ammo, Blockchain tizimi haqida bir varoq ham oʻqib koʻrganimiz yoʻq. Pul havodan havoga koʻchadi deb yuribmiz, masalan.
Xulosalab qoʻyamiz, suv kabi boʻl doʻstim (Brus Lee) Elastik boʻl doʻstim. Har qanaqa sharoitga moslash, moslashmasang moslashganlar uchun xizmat qilishda davom etasan.
#26
👉
@samandarxojasblog

Ichma deb — ichish juda qiyin
1. Har doim ham "odamlar nima deydi" deb, bilganimizni qilish yaxshilikka olib kelmas ekan.
2. Baʼzida odamlar toʻgʻri gapirar ekan. Toʻgʻri taqib, toʻgʻri bosim berishar ekan.
3. 2023-yil birinchi marta blog yozishni boshladim. Alkogol yomon, nos yomon, bekorchilik va boshqalar yomon deb yurdim.
4. Kunlar keldi, ba'zida ayrim muhit va holatlarda shunday narsalarga duch keldim. Oʻz-o'zidan oʻzimni noqulay his qilishni boshladim u yerda.
5. Sekin-sekin oʻrgandim. Koʻp hollarda bizni ijtimoiy bosim ushlab turadi. Qachonki men doʻstlarimga "alkogolga" oʻtirma deyman, oʻz-oʻzidan oʻzimga 2 barobar taqiq qoʻygan boʻlaman ekan.
6. Bu ishlarni qil, har kuni nimadir oʻrgan. Har kuni yaxshiroq boʻl desam, oʻzimga 2 barobar bosim bergan boʻlaman ekan.
7. Buni koʻpchilik his qilmaydigan va anglaganlar yashiradigan sirli oʻyin deb bildim. Men bildim. Sizni ham bilishga haqqingiz bor. Xulosa qilib qoʻyamiz, ya'ni:
Insonlarga bosim berganingizda oʻzingiz, vujudingiz 2 barobar bosim oladi.
Insonlarga qilaver, yomon ish emas, qimor oʻynasang boʻlaveradi deganingizda 2 barobar oʻzingizga yoʻl ochib boraverasiz.
P.S: Oʻzgarishni boshlamoqchimisiz, blog oching. Qila olmayotgan ishlaringizni ham yozing, oʻz-oʻzidan kundalik ishlar kabi boʻlib ketadi.
#25
👉
@samandarxojasblog

Muhit - muhim
1. Jamoa boshqaruv bilmi - liderlik.
Bu ilmni kitoblardan oʻrganib boʻlmaydi. Yozilmagan.
Yozilgan boʻlsa ham, foydasi yoʻq. Shunchaki, boshqarib koʻrish kerak ekan.
2. Insonlar bilan a'loqa qilish bilimi - muomala. Shu ham bilimmi, har kuni gaplashamanku desang adashasan.
Nega unda, qolganlar yutib ketyapti. Muvaffaqiyatning noni - muomala.
3. Ehson qilish ilmi. Har doim eshitamiz, 1 ni bersang 10 boʻlib qaytadi.
Lekin, sen bergin va koʻp boʻlib qaytishini his qil. Endi ehson qilish esingdan chiqmaydi.
4. Sotish. Bu doʻstlarni sotish emas. Mahsulotni sotish, jiggo. Sotish haqida 1000 lab kitoblar bor.
Men 100 ga yaqini oʻqiganman, lekin Margʻilonlik akam kambinatta mendan katta savdo qiladi.
5. Operatsiya qilish, masalan. Urologiyada gipospadiya operatsiyasining texnikasini oʻrganib kirdim.
Kirganimdan keyin 25 qadamlik taktika, esimdan chiqdi. Shuning uchun, oper doim qilib oʻrganilar ekan.
6. Odob. Hamma uni kitob orqali oʻrganish bilan band. Ammo, 1 bezorini 40 ta odoblini orasiga tiqib qoʻy va 1 oy vaqt ber.
Keyingi kelishingda farzandingni tanimay qolasan. Shuning uchun, muhit - muhim deyishadi. Shuning uchun, dadam-ayam meni 5-sinfdan IDUM ga koʻchirib oʻtkazishgan.
Xulosa qilib qoʻyamiz, hamma narsa kitobdan oʻrganilmaydi. Agar buni iloji boʻlganda, men ham yiliga shuncha kitob oʻqidim deb ayahondoz tortardim.
#24
👉
@samandarxojasblog

Qulogʻim sekundlar ichida eshitmadi
1. Bugun qulogʻim sekundlar ichida kar boʻldi. Bir video sabab. Tovushlarni his qilmadim. Hayot qorongʻulashdi.
2. Yoʻlda koʻzimni yumib yurib koʻrdim. 5-6 qadamdan soʻng muvozanatim buzilib ketdi. Yana 2 qadam tashlasam yiqilib tushar edim.
3. Bavl qilmaslik hissini totib koʻrdim. Buni ogʻirig'ini urologiyada yurganimda his qilganman bemorlarni koʻrib. Eng kuchli ogʻriqlardan biri edi.
4. Katta bavl ham huddi shunday. Ichak yorilib peritanit natijasida oʻlishi mumkin. Yoki trishina orttirib oladi.
5. Yaqin akamni qoʻli ishlamay qoldi. Ya'ni qoʻlini his qilmayapti. Bilakuzuk sohasidan pasti umuman 0. Sartarosh edi. Ishdan qoldi.
6. Oyogʻimda travma bor edi. Sogʻlom yurishni sogʻindim. Shukur, 18 kunda oʻziga keldi.
7. Soʻzsiz qoldim. Yaponiyada. Tilsiz hayot naqadar ogʻir ekanligini his qildim. Yemish qidirdim. Umrimda ovqat qidirib ko'chama-ko'cha yurmagan edim.
8. Aslida, inson katta neʼmatlar ichida ekanligini bilishi kerak. Jasadimiz bir kun soʻraydi. Sogʻlik katta neʼmat. Ishonmasang, kombustilogiya boʻlimiga kirib koʻr.
Shukur bu katta his. Uni his qilish uchun esa, ularsiz "yashab" koʻr. 1 daqiqa boʻlsa ham.
#23
👉
@samandarxojasblog

Samandarxoʻja Yoʻldoshxoʻjayev | Shaxsiy blog
pinned a video

QAMAR asoschisi - gʻoyibona ustozim boʻldi
1. Kitob savdosidan boyib ketish maqsadim emas. Agar boyimoqchi boʻlsam boshqa biznes qilgan boʻlar edim.
2. Oliy taʼlim va kollej juda ham muhim emas, ammo oʻqisa yaxshi. Ammo, qahramonimiz faqat maktabni bitirib katta bir kitob doʻkoni egasi boʻldi.
3. Men kadrlarga muhtojman. 25-30 million soʻmlik oylik oladigan darajada ishlaydigan kadrlar yoʻq. Demak, yaxshi haq toʻlaydigan joylar hali ham bor. Koʻpchilik esa, chet el "xoʻroz qandi"ga ishqiboz.
4. U yerga TOP kadrlar tajriba bilan keladi. Demak, katta kompaniyalarga 0 dan oʻrgatish uchun vaqt yoʻq. Ular katta pul berishga tayyor.
5. Hisob-kitob qogʻozda qilinish davri tugadi. Elektron tizim - moliya. Kompaniyaning yuragi - raqamlar. Kislorodi esa - reklama.
6. Katta bizneslar faqat mahsulot yoki jarayonlarga pul tikmaydi. Ular kadrlarga pul tikadi. Yaxshi kadr bu til. Ular yoʻlni ravonlashtiradi.
7. Avvalari maʼlum bir brend egasi 60 yoshda oʻz biznesini boshladi deb jar solishardi. Endi, oʻzbek oʻgʻloni bor. U 33 yoshida asos solgan QAMAR doʻkoni, hali ham boshlashga kech emas ekanligini eslatib qoʻydi.
P.S: Olgan insaytlarim juda koʻp. Hali, koʻp insaytlarni varoqqa tushiraman deb umid qilaman.
#22
👉
@samandarxojasblog

Keldimi - toʻkib yubor
1. Koʻchada qoʻlni choʻntakka solib turish yoki yugurish juda ham katta xato ekan. Sababi, yiqilganda yuzi bilan qattiq travma oladi. Qoʻl choʻntakdan chiqishga ulgurmay qoladi.
2. Ogʻizdan nafas olish surunkali laringitga olib kelishi mumkin. Tuzalmay yuraversan. Shuning uchun, majburlab boʻlsa ham burundan nafas ol.
3. Koʻp qavatli joydan chiqayotganingda 1 tadan qavatma-qavat koʻtaril. Aks holda belingni ado qilasan. Oʻgʻil bola boʻlsangku mayli, qiz bola boʻlsang noqulay ham koʻrinasan.
4. Kablok umuman kiyishni tavsiya qilmayman. Qadamlaringdagi nafislik yuqoladi. Yurishing keyinchalik qoʻpol koʻrinishni beradi. Oddiy kabloksiz yursang ham.
5. Goʻzallikdan koʻra, sogʻlikni avzal bil. Kiyiming bir-biriga tushmasa ham, issiq yuribsanmi qandingni ur. Moda - marketing, esdan chiqarma. Agar modaga qurbon boʻlgan boʻlsang, menga yaqinlashma.
6. 2 ta joyni issiq tut. Bosh va oyoqni. Oyoq issiq boʻlsa - tana issiq boʻladi. Agar umuman isimasang, umumiy qon tahlil topshir. Bosh issiq boʻlsa - kayfiyating yaxshilashadi.
7. Bavl kelsa - dakansa ushlama. Ibn Sinoning gapini eshitganmisan? Hatto, ulovni ustida boʻlsang ham... Agar bu haqida toʻliqroq bilmoqchi boʻlsang. Qizu-og'ilga birdek maʼqul kelgan TIB QONUNLARI kitobini
oʻqi.
#21
👉
@samandarxojasblog

Aslida bir tiyinman
1. Aslida yutuqlarim o'zimniki emas. Mening aqlliligim, bo'yim balandligi, chet tilini bilishim va shuningdek boshqa xislatlarim esa yo'lda qolib ketdi.
2. Inson bir tiyin ekaligini his qilgan zahoti - u briliantga aylanadi. Biz mujassamlashgan mavjudotmiz. Tana va ruhiyatimiz avloddan-avlodga o'tib keladi desam ishon.
3. Qoshing qora - yaxshilab surishtir ona taraf yoki ota taraf avlodlarda huddi shunday qoshli inson o'tgan. Insonlar bilan chiqisha olmaysan - demak jiddiylik geningda bor.
4. Ha boshni qotirib yubordim. Kamina bugun senga taslim bo'lishing kerakligini eslatmoqchi. Zo'r bo'lib ketgan bo'lsang shunchaki kerakli joyda va kerakli vaqtda paydo bo'lib qolganingni esla.
5. Demak, jisming va ruhing - meros. Natijalaring esa - tasodif. Shu sababli, men unaqaman, men yorvoraman deyishni bas qil. Buni o'rniga kattanglar (ota-ona/bobo-buvi)ga rahmat ayt. Oshna, o'sha gap "nasl suradi". Avlodi chatoqmi - u qizdan uzoqlash.
6. Sababi, yettigacha kim bo'lsak, uyog'iga ham o'sha bo'lamiz. Bu haqida kitoblar ham bor ''Uchdan keyin, kech". Eslab qarasam, ota-onam meni ham 5 yoshdan Farg'ona shahardagi ko'zga ko'ringan bog'chaga berishgan edi.
7. Xulosa qilib qo'yamiz, aslida bir tiyinman. Yozish ham xatto otamdan o'tgan. Tilni esa chayib-chayib 4 yilda o'rganganman. Biznesda esa "Muazzamxon va Go'zalxon ustoz meni Gadayev domla bilan tanishtirib qo'yishgan"
#20
👉
@samandarxojasblog

Xatolardan oʻrganaman
1. Ular bolalarini oʻz darajasi bilan teng boʻlganlar orasiga qoʻshmaydi. Oʻzidan har tomonlama ustunlar ichiga "tashlab qoʻyadi"
3. Ular muvaffaqiyatlilar mana bundan qilgan deb "natatsiya" o'qimaydi. Aksincha, narigi shtatdagi John'ning dadasi shu sababli ishdan boʻshadi deb oʻrgatadi.
4. Ha, ularga xatolar qiziq. Biz esa toʻgʻri yoʻl qayer deb, lomkada yuraveramiz. Xoʻsh, unda qanday yashay. Nima qilay?
5. Yaxshi savol. Hamma tushunadigan mavzuga qaytamiz. Oila. Yaqin akam aytdi. Uka, ayolimni itdan ham, bitdan ham qizg'anaverdim.
5. Oxiri ajrashdik. Keyin bildim. Men "rashk vasvasasi" bilan kasallangan ekanman. Endi, psixiatriya va narkologiya boʻlimida uchottda turibman.
6. Aslida, men nosogʻlom, bir guldek qizni umrini yedim. Senga dars boʻlsin. Ba'zi bir oʻzing uchun yaratib olgan xaraktering, aslida kasalliging boʻlishi mumkin.
7. Rostdan ham, xatolarni oʻrganish - zoʻr. IELTS analayse — +1 ballga sabab boʻladi. Kompaniyalar inqirozi sababini oʻrganish - brendingni uzoqroqqa olib boradi.
8. Yana, oʻsha "rashk vasvasasi"ga qaytamiz. Bu kasallikni men to'qimaganman. Buni "psixiatriya" kitoblarida yozishgan. Xulosalab qoʻyamiz ustozim Murod Nazarov gapi bilan: Ishonch kuchliroq boʻlishi kerak.
#19
👉
@samandarxojasblog

Tibbiyot kelajakda (1-qism)
Xudo xohlasa, shunday boʻladi deb umid qilaman.
1. Labaratoriya testlari tayyor tahlili bilan beriladi. Masalan, taxminiy asosiy tashxis: temir taqchil anemiya. Yondosh kasallik: virusli infeksiya fonida sistit.
2. Rentgen qilish davri tugaydi. Koʻp tekshirish usullari UZI va MRT, MSKT ga oʻtib ketadi. Tashxis: buyrak kistasi. Differensial diagnoz: buyrakning autosamal dominant oʻsmasi bilan qilinsin degan yozuv bilan chiqadi.
3. Ilon Musk oʻz intervyusida deyarli 3 yildan keyin koʻp operatsiyalar robotar tizimga oʻtib ketadi. Menimcha, bunga 10 yil kerak. Ammo, men ishonaman robot operatsiya qilishiga.
4. Ishchi kuchi juda qisqarib ketadi. Poliklinikalardagi deyarli 60% ish kuchi qisqarib ketadi. Roʻyxatga olish, boʻy, vazn va qon bosimini oʻlchashni bitta apparatni oʻzi qila boshlaydi.
5. Tez yordam call center'da odamlar ishlamay qoʻyadi. Hammasi, sunʼiy intellekt robotlar turadi. Ular, kerak boʻlsa, tez yordam borguncha nitraksalin tabletka ichib tursin deydigan darajaga chiqadi.
6. Baʼzi bir "doktorlar" firma bilan ishlash davri tugaydi. Sugʻurta tizimi oʻyindan kuchsiz "o'yinchi(doktorlarni)" olib chiqib ketadi.
7. Doridan zaxarlanish, retsepsiz dorilar olish davri tugaydi deyarli. Endi aptekachilar dorisini sotadi, duxtirchilik kasbini fermada qilaveradi. Buyogʻiga odamlarni doktorlar davolaydi.
P.S: Yuqoridagi fikrlarning qaysi biri sizni ajablantirdi?
#18
👉
@samandarxojasblog