Samarqand ilg‘or kasbiy mahorat texnikumi

#35-son
🏢
SAMARQAND ILG‘OR KASBIY MAHORAT TEXNIKUMIDA NAVBATDAGI SIYOSIY-MA’RIFIY SOAT O‘TKAZILDI
Joriy yil 11-sentyabr kuni Samarqand ilg‘or kasbiy mahorat texnikumida pedagog xodimlar ishtirokida navbatdagi siyosiy-ma’rifiy soat mashg‘uloti tashkil etildi.
📝
Mashg‘ulot davomida mamlakatimizda amalga oshirilayotgan islohotlar, jamiyat va davlat hayotidagi muhim yangiliklar, ijtimoiy-siyosiy jarayonlar, qonunchilikdagi o‘zgarishlar hamda ma’naviy-ma’rifiy yo‘nalishdagi dolzarb masalalar yuzasidan fikr-mulohazalar bildirildi.
📌
Shuningdek, pedagog xodimlarning siyosiy va huquqiy savodxonligini oshirish, mustaqil fikrlashini rivojlantirish, keng dunyoqarash va faol fuqarolik pozitsiyasini shakllantirish masalalariga alohida e’tibor qaratildi.

🇺🇿
2026-yilning 10-setyabr kuni Samarqand ilg‘or kasbiy mahorat texnikumi YBIBDO‘ G.A.Raximova tomonidan texnikum xotin-qizlar kengashi raisi B.F.Narzullayeva bilan hamkorlikda texnikum birinchi bosqich qizlari bilan davra suhbati o‘tkazildi. Suhbat davomida qizlarga  jamiyatda xotin-qizlarning o'rni, ular uchun yaratilayotgan imkoniyatlar haqida tushunchalar berildi.

#RAHBAR
VA YOSHLAR
🇺🇿
RAHBARLAR VA YOSHLAR UCHRASHUVI — OCHIQ MULOQOT VA MUHIM TAKLIFLAR
Joriy yil 10-sentyabr kuni Samarqand ilg‘or kasbiy mahorat texnikumida Yoshlar ishlari Samarqand shahar bo‘limi boshlig‘i Urakov Sardor Sobirjonovich taklif etilgan holda rahbarlar va birinchi bosqich texnikum yoshlari ishtirokida ochiq muloqot shaklida uchrashuv tashkil etildi.
Uchrashuv davomida yoshlarni qo‘llab-quvvatlash, ularning bandligini ta’minlash, kasb-hunar egallashi uchun yaratilayotgan imkoniyatlar, ta’lim va bo‘sh vaqtni mazmunli tashkil etish masalalari muhokama qilindi.
Shuningdek, yoshlar o‘zlarini qiziqtirayotgan masalalar yuzasidan savol, taklif va murojaatlarini bildirdilar. Yoshlar ishlari Samarqand shahar bo‘limi boshlig‘i S.Urakov tomonidan uchrashuvda qatnashgan texnikum birinchi bosqich o‘quvchi yoshlaridan 20 nafariga Axborot texnologiyalari IT markazida bepul o‘qish va 3 nafariga ingliz tili kurslarida bir yil davomida bepul o‘qish imkoniyati yaratib berildi.

♟
SHASHKA MUSOBAQASI O'TKAZILDI
2026-yil 7-aprel kuni O‘zbekiston Respublikasi Prezidenti Shavkat Mirziyoyev raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida, haftaning har chorshanba kuni sport kuni deb belgilangan shu munosabat bilan joriy yil 9-sentyabr kuni Samarqand ilg‘or kasbiy mahorat texnikumida o‘quvchi-yoshlar o‘rtasida sportning “Shashka” turi bo‘yicha musobaqa o‘tkazildi.
🏆
Musobaqadan ko‘zlangan asosiy maqsad — o‘quvchi-yoshlar o‘rtasida sog‘lom turmush tarzini targ‘ib qilish, ularning sportga bo‘lgan qiziqishini oshirish, bo‘sh vaqtlarini mazmunli tashkil etish hamda intellektual salohiyatini rivojlantirishdan iborat.
🤝
Musobaqa davomida ishtirokchilar o‘zlarining tezkor fikrlash, mantiqiy mushohada yuritish, diqqatni jamlash va to‘g‘ri qaror qabul qilish qobiliyatlarini namoyon etdilar. Har bir bahs o‘quvchilarning o‘zaro bellashuvi, tajriba almashishi va yangi ko‘nikmalarni egallashi uchun yaxshi imkoniyat bo‘ldi.

✍️
“BIZ GIYOHVANDLIKKA — YO‘Q DEYMIZ!” SHIORI OSTIDA DAVRA SUHBATI BO‘LIB O‘TDI.
Joriy yilning 9-sentyabr kuni Samarqand ilg'or kasbiy mahorat texnikumida  YBIBDO‘ G.A.Raximova boshchiligida, texnikum psixologlari E.N.Nematova, A.J.Axatovlar bilan birgalikda Samarqand viloyati Transportda xavfsizlikni ta’minlash boshqarmasi jinoyat qidiruv bo‘limi tezkor vakili mayor A.A.Ibragimov, Profilaktika inspektorikatta leytenent R.N.Sultanovlar taklif etilgan holda yoshlarni giyohvandlik vositalari va psixotrop moddalarning salbiy ta’siridan himoya qilish, ular o‘rtasida sog‘lom turmush tarzini keng targ‘ib etish, giyohvandlikning oldini olish hamda yoshlarning ma’naviy-axloqiy va psixologik muhitini yanada yaxshilash maqsadida “Biz giyohvandlikka — yo‘q deymiz!” shiori ostida davra suhbati tashkil etildi.
✨
Tadbir davomida o‘quvchilarga giyohvandlikning inson salomatligiga ,kelajagi va jamiyat hayotiga salbiy ta’siri haqida tushunchalar berildi.

Joriy yil 8-sentyabr kuni Samarqand ilg'or kasbiy mahorat texnikumining birinchi bosqich 105-guruh o'quvchilari 2-sentyabrdan 8-sentyabrga qadar Madaniy meros agentligi tizimidagi davlat muzeylari, muzey-qo‘riqxonalar hamda uy-muzeylarida “Muzeylar haftaligi” o'tkazilayotganligi munosabati bilan texnikum tarix fani o'qituvchisi J.Islomov hamda guruh rahbari X.Aliyev boshchiligida Samarqand shahrida joylashgan "O'zbekiston madaniyati tarixi Davlat muzeyi" ga tashrif buyurishdi. Ushbu tashrif davomida o‘quvchilar muzey eksponatlari, qadimiy osori-atiqalar va milliy qadriyatlarimizni aks ettiruvchi noyob topilmalar bilan tanishib, o‘zlarining tarixiy bilimlarini yanada mustahkamladilar.

📚
KITOB — MA’NAVIYAT VA BILIM MANBAI !!!
📚
Joriy yil 7-sentyabr kuni Samarqand ilg‘or kasbiy mahorat texnikumida o‘quvchi-yoshlarning bo‘sh vaqtini mazmunli tashkil etish, ularning kitobxonlik madaniyatini yuksaltirish hamda mutolaa qilishga bo‘lgan qiziqishini oshirish maqsadida Oʻzbekiston Respublikasi Prezidenti Shavkat Mirziyoyevning  “Milliy tiklanishdan – milliy yuksalish sari”  kitobi taqdimoti bo'lib o'tdi. Ushbu kitob Oʻzbekiston Respublikasi Prezidenti Shavkat Mirziyoyevning maʼruzalari va asarlaridagi strategik gʻoyalar asosida tayyorlangan boʻlib, mamlakat taraqqiyotining yangi bosqichini ochib beradi.

🚫
“MENING TANLOVIM—SOG‘LIQ" MAVZUSIDA PSIXOLOGIK TRENING MASHG‘ULOTLARI O‘TKAZILDI.
Joriy yil 8-sentyabr kuni Samarqand ilgʻor kasbiy mahorat texnikum o‘quvchilari o‘rtasida giyohvandlik va narkojinoyatlarning oldini olish, sog‘lom turmush tarzini targ‘ib qilish hamda zararli odatlarga qarshi mustahkam immunitetni shakllantirish maqsadida “Rad etish ko‘nikmalari” va “Mening tanlovim — sog‘liq” mavzularida psixologik trening mashg‘ulotlari o‘tkazildi.
🗣
Trening davomida o‘quvchilarga turli xil zararli takliflarni rad etish, tengdoshlar bosimiga berilmaslik, mustaqil qaror qabul qilish va sog‘lom hayot tarzini tanlash ko‘nikmalari shakllantirildi.
💪
Giyohvandlik umr zavoli !

🇺🇿
“Yagona Vatan, yagona xalq bo‘lib, yangi hayot va kelajak yaratamiz!”
📚
Samarqand ilg‘or kasbiy mahorat texnikumida yoshlarning vatanparvarlik tuyg‘ularini yuksaltirish, milliy qadriyatlarimizga hurmatini oshirish hamda yurtimizning buguni va kelajagiga daxldorlik hissini shakllantirish maqsadida “Kelajak soati” dars mashg‘ulotlari tashkil etildi.
📝
Mashg‘ulotlar davomida o‘quvchilarga Yangi O‘zbekiston taraqqiyoti, mamlakatimizda amalga oshirilayotgan islohotlar, yoshlar uchun yaratilayotgan imkoniyatlar hamda Vatan ravnaqi yo‘lidagi mas’uliyat haqida tushunchalar berildi.
🇺🇿
Shuningdek, dars jarayonida yagona Vatan va yagona xalq g‘oyasi, tinchlik va osoyishtalikning qadr-qimmati, yoshlarning jamiyatdagi o‘rni hamda kelajak oldidagi maqsad va vazifalari xususida fikr almashildi.
✨
“Kelajak soati” darslari yosh avlodni Vatanga sadoqat, milliy g‘urur, faol fuqarolik pozitsiyasi va ezgu maqsadlar ruhida tarbiyalashga xizmat qilmoqda.