Самвел Карленович Саркисян

“Вест Ҳем” га қарши АПЛ доирасида “Манчестер Сити” таркибида Абдуқодир асосий таркибда майдонга тушди, ўз позициясида.
Ўйин ҳозир бошланди.
Жамоаси қандай натижа кўрсатмасин, футболчимизга омад ва бехато ўйнашини тилаймиз!
🙂
@SamvelKarlenovich

Башакшеҳирда футболчи қизил олганидан сўнг ўйин бузилиб кетган. Элдор ҳам алмаштирилди. Энди кўришга ҳам арзимайди.
Ҳозирча ҳисоб 2-0. Галатасарой олдинда.
@SamvelKarlenovich

🇮🇷
Эрон ЖЧ га бормайдиган бўлса, ўрнига
🇮🇹
Италия бориши мумкин деган хабар тарқаляпти. Плей офни айланиб ўтаркан.
Менимча, бу адолатдан эмас. Эрон бормаслиги бошқа масала аммо форслар ЖЧ га келишмаса, менимча, ўрнига Осиёдан бошқа жамоа бориши керак.
@SamvelKarlenovich

Эртага суперкубок ўйини:
🟡
“Пахтакор” ва
🟢
“Нефтчи” ўзаро куч синашади.
Бу мусобақада “Пахтакор” қатнашиш бўйича тенгсиз (7 марта) аммо бу йил “Нефтчи” ўйин жиҳатдан кучли кўринмоқда.
“Нефтчи” нинг ҳақиқий кучига эртага баҳо берсак бўлади.
Умид қиламиз, “Пахтакор” ҳимоячилари эртага “Навбаҳор” га қарши ўйиндаги болаларча хатоларни такрорлашмайди.
Эртага қайси жамоанинг ғалабасига кўпроқ ишонмоқдасиз?
@SamvelKarlenovich

Интернетда айланаётган қизиқ пенальти ҳолати.
Эфиопия чемптонатида бўлган ҳолатлиги айтилмоқда.
Дарвозабоннинг рақиб футболчисида шахсий адовати бор шекилли, а?
😅
“Биринчи тўпга тегдим”, деган бўлса ҳам керак :)
@SamvelKarlenovich

🇨🇴
Колумбия -
🇺🇿
Ўзбекистон ЖЧ 2026 учрашуви ҳақида Колумбия телевидениясида бўлиб ўтган суҳбат. Пастда таржимасини қўямиз
⬇️
🗣️
“
1-спикер (эркак, юқори чап):
…ва биринчи дақиқада Карлос Санчеснинг Японияга қарши олган қизил карточкаси, нима бўлгани ва ҳоказо. Яъни ҳар бир Жаҳон чемпионати ўйини доим ўз сюрпризларини олиб келади.
2-спикер (аёл, пастки чап):
Саудия Арабистони Аргентинани ютиб кетганди.
3-спикер (эркак, юқори ўнг):
Ҳа.
4-спикер (эркак, пастки ўнг):
Ҳа, лекин менимча 2018 йилдаги рақиблар бироз кучлироқ эди. Улар футбол жиҳатидан ҳам, юлдузлар жиҳатидан ҳам бойроқ эди. Японияда яхши ўйинчилар бор эди ва ҳозир ҳам бор. Сенегал жамоаси ҳам шундай, Польша ҳақида эса гапирмаса ҳам бўлади. Лекин биз Ўзбекистонга қарши ўйнаймиз, Виктор. Мен шундай дейман: агар Ўзбекистон бизга муаммо туғдирса, унда бошқа спорт турини қидириш керак бўлади — масалан бейсбол ёки теннисда яхшироқмизми, деб. Чунки очиғини айтсам, Ўзбекистонда футбол йўқ. Хусановни биламан, холос. Қолганларини эса Google’дан қидиришимга тўғри келади.
1-спикер:
Демак сен… Лекин бу ҳам муаммо, билсанг, Хуан Камило? Биз улардан фақат биттасини биламиз, холос.
4-спикер:
Чунки улар автобусни дарвоза олдига қўйиб ҳимоя қилади!
1-спикер:
Йўқ, гап фақат ҳимояга ётиб олишда эмас. Бу жамоа мутлақо номаълум. 94-йилда ҳам — йўқ, 90-йилда — шундай дейишган: улар ҳақида кўп нарса билмаймиз, деб…
4-спикер:
94-йилда — Румыния!
1-спикер:
Ҳа, тўғри! АҚШда бейсбол ўйнашади, Румыния эса номаълум жамоа, деб айтилганди. Демак, номаълум бўлиш икки томонлама қилич. Масалан, Аргентина – Саудия Арабистони ўйинидан олдин қанча одам саудиялик ўйинчиларни биларди? Қаранг, кейин нима бўлди — улар ҳақиқий сабоқ олди.
4-спикер (ҳазил билан):
Бирор киши Викторга ит олиб беринглар, у Ўзбекистондан жуда қўрқяпти!
1-спикер:
Бу қўрқиш эмас, эҳтиёт бўлиш. Лекин фарқни биласанми? Охирги пайтларда Саудия Арабистони футболга жиддий инвестиция қилиб, ўз лигасини кучайтиришга ҳаракат қилди. Бу эса маълум даражада миллий жамоа ўйинида ҳам акс этяпти.
“
@SamvelKarlenovich

Эрбил
🇮🇶
Ироқ чемпионатида навбатдаги учрашувни Ал-Минаа жамоасига қарши ўтказди ва 3:2 ҳисобида ғалаба қозонди!
Учрашувда ўзбекистонлик футболчилар Шерзод Темиров ва Марлен Чобанов тўлиқ ўйин ҳаракатланди.
Темиров 3 та гол уриб (хет-трик), Ироқ чемпионатидаги голлари сонини 21 ўйинда 19 тага етказиб олди ва жамоасининг ғалабасини таъминлади.
@samvelkarlenovich

Элдор Шомуродов
«Башакшеҳир» сафида ҳозиргача
79 та зарба бериб, 16 та гол урди
. Унинг умумий
кутилаётган гол кўрсаткичи (xG) 11.42
бўлиб, бу амалда
кутилганидан 4.58 та кўпроқ гол урган
дегани. Яъни Элдор статистика бўйича кутилган голлардан анча кўпроқ урмоқда.
Энг эътиборли жиҳат, уларнинг аксарияти
ўйин давомидаги вазиятлардан
келган: 16 голдан
13 таси ўйин давомида урилган
, яна
2 таси пеналти
,
1 таси эса бурчак тўпидан
киритилган. Тана қисми бўйича эса
10 гол ўнг оёқ
,
4 гол чап оёқ
,
2 гол бош билан
урилган.
Яна бир муҳим нуқта:
Элдорнинг барча голлари марказий ҳудудлардан киритилган
. Бу унинг жарима майдони ичида
тўғри позиция танлаши ва зарбани аниқ якунлаши
ни яққол кўрсатади. Жарима майдонига кирмасдан гол уриш жиҳатлари ҳам кучли бўлса, яна яхшироқ бўларди. ЖЧ да жарима майдонида эркин ҳаракат қийин бўлади, тактика тузганда, шуни ҳам ҳисобга олиш керак бўлади. Бошқа футболчилар узоқдан зарбалар беришга тайёр туришлари керак.
@SamvelKarlenovich

Муҳлислар ташрифи бўйича ҳам “Нефтчи” етакчи! 3-тур
Учрашув водий дербиси эканлиги ҳам ёрдам берган бўлса керак аммо жамоа етакчиликда борар экан, муҳлислар ташрифи ҳам мавсум давомида тепа қаторларда қолса керак.
@SamvelKarlenovich

Жаҳон Чемпионати олдидан футболда янги ўзгаришлар:
⚽
IFAB янги қоидаларни тасдиқлади
⏱
Aут ва дарвоза тўпи — 5 сония
• Агар ҳакам вақт атайлаб чўзиляпти деб топса, экранда 5 сониялик визуал санаш бошланади.
• Санаш тугагунча тўп ўйинга киритилмаса:
• Aут → тўп рақиб жамоага берилади
• Дарвозадан тўп киритилиш кечиктирилса → рақиб жамоага бурчак тўпи берилади
⸻
🔄
Алмаштириш — 10 сония
• Алмаштирилаётган футболчи 10 сония ичида майдонни тарк этиши шарт.
• Агар кечикса:
• унинг ўрнига тушадиган футболчи 1 дақиқа ўтмагунча майдонга туша олмайди.
⸻
🩺
Жароҳат ҳолати
• Агар ўйин майдонда тиббий кўрик сабаб тўхтаса:
• футболчи майдонни тарк этади
• ўйин қайта бошланганидан кейин камида 1 дақиқа ташқарида қолади
⸻
🎥
VAR бўйича ўзгаришлар
VAR энди қуйидагиларни текшириши мумкин:
• аниқ нотўғри берилган иккинчи сариқ картoчка натижасидаги қизил картoчка
• нотўғри футболчига берилган картoчка
• айрим мусобақаларда аниқ нотўғри берилган бурчак тўпи қарори
Мақсад - футболда вақт чўзишни камайтириш ва ҳакам хато қилишини ВАР орқали кўпроқ олдини олиш.
@SamvelKarlenovich