شعر شعبي عراقي
كي لا تُصاب بالخيبة، لا ترسم في مخيلتك أنَّ أحدهم لا يستطيع الاستغناء عنك.
― نجيب محفوظ.
كثرة الكتمان والتظاهر بالقوة ، يجعل قلوبنا هشة تبكي من أتفه الأسباب .
- سيغموند فرويد
چنت اطول بالمَوادع
بلگي اسمع ، مَنك
حچايه الـ تردني
ردتك تحسسني اهمك .
ثگلت بروحي جثة وما لگت جنّاز
و خيالك گمت اشوفه منين ما اضيعه
علي رشم
لمَحتلك الف مرة
وانت تعرف غايتي وما طاوعتني
وسولفتلَك سالفه عاشِگ خَجول
وأنت تعرُف هوة آنا ،
وما عرفتها وخجلتني
وسولفتلي على الحرُب ،
والموت ، والدَم ، والضحايا
وكلمة الـ محتاجها ما سمعتني
"ليش من گلبك رجف ماصارحتني؟"
- جبار رشيد
من شفتك وجه كَطره
لميت اليبس مني
وأجيتك شارد من الغيم
كَتلك طيح بالما مرتوي بدمي
وطحت بيه
أجيتك مشتهي الجيه
• أجيتك شارد من أسمي
جيس اليوجع بروحي
أسمك من تعب نوّمته بجروحي
وغفه بيه
مثل الماي من ينامله بحفره
همت يومي لعيونك...كملني
وعشكت الصبر لاكن...كمله مني
انا ما اتعب ع الحب...كله مني
الحب ورد واذاته رد اليه
لمَحتلك الف مرة
وانت تعرف غايتي وما طاوعتني
وسولفتلَك سالفه عاشِگ خَجول
وأنت تعرُف هوة آنا ،
وما عرفتها وخجلتني
وسولفتلي على الحرُب ،
والموت ، والدَم ، والضحايا
وكلمة الـ محتاجها ما سمعتني
"ليش من گلبك رجف ماصارحتني؟"
- جبار رشيد
ما اقبل احبك وانت ما مرتاح
وما ارتاح احبك وانت ما تقبل
- جبار رشيد
ترا الزينات بس الزين يذكرها
الما عنده شرف معذور ينكرها
مايهمني الحچه والطعن بمگفاي
ترا هاي السوالف كلها عابرها
وهي هواي وادم تستحق تنهان
بس المستحه خلاني اقدرها
كولوله الزلم بس بالوجه يحجون
لا يسولف وراي الي عينه كاسرها