SHAKA

https://music.yandex.uz/playlists/be6cff74-84ad-c95b-8695-222dd5f9135d

https://music.yandex.com/album/40512708/track/147875819?ref_id=613A426E-8573-4B14-B78B-4973E73FB27E&utm_medium=copy_link

https://youtu.be/VcIut32lvwY?si=A_Fk1jv3H3Vw4Huc

O‘zbek san’atida yetarlicha qadrlanmagan ijodkorlardan biri - bu Shaka. Hech bo‘lmaganda, men shunday deb hisoblayman. Chunki u oddiy repper emas, balki o‘zbek rep va hip-hop sahnasida ramziy she’riyat bilan hip-hopni bir butun holatda uyg‘unlashtira olgan kam sonli ijodkorlardan biri. Hatto aytish mumkinki, u shu yo‘nalishda deyarli yagona intellektual repper.
Shakaning musiqasi bir qarashda hammaga ham “ochilavermaydi”. Uning treklari o‘ziga xos stilga ega: begona vibe, sokin, biroz sovuq, biroz mistik kayfiyat. Bu musiqalarni faqat quloq bilan emas, ichki sezgi bilan tinglash kerak. Aks holda, qo‘shiq bor, ohang bor, lekin mazmun ushlab olinmaydi.
Masalan, uning yagona sevgi mavzusidagi “Yulduzimsan” trekini olaylik. Bu qo‘shiqni shunchaki eshitish mumkin, lekin uning ichki qatlamiga, tag ma’nosiga yetish uchun tinglovchidan ham ma’lum darajada tayyorgarlik talab qilinadi. Bu oddiy romantik qo‘shiq emas, u yerda sevgi, his-tuyg‘u sifatida emas, balki ramz sifatida ishlaydi.
Shakaning menga eng yoqadigan jihatlaridan yana biri - uning tilga munosabati. U qofiya uchun allaqachon siyqasi chiqib ketgan ibora va so‘zlardan qochadi. Unda “osmon–yomon”, “yurak–kulak” kabi oson yo‘llar yo‘q. Aksincha, u tuzgan jumlalar o‘ziga xos, betakror va boshqa hech kimning ijodida deyarli uchramaydi. Shuning uchun ham uning matnlarini eshitgan odam darrov muallifni taniydi.
“Kana”, “Sotuvchi”, “Musofir” kabi treklarda esa Shaka jamiyatdagi ko‘plab illatlarni ochiqchasiga ko‘rsatadi, ba’zida keskin tanqid qiladi, ba’zida esa nozik kinoya orqali ustidan kuladi. Bu kulgi yengil emas, achchiq, o‘ylantiradigan, odamni o‘ziga savol berishga majbur qiladigan kulgi.
Shaka ommaga yoqish uchun ijod qilmaydi. U trend quvmaydi, algoritmga moslashmaydi. Balki aynan shu sababli ham u keng auditoriya tomonidan yetarlicha qadrlanmayotgandir. Ammo vaqt o‘tib, shovqin so‘ngach, aynan shunday ijodkorlar qoladi.
Chunki Shakaning musiqalari trend uchun emas, ma’no uchun yozilgan.
@islom_nurmurod

https://youtu.be/pkGAR0g9o70?si=--sGT36jmp6Nq3jl

https://youtu.be/9cV7XlZoB68?si=zYaHZE4VdYRD-Jfh

Gazeta ва Yandex Music «Маҳаллалар мусиқаси» лойиҳасини давом эттиради. Бу сафар рэпер Shaka билан бирга Оҳангарон туманидаги Нуробод шаҳарчасини айландик. У билан ўзбек рэпи, сўкиниш ва ҳақоратли сўзлари бор матнлар, тўйлар мусиқа саноатига қанчалик таъсир қилаётгани ва Нуробод ҳақида гаплашдик.
https://www.gazeta.uz/uz/2025/10/16/shaka/
Telegram
|
Instagram
|
YouTube

https://www.afisha.uz/uz/celebrities/2025/09/11/shakaka