Пайғамбарымызға ﷺ Мү’минун сүресінің алғашқы он аяты уахи етілген уақытта, құбылаға қарап былай дұға жасады:
«اللهما زدنا و لا تنقصنا، و أكرمنا و لا تهنا، و أعطنا و لا تحرمنا، و آثرنا و لا تؤثر علينا، و ارض عنا و أرضنا, ثم قال: لقد أنزلت عليَّ عشر آيات من أقامهن دخل الجنة»
«Аллаһым, бізге (уахиыңды) арттыра көр кеміте көрме, бізді (іліміңмен) құрметті ет әрі қорлатпағайсың, бізге бер де мақрұм қалдыра көрме, бізді өзгелерден үстем ет бірақ өзгелерді бізден үстем ете көрме, бізден разы бол және бізді де разы еткейсің»
,-деді де, одан соң:
«Расында маған он аят түсірілді, кім ол аяттарды ұстанса Жаннатқа кіреді»
,-деп айтты. (Абу Дауд, Тирмизи)
[علوم القرآن
📚
]
Мұнафықтардың басшысы болған Абдулла ибн Убай ибн Салул дүниеден өткенде ұлы Пайғамбарымызға ﷺ келіп, шапанын кебін ретінде беруін өтінеді. Пайғамбарымыз ﷺ шапанын беріп өзі де Алладан ол үшін кешірім сұрайды. Сол кезде Алла Тағала:
«Олар үшін Алладан кешірім тілесең де, тілемесең де бәрібір, тіпті олар үшін жетпіс мәрте кешірім тілесең де, Алла оларды кешірмейді … »,-деген Тәубе сүресінің 80-ші ескерту аятын түсіреді.
Сонда мейірім Пайғамбары ﷺ бәлкім бұл аятта Алла Тағала тек санды меңзеген болар деп тағы жетпіс бірінші рет Алладан Абдулла ибн Убай ибн Салул үшін кешірім тілейді.
Құранды Мұхаммед ﷺ өзі жазды дейтіндер үшін осы секілді ескерту аяттары бұл Құран Алланың сөзі екендігіне айқын дәлел болып табылады. Әйтпесе, адам өзінің кітабында өзі жайлы ыңғайсыз әрі ауыр ескертулерді жазуы қисынсыз, әрі ақыл оны қабылдамайды.
[
📚
نبأ العظيم]
Лаухул Махфуз - Алла Тағаланың жаратқан ең ұлы көріністерінің бірі және Алланың ілімінің кеңдігін, хикметінің және құдіретінің ұлықтығын білдіретін жоғарғы ұлы әлем.
Онда Алла Тағала бұйырған өткен және келешекте әлемде болатын барлық тіршіліктің тағдыры белгіленіп жазылып қойған.
[علوم القرآن
📚
]
Әдеп - күллі жақсылықтардың жолбасшысы, оны берік ұстану ең жоғары дәрежеге жетелейді.
[من أدب الإسلام
📚
]
Жүз жыл ілім алсаң да, мыңдаған кітап жинасаң да, Алланың Рахымына амалсыз бөленемін деп ойлама, Алла Тағала Құранда айтқандай:
وَأَن لَّيْسَ لِلْإِنسَٰنِ إِلَّا مَا سَعَىٰ
Әр адам өз еңбегінің ғана қарымын алады. (53:39)
[أيها الولد
📚
]
Жебірейіл عليه السلام уахи әкелген сәттен бастап, Пайғамбарымызға ﷺ уахиға қатысты мына қатардағы істер міндет болды:
• көңіл бөліп ой жүгірту;
• баяндау және жеткізу;
• ашықтап түсіндіру және талқылау;
• тәжірибеде іске асыру.
Пайғамбарымыз ﷺ Құранда амал етпеген үкім жоқ. Дәл солай Пайғамбарымыздың ﷺ ізімен кез келген кітапты оқығанда, осы ережені негізге алсақ, кітаптан алатын пайда неғұрлым көп болары анық.
[نبأ العظيم
📚
]
Пайғамбарымыз ﷺ айтады:
«Адамның дүниеден өткен шақта үш амалынан басқасы тоқтайды: үзілмейтін садақа не пайдалы ілім не салиқалы перзенттің дұғасы».
[
📚
تذكرة السامع و المتكلم]
قال النبي ﷺ : " يوزن يوم القيامة مداد العلماء و دم الشهداءِ"
قال بعضهم: "هذا على أنّ أعلى ما للشهيد دَمُهُ، و أدنى ما لِلعالم مدادُهُ"
Пайғамбарымыз ﷺ хадисінде: «Қиямет күні Ғалымдар сиясымен, Шәһидтер қанымен өлшенеді»
Кейбір Ғалымдар: “Шәһид үшін ең жоғарғы дәрежесі оның қаны, ал ғұлама үшін ең төменгі дәрежесі оның сиясы”
[
📚
تذكرة السامع و المتكلم]
Кейбір ғұламалар айтады:
Алланың кітабына деген насихат(шын-пейіл, жанашырлық), ол - Құран Алланың Кәламы екендігіне иман келтіру, Құранды лайықты дәрежеде ұлықтау, ұлықтығына лайық дәрежеде әр әріпінің хақысын беріп оқу, Құранды дұрыс оқуды жетілдіру және Құранды оқу кезінде Алладан қорқу, мағынасын өзгертушілерден қорғау, Құранға қарсы шектен шығушыларға бөгет жасау, Құранның ішінде жазылғанды растау, үкімдерін орындау, Құранның ілімдерін және мысалдарын түсіну, ішіндегі уағыздарға көңіл бөлу, ғажайыптарына ойланып, пікір қылу, үкімдеріне амал ету, муташабиһ аяттарды Аллаға тапсыру, жалпы-жалқы, насх-мансуһ аяттарын зерттеу, Құранның ілімдерін тарату және Құранды оқуға шақыру.
[تبيان في أدب حملة القرآن
📚
]