SHOFIRKON.UZ | RASMIY
🟦
🟦
🟦
🟦
🟦
“Yangi O‘zbekistonni yoshlar quradi” shiori ostida madaniy-ma’rifiy konsert dasturi bo‘lib o‘tadi.
Konsert mehmoni:
taniqli xonanda
OSMAN NAVRO‘ZOV
📅
Sana: 13-iyun
🕠
Vaqti: soat 17:30
📍
Manzil: Shofirkon tuman hokimligi ro‘parasi
Barchangizni mazkur konsert dasturiga taklif etamiz!
Keling, yoshlar bilan birgalikda unutilmas va ko‘tarinki kayfiyatdagi oqshomni qarshi olaylik!
Shofirkon tumani hokimligi axborot xizmati
#Xabarnoma
Ertaga tumanning
Savrak Bog’iafzal, Guliston, Tinchlik, Shodlik
mahallalarida elektr energiya ta’minoti vaqtincha cheklanadi.
Shofirkon tumani hokimligi axborot xizmati
📢
DIQQAT, E’LON!
Alisher Navoiy MFY, Qala’i Mir-Arab qishlog‘ida joylashgan 51-sonli davlat maktabgacha ta’lim tashkilotiga quyidagi lavozimlarga ishsiz fuqarolar tanlov asosida ishga qabul qilinadi:
1. Tarbiyachi
Ma’lumoti oliy yoki tugallanmagan oliy (kamida 3-kursni tugatgan bo‘lishi shart);
Mutaxassisligi “Maktabgacha ta’lim tashkiloti tarbiyachisi” bo‘yicha diplomga ega bo‘lishi lozim.
2. Yordamchi tarbiyachi
Ma’lumoti o‘rta maxsus;
Mutaxassisligi “Maktabgacha ta’lim tashkiloti tarbiyachisi”, “Yordamchi tarbiyachi” yoki pedagogik yo‘nalish bo‘yicha o‘rta maxsus ma’lumotga ega bo‘lishi kerak.
3. Oshpaz
Ma’lumoti o‘rta maxsus yoki qayta tayyorlov kurslarini tamomlagan bo‘lishi;
Mutaxassisligi “Oshpaz” bo‘lishi hamda kamida 2-razryadli oshpaz darajasiga oid kasbiy ma’lumotga ega bo‘lishi shart.
4. Musiqa xodimi
Kamida o‘rta maxsus musiqiy ma’lumotga ega bo‘lishi;
Mutaxassisligi “Musiqa” bo‘lishi shart.
5. Jismoniy tarbiya yo‘riqchisi
Kamida o‘rta maxsus ma’lumotga ega bo‘lishi;
Mutaxassisligi jismoniy tarbiya va sport yo‘nalishida bo‘lishi shart.
Ushbu tanlovda ishtirok etishni istagan fuqarolar 2026-yil 12-iyun kuni soat 14:00 da 51-sonli davlat maktabgacha ta’lim tashkilotiga o‘zlari bilan shaxsni tasdiqlovchi pasport hamda diplomning asl nusxalarini olib kelishlari so‘raladi.
📝
Test sinovi soat 14:30 da boshlanadi.
⚠️
O‘z vaqtida yetib kelmagan yoki tasdiqlovchi hujjatlarini taqdim etmagan fuqarolar tanlovdan chetlashtiriladi.
Shofirkon tumani hokimligi axborot xizmati
#Jarayon
Ayollar intellektual salohiyatini yuksaltirish – taraqqiyot sari muhim qadam
Shofirkon tuman Yoshlar markazida xotin-qizlarning bilim va ko‘nikmalarini rivojlantirish, ularning ijtimoiy faolligini oshirish hamda intellektual salohiyatini yuksaltirishga qaratilgan navbatdagi ma’naviy-ma’rifiy tadbir va uchrashuv tashkil etildi.
“Ayollar intellektual salohiyatini yuksaltirish” mavzusida o‘tkazilgan uchrashuvda ishtirokchilarga Yoshlar markazida yaratilgan sharoitlar, zamonaviy imkoniyatlar hamda faoliyat yuritayotgan turli yo‘nalishdagi to‘garaklar haqida batafsil ma’lumotlar berildi. Tadbir davomida xotin-qizlarning bo‘sh vaqtini mazmunli tashkil etish, ularni kasb-hunar, xorijiy tillar, axborot texnologiyalari va boshqa istiqbolli yo‘nalishlarga jalb etish masalalariga alohida e’tibor qaratildi.
Muloqot jarayonida bilimli va tashabbuskor ayollarning jamiyat rivojidagi o‘rni, zamonaviy dunyoda intellektual salohiyatni muntazam oshirib borishning ahamiyati haqida fikr almashildi. Ishtirokchilar o‘zlarini qiziqtirgan savollarga mutaxassislar tomonidan batafsil javob oldilar.
Tadbir doirasida xotin-qizlar o‘rtasida kichik shahmat musobaqasi ham tashkil etildi. Mazkur bellashuv qatnashchilarning mantiqiy fikrlash qobiliyatini rivojlantirish, strategik tafakkurni shakllantirish va intellektual salohiyatni mustahkamlashga xizmat qildi. Musobaqa ko‘tarinki ruhda o‘tib, ishtirokchilar o‘rtasida sog‘lom raqobat muhitini yuzaga keltirdi.
Mazkur tadbir xotin-qizlarning bilim va salohiyatini yanada rivojlantirish, ularni yangi imkoniyatlardan samarali foydalanishga rag‘batlantirish hamda jamiyatda faol fuqarolik pozitsiyasini mustahkamlash yo‘lidagi muhim tashabbuslardan biri bo‘ldi.
Shofirkon tumani hokimligi axborot xizmati
#Shofirkon
“Oʻzbekiston 24” teleradiokanali ijodiy jamosi tomonidan Shofirkon tumanidagi sanoat korxonalari faoliyati e’tirof etildi.
Shofirkon tumani hokimligi axborot xizmati
📍
SHOFIRKONDA “24/7” KO‘CHA FAOLIYATI O‘RGANILDI
“Oʻzbekiston 24” teleradiokanali muxbiri Elyor Goʻroʻgʻliyev hamda uning ijodiy jamoasi tomonidan Shofirkon tumani Chandir mahallasida tashkil etilgan “24/7” ko‘cha faoliyati o‘rganildi.
Ijodiy guruh tomonidan mahallada aholi, ayniqsa yoshlarning mazmunli dam olishi, bo‘sh vaqtini samarali tashkil etishi uchun yaratilgan shart-sharoitlar, ko‘chada yo‘lga qo‘yilgan xizmat va qulayliklar kadrlarga muhrlandi.
Shuningdek, mazkur tashabbusning mahalla hayotidagi o‘rni, aholiga yaratilayotgan imkoniyatlar hamda hududning obod va fayzli maskanga aylanishiga qo‘shayotgan hissasi haqida lavha tayyorlandi.
Shofirkon tumani hokimligi axborot xizmati
#Jarayon
Shofirkon tumanida xotin-qizlar bandligini ta’minlash, ularni kasb-hunarga o‘rgatish hamda dual ta’lim tizimini rivojlantirishga qaratilgan muhim loyiha hayotga tatbiq etildi.
Tumandagi “Parvoz xumo ravnaq trans” MChJ tikuv korxonasi faoliyati yo‘lga qo‘yilib, 200 nafar xotin-qizning doimiy ish bilan bandligi ta’minlandi. Mazkur loyiha kambag‘allikni qisqartirish, ehtiyojmand oilalar ayollarini daromad manbai bilan ta’minlash hamda texnikumlarda tahsil olayotgan yoshlarni dual ta’lim tizimiga keng jalb etishga xizmat qilmoqda.
“Oʻzbekiston 24” teleradiokanali muxbiri Elyor Goʻro’gʻliyev hamda uning ijodiy jamoasi tomonidan Shofirkon tumanidagi sanoat va tadbirkorlik subyektlari faoliyati o‘rganildi. O‘rganishlar davomida “Parvoz xumo ravnaq trans” MChJ tikuv korxonasida yaratilgan shart-sharoitlar, dual ta’lim tizimi asosida olib borilayotgan ishlar hamda xotin-qizlar bandligini ta’minlash borasidagi faoliyat bilan yaqindan tanishildi.
O‘rganish jarayonida Shofirkon tumani hokimi Mo‘min Amonov ham ishtirok etib, korxonaning ishsizlikni kamaytirish, xotin-qizlar bandligini ta’minlash hamda dual ta’lim tizimini amaliyot bilan uyg‘unlashtirishdagi ahamiyati haqida ma’lumot berdi.
Mazkur korxona faoliyati hududda kambag‘allikni qisqartirish va bandlikni ta’minlash borasidagi samarali tashabbuslardan biri sifatida e’tirof etilmoqda.
Shofirkon tumani hokimligi axborot xizmati